نقاش بين الشباب والبنات

[alaa_sabbah]

هلا سيبونا من التلطيش و السكاعات
ما النصيحة المقدمة للاهل تجاه ابناؤهم
يعني في أهالي بيحكو خلوه يطش و يتزعرن عشان يطلع فصح و جدع
طيب اذا الناس شافو بيعمل عمايل سودة مش لازم يحكو لاهلو او على الاقل ينصحوه
انتو يا بنات شو رايكم
لو وحدة فيكم تعرضت لمضايقة من ابن بلدها او ابن الجيران
برأك يا بون بون تضلي ساكتة و ما تحكي لحدا
ولا بحكي للماما عشان تحكي للبابا
طيب انا صار معي موقف مشين بحكيلكم اياه بعد الرد على هاد

[ابو جروح]

دلوعه انتي ليش دايما بتحكي انه الغلط دايما من الشباب بتعرفي كمان البنات بيغلطو دايما الشباب هم سبب لأ يا ماما كمان البنات هم السبب يعني البنات يلبسن امنيح ويحتشمن ماحد بيجي فيهن بصراحه البنات هن الي بيجبني البهدله لحالهن

[أحلى غزوية]

لا يا أبو الجروح حتى البنت المحتشمة بترحركشوا فيها

[Banbon]

ابو جروح يا دفش ........انا حكيت انه في بنات بيغلطو......بس الشباب بيغلطو اكتر......بعدين انت ليه ما بتعترف ....؟؟؟؟
و الله انا بشوف انه في شباب بكونو بيلحقو البنت حتى لو كانت مستره ..... و اوقات بتكون الوحده مع لبوها و برضه ما بيستحو........
لا تنكر هالشي و لا تضل تدافع عالفاضي لانه اذا انت ما بتعمل هيك فغيرك بيعمل و مو هامه حدا...

[Banbon]

و الله انا صار معي هالموقف مع ابن جيراننا .... والمهم حكيت لبابا و يا حرام الولد انضرب كف بنص الشارع من ابوه .... و صار يحقد علي و كل ما يشوفني بيجحرني بنظره بترعب...... و من وقتها ما حدا من الجيران مسترجي يطلع فيي و بيحسبولي الف حساب ...مع انه باقي بنات الجيران بتعرضو لمضايقات من الشباب جيراننا مع العلم انه هالشب بكون صاحب اخو البنت و مع هيك بيضل يدايقها ....و طبعا كل البنات ساكتات ....و السبب انه بتكون الوحده خايفه ينحط الحق عليها.......و فعلا هيك بيصير بمجتمعاتنا و الدليل اللي قاله ابو جروح ............

[السفيرة]

انا رح ارد عليكي بن بون انا بعمرك وبطلع مع صاحباتي بتعرفي دبي فيها كل شي ترفيهي بنطلع بنلعب بنمزح بناكل بنسوي كل شي بس بنكون ما شيين بكل احترام الا مايلطشوا بتطنشيهم مابيخرسوا بضلوا بعوو متل الكلاب ولا بيخرسوا ولا كانوا عندهن كرامة عفوا من اللي بامنتدى بس مو كلهم وانتي بتقولي في بنات بس مو كتير والشاب اكتر صح بس البنات بعجبوا بس نكون هناك مو طبيعين صاروا العن من الشباب بس مو كلهن طبعا الشباب والبنات صارو بنفس المستوى بها الايام

[السفيرة]

علاء عنا هون بدبي الناس مو كتير في اختلاط بينهم وماحد بتدخل بحد من شان الاهالي هلق عنا خلص الحرية لازم تكون والله خليهم يطلعوا يسوو اي شي المهم ههمي ينبسطوا في هيك بفكروا وفي بقولو لا والله لازم مايطلعو الا رجلي على رجلهم انا بشوف هدا غلط لللوقت الحاضر واللي بفكروا هيك غلط لانو لالزم الحرية اول شي بعد الادب والاخلاق طبعا انا عندي نصيحة للاهالي لايشدو الحبل ولا يرخو متلا اهالي بتركوا ولاد على حريتهم والحبل مرخي غلط هيك كتير اوفر او اهالي يحرموهم من الطلعة والحبل مشدود كتير كمان غلط اما لا يرخو ولا يشدو هذا احسن حل انا خير المور الوسط لي مايكونو معتدلين الولاد يعملو الشي من قدام اهاليهم احسن مايعملوا من وراهم وكل ممنوع مرغوب طبعا اما اذا كانت التقة موجودة وهي لازم تكون موجودة وهي احسن حل لحل كل المشاكل بطرق مختصرة فانا مع الحرية وضد كتمان النفس وعدم الحرية

[Banbon]

انا معك يا سفيره.........

[أنين]

عفوا بدي أدخل .........
الموضوع مو بس بدبي بسير بكل مكان حتى هون بقطر بسير وللاسف مافي شي ممكن وقف الشباب يعني بيسمع حكي من هون من الجه التانيه بطلعو
يعني أنا بدي أسئل كل شب لو أختك تعرضت للمواقف الي بتسير بالوقت الحاضر .....
بس بدي أياكم ئبلل ما تعملو هيك شي أتخيل أختك مكان البنت الي أعاد بتلطشها والله راح تخجل من حالك.... والسب الي بيعمل هيك يمون واثق أنو راح يجي يوم وينعمل لأختو نفس الشي

[أنين]

عفوا بدي أدخل ......... الموضوع مو بس بدبي بسير بكل مكان حتى هون بقطر بسير وللاسف مافي شي ممكن وقف الشباب يعني بيسمع حكي من هون من الجه التانيه بطلعو يعني أنا بدي أسئل كل شب لو أختك تعرضت للمواقف الي بتسير بالوقت الحاضر ..... شو راح تعمل بس بدي أياكم ئبلل ما تعملو هيك شي أتخيل أختك مكان البنت الي أعاد بتلطشها والله راح تخجل من حالك.... والشب الي بيعمل هيك يكون واثق أنو راح يجي يوم وينعمل لأختو نفس الشي