| الإهداءات |
|
|||||||
|
|
أدوات الموضوع | انواع عرض الموضوع |
03-18-2008, 01:25 PM
|
#1 | |
|
I ♥ SHABAB
قوة السمعة: 6
 |
مميز :: أنا وميرو في جولة!!!؟؟؟؟؟؟؟؟!!!!!!
السلام عليكم
في يوم من الايام.... قررنا (أنا وميرو) انه نلتقي عشان ندرس لامتحان الfirst من مادة علم الأمراض واللي احنا مش فاهمين ولا حافظين منه اشي بس..... :36_11_16[ زي ما بتعرفوا انه كلام فاضي انه يقعدوا صاحبتين مع بعض.. ويدرسوا المهم... التقينا في القدس، وقررنا انه نروح عالاقصى عشان نقعد وندرس كنا جعانات كتيييييييير :36_1_51[1 فميلنا على مطعم شعبي في البلدة القديمة وشرينا ساندويشات وصلنا هناك واكلنا ودردشنا وبرمنا... ودرسنالنا اكم من صفحة ( رفعة عتب) :big_smile وبعدين قررنا انه نعمل فتلة في ازقة البلدة القديمة وشوارعها واسواقها وقلنا بما انا رايحين رايحين بنصورلكم المناطق اللي زرناها .gif "انه نلتقي عشان ندرس لامتحان الfirst من مادة علم الأمراض") ومن هون بلشت مسيرتنا: طلعنا من باب السلسلة وهيك بالزبط بكون المنظر وهون بتبين صورتين للمكتبة الخالدية وهي عبارة عن مكتبة قديمة جدا .. فيها كتب أثرية بعد هيك وصلنا للسوق .. وبالصور، بتبين صور السياح ومحلات السنتواري في هاي الصورة ببين سقف السوق القديم وهون عامل في البلدية وبهاي الصورة مئذنة مسجد عمر بن الخطاب من الجهة الخلفية أما هاي الصور فهي عبارة عن صورة للبرج اللي موجود في كنيسة واللي عزمتني عليه الانسة ميرو وهدا الدرج اللي طلعناه (مش واضحة كتير) بس منظر الدرج زي الدرج الموجود في برج الأمير النائمة  وبما انه الدرج مش عالي الا شوي  .... حاطين في استراحتين وهاي صورة لوحدة منهموهاي صورة الجرس الموجود في البرج وهون صور لقبة الصخرة من البرج طيب.. هون صورة للبيوت القديمة وهاي صورة لمدرسة يهودية وهاي ... لنافورة في وسط السوق وهاي للناس اللي في السوق وهاي لمسجد عمر بن الخطاب واما هاي الصورة فهي لكنيسة القيامة وطبعا.... نأبى ونستنكر انا والانسة الموقرة الخت ميرو ، الا اننا نترك اثر ورانا أما هدول... صور لكنيسة القيامة وهدا مسجد عمر بن الخطاب من الجهة الأمامية هدا باب المسجد وهاي العهدة العمرية وهدا المسجد من جوا وهاي المئذنة طلعنا من المسجد... وتوجهنا لباب العامود مرورا بالسوق شوفوا ما أحلى صورة الزعتر والبهارات وقبل ما نطلع من باب العامود... حولنا المسير باتجاه حارة السعدية وباب الساهرة وحتى نوصل هناك.. مرينا بطريق اسمها "الشيخ لولو" وحبيت اني اشرككم بمنظر حضاري.. لازم تشوفوه في ازقة البلدة القديمة واللي هو كياس الزبالة والبسس جواتها بتحاول الحصول على بقايا الطعام!!!!!!!!!! هون احنا وصلنا حارة السعدية وتخيلوا!!! مع انه ميرو بنت القدس وساكنة بالقدس... بس عمرها ما دخلت لبيت في البلدة القديمة وعشان هيك حبيت احققلها هدا الاشي واخدتها على دار سيدي هاي دار سيدي من جوا وهدا عبارة عن الليوان اللي بين الغرف... شوفوا كيف مكشوف طلعنا على السطوح... وحاولت اصورلكم اكم من صورة مع انه التصوير صعب كتير من هناك لانه بسهولة الواحد بيقدر يكشف الدور واللي فيها وهون بعلن انتهاء جولتنا في نحاء البلدة القديمة ... وشكرا للمرور آسفة للاطالة |
|
التعديل الأخير تم بواسطة هلــون ; 03-18-2008 الساعة 01:48 PM. سبب آخر: لانو ممـــــيز *_^ |
||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
.. صاحبة القلم الحزين
العرض الشجري