][®][^][®][يــوم فـي حياة عضو][®][^][®][

[لانيا]

اممممممممممممممم

أنا هحكي عن يوم الخميس اصحيت من الخمسه الفجر علشان اساعه 12 كان عندي أختبار
فكان لازم اراجع.................

وبعدين على الساعه 11 عاشقه فلسطين أجت اخدتني ورحنا على الأختبار
والحمد الله قدمنا أكويس

وأرجعنا البيت على الساعه 3 العصر المفروض بعد هاي التعت الواحد اينام علشان الساعه 6 كنا

بدنا انروح انا وعاشقه فلسطين ولمسه ورد وصدى الصمت ومغرمه فلسطين السنيما

لاكن من شطارتي نسيت تليفوني في المكتبه تعت الجامعه
فطرت لانيا المسكينه ترجع الجامعه تاني وتاخد تليفونها....... وبعدين على ال4.30 رحت
للبنات في البيت ( صدى وعاشقه )المفروض .... ايكون جاهزين علشان ننزل وما نتأخر لكن هاي
القانونو ما بمشي عندهم في

رحت لقيت صدى لسا مش لابسه ولا عامله ولا اشي وقاعد ابتلعب وبتسمع اغاني

من هان لهان صدى خلصت ولبست والكل جهز وانزلنا على الساعه 5.30 من البيت ورحنا المجمع واستنينيا
مغرمه ولمسه ورد لحد ما أجوا وقعدنا اشوي وبعدين دخلنا فليم الساعه 7 وصدى صورت كم صوره علشان
تقهر الي في المنتدى بس من سوء حظها التليفون خلص الشحن تاعوا وسكر

المهم دخلنا الفليم وأطلعنا منوا الساعه 9

وبدأت صدى اتزن بدها تاكلوا وشوي وتفضحنا في المجمع بس تداركنا الأمر وعشنها........

وبعدين اهلنا اجوا اخدونا ورحنا كملنا السهره في بيت لمسه ورد ومغرمه فلسطين ...... فزي القرود رحنا احنا
الكبار نلعب بالمراجيح والألعاب الي تحت بيتهم وكلهم كانوا بلعبوا وسابوني انا لحالي العب مع الأصغار

وبعدين اطلعنا البيت ظلينا نتكلم ونضحك لحد الساعه وحده روحنا البيت

وتوته توته خلصت الحدة

[Abu Shadi]

يحراااااااااااااام

هذي متعزبة يا لانيا هههههههههههههههههههه

[ღ حورية فلسطين ღ]

مرحباااااااااااااااااا

يلا رجعتلكم عشان احكيلكم شو عملت امبارح بالطلعة

احم احم ............

بسم الله نبدأ

انتبااااااااااااااااااه

يلا كلكم معي ما بدي اشوف حدا سرحان......

المهم بلا طول سيرة

امبارح طبعا من الساعة 5 الفجر للساعة 1 الظهر وانا قاعدة قعدة وحدة عالنت ما قمت(وطبعا بعديها اكلت بهدلة)خليها مستورة

قمت عن النت وانا راسي بوجعني بده ينفجر رحت على اساس بدي انام وطبعا قعدت على سريري من الساعة 1 للساعة 3 الظهر وانا بستنى حالي انام بس للأسف بالأخير ما نمت وسمعت اختي وماما قاعدين بقطفو ملوخية(وهااااااااي اكلتي المفضلة) قلت يلا اقوم اقطف معاهم وقمت وقطفنا الملوخية وبعد ما خلصت من حفلة تقطيف الملوخية لقيت الغدا جاهز وقمت اتغديت وهيك عبيت بطني وشبعت..........

بعديييييييييييين طبعا الي من امبارح مش نايمة قمت رحت نمت <<<<<<<<شو رأيكم بالأوزان ههههههههه

نمت من الساعة 5 للساعة 7 ساعتين بس يلا بكفو قمت مصحصحة شوي ولبست وطلعنا انا وأهلي كلهم عالموووووووووول

اول ما وصلنا هناك طبعا كل واحد راح بطريقه يشتري الي بده اياه انا رحت عالمطعم عند الأكل ههههههههههههههه

بس المشكلة اني ما اشتريت شي لقيت حالي مالي نفس آكل ولفلفت شوي مع اختي بالسوق وبعدين اجتمعنا كلنا بقعدة مرتبة هيك قامو نطولي اخواتي وجابولي سندويشة مش عارفة شو المهم اكلتها لأني اصلا كنت مصطلة مش عارفة شو بعمل وشربت عصير وكنت حاطة ببالي اشتري بوظة من ماكدونالز بس من شدة النعس والهبل الي اتهبلته نسييييييييييييييييييت

ولما رجعت عالبيت اتزكرت اني ما اكلت بوظة بس للأسف كانت الساعة 1 بالليل وكل المحلات سكرو وضلت بنفسي

طبعا رجعت هلكانة على طول حطيت راسي ونمت وطول ما انا نايمة والموبايل يرن قفلته ورجعت كملت نومي

بعدين صحيت الساعة 6 الصبح اليوم يعني وقعدت عالتلفزيون اتفرجت على سالي وكل بصحى عشان اتفرج عليها واذا في حدا بده يتفرج معي بتطلع الساعة 6 الصبح بتوقيت السعودية هههههههههه بقناة الأردن

وبعد ما خلصت سالي سكرت التلفزيون ونطيت عالكمبيوتر وهيني قاعدة عالنت على طول فتحت المنتدى وعلى طول نطيت على هالموضوع ههههههههههههههههههه

اووووووووف تعبت وانا احكي

وهاظ كل الي عملته والنا رجعة كل يوم

سلااااااااااامي للجميع

احم صوتي انبح من كتر الحكي

[لولو اليبناوية]

وطبعا الاحجام كبيره شويه هههههههههه يبناويه الله يسعدنا بنحب الأكل

اولا يا بنت الرملة احجامنا مش كبيرة..... والله انها كزابة

بعدين لولو كانت من الفوج الي راح عبيت عمي...

وبعدين لما رحنا محل البوظة انا اشتريت اكبر اكبر بوظة...وهما جابو بوظات ازغار ..خخخخ

[~ | Mazaj]

يـلا ..

الله يهنيكم :)

باختصــــار شـديــــد ..

قطعت الكهربااااااااااااااااااا تقريبـا طول النهــار :)

وعندهـا قطعت هلقيت

ومش بعيد تقطع وانا برد بالرد وما يصلكم

ادا وصلكم بكون من حزكم

^_^

لو عشت اللي عودة

[~ | Mazaj]

ههههههههههههههههههههه

غريبة ما قطعت الكهربا .. بالعادة بيقطعوها ع الـ 12

شفففففف لو بدي اياهم ما يقطعوها كان قطعوها عمدن :p

المهم ..

يـلا رح احكيـلكم شو عملت من الـ 12 من تاريخ 18 / 7 لحـد ما انا قاعدة بكتب الكـم *_^

الـساعة 12 كنت بدردش انا وامي عشان توجيهي وبترفع من معنوياتي وجابتلي سيرة رحلة بدها تطلعها وبدها

تاخدني معها :(

قولتلها ما بدي اروح
لا بدك تروحي
يوه ما بدي ارووح
الله يقطعو النت ماشي لما تبدا المدرسة لغير اورجيكي ،، المفتاح ما رح تشدي :(

هههههههههههههههههه خلصنا من هالحوار يلي كانت رح تضربني من ورا .. وقالتلي يلا اطلعي من الغرفة بدي

اسكرها .. لقيت انجيلا واقفة عند الباب وبتغمزلي عشان افتح الباب التاني ولما يسكرو الشقة علينا نفتح الغرفة

ونقعد ،، قعدت اتهابل عليها لاني ما بدي افتحو عشان علي حل اسئلة فيزيا ودرس الفيزيا بدري ع الـ 9 الصبح

فطنشتها ..

بعدين قعدت ازعق بدنا مي ساقعة ههههههههههه امي قلتلي روحي جيبي لحالك قولتلها شو اروح اجيب ((

عشان لابسة اواعي النوم ما بينفع اطلع فيها قدام اخوتي )) اخر سي روحت لبست الروب وجبت مي وسكرت

امي الشقة ..

وانا روحت ع غرفتي وقعدت احل بالاسئلة وانجيلا راحت ع غرفتها اتكمل دراسة لامتحانها ..

صارت الساعة 1 وشوي روحت اشوف انجيلا شو بتعمل وبالمرة امشي رجلي لقيتها مدخلة ورقة تحت باب غرفة

الكمبيوتر وبتزق بالمفتاح عشان تنزلو ه الورقة وتسحبو من تحت الباب هههههههههههههههه

قولتلها اتنيلي وروحي كملي دراسة احسنلك عليكي امتحان يوم الاحد وبعدها رجعت خلصت السؤال يلي كان

ضايل بعدين روحت بدالها اعمل بالمفتاح هههههههههههههههه لانو كان النوم طاير من عيوني ..

كانت الساعة تقريبا 1 ونص ..

اخر شي قررنا نلجأ لمحمود اخوي يلطش المفتاح التاني من عند امي ويجبلنا اياه قعدنا اندقدق ع حيطة مشتركة

بين غرفة انجيلا وغرفتو ..

طلع المنيل قاعد ع التلفزيون ههههههههه ولا المصيبة اطلعنا من شباك الحمام لقينا ابوي غرفت المكتب تبعتو

ضاوية قولت لانجيلا وليييييييييييييييي ابوووووووي صااااااااحي روحي ادرسي بسرعة هههههههههههههههه

وكل واحدة راحت ع غرفتها .. ورجعنا بعد 5 دقايق نطبل ع الحيطة وانا رجعت اشوف ضو الغرفة لقيت ابوي رايح ع

الحمام الله يعزكم عشان يفرش سنانو ..

قولتلها استني شوي عندو بخلص وبنرجع ..

قعدنا ندردش شوي .. ملكوش خص بشو دردشنا ههههههههههه

وبعدها رجعنا ع الحيطة نفسها ,, وقعدنا انطبل ومحمود اخوي يرد علينا ويخبط ع الحيطة

هههههههههههههههههههههههههههههه انا طبعا كنت بطلع من باب الحمام وبسمع شو ردة الفعل وانجيلا يلي

بتخبط .. ابوي صار يحكي مين قاعد بيخبط يا محمود ههههههههههه حكالو محدش .. قلو طيب انخمد

هههههههههههههههههههههههههههه

اخر شي فقدنا الامل بانو نجيب المفتااااااااااح روحنا انام .. لسا جايات انام الا قطعت الكهربا ،، وبعدين انجيلا ضوت

الجوال تبعها عشان نعرف حالنا وين وفكرنا حدا رح يشفق علينا ويجبلنا ضو من الشقة التانية ما حدا دور :(

روحنا انام كانت الساعة تقريبا 2 بالليل .. قعدت انا وياها نحكي لساعة 3 بالليل وكنا رح نكمل بس عشان الدراسة

نمنــا ..

قومت ع الـسااااااااااااااااعة 8:20 :|

قولت لامي هلقيت جاية تصحيني .. قالتلي من الـ 6:30 اللي بصحي فيكي ..

قومت عاد مستعجلة بدي الحق درس الفيزيا .. ولبست وما افطرت يا دوب اكلت شقفة جبنة وطلعت ..

لقيت صحبيتي بتتحلف لالي عشان اتأخرت عليها ..

اكتر من مرة اعمل فيها هيك مسكينة ههههههههههههههه .. قالتلي تاني مرة رح اسيبك واروح قولتلها ما

بتقدري صارت تضحك وتقولي بااااايخة هههههههههههههههه

وصلنا الدرس لقينا المكيف شغال والاستاز لسا مش صاحي من النوم

ههههههههههههههههههههههههههههههههههه ههههههه انا روحت اخدت غفوة على بال ما يصحى هوا .. ولما

اجى وبدينا الدرس بدكم اقولكم شو اعطانا كمان :p

بس بالدرس اتنكدت .. كل سؤال احلو يطلع جوابو غلططططط .. انجننننننييييييييييييت عنجد واتنكدت .. واحكي

لرنا ولك شو في غلط بالحل .. بتقولي طريقة الحل صح بس الارقام غلط !

والمهم روحت طول الطريق متنكدة .. وصلت البيت وانا مادة بوزي شبرين وامي تحكيلي شو مالك واقولها ولا

شي ..

ولقيت امي عاملة مبروشة بالمشمش طبعا انبطست لانو انا طلبتها .. بس كانت نفسي مسدودة

وجيت ع شقتنا لقيت محمود قاعد ع الجهاز من قبل ما اشيل الشيلة عن راسي قولتلو قوووووووووم ,,

غيرت اواعي وقعدت ع النت ,, لقيت رسالتين ههههههههههههه

واتسرمحت بالمنتدى بعدين اجتني كمان رسالة :p

ممممم .. وهيني معكم ..

فكرتها رح تقطع عشان اقوم انام ما قطعت .. قولت بالناقص

وحكيت ع الماسنجر مع حدا جديد لسا واجتني امي بتقولي قومي كنسي الدار مرتبة بس كنسيها <<<

استغربت الصراحة ههههههههههه دايما بتقولي قومي رتبي الدار وكنسيها المرة هاي كنسيها بس !

وانا بكنس اتزكرت الموضوع هاد وكنت رايقة شوي فقولت رح ارد في ..

وامي حكتلي بدها تاخدني ع الرحلة <<< بتزكرني بالمأساة

وشربت شاي .. وهلقيت بدي اقوم اصلي ..

ولما ارجع بقولكم شو عملنا بالرحلة وعلى وين روحنا :D

واتغديت دوالي فرح1

ســـــــلام ^_^

[ABU-NOUR]

:)

مجرد مرور

[القلب النابض]

ههههههههههههههههههههههههههههههههههه هههههههه
اهلا وسهلا بجميع الاعضاء بتنوروا باي وقت

[لانيا]

المشاركة الأصلية كتبت بواسطة ابن فلسطين يحراااااااااااااام

هذي متعزبة يا لانيا هههههههههههههههههههه

وله على شو ابتضحك

[ღ حورية فلسطين ღ]

انا من امبارح لليوم ما عملت شي بينفع الاسلام ههههههههههههههههه

قاعدة بطالة لا شغلة ولا عملة بس اليوم حفلة نجاحي وبدي اياكم كلكم تيجو ما حدا يتأخر

ولا تنسو الهدايا اهم شي

يعني الي ما بده ييجي يبعت الهدية
ههههههههههههههههههه

واليوم شو بصير بالحفلة رح احكيلكم اياه بكرا انشاء الله

انتظرونا بالعدد القادم

احم احم

سلاااااااااااااااااااااااام