مع و لا ضد تعدد الزوجات؟هل تقبل هذا الأمر؟

[ابن الخليل]

المشاركة الأصلية كتبت بواسطة دمعة أسى قاهر الصعاب

مشكور ع صراحتك استمتعت و انا بقرأ بمشاركتك

و لفتت نظري لوسائل الإعلام و دورها بزيادة مشاكل العائلات

صدق كتير زوجات حين يفكرن بالإنتقام يأخدن أفكارهن من وسائل إلإ‘علام

نورت الموضوع

همسة العشاق~

نورتي الموضوع يا عسل
بس حبيت ألفت نظرك لشي و هو أن الإسلام لما أباح تعدد الزوجات ما اشترط سبب موجب لذلك متل عدم الإنجاب مثلا و غيرها من الأسباب
يعني بإمكانك تقولي أنو الرجال متساهلين شوي لأنوالغالب ما بتزوجوا إلا إذا كان في سبب

لازم نكون أكتر مرونة

مشكورة ع إبداء رأيك

مشكور ع صراحتك
آخر شي بحط رأيي


ياريت تخلي زوجتك الكريمة تقرأ ردك



أكيد إنت رح تنام برة البيت اليوم

ههههههههه

في رجال ع أول نقرة من
مرتوا بيهددها بدو يتزوج عليها
و لا بدو يطلع من البيت

صار مش حق للرجل يستخدمه لتحقيق المصالح التي شرع من أجلها هذا الحكم
بل أصبح سلاح للإنتقام و الإبتزار للمرأة
لأنه يعلم مدى حساسية المرأة لمثل هذه الأمور

ملاحظة: هدول مو رجال هدول أشباه الرجال

مشكورة أميرة



مشكورة توين سؤالك وجيه
وهي قسامي جاوب عليه

بس قسامي ما في متلك كتير

:shababsmile108::shababsmile108:

موأحسن من قليلي العاطفة

أساسا هاي نعمة ربنا فضلنا عليكو فيها

أنا معك أبو حهاد بالنسبة للأسباب

مشكور

اخت دمعة اسى العاطفة اشي منيح بس زيادتها و اله بتجيب مصايب عشان هيك عاطفة البنات وحتى عاطفة الشباب لازم تكون مضبوطة بضبط الشريعة

[فارس الوطن]

المشاركة الأصلية كتبت بواسطة دمعة أسى فارس الوطن

مشكور ع مرورك الطيب

بس لو أبوك قرر يتزوج ع إمك ( لا سمح الله ) شو بيكون شعورك؟؟

بيطلعلو .. حلال

وأنا عن نفسي لما اتزوج ان شاء الله ..بصراحة بتزوج ع زوجتي ان شفت وحدة تانية حلوة كتيير واخلاقها

عالية وعجبتني .. هههههههههه

[PaLeSt!Ne SouL]

المشاركة الأصلية كتبت بواسطة أبوجهاد الجعبري اخت دمعة اسى العاطفة اشي منيح بس زيادتها و اله بتجيب مصايب عشان هيك عاطفة البنات وحتى عاطفة الشباب لازم تكون مضبوطة بضبط الشريعة

مشكور كتير أبو جهاد
سعدت بمرورك

المشاركة الأصلية كتبت بواسطة دمعة أسى

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟
أنا من رأيي أنو أكتر شي بخافوا منه سمعتها بين الناس
طبعا كل الحق بطلع عالزوجة إنو هي مو موفرة طلباته و ما حاولت تسعده
حتى لو كان الرجل اللي مو منيح و الكل عارف هالشي عنو بيصير الكل يحكي عالزوجة !!!
خوف بعض النساء من ظلم الرجال خاصة و بيصير صعب يوفق بين بيتين فما بالكم لو تزوج 4
الغيرة و هاي فطرة بالمرأة ما بنقدر نغيرها لكن بنقدر نتحكم فيها
فكرة صعبة عالزوجة أنو يكون زوجها مشغول بغيرها
بتحب أنها تكون الوحيدة و هاد من حبها له مش أنانية

سبب حلوالزوجة بترفض زواج زوجها خايفة عالزوجة التانية منه
يعني بصراحة ما بدها حدا يغلط غلطتا و بتصير

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟
هل هي ضرة أو لا

حسب عقلية التنتين
ممكن تكون العلاقة طيبة جدا بينهم
لكن لا تخلوا من بعض المشكلات و طبيعي هالشي يصير
الزوجة العاقلة اللي بتحب زوجها بتحاول تسعده حتى لو كان بيضايقها الأمر
أما الزوجة اللي اقل عقل آخرتها على بيت أبوها

س3-وهل زواج الرجل من الثانيه معناه انه لم يعد يحب الاولى؟
لا أبدا أنا بعرف شب تزوج 4
عمره 28
لكن أكتر وحدة بيحبها الأولى
تعدد الزواج لا يعني بالضرورة إنو السبب فقدان حب أو عدم تلبية واجبات
بيكون بس بدو يعدد و هذا شي احله الله

لو كنت شب هل من الممكن أن تفكر بتعدد الزوجات؟؟
لو كنت شب ما رح أفكر فيه إلا إذا كان في سبب و خاصة الإنجاب

وهل تقبل لزوج أختك أن يتزوج عليها؟؟ أو ابوك أن يتزوج على أمك؟
عااااااااااااااادي
بس طبعا ما بروح عالفرح لازم أراعي مشاعر إمي و أختي
و بابا أساسا ما رح يعمل فرح ( هو قاعد بيخطط)


لو كنت بنت هل تقبلي بأن يتزوج عليكي ؟؟ما هو شعورك؟؟

عااااادي هالشي الله حلله
بكفي إنو ما أحمل ذنب اي شي يعمله لأنو ما تزوج غيري
بس شي مستحييييييييييييييييييييييييييل أقبله
أن أكون زوجة بالإسم ( معلقة) و ما يعدل بيني و بينها

طبعا أنا هاي إجاباتي بدون ما يكون في سبب للزواج كثل المشاكل اللي ذكرت سابقا

و الإسلام ما اشترط إنو يكون في سبب
بس لو كان في سبب بكون أهون عالزوجة الأولى
نصيحة للبنات إذا بدك إياه علي ( كرم الله وجهة) كوني له فاطمة( رضي الله عنها)

إمتزاج
حابة تكون معاي وحده نتسلى أنا وياها لما يكون مسافر والا بالشغل
بس ما تتسلوا بالمصارعة و لا شي متلها::ShababSmile2 21:
و الله إلك علامة كاملة
ما بعرف بشو أعلق عليها
إجابة ما شا الله عليها
تسلمي حبيبتي


ليال
تسلمي ع مرورك
بس اصلا انا من البدايه راح احاول اكسبوا لصفي ،، وما اخلي عيونوا تطلع لبرى

عشان ما يفكر بالضره ،،،

//

البائي بس ارجع

أنا بقول إنو الزوجة بايدها تخلي زوجها ما يفكر بالتعدد
بس في حالات قليلة بكون بدو يعدد بدون سبب

بانتظارك رجوعك

[haya-jor]

موضوع حلو والاحلى ردود الاعضاء .. قال البنات عاطفيات ولما يتزوجوا بصير الواحد كانو مطوب بأسمها ... هع

المهم رأي انا بالموضوع .. كلتالي :
انا بشوووف لما يكون الزلمه نسونجي زياده عن اللزوم مش راح يستنى يلاقي سبب لحتى يثني ويثلث
والدليل اي واحد بصير معو شووية قروووش بروح يدورلو على وحده يراهق معها .. الموضوع هاد راجع للرجل نفسو .. يعني اذا كانت مرتو مش مقصره بحقو ومقدمه له كل حقوقو وبتقوم ببيتها وولادها هون ما الو حق يتزوج عليها او حتى يسيئ الها .. لأنو لما الرجل يتزوج على مرتو هادي اهانه الها خاصتاً اذا كانت قايمه فيه بتلبي كل واجبتها .. وفوق الاهانه بتكسر المرأه من جواتها وكثير رح تأثر عليها وعلى ولادها لأنو السبب رح يكون واضح وصريح انو جوزها عافها وهون الوحده بتنجرح كرامتها ...

اما الرجل لما تكون مرتو لا سمح الله ما بتجيب ولاد او مريضه او مقصره فيه ومش مريحتو ابدا .. هون معو حق يدور على انسانه تفهمو وتعطي الي ما عطتو ياه الاولى من راحه وتفاهم وحياه هاديه ...

[Pink Rose]

المشاركة الأصلية كتبت بواسطة فارس الوطن
بيطلعلو .. حلال

وأنا عن نفسي لما اتزوج ان شاء الله ..بصراحة بتزوج ع زوجتي ان شفت وحدة تانية حلوة كتيير واخلاقها

عالية وعجبتني .. هههههههههه

يعطيك العافية !

الله يعينها اللي بدها تتجوزك

حتضل قلقانه يا حرام

ههههههههههههههههههه

[Twin]

المشاركة الأصلية كتبت بواسطة قسامي غزة


اقلك اختي توين
لو انا ما بخلف طبعا الله لا يقدر :shababsmile250:
وزوجتي حكت الي انا بدي اتطلق منك
بدي اتزوج غيرك بدي اجيب طفل
وطبعا لو هية مصرة علي هيك
وانا لقيت سعادتها انها تطلق مني وتروح تتزوج
انا مش هاقف بطريق سعاتها ابدا
وراح اسيبها تحقق سعادتها بزوج تاني
اذا ما لقت سعادتها عندي
هاد رايي بصراحة

صحيح كلامك اخ قسامي ,,, بس حابه احكيلك انو مستحيل


وحده تقبل تطلق من زوجها حتى لو كان مناها تجيب طفل ..


ببساطه لانو السيدة طبعها الوفاء وما بترضى تكسر قلب زوجها


حتى لو ع حساب سعادتها (-:

[.. ليآل ~]

بدي احكي شغلات متفرقه مالها دخل ببعض

//

اول شي الرجال مالهم امان ،، ممكن الوحده تئيد اصابعها العشره شمع ومايعجبوا ويفكر بالتانيه ،، والعكس صحيح

//

تاني شي ،، الرجل يا صبايا مو محتاج مبرر ليتزوج ،، هادا حقو بالدين والقانون ،،، اهم شي يكون ئادر انو يعدل في المبيت والنفقه

//

تالت شي ،، الوحده لما تتزوج لاتشغل بالها بزوجي راح يتجوز علي او لا ،،، تحط مخافه الله بين عيونها ،، وتعامل زوجها بما يرضي الله ،، وان شاء الله الله ما بخيبها

//

انا مش ضد تعدد الزوجات ،،، ومابيطلعلي اعترض على حد من حدود الله

بس في حالات كتير بيكون التعدد فيها مفروض

//

اي نعم بعض الرجال بيستخدموا التعدد كسلاح ،، او عقاب ،،،

وهادا الي خلى نظره النساء تصير قاتمه اكتر اتجاه هالموضوع

//

وبس

[.. ليآل ~]

يسلمو حبيبتي دمعه (:

[Princess of Sense]

بالنسـبة الــي ..

ضـــــــــــــــــــــــــــــــــــــــــــد

وبشـدة كمآن ولو في يوم من الآيــأم فكـر زوجي يتـزوج عـلي والله الا اقلبـها ع راسـه

اخـلي يندم عاليوم اللي تزوجنــي فيـه ,, والله ويامحـلآه يكـون معـي وبفكـر بوحـدة تآنيــة..!

اصـلاً يستحـي ع دمـه اكـون معـه ويطـلع ع غيـري حتى يفكـر يخطب ويتزوج والله !!

والله من الأول ما يتزوجـني ويروح يدورله ع وحــدة تمـلا عيـنه :@

مع انـه في نآس متل هيـك والله لو يتزوج اربـعة الا يضـله يفكـر يتزوج وما يملوا عينه ..

واللي متــل هيـك بدهم شــنق والله ..

ههههههههههههههه << عشت الجو أنــآ ^^

المهــم .. يسـلمو كتير حبيبتي دمـعة عالمـوضوع ^^

[بسمة الاسلام]

السلام عليكم ورحمة الله وبركاته انا بصفتي بنت ما بقبل انه يتزوج علي

يعني لو في شي عورة ولا اشي وما عندي ولاد ومانه مرتاح معي في العيشة عادي يورح بس طول ما انه كل شي موجود النظافة وولاد وكل طلباته منفدة بطلع روحهه في ايدي وعالمطرح ولا ايش رايكوا يا جماعة ههههههههههههههههه وبعدين ادا تزوج وكل شي موفرله كتير بتدايق اما ادا في نقص الله يساهل عليه .