بصراحه أنا أنين )

[أم الوليد]

مسا الخير جميعا

من فترة بسيطة كنت بحضر ورشة تدريبية من اروع ماحضرت بحياتي ..هي تجربة مع النفس حبيت انقلها الكم حتى يستفيد الجميع ان شاء الله

كان محور الورشة هالاسئلة الي رح نطرحها هون...الهدف منها التخلص من المشاعر السلبية من خوف وكره وغضب وحزن ..بيحكي الدكتور انو دوم يتحدث الشخص عن انو يحب كذا ..يرغب كذا ..اتمنى كذا..لكن دوم نتجنب الحديث عن مااكره..اخاف..اقلق..

وبمجرد تحديدي للامور هذه الخطوة الاولى ..اما الثانية كوني اتحدث بها علنا لمجموعه من الناس..فهذا يعني انو انا في طريقي للحل..


* رح اضرب مثال في لتوضح الفكرة اكتر:

بس مش تضحكو علي عادي يعني انا هيك فعلا جاوبت بالورشة

- السؤال الأول: متى أخاف؟
بخاف من الصوت العالي..الحشرات ..البسس

- السؤال الثاني: متى أغضب؟
بس اكون بدي ارفض شغله وبقبلها عمضض



- السؤال الثالث: متى أكره؟
بس اعطي الشخص اكتر من فرصة ويرجع يعيد نفس الغلط

- السؤال الرابع: متى أبكي؟
بس اتذكر كيف كنا عيله



-السؤال الخامس: متى أخجل؟
وئت يمدحني حد او وسخ تيابي وانا باكل

- السؤال السادس: متى أقلق؟
بس حس انو الموضوع اكبر مني واكون مابدي الجا لحد..بقلق من حالي وعحالي..

- السؤال السابع: اسوء عيوبي؟
بنئ كتير عالشي الي بدي ياه..ومابحكي لا ابدا..مزاجيه جدا بجنون



لكن في الورشة طلب منا الاجابة بصوت مرتفع .وطبعا اكتشفنا انو اشيا تافهه جدا..كانت جوانا وباثر عحياتنا بطريقة سلبية..

فخلونا هون نجرب...وان شالله تكون الفكرة وضحت..ونستفيد منها كلنا...وكل ضيف يختار حد بعدو..