نقــاش :: طلــعــت النا في السحبــة ( الآل والئلنا ) والتصنــع !!

[محمود]

بتقدر تسأل هيك سؤال في منتدى الاستفسارات والكل رح يجاوبك ..

أو في منتدى الدعم الفني والشكاوي ،،

أما هون فيه موضوع اله قضية الها احترامها ولازم ياخد حقو في النقاش بدون تغيير وجهة الموضوع ,,

بعتذر عن الإجابـــة ( ولما تحط الموضوع المناسب في المكان المناسب )

بعطيك حقك في الرد أكثر من ما يكون في مكانه ..

..

وبكل الأحوال هالموضوع أكيد أهم من موضوع اسمه (( عاقب عضو وفوتو ع السجن !! ))

الي بعتبر فقط تضييع للوقت ،،

..

لكن رح اجاوبك لأني بدي أجاوبك ومشان الموضوع يمشي بمغزاه ..

الفرق بين الناس انو فيه مواضيع منسوخة و فيه مواضيع مكتوبة ..

ثاني شي هالقضية مهمة جدا ً ، ولو انها في نظرك مش مستاهلة لكن

هالشي بتعلق بنظرتك للأشياء ( نظرتك الخاصة فقط ) وهالشي برجع لشخصيتك ..

وبما انك أديت رايك في الموضوع - اترك المجال لغيرك يناقشو هالقضية -

وبعتقد انو أهمية الموضوع هيي الي خلتك ترد عليه والا لو ما كان مستاهل لو ما فتت ترد عليه ^_* ،،


..

وبهيك بكون خلصت هالنقطة الي زعجتك انو أهمية الموضوع هيي الي بتحدد التثبيت أو لاء ..

وهالشي الي بقدره مشرف القسم ^_^ ،، وبما انها قضية تخص الأصالة الي هيي بنظرنا مهمـة جدا ً ،،

لهيك بنتثبـــو ،

ولو عندك استفسار حطو في محلو لنجاوبك عليه ،،

[محمود]

حنين الروح ،، أبنة الشتات ،، الفتاة المشرقة ،، ضوء القمر ،،

نورتو ومشاركتكم بتدل ع مدى حرصكم ..

وابنة الشتات مبادرة حلوة والله وفعلا ً مشروع ممتاز وانا معكم فيه ..

احترامي للجميع ..

[أنين]

موضوع مهم


معك حئ // حق


بس احياناً


الواحد منا مابكون قاصد هـ الشي .. // بقصد البنت طبعاً


يعني الكلمة بتطلع عفوية ,, ومابكون الهدف من وراها زي ما بتحكي


أما النوع الي انتي بتقصده ,, فامعك حق بكل كلمة

[السيف عدي]

أخ محمود ...شكرا كتير على الاهتمام والرد .. بس انت خلطت الاوراق ببعض بطريقة غير صحيحة ..

اول شي .. انا كنت بقصد بكلمة .. مش مهم .. انو الموضوع عادي .. يعني مجرد موضوع للمناقشة من

الوزن الخفيف ومش قضية شائكة .. متل مناقشة الوضع في فلسطين او الحل الامثل للقضية الفلسطينية .. او ما شابه ..

او مش موضوع متجدد متل العاب الكلمات .. واللي بتعتمد على اجابة كل شخص وبناء عليها بتحدد السؤال اللي بعده ..

وموضوعي .. اللي انت ذكرته ( عاقب عضو ) كان من هادا المنطلق المتجدد ..

عموما .. انا بشوف انو في مشاركات كتير اهم وكانت بتستحق التثبيت .. بس لو كان اصحابها بتمتعوا بصلاحيات ادارية متلك ..

ومهمتك كمدير للمنتدى تعطي لهديك المواضيع حقها في الظهور والتقييم والتثبيت.. قبل ما تثبت موضوعك من اول دقيقة .. وشكرا كتير .. عزيزي

[الاماني الفلسطنية]

والله يا اخي محمود هوه مش ئصة تصنع او دلع !!


هوه بس الواحد منا بيكتب الكلمة متل ما بيلفظها .. وانا عارفة وما بنكر انو غلط .. وانو المفروض نكتب باللغة العربية ...


ودايما الحج لما يكون آعد حدي وبشوف ردودي بيحكيلي اكتبي باللغه العربية الفصحى .. بس انا بلائي لغة الكتابة اللي


متعوده احكي فيها اكتبها هيه اسهل .. و هيه بتطلع لحالها بدون اي تفكير ..


وما ئصدي والله من كتابتها الدلع او التصنع ... ^.^


الله يعطيك العافية على طرحك لهل موضوع المهم :)

[الصمـــ رفيق الصحراء ــت]

هههههههههه

صحيح كلامك يا مان

وانا برضوا نفس الشي بعاني من الئال والئيل


يعني مش عارف كيف البنات خاصه


انا نفسي بحد من هده الشغله


وتحياتي الك يا مان

[الصمـــ رفيق الصحراء ــت]

يختي علي انا

^_^

[إسراء الفلسطينية]

كلامك كلو صح 100%

و أكيد كلنا منفتخر بلغتنا ،،

و بالنسبة الي ،، قليل لأستعمـل الـئـ بدل القـ بالكتابة

بس بالحكي بستعمل الئـ ،، و هاد شي طبيعي لانو كل واحد عندو لهجتو الخاصة فيه ،، و يلي متعود عليها

و حتى مش بكل الكلمات بيقدر الواحد يغير القـ بالـئـ ،،

يعني على القليلة بالكتابة الواحد يداري شوي :)


،،

و الصرآحة انا استفدت كتير من ورا المنتدى ،، خصوصي من ورا المواضيع يلي بتنكتب باللغة العربية الفصحة

لاني ما بتعلم اللغة العربية الأصلية بالمستوى العالي يلي ببلادنا بعلموه

و لانو من ورا المنتدى ،، صرت أقرأ عربي أكتر بكتير عن ما كنت أقرأ قبل ،، فحسيت انو صار في عندي تغير

في كلمات عمري ما كنت أسمعها .. بس عرفتها و حفظتها و صرت أستعملها ،،

و أكيد انا مبسوطة بهل شي كتير :)

لأنها لغتنا ،، يلي لازم كل مسلم يكون فخور فيها ،،


،،

بتشكرك خيي محمود على موضوعك المهم ،،

يعطيك الف عافية :)

[صدى الصمت]

معكـ حقـ بكل كلمــة

و لكن انا عن نفسي

ما بكتبـ بحرف الظاد ,, الا لأني حاسة انو فعلا بين اهلي

وكأني في البيت قاعدة وبتكلم مع اهلي

وبعدين في كثير اعظاء بفكــرو انها بياخة مش اكثر

بس هو واقعــي الاسري والتراثي ,

مع اني ما بلفظها بالظاد القوية زي ما بنسمعها في اخواننا في الاردن

لا بتكون ظا خفيفة ومايلة للذال !!

وبحمد ربي طبعا مليون مررررررة !!

لانو في كثير من اهلنا .. حط تحت اهلنا عشر خطوط

تغيرو وترقــو وصارو ( يحكو بــ الآلتلا و الآلتلي )

وفتحت عني على وسعهن لما شفتهــم بكتبو كلمة ( عنـــــجد )

هاظا اللي فالقني في الموظوع بحالو

بس برجع اذكّــر انو كتابتي بالمنتدى وكتابة كثير اعظاء

بترجع للراحة النفسية اللي بنحس فيها في المنتدى

وكأننا في الدار قاعدين حتى مش كأننا هو اكيــد !!

..

اما عن موظوعكـ تاع الآلؤولاتـ تاعـكـ !!

بكرهـ اي حد يقعد يتفلسف قدامي

ويقول طريقة كلام مش تابعة الو !!

يعني اللي بقصدو تمدن كثير شباب وصبايا في المنتدى

مع اني واثقة كل الوثوق انهم على عكس هيك طريقة في الكلام !!




موظوعـ ملفتــ

و حلو النقاش فيهــ

سلمتـ مخيخــاتكـ يمّــاآ ^_*

[صاحبة القلم الحزين]

موضوع حلو

ومهم


^^



أنا مني و علي

لهجتي و لهجة كل عيلتي و كل قرايبي

بالهمزة

يعني "ء"

بس مش كل الكلمات

في كلمات ما بتطلع معي الا بالقاف

و بكره اللي بحكوها بالهمزة

اما بالنسبة للكتابه

و لا عمري بفكر اكتب بالهمزة!!

لانه لغتي العربي

بغض النظر عن لهجتي!!

وبس


:)

يسلمو محمود