طفولة عضو من منتديات شباب فلسطين ~{دمع المطر }

[Arabian girl]

ههههههههههه زعلتني ع اخوك يا ابو محمد
راحت التهمة عليه :(

بانتظار وردة فلسطين ^^

[الفتاة المشرقة]

شكرا يا محامي الدفاع :shababsmile221:

و الله السخونة مأثرة ع الذاكرة عندي

هههههه

سلامتك ما تشوفي شر

ننتظر فلسطين فلور

[PaLeStiNe FlOwEr]

هيني جيت

انتظروا الاجابات

[PaLeStiNe FlOwEr]

1-اوصف لنا طفولتك(بالتفصيل)؟
طفولة حلوة،، كنت مشاغبة كتيييير لدرجة انوا لما ما أبين يعرفوا اني بعمل جريمة،، وكانت شخصيتي فيها عكس هلأ تماما...


2-هل تتمنى ان تعود طفلا؟ولماذا؟
حلوة الطفولة كتير بس أكيد كل مرحلة عمرية الها وقتها،، خلينا نجرب باقي الأعمار


3-هل كنت طفلا مدللا؟
اها،، احنا كنا واحنا صغار بس 3 بنات فكانوا أهلنا كتييير مدليلينا،،


4-هل ممرت بصعوبات خلال فترة طفولتك؟
هلأ انا من مواليد الكويت وبعد الغزو سافرنا ع الأردن وعمري سنة وبابا ضل بالكويت،، فالصعوبات كانت انوا هو ببلد واحنا ببلد بس الحمدلله الله لم شملنا،، صحيح بعد سنين طويلة بس الحمدلله..


5-هل كنت طفلا هادئا ام خجولا ام مشاغبا؟
مشاغبه كتييييييييييييييييير وكانت تيجي علي اوقات هادية بس برضوا صفت الخجل لازمتني بجميع المراحل


6-اذكر لنا حادثا مر بك خلال طفولتك ولم تنساه للان؟
كتيييييير مواقف بس أكتر شي يوم ما ماما ولدت أخي حمساوي وأفتخر* عشان كان أول أخ النا فكنا كتييييييييييير فرحانين ومبسوطين،،

وكمان لما كنت بالصف التالت تقريبا سمحوا بالكويت كروت الزيارة وكانوا أول مرة بسمحوها من بعد الغزو فـ بابا عمللنا كرت زيارة عشان نسافر عندوا بالصيف ويوم السفر لما صبحنا الصبح كنا فاتحين التلفزيون فجأة فقع التلفزيون وبطل يشتغل وطفت الكهربا فبابا قال بالمال ولا بالعيال وبعديها ماما صار بطنها يمغزها وراحت ع المستشفى فإطرينا نأجل السفر كم يوم ولما اجا تاني موعد رحنا الصبح عند دار جدي أهل بابا وكانت ماما بتحكي مع خالتي على التلفون بغرفة الضيوف وما لمحت الا أخي الصغير كان عمروا تقريبا سنتين فات البلكونة قامت تدخلوا ولا لقتوا متعربش ع السور تاع البلكونة وكان رح يوقع ودار جدي بالطابق الرابع نزلتوا وجابتوا وماما اجت لعنا ولا كانت ستي بتصرخ لأنوا شقت التوأم تبعوا كان متعربش ع المغسلة ولما اجت ستي تنزلوا خبط تموا بالمغسلة وصار ينزف دم،، كل هاد صار بنفس اللحظة بعدين عمتي حطتوا بحضنها ولا ما نلاقي سنوا اللي كان يا دوبوا طالع واقع ع بلوزة عمتي وضل سنوا مكسور لحد ما صار عمروا 8 أو 9 سنين لطلع وأجلنا السفر يومين كمان عشان النفسية تهدا ونتأكد ماما رتاحت بس الحمدلله بعدها سافرنا على خير...


7-اين كنت تقضي معضم وقتك؟
ع التلفاز أو بلعب انا وخواتي أو بعمل جرائم..


8-لعبتك المفضلة؟
بيت بيوت وألعاب كتييييييييييرة


9-هل كنت طفلا اجتماعيا ام انطوائي ولا تحب اللعب والمخالطة؟
لا كنت اجتماعيه بس احيانا لما الفيوزات تضرب بصير انطوائية


10-لديك اصحاب من الطفولة؟وهل بقيت معهم ام باعدتكم الاقدار؟
هما موجودين بس بالأردن وبشوفهم لما أنزل زيارة بس صرلي سنتين مو مسافرة وما شفتهم..


11-هل كنت تحب افلام الكارتون؟وما هو كارتونك المفضل؟
كتييييير والله كلها كنت أتابع...


12-كيف كانت علاقتك باخوانك واخواتك؟
حلوة كتير وممتعة


13-ما هو اصعب موقف حدث لك في طفولتك ولم تستطع نسيانه؟
مرة كنا عند ناس جيران أهل ماما وكان عندهم مراجيح كان عمري تقريبا 4 أو 5 سنين وصرنا انا وخواتي وبنتهم نلعب فبنتهم اقترحت انوا نركب الزحليئا مع بعض وكانت الزحليئا صغيرة فركبت هي وأختي الكبيرة جنب بعض وانا كنت جنبهم وكنت على الطرف يعني نصي برا وأختي الصغيرة ركبت بحضن بنتهم ولما اجينا نتزحلق وقعت لبرا وصارت ايدي ترتعش وتنزل دم وما كانت مجروحة يعني ما في اي فتحة كان يطلع الدم من المسامات الصغيرة بعدين ودوني ع المسشتفى وطلعت ايدي مكسورة ونمت بالمسشتفى ولما اجوا يفكوا الجبص صرت أصرخ صارت ماما تقول أكيد فتحتولها ايدها والدكتور يحكي لأ ما في شي بعدين طلعوا عنجد فاتحين ايدي ولهلأ مبين خط ع ايدي وطويل كمان... على فكرة هي ايدي اليسار..




وكمان مرة بعرس ابن خالتي كنت بالصف التاني اجت عنا خالتي التانية وكانت متزوجة جديد فعملتلنا شعرنا وكانت عم تعمل لماما شعرها فماما طلبت مني اجيبلها علبة فيها البكل اللي بكون عليها خرز ملون وكان في منهم عليهم ورد فرحت جبتلها علبة الابر والخيطان وقاتلي ماما مو هي وانا رايحة أرجعها للعلبة وقعت من ايدي وكل شي وقع من العلبة ولميتهم ولما جبت لماما العلبة اللي بدها اياها كان في ابرة على الارض انا مو شايفتها ورحت دعست عليها ودخلت برجلي حاولت اشيلها لأنوا كان نصها برا رحت كسرتها فضل نصها برجلي وانا ما حكيت لحد ضليت ساكتة وبعد شوي ماما قالت روحوا سكروا البرادي كنا بدنا نطلع فصرت امشي ع رجل وحدة وبابا بقولي شو مالك رحت قولتيلو بكل برود في ابرة برجلي راح عصب وصار يصرخ خاف انوا الابرة تمشي مع الدم وتسممني وشاف رجلي لقاها معلقة راح ربط رجلي ورحنا وصلنا ماما وخالتي وخواتي ع العرس ورحت انا وبابا وزوج خالتي ع المستشفى وفتحولي رجلي وشالوها للإبرة كانت غازة بالعضمة بس قالوا هيك ولا انها تمشي بالدم وقبل ما يشلوها غزوني 3 أو 4 إبر مخدر برجلي وقتها صرخت صراخ يمكن كل المسشتفى سمع وبعدين خرزوا رجلي وراح علينا العرس..



14-هل هناك انسان معين غرت منه في طفولتك..ولماذا؟
ما بتزكر وما أعتقد صار هالشي


15-صف لنا موقفك اول يوم دخولك للمدرسة؟
هلأ انا دخلت الروضة وعمري سنتين ونص ماما سجلتني مع أختي الكبيرة بس مو من الأول من الفصل التاني تقريبا،، ورحت معها بالباص وبنص الدوام اجت ماما تطمن ع الوضع لقتني بلعب وفرحانة وكان وقت الفرصة،، بعدين خلتني مسجلة بالروضة لحد ما اجا وقت المدرسة،،


ويوم المدرسة راحت معي ماما وبعدين ودتني ع الصف وحطتني بأول درج ولما اجت تروحني شكرتني المدرسة قال يعني كنت كتيييييييييييييير هادية،، لا عنجد انا بالمدرسة بكون هادية بس من تحت لتحت،،هههههه


16-شيء كنت تتمناه بطفولتك ولم تحصل عليه؟
مو متزكرة والله،،


17-حلم الطفولة ما هو؟ وهل حققته؟
كنت وانا صغيرة بدي أدرس هندسة زي ماما بعدين صرت بدي صيدلة وبالثانوية قررت انوا أدرس مختبرات وتحاليل طبية بس الحمدلله ولا تخصص من هدول درست،،


18-ما هي الكلمات التي كنت ترددها في طفولتك؟
مافي شي معين أو بالأصح مو متزكرة،،


19-هل كنت مطيع لوالديك؟
نوعا ما

[PaLeStiNe FlOwEr]

-كيف كانت علاقتك باخوانك واخواتك؟

لاني اصغر واحد كانت علاقتي معهم مبنية علي المصالح وخاصة مع اختي الكبيرة
كنت لما بدي منها شيكل اروح احكي الها شو بدك طلب اعملك اياه او لما تحكي الي روح علي دار صحبيتي هات الي كتاب اروح بس لازم تدفع اجار الطريق

نفس اخواني بالزبط

[§عاشقة غزة§]

طفولة حلوة وردة فلسطين
رغم انها ما خلت من احداث..
الحمد لله انه كل شي صار تمام
يعطيك العافية

[PaLeStiNe FlOwEr]

طفولة حلوة وردة فلسطين
رغم انها ما خلت من احداث..
الحمد لله انه كل شي صار تمام
يعطيك العافية

هلا عاشقة

والله في أشياء كتييييييييييرة لسة ما قلتها بس هيك بكفي وزيادة

الله يعافي عمرك حبيبتي

[softy-heart]

همسة العشاق

موضوع رائع بروعة من خطته اناملها الذهبيه

سلمتي ودمتي زهرةً في منتدى الاخوة

اتمنى ان تقبلي مروري

[PaLeSt!Ne SouL]

و الله زعلت عليكي

مشاغبة و طلعت فوق راسك

وقبل ما يشلوها غزوني 3 أو 4 إبر مخدر برجلي وقتها صرخت صراخ يمكن كل المشتفى سمع وبعدين خرزوا رجلي وراح علينا العرس..

و أنا بقول صوت مين اللي سمعته ^^ ههههه

نورتي بلستاين فلور

[PaLeStiNe FlOwEr]

و الله زعلت عليكي

مشاغبة و طلعت فوق راسك

لا لي زعلتي

انوا موقف اللي زعلك

و أنا بقول صوت مين اللي سمعته ^^ ههههه

نورتي بلستاين فلور

هههههه

والله مش بعيد لأنوا وقتها كنت بالأردن،،ههههه

لا مش لهدرجة يصل الصوت

النور نورك دمعة