☼ ☼ ☼ إيــــشــ بـــتـــســـويــ قـــبـــلــ الـنــومــ ☼ ☼ ☼

[CoOl GiRl..~]

المشاركة الأصلية كتبت بواسطة فارس الوطن انا معظم الايام بنام بعد الفجر

لكن قبل ما انام ..بفكر كتيير كتيير

ما بفكر بأحداث اليوم ..بفكر بأحداث السنة كلها

كل يوم هالشي ..شي متعب جدا

بس تعودت ..

كمان اني مستحيل انااام من اول مرة إلا لازم بعد تفكير وعنااااء ..هههههه

بعين الله

تحياتي ..

آها .. ^^

و أنا كمان هيك والله

ابصر شو قصة هالتفكير يلي دابح الناس

منور أخي فارس الوطن ^^..

ما ننحرم من هالطلة ^^

[CoOl GiRl..~]

المشاركة الأصلية كتبت بواسطة فجر الحياة

والله يعني ما بدي اقلك انو بفرشي سناني قبل ما انام ..
نادر هالاشي يصير . الا ادا حمـار جيرانا مات ..
هادي اولن

تانين ..
الي فترة بنامش غير لما اقعد احك بعيني الشمال
وانا مش عارفة شو المشكلة ..
هيني بطرحها الكو يمكن تلاقو حل
لانو من كتر ما بحكها ورمت وصارت ازغر من العين التانية << كيف ورمت وزغرت هادي بدها حدوتة فاقرو ومشووو

تالتن بنامش غير لما يمر علي شريط حياتي من يوم ما وعيت ع الدنيا لهلقيت
يعني لو حطيت راسي ع الوسادة الساعة 1 احتمال انام ع الـ 6
مممممم

كمان ما بنام غير ع صوت معين ..
اي اشي مش ضروري موسيقى كلاسيكية

ويسلمووو

هههههههههههههههههه

هههههههههههههههههههههههههه

هاد إنتِ شكلو النومة عندك معاناة

الله يعينك حبيبتي ^^

و إن شاء الله بسألك عن قصة عينك هاي

وبنلاقيلها حل

منورة فجووورة ..

ما انحرم منك ولا من طلتك يا رب

[CoOl GiRl..~]

المشاركة الأصلية كتبت بواسطة أبومجاهد

والله الوضع صعب جدا ً .... ^^

والله التفكير شي صعب جدا ً ...

يعني بضل أفكر قبل ما أنام من ساعة لساعتين هذا إذا ما اذن الفجر وانا مش نايم ... ^^

طبعا ً التفكير بكون >> شكل بأيدكـ << مش موضوع واحد ....

واهم شي عندي قبل ما أنام افتح على صوت الأقصى ودندن يخو على الروحانيات ...

هههههههه

هادا التفكير هالك الناس ^^

الله يئطعو

منور أخي أبو مجاهد ..

ما ننحرم من طلتك ^^

[CoOl GiRl..~]

المشاركة الأصلية كتبت بواسطة Ms.GrEeEn يسلموا ع الموضوع حلو...

نفس الحالة بعد تفكير طويل بنااااام ....

((بحب يكون اخر يومي احضر فيلم حلو وانام))

حلو الرواق يلي إنتِ عايشة فيه ^^

منورة حبيبتي مس جرين ^^

لا تحرميني منك ولا من توجدك حبيبتي ^^

[CoOl GiRl..~]

المشاركة الأصلية كتبت بواسطة الحلوة موضوع فكرتو حلوة كتير ..

اممم كنت امفكره اني الوحيده الي ما بتعرف اتنام طلع نص المنتدى ما عارف ينام ..

والله انا ما بنام الا بعد ما افكر بكل شي صار معي من اول ما اتولدت ههههههه عنجد ايشي بيفقع الي ما بتفقع..

وغير اني بقفل التلفون قبل ما بنام بيقولو انو بيعمل اشعه وخبيصه بيحكو ما بعرف..


بس موضوعك كتير مميز لانو الواحد بيحكي عن معاناتو اليوميه..

يسلمو ايديكي يا قمرا..

ييييي الحلوة حبيبة ألبي هووون

وين هالغيبة ؟؟ وين مختفية حبيبتي

إشتقتلك كتير انا ^^

هههههههههههههه

يا عمي يئطع التفكير و ساعتو فش حدا سالم من شرو

منورة حبيبة ألبي

ما أنحرم من طلتك اللي زي العسل <<< متلك يعني >>>

[فوفانا]

مرحبا انا قبل ما انام بروح علي السرير عشان انام بعدين بلائي الطريئ طويل وبلاقي حالي نمت بالطريئ وبصحا علي حالي وانا لسي ما وصلت بس برجع بنام وبعدين ما بعرف انام مش عارف ليش هههههههههههههشو

[آية بنت فلسطين]

هههههههه
حلو الموضوع
بس بنعس شوي

المهم

انا كل ليلة شكل
حسب المزاج يعني

ازا الموبايل كان بإيدي بضل ورااااااااه لحد ما يخلص رصيدي او اصير بدي انام

وازا الكومبيوتر كان بغرفتي ما بنام الا لما اطمن انها الشمس طلعت =)

اممم وازا عم بستنى شي ما بنام الا لما يوصلني

وازا عليي دراسة لما ازهئ بنام



وشكــرا

[الاماني الفلسطنية]

اووووه اوووه .. اليوم كلو كوم وئصة النوم عنا هون بالبيت كومة تانية ,,


اساسا اساسا حلاوة اليوم كلو بكون آخر الليل بالأوضة عنا هههه ,,


بنبشّع احنا الاخوات التلاتة ,, اول كلمه ببلش فيها البهدله بابا ( كيف لو اني مخلف عشره ) كلكو ئردين من


غير حارس ..


مستحيل يمر يوم من غير ما يفوتوا ماما وبابا ويبهدلونا بالدور .. واحد ورا التاني ,,,


من كتر ضحكنا وصوتنا واحنا بنحكي وبنلعب وما بنخلي شي بنفسنا


بالآخر اقترحنا عليهم بدل ما يتعبوا حالهم كل يوم انهم يسجلوا البهدلة ع شريط وكل يوم يحطوه


موّال ابل النوم


وطبعا لا ضير من وئفة المراية نص ساعه ..


مشان اللي بدهم يشوفوني بالحلم يشوفوني وانا مرتبة


تسلميلي يا عسولة ع الموضوع الزاكي .. حبيتو ع آخر هالليل ^^

[نور الهدى]

آخ بس ..

فترة ما قبل النوم بالنسبة الي معاناة ..

اول ما احط راسي ع الوسادة تتجمع هموم الدنيا كلها براسي مرة وحدة .. و بقعد افكر فيها

و اضرب اخماس باسداس .. و ادور على حلول ممكنة >> و يا ريتني بلاقيها .. التعب هادا كله ع الفاضي

بقعد اتقلب بالفراش و بحاول انام .. بس الافكار بتضل تتضارب براسي .. والله احيانا بحس انه الها صوت ههههههه

لما بيأس بجيب جوالي و اشغل اي سورة طويلة عشان اهدى و ارتاح و اقدر انام ..

احيانا ما بنام طول الليل من كثر التفكير

//

لذلك احيانا ما بنام الا لما عيوني يصيروا يتسكروا لحالهم قدام الكمبيوتر .. عشان اضمن انه اول ما احط راسي ع الوسادة حنام على طول !!

والله هالشي متعب كتير و حاسة انه رح يهلكني

[أبومجاهد]

والله يا ولاد وضعكوووو كـــــــرب ع الآخر ... ^^

لازمكو دكتــــــــور نفساني ..

بس المشكلة ما عنا غير دكتور اسنان ابوالنور ...

ضروري انوفر للاعضاء دكتور نفساني ...

هههههههههههه