مميز :: الشك وسوء الظن .. مرض أم ذكاء ؟؟

[Twin]

بالنسبه لي ,, اعتبر الشك نوعان ..


شك سلبي مرضي وهوه الي بالعاده بيخرب البيوت


وشك علمي او ايجابي ,, لانه بدايه للبحث وبدايه للبناء ..


وممكن يكون من كثر صدماتنا بالاخرين ,, نسيء الظن بآخرين لاذنب لهم ..


بنكون خايفين انو نحسن الظن فيهم ,, ثم نخذل مره اخرى .. بنضل بشر واكيد ما حد معصوم من الخطأ ..


يعني المفروض يكون عنا توازن ,, لا شك مفرط ولا طيب نيه مفرطه ..


موضوع مميز للنقاش .. تسلم be happy ,, and don't be sad ^^

[فارس الوطن]

أنا عن نفسي كتيير بشك من جديد هالشي .. سوء ظن
لدرجة اني وصلت مرحلة قربت اكره حالي من هيك ..
بالنسبة لإلي اني والحمد لله بتمتع بخيال واسع جدا ولا تلقائيا بسخّر هالشي في تخيل مواقف .. لا اساس لها من الصحة او لها اساس ... الله أعلم
اكتر ناس لاحظو عليا هيك أعز اصحابي واللي تقريبا بحسهم بفهموني اكتر من حالي .. لدرجة مرة حكولي لا تبني افكار وهمية بدون وجود دليل واقعي ... وبحاول اقنع حالي بأدلة من القرأن او احاديث او مواقف صارت من ناس عظماء او اقوال ناس متخصصين .. بس بضلو الشك وسوء الظن عندي ..
ع فكرة انا بحس انو هالشي صار معي جديد وسوء الظن وصل معي الذروة ... والسبب بعرفو منيح .. لانو حاسس اني اكتر بنى أدم بالدنيا انصدم من ناس غاليين جدا جدا .. وبالتالي الثقة عندي انعدمت بجميع الناس بلا استثناء ..

ههه .. كترت حكي بس ع فكرة هاد جزء مخفي بداخلي اول مرة اتكلم فيه واطلعو

موضوع رائع أخي ..

تحياتي ..

[نور الهدى]

حسب الموقف .. و حسب الشخص .. و حسب الموضوع المشكوك فيه

انا بشوف انه الحذر مطلوب .. و لازم نتوقع من اي انسان شيء سلبي

مش لدرجة الوسواس و سوء الظن بأي شيء و أي شخص

لكن نحنا في زمن كثر فيه المنافقين .. و كثر فيه الناس اللي ما ببانوا على حقائقهم

عن نفسي انصدمت في اكثر من شخص

و تعلمت من كل صدمة درس

ما بشك ولا بسيء الظن بالناس

لكن بدرس عن كثب اي شخص جديد و غريب عني .. و بحط حدود حذرة ما بتجاوزها ..

ما بدور عن العيوب و الاخطاء .. بحاول اشوف في الناس الجوانب الحسنة .. لكن برضو بحذر :)

//

يسلموا على الموضوع ^^

[Arabian girl]

اول شي مشكور ع طرح الموضوع
بالنسبة لتفسيري يعني حسب فلسفتي بزن انو مرض
ناتج عن اختلاط هادا الشخص بناس سيئين او عن نظرة سيئة للمجنمع بتخليه ينظر لكل شي على انو سيء او مخطئ او نتيجة عن تجارب سيئة مع اكتر من شخص
ومن جهه تانية ممكن انو الشخص اللي انشك فيه هو السبب يعني ممكن انو هادا الشخص من عادتو انو يكون سيء عشان هيك بدفع الناس لسوء الظن فيه

مشكور ^^

[دموع الغربة واشواق العودة]

بصراحة يا اخي موضوع كتير مهم ..ومميز شكرا الك على هذا الطرح الجميل والمهم واكيد الظن مرض ومن اكبر الامراض الي مستحيل تروح من الانسان بسهولة ..