بماذا تفش خلقك وانت معصب ؟!!

[أميـرة فلسطين]

والله يا توين أنا من النوع الحساس والعصبي لدرجة !

طبعا اول شي بقلب خلقتي ،،

يعني اللي بعرفني واللي ما بعرفني بعرف إني معصبة ،،

وبسير أحكي بنبره ..

والكل بياخد حذرو هههههههههه

بمسك حالي لأوصل على البيت بصير أبكي وأكسر ..

مرتين كسرت المرايه بإيدي ..

ويعني ،، بيعين الله ( :

[ღ حورية فلسطين ღ]

لما اعصب بكتم غضبي مزبوط


وبروح بنام

بصحى ناسية كل شي والحمد لله

يعني الحلو فيني اني ما بعصب غير عالشخص اللي عصبني وبس

مو زي الكل بروح بصيح وبخبط ومش عارفة شو

لا بطبعي هادية حتى لما اعصب بكتم وبسكت وما بعصب على حدا مالو زنب

فديتني انا


تسلميلي يا عسل شو مزوئة انتي وهالمواضيع

[ღ حورية فلسطين ღ]

المشاركة الأصلية كتبت بواسطة أميـرة فلسطين والله يا توين أنا من النوع الحساس والعصبي لدرجة !

طبعا اول شي بقلب خلقتي ،،

يعني اللي بعرفني واللي ما بعرفني بعرف إني معصبة ،،

وبسير أحكي بنبره ..

والكل بياخد حذرو هههههههههه

بمسك حالي لأوصل على البيت بصير أبكي وأكسر ..

مرتين كسرت المرايه بإيدي ..

ويعني ،، بيعين الله ( :

يعني متل المسلسلات

طيب المرة الجاي ديري بالك ما معنا كل يوم ندفع حق مراية جديدة

فديتك

[أنثـــى]

أحيانا بكتب .. بس بالأغلب ببقى طول اليوم بفكر يعني بمارس اليوم عادي لكن التفكير شغال والنوم طبعا مافي..
وأهلي تعودوا عليّ .. يعني ما حدا بيحاول ينكشني.. ياويله كان..

[الرمشـ الحساسـ]

لما اعصب ب فش خلئي بأي حدا أدامــــــــي

و بسير احكي حكي قوي بنسى حاااااااليييي وبصررررخ ..

بس كمان بروئ بسرعـــــــة بعد لحظات ممكن انسى الموئف!!

وما عمري الحمدلله تعرضت لموئف واني ضليت معصبة ليوم او حتى نص يوم!!

خلص كلو كوووووووووول ان شا الله

اصلا انا بكره الناس الي بتعصب كتير !!


يسلمو توينوووو , الموضوع حلو كتيييير

[*ريحانة القلب*]

الله لا يورجيكي يا توينوو

ما بقدر امسك حالي .. خلص وجهي بختلف

وكل الي بشوفني بعرف انو صاير شي ..

ازا كان موقف شديد ببكي .. ازا مو كتير شديد بأجل دموعي للبيت

وغالبا بطلع قهري بالبيت .. ما بحب اظلم حد معي وافش غلي فيه

فبسكت للبيت (:



يعطيك العافية توينو

[الاماني الفلسطنية]

بماذا تفش خلقك وانت معصب ؟!!

هههههه فيكي تويينوو


لا بجد بحس حالي مو شاطرة بالعصبية ^^


بس انو بصير احكي مع اللي حوالية بجلافة ونبرة صوتي بتختلف ,,


وبمدلك هالبوز شبرين ادامي وبس


هاي مراحل عصبيتي .. مسالمة مو هيك ^.*

[Yαś]

إذا عصبت و وصلت معـاي

بصرخ و بغوش على اللي عصبني

أو

أغلـب المـرات بضل سـاكت و كـاتم


يعطيكِ العـافية أختي تـوين

بـارك الله فيك ~


أرقى تحياتي

[جاآرة الوادي’’]

الي اكثر من ردة فعل
مرات بصرخ وببكي
مرات بصرخ بوجه اللي عصبني وببخعو
ومرات ما بحكي يعني بطنش
ومرات بعمل تعبيرات بوجهي بتبين اني معصبة
الخ ,,,,,)))

[Twin]

يييي الله لا يوئعني مع حدى منكوووو ..


هاد انتو شريرين وانا ما عندي خبر !!


اما عني فلما اعصب ما بحس ع حالي بالمره ..


يعني بس تروح موجه الاعصار ..


بصيروا يحكولي انا ايش عملت .. وطبعا ما بسدئهم


لانو ما بتذكر اني عملت هالهوايل هاي ..


بس اجمالا انا سريعه الغضب سريعه الرضا .. ومابحمل بئلبي .. بنسى



--------------------



وماتنسوا تحطوا حديث الرسول عليه السلام بين اعينكم ..


( ليس الشديد بالصرعة ؛ إنما الشديد الذى يملك نفسه عند الغضب ) صدق رسول الله ...


مشان ما تعملوا شغلة تندموا عليها ...



مروركووو اسعدني ,,



متل النسمه ... لالا متل الاعصار ,, محمل بالغضب والمشاكل