انا عضو الكل بيعرفني ,اصبت بالادمان على الحشيش.

[وابتدأ المشوار]

بسم الله الرحمن الرحيم

الكل بيعرفني

انا عضو مسجل هان من زمان

اغلب الاعضاء مر عليهم اسمي

لكن مش هاد الاسم

اسم تاني

مش حاقوله

ولا حتعرفوه

غير لمن الاقي حل

ان شاء الله

الكل بسال هالقيت

حل لايش

اقرو القصة تعتي وبتعرفوا حل لايش

انا شب من فلسطين

بحب اكون علاقات كتير

صحابي كتير كتير

وبمون عليهم كتير

وهما كمان

في يوم من الايام

كنت مارق عن مجموعة منهم

وكانوا بشيشو

نادوني

لبيت الدعاء

اللي يا ريتني ما عمري لبيته

وفتت على الغرفة اللي كانو فيها

قلولي اشرب شيشة

شربت شيشة

وكترت

الى هم بقولولي

هادي الشيشة مليانة حشيشة

بقولهم ايش

بحكولي فيها حشيش

ما بعرف ايش حكيتلهم

لكن

طرت

عنية حمرو

وعطشت

وصرت اضحك على اقل اشي

بطلت اشوف بالاصح

نمت

وصحيت تاني يوم

كسلان تعبان نعسان جعان وعطشان

لبيت كل متطلباتي

وصحيت

ليوم جديد

ونفس الحاله معايه

تعبان نعسان جعان وعطشان

وفي زيادة

مردوخ ودايخ وشايف الدنيه زولان

لبيت متطلباتي اللي ممكن البيها

واللي ما قدرت البيها

نمت حتى احل شوية منها

اجا اليوم التالت وانا على نفس الحاله

والرابع على نفس الحاله

وهي انا في اليوم الخامس

وانا على نفس الحاله

قلت لابويا ولامي ولاخوتي

قلتلي امي واخويه

انه هادي فترة وبتعدي

وقلي ابويا انه هاد من اعراض



الإدمــــــــــــــان



بقوله ايش بتقول

بقولي هاد ادمان يا بنيي

بقوله كيف عرفت

بقولي من شكلك

عنيك حمر ونعسان وتعبان وعطشان

بقوله والحل

بقولي تمشيش مع الولاد هدولا تاني

وروح على الدكتور

بقوله يابا يا روحي

يابا يا اغلى من نفسي عليه

زي منتا عارف انه

لو اطلع عالمستشفى بورط

بحولني على الشرطة

قلي ابويه

دبر امورك

وحلها بطريقتك

ومن ساعتها

وانا ببكي على حالي

وببكي على مستقبلي

وببكي على اصدقائي اللي انا كتير ااتمنتهم

وخانوني

لكن قالولي انه في حل

وانه ادمان الحشيش ولا اشي

مقارنة بالادمانات التانية

لانه انا كانت اول مرة في حياتي اني احشش

وشكلي شارب كتير

يوميتها

لكن

الله المستعان

الملطلوب منكم يا اخواني ويا اخواتي

تجيبولي وصفات توقف الادمان

تجيبولي ادعيه

نصائح

وصفات طبية

ومعلومات عن حالتي

ابحثوا يا اهلي ويا اصحابي

بركن هيك

لقينا حل

والله المستعان