:: لتعليقاتكـــم حول روايهـ [أنت لي] ::

[PaLeStiNe FlOwEr]

فكرة حلوة دمعة

[PaLeSt!Ne SouL]

السلام عليكم

ما بعرف ليه ناسيـــن الموضوع

المهم

وليد اول شي كنت ماخدة عنه فكرة إنو طيب كتير

لكنه بالحقيقة كل العطف اللي أعطاه لرغد

ما بيساوي شي قدام الجرح اللي سببه لأروى

دخلت حياتها و دمرها و طلع فقدت إمها بسبب خطوبتها
اول ما إمها مرضت بسببه هوا

بتهمه مصلحته و رغد و بس

يعني اناني

دمر قلب أخوه و قلب حياته

لو ما كان بدو رغد ما كان رح يفرق معه شي

كان سئ بالمعاملة و تلاعب بمشاعر أخوه كتير

و ما شا الله عليه ملتزم و بيصلي و بيقرأ قرآن إلا عند رغد لا حدود

قليل إحترام للي اكبر منه إم حسام و كيف تعامل معها

متهور و عصبي بطريقة رهيبة

بيحكي عن نوار مغرور مع إنو شهم و أحسن منه بمليون مرة

ناكر للجميل نديم و أروى و خالها و كيف تركهم بالآخر

[نسمة دفا]

رواية انت لــي ::

من اورع ما قرأت بتجنن يعني { من الاخر

حبيتها كتير كنت لما اقرأ جزء حزين اتنكد لطول اليوم ولما اقرأ جزء حلو وبيفرح

كنت ازهئ اهلي في الوراية طول اليوم

وشخصياتها كتير حلوين خصوصا رغد وولــيد

وكتير كنت احب لما ينجن وليد لما يشوف رغد مع سامر

وكنت اتخيل حالي بينهم بس ما حدا شايفني وكنت انسى اني بالبيت

ومن كتر ما انهبلت منها كنت امشي بالشارع واتخيل شخصياتها واتحزر وليــد

ممكن يكون شبه مين ورغد ممكن تكون شبه مين

والشخصيات اللي بكرها هي اروى وعمّار ما ابيخ دمو كرهت الاسم منو

والشخصيات الحلوة كانت الام والاب واختها وخالتها ما اتقل
دمها علي عملتو بوليد

وكان سامر صعبان علي كتير

ولما ادخل ع المنتدى بروح بقرأ اخر فقرة في الرواية لما تجوزها

وبئعد اضحك وبدي اعيط عشانها خلصت

وما اكتر برمي وازا اتزكرت اشي تاني راجعة هع هع

ليـــــــــــــــــــــال تسلميلي يا رب << بحبك

[عين فلسطين]

انا مع دمعة
كل اسبوع مع شخصية

[.. ليآل ~]

ماشي متل مابلشت دمعه وحكت رأيها بشخصيه وليـــــد

كملـــــوا ياصبايا (:


//

وياريت الموضوع يمشي أسرع مشان ماتنسوا الأحداث

//


وليــــــــــــــــد

الصراحه شخصيه وليد حلوة كتير

ورغم انها شخصيه مركبه ومتناقضه الا انها اعجبتني

صحيح تسلطه احيانا وقسوته كانت تستفزني

بس كنت دايماً الائيله مبررات

حتى الاسلوب الي كانت الكاتبه تتبعوا في طريقه الحكي تبعت وليد كان يعجبني

كنت احس بالفعل انو كل شخصيه بتتكلم عن نفسها

بدون مايكون في يد وحده هي الي عم تنسج الأحداث

واسلوب وليد بالحكي كان يأثر فيني كتير

::

أكتر المرات الي كرهت فيها وليد

لما ضرب سامر

انا سامر اكتر واحد بالروايه كان يبكيني

كيف لما ينضرب من الطمبيئه وليد

وكمان لما ضرب اروى وشك فيها انها ئقعت رغد من فوئ الدرج

الصراحه استحقرته كتير

مش لهالدرجه يعني

بس كبر بعيني كتير كتير

على التضحيه الي ئدمها لأخوة ســآمر

وكيف ضحى كتير حتى يساعده ويحافظ على حياتو


::

من الآخر شخصيه وليد كانت حلوة

واحلى شي فيها انها متقلبه

يعني يوم بتتعاطف معها ويوم بتكرها



::

يلا ياثبايا

[نسمة دفا]

وليــــــــــد

بتجنن شخصيتو حبيتها بكل ما فيها

حتى لما كان يصرخ ع رغد كنت احكي زلمة بيطلعلو

b:

اكتر مرة حبيتو فيها لما قتل عمار اتخيلت منظرو وحكيت

معو حق زلمة والنعم ^^

ولا مرة كرهتو غير مرة وحدة لما تجوز الطمبيئة

والدبة اروى كنت اسب عليه صراحة

واحكي شو اللي حببها في رغد ما ابيخ دمو بعدين

ارجع بكلامي ههههه

وصراحة كنت ميته على شخصيتو لانها روعة وانا

حبيتها كتير كتير ^^


لو كان حقيقي كنت خطبتو ئبل رغد

[عين فلسطين]

وليد

صراحة وليد ما عرفت افهمو
اناني وعصبي ومزاجي
ما بيهمو حدا
بحس عندو تصرفات طائشة
لمن جرح اروى كتير نزل من عيني
ما بتهمو مشاعر حدا وكيف نزل ضرب باخوه

[.. ليآل ~]

ههههههههههه

ياحرامك ياوليد


//

يلا حبيباتي

بلشوا بالطمبيئه رغد

[PaLeSt!Ne SouL]

رغد

لو يصحلي اقتلها ما بقصر

أول شي كنت متعاطفة معها لما كانت صغيرة و كنت
أتضايق من دانة لما تزعلها
لكن هاي البنت هي الحساسة زيادة و مدلعة

ما بتقدر شو ينعملوا مشان راحتها

همهما تعمل اللي براسها

كانت دايما مغرورة بأنها أحلى من دانة

و الله بعتلها باللي احلى منها اروى و قهرتها

شخصيتها ضعيفة كتير كتير

و لكن بنفس الوقت تصرفاتها قاسبة كتير

قديش زعلت لما تركت سامر

مش بكفي كيف كان مستحملها

على تصرفاتها

و كمان أسلوبها مع وليد كيف كان سواء و هي زعلانة و لا راضية

هلأ هي بتحب وليد اوكي لكن زوجته كانت أروى
بصفتها شو تمسك ايده بالمزرعة؟؟

و لا تعطيه جواله و هو نايم؟
ما بتراعي هاد الشي

ما بتراعي إنو ابن عمها مش شئ تاني

كمان لنا تزعل منه يقطع شرها

بتقطع القلب و بتصير مسكينة

بتضلها تقول لوليد
إذا مش قد إنو يحمل مسؤليتها يوديها لبيت خالتها


و قليلة إحترام لخالتها مهما عملت ما بتصرخ عليها هي

ما بتقدر الظروف اللي براسها بدها تعمله

وقت ما اشترت فستان و إمها و ابوها ما كانوا بدهم ( يومخطوبة دانة"

ما راعت إنو الله يعينهم
منيح للي هم راضيين اضل عندهم و مسئوليين عني

اتبلت على اروى بوقعتها عن الدرجة
و لا لما راحت تعزيها بدون نفس

هلأ بالرواية عارف و حسام و سامر و و ليد
على شو بيحبوها مش عارفة

آخر شئ بدي أقوله الله يعين وليد رح يقضي حياته و هو ياكل بطاطا مقلية

إذا اتزكرت شي برجع

[نسمة دفا]

رغد وما ادراك ما رغد ...


كلها ع بعضها بحب شخصيتها صحيح هي دلوعة كتير

بس بحبها

بس ما حبيت لما كانت تحكي لوليد انو كذاب وتسب عليه

كنت احكي انها لازم توخد شوط عند امي عشان تعقل

بس والله بحبها كتير وكنت احب اكتر اشي لما تتقاتل مع اروى

بس كان في حركات ما لازم تعملها لانو خلص ككان ناوي يتجوز البنت

بس هي زودتها لما كانت توكل لحالها وتعمل كل اشي لحالها

وكانت شخصيتها ناعمة وحساسة

وكانت رومنسية كتير وامورة

وانا حبيتها