هنآ // متابعة أخر التطورات لأسطول الحريــة ~

[أبو يقين]

حطم قيدك شيخ صلاح نادي الأمة

[قسامي غزة]

الله لا يجيبهم زمرة هالفاسدين

[almuhandes]

المحكمة الصهيونية تقرر الإفراج
عن شيخ الأقصى رائد صلاح بشروط

::

الشيخ بدا في المحكمة مبتسما
وضاء الوجه
راضي النفس

هكذا عهدنا بأبطالنا شامخون

::

شيخنا حمد لله على سلامتك أيها البطل

[almuhandes]

أنقرة - تركيا

أنقرة تقول أن تطبيعها للعلاقات مع تل أبيب
مرهون برفع الحصار عن غزة

::

أين هم أبطال التطبيع والتنسيق الأمني من قادة إبتليت بهم أمتنا......

[almuhandes]

الجزيرة الرائعة
في بث حي ومباشر
من أمام المحكمة في عسقلان
الشيخ البطل يغادر بأمان الله هو وثلاثة من رفاقة الأشاوس

الإفراج تم مقابل كفالة مالية
قدرها أربعون الف
فداك أنفسنا قبل مالنا يا بطل

[almuhandes]

الحمد لله فقد نطق (البكمون ) أخيرا

كيمون يدعو لرفع الحصار عن غزة
فورا

::

رب ضارة نافعة
سيل الدماء الزكي أضاء بوهجه
الكثير من النفوس المظلمة

[أمل]

المشاركة الأصلية كتبت بواسطة almuhandes

الجزيرة الرائعة
في بث حي ومباشر
من أمام المحكمة في عسقلان
الشيخ البطل يغادر بأمان الله هو وثلاثة من رفاقة الأشاوس

الإفراج تم مقابل كفالة مالية
قدرها أربعون الف
فداك أنفسنا قبل مالنا يا بطل

و قالت أيضا انها ستضعه تحت الاقامة الجبرية و انها ستمنعه من السفر الى الخارج لمدة 45 يوما

ههههههههههه و الله ضحكوني

هيها الصهاينة خضعو للضغوط التركية

يعني هما ما بيجوا الا بالقوة

والي قاعدين بدهم يرفعو شكوى لمجلس الامن بلاها شكواكم

خليكم ساكتين احسن

[أمل]

منع الدكتور باسم نعيم وزير الصحة من مغادرة قطاع غزة عبر معبر رفح للمشاركة في مؤتمر طبي علمي في الجزائر.وقالت المصادر التي رفضت الكشف عن اسمها “إننا لم نبلغ حتى الآن عن أسباب هذا المنع”، مضيفة أن ذلك يأتي بناء على دعوة وجهت له من اتحاد الأطباء العرب،

وأن المؤتمر سيناقش موضوعات طبية في زراعة القرنية والقوقعة والكبد وأمور أخرى.

و قد منع 30 شخصا آخرون دون معرفة الأسباب

[شهيد]

المشاركة الأصلية كتبت بواسطة أمل منع الدكتور باسم نعيم وزير الصحة من مغادرة قطاع غزة عبر معبر رفح للمشاركة في مؤتمر طبي علمي في الجزائر.وقالت المصادر التي رفضت الكشف عن اسمها “إننا لم نبلغ حتى الآن عن أسباب هذا المنع”، مضيفة أن ذلك يأتي بناء على دعوة وجهت له من اتحاد الأطباء العرب،

وأن المؤتمر سيناقش موضوعات طبية في زراعة القرنية والقوقعة والكبد وأمور أخرى.

و قد منع 30 شخصا آخرون دون معرفة الأسباب

باسم نعيم وعدد من الدكاترة معاه !
الهم زي اسبوع كل يوم بيقولوا بدنا نطلع .. بعدين اجا المؤتمر
وعده خلص ولساتهم بغزة !

حسبنا الله ونعم الوكيل

[لالا-فلسطين 48]

هالمرة أنا جبتلكم آخر خبر......

قامت بتغطيته "لالا-فلسطين 48" بنفسها... بل عايشته.....


خبر لا ترتقي حدته الى ما نسمعه ونشاهده هنا...

لكنه عمليات مترتبة نتيجة الاحداث الاخيرة......


طبعا اليوم كان يوم تخرجي من مسار الممتازين لكل الكليات العربية واليهودية في اسرائيل.....

ومتفق من قبل ما تصير الاحداث انه تكون مراسيم التخرج بمدينة اشدود (والبلد العربية اسدود)...

وبالرغم من الاحداث الا انه لا مكان ولا زمان "يوم التخرج".. تغيَّر!

طلعنا الصبح بكير واحنا متوقعين يصير اي اشي منهم.. وبنفس الوقت مش رغبانين من حقدنا والمنا علي صار، بالاضافة لصدمتنا من اللي صار (القصد أحداث الهجوم على الاسطول)..

لسوء الحظ انه الكلية اللي رح تقام فيها هالمراسيم هي كلية يهودية متدينة ومتطرفة جدا وبتكره اشي اسمو "عربي"..

أول ما وصلنا عالبلد (طبعا البلد بتجنن وخسارة كبيرة لفلسطين!!).. بدأت النظرات الحاقدة توجه الينا كوننا مجموعة عربية كبيرة مقارنة بالمجموعات الاخرى.. بل وتعمدنا ان نجتمع سوية لنبرز أكثر... مع العلم انه في اشخاص يهود لسه بيتصرفوا عاااااادي....... وبميزوش ولا عندهم هديك العنصرية المبالغ فيها!!!!!!!

بدأت أول المناوشات من قبل طالبات يهوديات متدينات (لدرجة التطرف) مع طالبات عربيات على قصة القعدة انو اليهوديات حاجزات كل السرب لناس لسه مش واصلة والقاعة تملّت ومفش محل للناس الواقفة......>>> عدَّت على خير

بعدين عملنا جولة في مدينة اشدود... اخدونا على مينا اشدود وشفنا هناك السفن... ولما سألنا المرشد اليهودي (يهودي شرقي متسامح كتييييييير).. عن السفن اللي احتجزتها اسرائيل... حكا انو كان فينا نشوفهن لو جينا من جه تانية (خسارة ان كان شفت وقائع الاحداث على ارض الواقع!!)....

وطبعا لما رحنا عالمتحف قسم كبير من العيون عبالها توكلنا اكل من الحقد اللي مبين بعيونهم...!!!!!!


اما الاحداث الاخيرة والاكثر جدية..

لما فوتنا عالكلية للمتدينين اليهود.. سمعنا زت حكي من مجموعة متدينات (حريديم)... بحكولنا: "موتوا.. موتوا.. موتوا.."...

متطرقثناش للموقف، بالعكس اخدناه بسخرية... وبيّن قديش طاقين منا!!!!!!!!


وضلينا هيك مجموعة بنات عربيات بارزة كتييييييير ومميزة (كنا بنجنن عهاللمة والتحدي)...

أما الاكشن فكان بآخر مراسيم الاحتفال لما طلبوا من الجميع يوَّقف على النشيد الوطني لدولة اسرائيل "التيكفا".....


فوتنا بدوامة كبييييييييييرة.... منوقفش متل ما عملوا البنات الممتازات قبلنا بسنة.. بس بالمقابل رح نواجه مشاكل الها أول ومالهاش آخر.. متل انه تحرمنا الدولة من الشهادة اللي صرلنا سنين بنتعلم علشان ناخذها من تحت راس هالدقيقة!!!


وطبعا كمان بحرمونا من التوظيف... لدرجة انه الحدث اللي صار العام الماضي لما موقفنش بنات كليتنا اعتبروه استهتار وعدم احترام من قبل الكلي وطلابها ووصلوا القصة للكنيست الاسرائيلي وضجة كبيييييييييييرة صارت!!!!!

ونتيجة لهالحدث... لقيناهم السنة هاي مكثفين الرقابة: كاميرات فوتوغرافية عمدار الوقت... وكاميرة فيديو 24 ساعة... لع وكمان ومركزين عطلاب كليتنا......


فاتفقنا بالاخر انه منعا من انو نفوت راس براس ونجيب ضرر كبييير ومضاعف هالمرة من تحت راس وقفة دقيقة....

انه اللي بدها تطلع برا القاعة وقت النشيد تطلع....

واللي بدها توقف تقرأ الفاتحة على روح شهدائنا!!!!

وبالفعل... طلاب كليتنا تصرفوا وفق هالخيارين... ولما شغلوا النشيد نزلت دموعهم من الحرقة اللي جواتهم... وقلة الحيلة :(

وكان كتييييييير مبين قديش كنا مراقبين زي اللي حاطين علينا، قدمنا وورانا جواسيس مراقبة!!!!!!


والمافجأة انه بناتا عربيات من كليات تانيات موقفنش ومطلعنش برا القاعة... صاروا عارفين مين هني (على قولة مركزنا المسؤول عنا)!!!!!



اطلعوا لوين يهود خَيـْـــــبـــَـــــر........

وراك.. وراك... حتى بهاي الشغلاااااااات!!!!!!!!

يقطعهم كيف مسيطرين عكل الدنيا...... وكل الدول بصفهم...خصوصا عقلوب العرب الضعيفة وعقولهم الهشة!!!!!!!

ان شاء الله يتغير الوضع 180 درجة بعد هالاحداث... ويكون في اشي عنجد ملموووووووس!!!!!


وهاي قصتي بهاليوم اللي مش عارفة كيف مر!!!!!!!