هنآ // متابعة أخر التطورات لأسطول الحريــة ~

[لالا-فلسطين 48]

وهالمرة من بلدي: "باقة الغربية".........!!!!!!!!!!



احتشد العشرات من الغاضبين من مختلف القوى والأحزاب السياسية والدينية والوطنية في باقة الغربية وجت ظهر اليوم أمام مسجد أبو بكر الصديق وسط المدينة للتعبير عن غضبهم الشديد جراء المجزرة التي ارتكبها سلاح البحرية الإسرائيلي بحق اسطول الحرية المتجه إلى غزة فجر اليوم والتي راح ضحيتها خمسة عشر قتيلا وعشرات الجرحى من بينهم الشيخ رائد صلاح رئيس الحركة الإسلامية في الداخل الفلسطيني.


وحمل المحتشدون الشعارات المنددة بالعدوان الإسرائيلي...

وردد المتظاهرون شعارات تشجب الجرائم الإسرائيلية........وتعيب الصمت العربي المطبق إزاء ما تقوم به إسرائيل من جرائم بحق الأبرياء ونشطاء السلام والأهالي في قطاع غزة.

وأشاد المتظاهرون بالموقف التركي المتمثل برئيس الوزراء رجب طيب اردوغان تجاه القضية الفلسطينية...... داعين زعامات الدول العربية بأن يحذوا حذو الدولة التركية وإنهاء المساومة على الشعب الفلسطيني الأعزل.


































* * * * *

ألز اشي الطفل اللي بآخر صورة.. لابس بلوزة عليها صورة الشيخ رائد :)


/



أهالي باقة يجددون بيعتهم لغزة ويشجبون الجرائم الاسرائيلية


شارك المئات من أهالي باقة والمنطقة في التظاهرة الحاشدة التي انطلقت من مسجد اي بكر الصيق.. والتي دعت إليها مختلف القوى السياسية والحركات الوطنية والإسلامية في باقة للتنديد بالمجزرة الإسرائيلية..


كما رفع المتظاهرون الأعلام الفلسطينية وصور الشيخ رائد صلاح..


وردد المتظاهرون شعارات مؤيدة للشيخ رائد صلاح والرئيس التركي رجب طيب اردوغان لموقفه المشرف تجاه كسر الحصار عن غزة المتمثل بإرسال اسطول الحرية إلى القطاع المحاصر.


وشجب المتظاهرون دور بعض الدول العربية وزعمائها الجبان تجاه قضية كسر الحصار عن غزة واستنكروا تواطئهم مع القضية الفلسطينية ومساومتهم عليها مع الاحتلال الإسرائيلي.



هاي المسيرة اللي انطلقت بعد المغرب واللي كان نفسي اشارك فيها بس مغدرتش اعرف اي وقت رح تنطلق :(













* * * * *


الله يقويكو يا شباب بلدي لنصرة الحق!!!!!!!!

الله يهونلكو دربكو يا مرابطين!!!!!!!!

والله يتغمدكو برحمته يا شهداء!!!!!!!

والله يفك حصاركو يا أهل غزة الابرار!!!!!!!!

[حسام المصرى]

ليه الاحباط ده بس يا نور ......

تفاءلوا بالخير تجدوه ..

بإذن الله ناخد حقنا .. ومتوقعش أن العالم هيسكت ..

أردوغان بيخطب خطبة جامدة جدا حاليا على قناة الجزيرة

اتفرجى ..

[.:.!دموع الرحيل!.:.]

انا ما قلت لأنه هني عندهم قيم ..

يا نور ..

بس لأنه الي صار بضرهم وبصب بمصلحة غزة !

خصوصا انه هاي السفينة بالذات ..

صار الها ضجة أكتر من السفن الماضية كلها ..

يعني هلأ هني جذبوا الانظار لحصار غزة بشكل أكبر من أول بكتييييييير !

بهالعملة ..

بينما لو مرقت السفن وطلع الخبر بطرييقة عادية

ما كان صار هالضجة كلها !

بس بجد أغبى مما كنا منعرف حتى .. !

بالنسبة للأتراك ..

نحن ما حكينا رح يقوموا هلأ يعلنوا الجهاد ..

بس إلهم مواقف وعلى رأسهم أردوغان

مواقف مشرفة .. وعمتتحسن وإلى الأمـام ..

يوم عن يوم ..

ربنا يهديهم للحق .. وينصر أهل الحق فيهم ..

..

لالا /

الله يحميكم يا رب

بس انتي بالاراضي المحتلة ؟

كيف سامحين الكم ترفعوا اعلام فلسطين ورايات حماس ؟!

غريبة ..

ربنا يحميكم ..

والولد الصغير بجنن بدي من الكنزة :>

[لالا-فلسطين 48]

المشاركة الأصلية كتبت بواسطة .:.!دموع الرحيل!.:. انا ما قلت لأنه هني عندهم قيم ..

لالا /

الله يحميكم يا رب

بس انتي بالاراضي المحتلة ؟

كيف سامحين الكم ترفعوا اعلام فلسطين ورايات حماس ؟!

غريبة ..

ربنا يحميكم ..

والولد الصغير بجنن بدي من الكنزة :>

هلا دموع..

صح انو عايشين بالاراضي المحتلة وتحت وطأة الاحتلال.......

واسرائيل الدولة الديمقراطية، كما تعرف نفسها، كانت بحقبة من الزمن عندها حتى كلمة "فلسطين" ممنوع تنحكى....

بس شوي شوي بلشت هالسيطرة تخف، مع منح حرية اقامة احزاب عربية تعتنق المبادئ اللي بدها اياها طالما لا تهدد كيان الدولة فعليا....

وهالاعلام اللي شايفتيها والصور والشعارات والمسيرات والمظاهرات..

يمكن هاد آخر اشي بنسمحلنا انو نقوم فيو...... بس اشي ابعد من هيك منحلم فيو حلم...

لانو ساعيتها مش رح ننفذ من قبضتها للدولة....


بس كمان رفع الاعلام لساتو مش عخاطرنا..

يعني ازا تواجدتي في بلد يهودية او بمؤسسة تابعة للحكومة الاسرائيلية حتى لو كانت عربية.. هناك بفرض انه يرتفع علم اسرائيل.. واكيد علم فلسطين مش وارد هالاحتمال...



بس لا تنسي كمان انه انا عايشة ببلد كلها عربية.. يعني مش مختلطة لانو الوضع بكون اصعب شوي عند العرب اللي عايشين بمدن مختلطة (عرب- يهود)!!!!


* * * * *

بس العمل العدوان القبيح اللي عملتو اسرائيل امبارح عنجد غيّر الموازين...

وفضح اسرائيل عالملأ متل ما كنت تحكي..

لدرجة انو اعلام فلسطين انرفعت امبارح من قبل شبان عرب متضامنين مع شبان يهود واعضاء كنيست يهود امام مقر الوزارة الحربية في تل- أبيب..

وهاي اقتباس للخبر اللي نشرته احد المواقع المحلية بالـ 48:

وكان من بين المشاركين بالمظاهرة عضو الكنيست من الجبهة الديمقراطية للسلام والمساواة، د. دوف حنين الذي قال: "حكومة نتنياهو، براك وليبرمان تتحمل وحدها المسؤولية الكاملة عن الجريمة البشعة بحق نشطاء السلام، وأنا هنا لا أخوض بالتفاصيل الدقيقة أو حيثياتها فمن يرسل تحت جناح الليل جنودا للسيطرة بالقوة على سفينة تحمل مئات الركاب، هو الوحيد الذي يتحمل المسؤولية عن العواقب مهما كانت."

وأضاف حنين: "المقلق بالموضوع هو أن هذه الجريمة لم تكن إلا نموذجا للشكل الذي تفكر وتتصرف به هذه الحكومة التي من المفروض أن تتخذ قرارات مصيرية يتعلق بها مصير المنطقة بأسرها."

وأنهى حنين حديثه قائلا: "في هذه الظروف بالذات صار من الملح أكثر أن نكثف التجنيد لمظاهرة يوم السبت القريب لنقول في الذكرى الـ 34 للاحتلال: كفى، كفى للاحتلال للحصار والجدار والاستيطان، معا من أجل سلام عادل وشامل يضمن الاستقرار في المنطقة."

وكمان الاشي مبين بالصور..














ازا بتلاحظي انه اللي رافعين الاعلام الفلسطينية وسط الحشود الكبيرة من اليهود همي شباب عرب ولابسين الكوفية الفلسطينية عرقبتهم كمان!!!!

وعلم اسرائيل اللي مرفوع.. بدك النجمة اللي عليه مكتوب كلمة "سلام" (بالعبري)!!!!

[أمل]

كلامك يا نور واقعي و صحيح مية بالمية

يعني نحنا بنتوقع أي اشي من الصهاينة خاصة ضد العرب و المسلمين

بس زي ما حكت دموع ما توقعنا هالهجوم لان القافلة فيها مدنيين من دول غربية

يعني أقصى حد كنا متوقعينو ايقاف السفن و توجهيها لميناء أسدود

يعني مش قتل

.
.

بالنسبة للخطابات و ما جاورها

بنعرف إنو ما بينوبنا منها شي،، أما مجلس الأمن و الامم و العرب متعدوين لا قرارت حتى مشان تنفذ

و لا حتى تركيا ما بننتظر منها قرار راح يقلب الموازين بعد الأحداث لأنو مسألة المصالح المشتركة و زي مااعلنوها بيضل إلها المرتبة الاولى

بس بيضل الموقف التركي أحسن من تبعنا..

و قيادة تركيا للأسطول البحري لكسر الحصار عن غزة كشف كثير أوراق للصهاينة..

و لما بنحكي انو الكيان الصهيوني أثبتت حماقتو ..ما بنحكي أُثبتت لحكومات..بس بنحكي عن شعوب الي مضللة باعلام متصهين

و على فكرة يا نور ما تستغربي من التعتيم الاعلامي بفرنسا أو غيرها إن كان في دول عربية أصلا

الحيادية ما جاءت من بني جلدتنافكيف بالغرب..

تعي عنا نحنا الدنيا مقلوبة رأسا على عقب بس مش من الي حصل

هههههههه مهرجان موازين قالب الدنيا و لا حدا فاضي

..

الله المستعان بس

[نور الهدى]

لا اله الا الله

اولا مش احباط يا حسام .. هي مجرد واقعية ^^

بعدين من متى الخطب نفعتنا بشيء ؟

كله كلام .. من عشرات السنين و هما قاعدين يحكوا و بس .. وين العمل ؟؟

هاد اللي بقصده ..

//

دموع مش شغلنا ازا اغبياء او مش اغبياء .. بيضل هالعمل مشهد من مشاهد الغطرسة ..

يعني هلأ هني جذبوا الانظار لحصار غزة بشكل أكبر من أول بكتييييييير !

بهالعملة ..

بينما لو مرقت السفن وطلع الخبر بطرييقة عادية

ما كان صار هالضجة كلها !

بس بجد أغبى مما كنا منعرف حتى .. !

يعني ازا الحرب في حد ذاتها ما حركت الناس اكثر من ذي قبل كيف بدك مجزرة زي هيك تجذب

اكيد الناس رح يغضبوا و يتظاهروا اوكي ما حكينا شي .. لكن رح ينسوا .. و حتى لو ما نسوا .. رح يصير شيء عادي

و يا ستي اسرائيل هيها قاعدة على قلوبنا و بتعمل زي ما بدها لانها مؤيدة من العالم اجمع شئنا ام ابينا ..

و هي لا بهمها الرأي العام و لا رأي الناس فيها ..

فهمتي قصدي ؟

[§عاشقة غزة§]

صح كلامك دموع الرحيل
ما راح يصير اكثر من الي صار ولا الي صاير
لكن الصفعة ولا قوية ها المرة لاسرائيل
لانها بهيك اعتداء وتصرف فضحت حالها
وكشفت اوراقها ونشرت غسيلها الوسخ

الحمد لله على سلامة شيخنا الجليل
ومثل ما الله نجاه من الاصابة
راح ينجيه من الاعتقال هو ومن معه
الله يحفظهم ويحميهم

[§عاشقة غزة§]

مغربية في أسطول الحرية




المناضلة المغربية كنزة اليزناسني..
التي تواردت الأنباء عن إصابتها بجروح ضمن مناضلي..
أسطول الحرية في شاطئ غزة التي هاجمها جيش الاحتلال الصهيوني ..
Monday, May 31, 2010

**********************

مئات المغاربة ينددون بالاعتداء على أسطول الحرية

الرباط - وكالات

Tuesday, June 01, 2010

تظاهر مساء أمس الاثنين مئات المغاربة بوسط العاصمة الرباط احتجاجا على هجوم إسرائيل على قافلة المساعدات الإنسانية التي كانت متجهة إلى غزة مما أدى إلى مقتل أكثر من عشرة نشطاء مؤيدين للفلسطينيين.

http://www.youtube.com/watch?v=B67uSri8SmQ

[حسام المصرى]

ممكن كنا نعتبرها واقعية لما الاعتداء كان على فلسطين بس . وده لان العرب خيبة ..

لكن دلوقتى تركيا واليونان وأسبانيا وناس من كل مكان فى العالم .. يعنى والله الوضع ما هيعدى بسهولة أبدا ...

وادينا هنشوف

بصراحة أردوغان خطب حتة خطبة من الأخر ..

وقال أن زى ما صداقتنا قوية باسرائيل فإن عدواتنا أكبر..

وهذا يكفى

[نور الهدى]

المشاركة الأصلية كتبت بواسطة حسام المصرى ممكن كنا نعتبرها واقعية لما الاعتداء كان على فلسطين بس . وده لان العرب خيبة ..

لكن دلوقتى تركيا واليونان وأسبانيا وناس من كل مكان فى العالم .. يعنى والله الوضع ما هيعدى بسهولة أبدا ...

وادينا هنشوف

بصراحة أردوغان خطب حتة خطبة من الأخر ..

وقال أن زى ما صداقتنا قوية باسرائيل فإن عدواتنا أكبر..

وهذا يكفى

طيب شو هي ردود الافعال من اليونان و اسبانيا ؟؟؟

اصلا تفتكر انه من مصلحتهم انه يكون في ناس مهتمين بهالقضية اساسا ؟؟

//

عجيب والله

اتعجب من اللي قاعدين يستنوا يكون في ردود قوية على عملة اسرائيل

مع انه لهلأ الصمت هو سيد الموقف .. باعتبار ردود الافعال السابقة مجرد كلام

و هيني عم بستنى معك ^^

بس خايفة عليك تصاب بخيبة امل

لانها بهيك اعتداء وتصرف فضحت حالها
وكشفت اوراقها ونشرت غسيلها الوسخ

:)

من زمان غسيلها منشور .. هي جت على هاي ..!