روحي انتي طالق طالق طالق بالتلاتة

[احلا فوفو]

انا لو مكانو صراحة رح اطلع
وما دخلني بالبائي
فخار يطبش بعضو
بعدين منيح عنكو بيحلفو هيك
نحنا عنا بمنطئتنا واحد طلئ مرتو ميشان بسكوتة
وعينك عينك
ادام كل ياللي بالشارع
مع انو الدين حط حدود لكل شي
الله يهدين وبس

يسلمو كتير عالموضوع الحلو

[اسيرة النجوم]

ههههههههههههههههه
هاد اكيد معصب من مرتو وبدو يطلعها في عين ابنو كانو ابنو السبب
ههههههههههههه
طيب انا بصراحة اروح عند امي واقولها ابي بدو يطلقك لانو شايفلو مرا تانيه
واتركهم عالقانين في بعض واطلع وين ما بدي
ههههههههههههههههه
لا بس هاد شي مو حلو انو اي شي بدو ياه يصير يحلف بالطلاق
ومادري شو هالشي منتشر كتير في الشرق الاوسط
سوريا مصر فلسطين كلياتهم فيهم
بس نحنا هون في المغرب بعمري سمعت حدا حلف بالطلاق على مرتو
وبعدين الحلفان بغير الله حرام
وانا مش عارفه ادا هاد الطلاق حاصل بمجرد الحلفان به او باطل
انا لو مكان الشاب راح اتنيل على عيني واضل
بس انتو الرجال هيك شو ما كان ما بيهمكم لا ستات ولا شي
المهم تعملو اللي براسكم وبس
ما بتشوفو في العواقب
ولا بتشوفو انو الست ما عملت شي ويمكن ام هالشب لهلا زي الاطرش في الزفة ومانها دارية بشي
يا حرام ياربي من الرجال يارب
بس اوعاك تكون انت التاني متلهم
اه مهو انت راجل يعني اكيد ما راح تتخير عنهم
سلااااااااام

[نور الهدى]

اممممممم

الرجال في هالحالة فعلا بكون لازمله تأديب

لأنه مش محترم قداسة - ان صح التعبير - الحياة الزوجية ... و مش مقدر وصف الله تعالى للزواج بانه - ميثاق غليظ -

انا لو مكان الشب و حتى ان كنت طالعة للصلاة بضل بالبيت و ما بطلع ... لانه هالامر فيه ضرورة ... و هالضرورة هي الحفاظ على البيت

بعدها بحكي مع الوالد و اشرحله انه هاي اول و حتكون آخر مرة أطيعه فيها بهيك شيء ... و بعدها ما رح اتحمل المسؤولية ... لانه حيكون غلطه هو

و بعدها حيكون عليه كفارة يمين ازا عادها تاني و ما اطعته ... لان القصد من يمينه هو المنع و ليس الطلاق

و اعتقد انه رح يتأدب بعد ما يتعب من الصوم كل مرة

و ما ارجع اطيعه تاني

لانه الطلاق مش لعبة ... و مكانة المرأة أكبر من انه يقللها بتهديده بالطلاق كل مرة

و بس ^^

يسلموا اخي قسامي على الطرح

[قسامي غزة]

المشاركة الأصلية كتبت بواسطة AMJAD ثلاثةٌ جدهن جد وهزلهن جد .. ومنهم الطلاق .. يعني الطلاق ما في غضب أو عدم إدراك .. ولو كنت محل هاد الشب ما بطلع من البيت، حتى شرعاً لو كانت طلقه واحده فقط فيجب أن تُسجل بالمحكمة الشرعية .. فما بالك طالق بالثلاثة .. علماً بأن المحاكم بيرجعوا المطلقات لأزواجهم .. لو كانوا طالق بالعشرة .. كيف ما بعرف؟!!!!!!

مشكور اخي الكريم
بس الي يحصل انوا الطلاق سهل
علي لسان الازواج طبعا مو كلهم
البعض منهم
اكيد بيرجعوهم يا اخي
بس مرة واحدة فقط وبعد هيك خلاص
ما بضل فيها ترجع تاني
ربنا يهديهم يا اخي
بس انت ما جاوبتني لو انت مكان الشب
شو راح تعمل

[قسامي غزة]

المشاركة الأصلية كتبت بواسطة سووما اكيد هاليمين غلط وحرام كمان بس انا لو اني محله ما بطلع من اللبيت حتى لو كان امر ضروري محافظة على امه ويسلمو عالموضوع

اكيد يا اختي هالشي معروف
انوا غلط وحرااام
طيب يا اختي انتي اخترتي ما
تطلعي من البيت مشان ترضي ابوكي
طيب وربك كيف بدك ترضيه
يعني الصلاة
كيف بدك تصليها

[نسرينا الفلسطينيه]

المشاركة الأصلية كتبت بواسطة قسامي غزة

بس يا نسرينا
لو حلف طلاق من امي اني ما اروح المسجد
في هاد الحالة هل هتختاري رضي ابوكي ولا رضي ربك
يعني بجد الواحد يتحير
انتي شو رايك

طبعا رح ابقى بالبيت للحفاظ ع امي

والصلاه بصلييها بالبيت مو مشكلهـ

بس برأي الاب لما يعمل هيك

ما بكون بحترم مرتو بالمره..لو فيه احترام شوي كان عمره ما حلفت هاليمين!!

مشكور ع الموضوع الشيق^^

[شمس العروبة]

امممممممم

جد والله يا قسامى انت تطرقت في موضوعك لمشكله اجتماعيه خطيره

لانة كتير لفت انتباهى انتشار الشغلة دة

كتير باسمع رجالة عندنا على مسائل تافهة يحلفوا بالطلاق



ومرات باسمع رجالة مش متجوزين اصلا بيحلفوا بالطلاق

يعنى هى بتكون زى عادة

بالنسبة لسؤالك يا قسامى انا لو فعلا انحلف علية طلاق من حد انى ما اخرجش او لاى سبب تانى

فاهاوقع الحلفان وهاخرج ويتحمل عاد اللى حلف نتيجة قسمة عشان دة بتكون غلطتة

مشكوور قسامى على طرحك للموضوع

[قسامي غزة]

المشاركة الأصلية كتبت بواسطة الحان الحرية رضى ربي
انا شو ذنبي !!
بعدين اصلا ما بيصير ينحلف يمين هيك

اوكي يا اختي
انتي اخترتي رضي ربك
بس بهاد الحل انتي راح امك تطلق ( اقصد اي ام)
وانتي عارفة شو بيصير بعد الطلاق
الوضع ما بيكون تمام
وانتي ممكن تختاري انك تصلي في البيت مثلا
فترة من الزمن لمن تلاقي حل
وهيك انتي ما بتكوني سبب في طلاق امك
يعني بهيك شو بتختاري
فكري منيح قبل ما تجاوبي

انا رايي مختلف عن الي كتبته
بس كتبت هيك حتي اناقشك

ونورتي بمرورك

[مارلين برلو]

اول شى الرجال الى بيعمل هيك بكون عقلو كتير خفيف وبكون غبى كمان لانو ما بقدر العشرة وما بيفهم كيف هى الحياة وما بكون عندو دين اصلا لانو لو عندو شوى دين وايمان ما بيحلف طلاق على شغلة تافهة

وحتى لو بابا عمل هيك مع انو مستحيل يعملها

اكيييييييد ما راح اطلع

[قسامي غزة]

المشاركة الأصلية كتبت بواسطة فليسطينية 100% والله شي بحير

اكيييد ما بطلع

وما اظن في اب بيحلف يمين على ابنو الا ما يكون لمصلحتو

تحيرت انا والله

بس الله يهدي الجميع

وشكرا لك اخي على طرحك موضوع مميز

دمت بحفظ الرحمن وطاعته

والله يا اختي
كتير يصير هيك يعني اباء لا يستحقوا يكون اباء
ويفكروا القصة لعبة او سهلة
ويروحوا يحلفوا طلاق
ويشتتوا اسرة كاملة مشان انوا تعصب او شي
واكيد الواحد بيكون في حيرة من امره
لو انوا انفرض عليه الشي هاد
بس انتي حكيتي ما بتطلعي
طيب ووين رضا ربنا
يعني انتي ما راح تصلي بالمسجد مشان ابوكي
يعني هاد رايك في النهاية

نورتي بمرورك