شباب فلسطين

محمود · 07-05-2008, 07:33 AM

.. { قصة مكررة } ..

طبعا ً حكيت أكثر من مرة عن قصة كيف طلع شباب فلسطين ..

بس للأمــانه شباب فلسطين صارت فيه تحديات كبيرة لحد ما طلع واستمــر ..

كثيـر مواقع قفلت بوابهـا ، بس باب هالخير رح يدوم ان شاء الله ..

الحكــاية بدت في الصف الخامس الإبتدائي تقريبا ً ..

شخص اسمـو محمود ( مطر ) 10 سنوات ..

اشترى الوالد كمبيوتر في البيت ، كان شاريه لشغلـه الهندسي والنا يعني ..

المهم ما بعرف فضول كبيـــر دخل جواتي .. شو هالجهاز !! فتحتـه وأكيد بعرف انو كمبيوتر ..

بديت أشتغل ع الرسام ،، والعب ودخلت جواته . شوية شوية ايدي اخدت ع الجهاز ..

بيوم من الأيام خطرت ببالي فكرة ، انو كان حجم الهارد والله اعلم 2 جيجا ههههههه ..

يعني ما بكفي لشو ما يكفي ، هديك الايام مين الي عنده كمبيوتر بكل البلد ما بتلاقيهم بنعدوا ع الاصابع ..

المهم رحت دخلت ملفات الويندوز كل ملف اضغط عليه ما يرضى يفتح ، اروح احذفه ..

رحت وأنا حاذف كل ملفات النظام هههههههههههههه ،، خرب الويندوز ..

بدكم الصراحــة هوي اشتغل الجهاز عادي .. بس اتشقلب رأسا ً على عقب ..

كانت نيتي أوفر مساحة بس صار الي صار ^^ ..

اتصلح الجهاز ، كلو تمام مية المية ..

بلشت شركة PIS في تزويد القطاع بخدمة الانترنت عن طريق شركة بيزك الاسرائليية بنظام اسمـو كروت الاشتراك

ع التلفون ،، هاد الحكي بعد سنتين ..

يا اخي اخواتي الأكبر مني طالعين نازلين شارين هالكرت ، وكان شي كبير هالكرت ههههههههه

كانو هوية يخبوه معهم ، بيوم من الايام لقيت كرت الاشتراك ع طاولة الكمبيوتر ..

العب قعدت أبعبعش ،، طبعا ً كنت بعرف انهم بفتحوا برنامج البالتاك .. رحت فتحه وصرت بدي اشتراك فيه

المهم انجليزياتي قوية شوية في هداك الوقت رحت ساويت يوزر الي ودخلت البالتاك ، ومن هبلي رحت حطيت

حفظ لاسم المستخدم وكلمة المرور تعتي ، لما اجو اخوتي وشافو انو كرتهم مخلص هههههههههههههههههه

عملو حملة استكشاف وعرفوا انو انا الي لاعب في الانترنت ..

بعد سنة اخوي صار بتوجيهي والثاني صار الجامعـة ( بقبرص) والوالد جابلي لحالي جهاز جديد ..

احتكرت الجهاز ، ووقتها بدت حملـة المعرفـة بصراحـة كنت أعني من بطئ النت وتنزيل البرامج هالحكي كان فيه

عمري 12 سنـة تقريبا ً كنت انزل البرامج وما أسيب البرنامج الا وانا بشتغل عليه منيح ,,

برامج صنع اسطوانات ، برامج تصميم برامج مونتاج فيديو برامج حماية ابصر ايش الخ ..

عمري ما اهتميت بالدردشة وهالقصص ، يعني ما بتزكر اني دخلت دردشة غير الدردشة الي كانت بموقع شباب

فلسطين وبس ع قد نهفة وماشي ..

بنص ثاني اعدادي ،، صرت اقول لحالي ، يا عمي الناس عندهم مواقع . ليش ما يكونلي موقع ..

وجبت برنامج لتصميم وبديت بداية زغيرة وحلوة ، ومنها اتعرفت ع بعض لغات الويب ومنها الجافا سكربت

و HTML والحمد لله ربنا وفقني بعمل أول موقع الي وكان ..

mkhm.jeeran.com

{Here}

ورفعت أول موقع الي ..

mkhm = أول حروف من اسمي ( محمود خليل مطر ) ..

طبعا ً كان التصميم هيك بس احلى

لانو هاد تصميم المسروق ^_^

معدل عليه بس اكتشفت بالصدفة انو انسرق هههههه

هون ^_^

عاملو موقع ازياء ..

وهادي فلاشة كانت بالموقع عندي كبنر ^_^

وهالشي كان وعمري 12 سنة ،،

( اشتركت بمنتدى اسمو منتدى شباب جباليا )

وبعد اسبوع صرت مشرف على قسم اسمو ،،

(( منتدى تصميم وتطوير المواقع ))

كانت مشاكلهم كثيرة ، وبصراحـة اداريا ً كان فيه مشاكل ..

لأنو كل شي كان فيه الصحبــة وما ادارك ما الصحبــة تركته ..

|| ومن فترة هالموقع مسكر وطاير ||

وصممت على الاستمرام في هالمجال ،،

كبرت الحكاية ,, صرت بدي اساوي منتدى ..

أول شي ما كنت ملم بهيك قصص كثير ..

بالعالم الثاني ..

كان أول منتدى الي هاد ..

( من هون )

و من هون

ما حدا يضحك طبعا ً ^_^

المهم بصراحة كان الوضع حلو في البداية بس صار انو مش قادرين نأدي الغرض المطلوب ..

المنتدى مش كامل ككل ^_^

بعد سنتين ،،

اتعرفت ع فارس فلسطين ، وصارت عندي خبرة منيحة في هالمجال ، وحب نساوي منتدى منيح وشامل ..

ساوينا منتدى اسمو موقع زهرة فلسطين ،بالاحرى هوي منتدى

وكنا نشارك فيه طاقم حلو ،،

فارس فلسطين ،،

الفارس الأسود ( الي هوي أنا ) ههههههه

لونا ،،

فجر الحياة ،،

انجيلا ،،

و SADBOY

وبصـراحــة أحلى أيام حياتنا مضيناها هناك ..

كبرت الأيام وكبرنا معها ..

صرت بثاني ثانوي ..

وصار لازم أساوي موقع رسمي يخدم اسمنـا ..

اتـفقت أنا ومحمد ( فارس فلسطين ) انو نساوي منتدى يجمعنا ويكون شي حلو ..

ووقتها كنت متعرف على شب اسمو ( سامر العامودي ) أبو فادي ..

انسان راقي وخلوق جدا ً ومن اعز الاصدقاء والاحباب على قلبي ..

واخترنا اسم شباب فلسطين للموقع ..

وأبو فادي ساعدنا في الموقع والله وقتها انو تعب معنا في تأسيس هالموقع ..

والحمد لله طلع شباب فلسطين بصورة كثير راقيــة ،

وكان هاليوم بتاريخ 21/8/2004 ^_^ من شي أربع سنوات ..

وكانت أول كلمة للموقع هيي ,,

{

:: أهلا و سهلا بكم في موقع شباب فلسطين ::

بسم الله الرحمن الرحيم

تم بحمد الله افتتاح الموقع

موقع شباب فلسطين

لتكون يدنا واحدة و كلمتنا واحدة و لنصنع النصر بكل الوسائل
ان هذا الموقع هو موقع كل شباب فلسطين سواء في أرض الوطن أو في الشتات و المنفى
لنلتقي معا و لنتحاور ونوحد أفكارنا لنصرة قضيتنا
التي لن تنتصر إلا بأيدينا
لتحرير القدس
عاصمة دولة فلسطين الحرة

}

وهيك كان شكل الموقع ^_^

{ هون }

وفيكم تشوفو الموقع بكل فتراته عن طريق هـ الموقع ..

| هون |

والحمد لله كبر موقع شباب فلسطين ، لحد ما انتو شايفينه اليوم ..

طبعا بهاللحظات بكتب ومشتاق لكل عضو دخل شباب فلسطين من قبل ولليوم ..

كثير مروا علينا شباب وناس واخوان و أحباب والي ظروفه ما سمحت اله يكمل معنا ..

كلهم بوجهه الهم تحية حب وتقدير ..

مر علينا زينة الشباب والرجال و اخوات فاضلات ..

الله يحميهم كلهم ويوفقهم في حياتهم رح يضلهم ذكرى كبيرة في قلوبنا ..

وموقع شباب فلسطين نجح والحمد لله بأعضاءه واخلاصهم ..

ومن أول شهر احرزنا تقدم كبير في عدد الاعضاء والمشاركات وكان شي حلو جدا ً ..

اتفضلو هون لتشوفو المنتدى كيف كان ..

( هون )

وبحب أقولكم ،

اني مرة اطلعت انا وأصحابي في حملة دعائية لشباب فلسطين هههههههههه

بضحك ع حالي والله شو كنت متهور شوية وشويات وطبعا ً كان معنا فارس فلسطين ..

رحنا جبنا ( رشاشات بوية ) وكنا نكتب ع الحطيان شباب فلسطين ..

ولليوم ضايله على حيطة المجلس التشريعي ،، ووقتا كتبنا عند الجامعات ..

هههههههههههه يا الله ع هديك الايام ما احلاها ..

والحمد لله على كل شي ^_^

بتمنى انو القصة تكون عجبتكم ..

احترامي لكم ..

ويتبع ان شاء الله ..}

محمود · 07-25-2008, 11:13 PM

وردة ،

خدوا المايك في موضوع جديد ثاني ..

وهاد اغلقوه ووقت ما رح الاقي حالي فاضي ..

رح اكتب فيه ، ولما أخلص رح افتحه لمشاركات الأعضاء ..

احترامي ..

.!. وردة الأقصى .!. · 07-26-2008, 06:01 AM

ماشي

صار يامحمود ^^

محمود · 09-10-2008, 01:14 PM

السلام عليكم ورحمة الله وبركاته ،،

رجعنا ورجع النا المايك ،،

اليوم رح أحكي عن قصة شغلي ..

بسم الله الرحمن الرحيم ،

من بعد ثانية ثانوي وبعد تأسيس موقع شباب فلسطين ..

حطيت براسي فكرة و أمل وطموح كبير بإني أخدم هالمجتمع العربي بالعلم الي أعطاني اياه ربنا ..

كنت أساعد الناس وأبرمج برمجيات صغيرة و أنزلها مجانا ً على الإنترنت ..

بيوم من الأيام كانت ثغرة بالمنتديات وللأسف !! 100% من المنتديات مصابة فيها ..

وكان حل المشكلة تخريب كثير من المواضيع الحيوية والمفيدة في المنتدى ،، وهون سببلي أزمة ..

قعدت أفكر بحل ، وحليت المشكلة ونزلتها مجانا ً والحمد لله الحل لليوم قائم وفعال في كل أقسام الحماية بمعظم

المنتديات التقنية ..

كثير افرحت بهالإنجاز ،، وكثير انبسطتت انو أغلب المنتديات استفادة منو ..

طبعا ً انا نزلت هالبرمجية وما كان بخاطري شي ..

فجأة بدق تلفون البيت !!

برد أخوي على التلفون ..

بقولو السلام عليكم معاك الأخ فهد صاحب شركة سعودية بمجال البرمجيات ..

بدنا الآخ محمد !!

أخوي بقولو محمد مش هون مسافر !!

المهم أخوي فكر انو فيه حدا بتمقلز عليه هههههههههههه ..

عموما ً شوية وكانو بدهم يطاوشو ، بعدين خطر ببال انو محمود مش محمد فناداني ..

حكالي احنا شفنا عملك في حماية المنتديات و أمن البرمجيات وحابين تشتغل معنا ..

طبعا ً وافقت على الفكرة وعملي عقد عمل وبعتو على الفاكس ..

وصرت موظف أمن برمجيات في الشركة ..

خلال فترة صغيرة ..

مسكت قسم البرمجة ككل بعد مشاكل صارت وانقسامات بالشركة ..

وبيوم من الأيام المسئول عن الشركة سافر وترك الشركة بلا ادارة !!

وقعت كل سيرفرات الشركة والاتصالات بلشت المهم أخدت على عاتقي هالمهمة ..

بطريقة معينة دخلت السيستم و أخدت كل باسوردات السيرفرات ..

وحليت كل المشاكل والحمد لله كل شي صار 100% ،،

بعد فترة علم مسئول الشركة بهالقصة ،، واترقيت لحد ما صرت مديرها ..

صرت بشتغل مبرمج و مسئول سيرفرات ومدير الشركة ،،

بحيث أنا كنت بنسق الخطط الي رح تقوم فيها الشركة لمشاريعها ..

والحمد لله ، اليوم أنا ثاني واحد بعد مسئول الشركة فيها ،، مع اني على الانترنت ..

مو موظف بدوام رسمي ..

شفتو كيف ( ويرزقكم الله من حيث لا تعلمون ) !

والنعم بالله والحمد لله ..

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء