شباب فلسطين

.:(خالد):. · 12-16-2008, 03:43 AM

هو وينو الطخ ولا القصف
انتو بس احكولي
اي واحد بيسمع صوت قصف يحكي

والله اشتقنا لصوت الطخ والصورايخ شو هذا
الهدنة هبل

يا رب تخلص على خير

فكرة حلوة كتيير كتيير يا اخت اربيان قيرل

Arabian girl · 12-16-2008, 06:31 AM

يسلمو لكل اللي مرو من هون
ما بتعرفو قديش اتأثرت وانا بقرأ بمواقفكم
ومؤيد الله يرحمو ابن عمك :)
يسلمو

هادي · 12-16-2008, 10:10 AM

تسلمي أرابيان دايماً مميزه بمواضيعك
هلأ صوت الرصاص والقصف والطائرة العامودية صار شيء عادي ( زي ما بتسمعي صوت السيارات بالمدن الكبيرة) وخاصة بإنتفاضة الأقصى .. وغير هيك الحواجز الصهيونية المنتشرة بكل الضفة، بإنتفاضة الأقصى ما كان حد يئدر يسافر بسيارته الخاصة، كنا لما نيجي من رام الله للخليل نركب أربع مواصلات وأيام نضطر نمشي جبال، يعني الطريق إللي بتحتاج ساعة للوصول كانت تاخد عشر ساعات ( مش مبالغة)،
أحكيلك قصتي لما تصاوبت:
كنت مروح لبيتنا بعد العصر .. وكالعادة سامع صوت إشتباكات واليهود بيطلقوا قذائف (إنيرجي) - بتنفجر وبتصير آلاف الشظايا- استنيت شوي لما هدي الجو أنا ومعي كمان شبين قررنا نقطع الشارع .. وأطعنا ولسه ما لحئنا نوصل الرصيف التاني بلش الرصاص من اليهود ( كانوا يطلقوا الرصاص على أي شي بيتحرك) أنا صابتني رصاصه بإجري (بالساق تحت الركبة) واخترقت اجري وطلعت من الجهة التانية، وكمان واحد تصاوب بكتفو (إصابه سطحيه)،
والله ما في بيت فلسطيني إلا فيه قصة ألم من الإحتلال .. شهيد أو جريح أو أسير أو منزل مهدوم .. أطفال فلسطين تعودوا على وداع الشهدا ومسيرات التشييع

بنت فلسطين؟؟ · 12-16-2008, 11:39 AM

المشاركة الأصلية كتبت بواسطة .:(خالد):. هو وينو الطخ ولا القصف
انتو بس احكولي
اي واحد بيسمع صوت قصف يحكي

والله اشتقنا لصوت الطخ والصورايخ شو هذا
الهدنة هبل

يا رب تخلص على خير

فكرة حلوة كتيير كتيير يا اخت اربيان قيرل

الصراحة حلو اللة يعطيك العافية

Arabian girl · 12-16-2008, 06:30 PM

امجد الحمدلله ع سلامتك
يسلمو ع مرورك المميز والحلو

بنت فلسطين ؟؟ منورة ^^

.:.!دموع الرحيل!.:. · 12-16-2008, 08:51 PM

فكره مميزه ..

رح يتم التثبيت

يعطيك ِ العافيه أرابيان

أخ خالد .. أخت بنت فلسطين ؟؟

الشعب كان بحاجة للتهدئه وكذلك المجاهدين فلا بد للمقاتل من إستراحه ..

وقد أعلنها القائد خالد مشعل & القائد محمد الضيف بالاتفاق مع جميع الفصائل

لا تهدئه بعد 19 الشهـر ..

كل شي بوقته حلو ...

والي منتظر عمل المقاومه ..

هيها صارت الاجتياحات قاب قوسين أو أدنى :) ..

وربنا يفتح على المجاهدين ويثبتهم يارب

Arabian girl · 12-16-2008, 11:21 PM

اهلا نانا منورة
ويسلمو ع التثبيت ^^

مو أي شي · 12-21-2008, 09:22 PM

الله يصبركم على فقيدكم ومصائبكم وينتقم من كان السبب

Arabian girl · 12-22-2008, 07:53 PM

مو اي شي
اهلا خيو منور

Arabian girl · 12-27-2008, 12:23 PM

يلا وين اهل فلسطين
وين اهل غزة
اهل غزة هادي الصفحات مفتوحة لالكم لتنقلو رسالتكم وقلوبنا كمان مفتوحة الكم

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء