سؤال لشباب المنتدى

[ashrafo]

اوف اوف اوف اووووووووووووووووووووووووووف ..!!

ولا كمان هو يحمل البيبي وهي تمشي جنبه وتامر عليه

استغفر الله ياعمي ما هو ابنك كمااااان ازا ما حملت ابنك مين بدو يحملو ..

ويفرح فيه ويمشي فيه وبيكبر فيه امام الناس ..

ابدا مالها دخل بالرجووولة ابدا .. مع احترامي الشديد لك

ايش فيكم يالناس كرامة شو ورجااااال شو ..!!

الموضوع مالو دخل بالرجولة ..! شو يعني لو امرأة تقود السيارة ..!!

هل نقص شي من حق الرجل اومن كرامتو لا اله الا اللـــــــــــــــــه..!!

هاد كيف لو ركبتوا مع كابتن طيارة وتكون امرأة شو بدكم تعملوا .!؟؟؟

رووووووووووقوووو ياجماعة الله يهدينا جميعا ..!!

ومع احترامي الشديد لنظرتكم للسواقة .. اعذروني عالمداخلة ..

[ISSA]

انا ما برضى لانه الحمدلله مو ناقص لا ايد ولا رجل حتى اتسوق عني بعدين شو شكلي قدام العالم و هي بتسوق ... يسلموووو رنا الوردة على الموضوع

[Iemy]

أسوق فيه يسوق فيي حمار حوتك يسوق فينا إيش المشكله يعني وايش دخل الكرامه ف يهيك موضوع
الكرامه بندحشها بكل شي بيخص المقارنه بين الرجل والمرأه
ليش ايش كاينين نحنا الحمد الله والشكر

[Banbon]

..... شو دخل الكرامه و الهيبه و كون الواحد طرطور بالسواقه آه ؟؟؟؟!!!!

انا رأيي انه هاد تفكير خاطىء كتييييييييير ....
الكرامه و الرجوله مو بالسواقه ...ولـــو يعني عادي جداً
و كتير بشوف واحد قاعد جنب وحده و هيه بتسوق بالسياره .... يعني عااااادي جداً
و الشغله ما دخلها بالهيبه او بالكرامه

لازم نكون حضاريين اكتر من هيك ^_^

و آسفه اذا دايقت حدا من كلامي .... و الله مو قصدي شي .... (((بس بدي أوصل الفكره )))


اقتباس:
ولا كمان هو يحمل البيبي وهي تمشي جنبه وتامر عليه

.... شو فيها يعني ؟؟؟؟!
و لا ليكون ابن الجيران !!!!

عنجد هيك غلط كتير

[رنا الوردة]

هدو شوي يا جماعة كل واحد اله وجهة نظر انا برأيي ما حلو منظر الزلمة قاعد جنب مرتو وهي تسوق بحسها مسترجله اما لما تكون لوحدها بالسيارة عادي تسوق بتكون حلوة منها
وشكرا الكم جميعا على الردود

[سنا القمر]

ولا كمان هو يحمل البيبي وهي تمشي جنبه وتامر عليه

لا يا جماعة شوو هاد
مهو الولد هيه المرة اللي خلفته لحالها وهي امه وابوه ..

تزكروا انه الرسول صلى الله عليه وسلم كان في خدمة أهله
يعني احسن المرأة بعد ما بتحمل ابنها 9 ااشهر وتهلك فيه ما تلاقي حد يحمله عنها لما تخلفة حتى ولو كان جوزها؟؟!

اشي مو منطق ..أبدا

واذا هو الزلمة بحس انه انتقاص من كرامته انه يحمل البيبي ليش يتزوج اصلا
ولا الزواج مسؤولية المرأة والزلمة بس بنك وخلص
لا مو هيك

وبعدين على موضوع السيارة .. بلكي الست حابة اليوم تسوق السيارة .. وما في غلبة عليها .. ليش لأ؟؟

انا مش فاهمة شو دخل السيارة بالكرامة عنجد

ويسلموا رنا

[أحلى مايا]

والله شي عادي انوتسوء الزوجة وزوجها جنبها او اخت واخوها جنبها اوئات لما نكون رايحين مكان بعيد وبابا يزهئ ماما بتاخد محلو عادي وائات كتبر بابا بطلب من ماما توصلو

بس يمكن الشباب بشوفوها على المنظر الخارجي اومتل ما ئالو كرامة معنو ما الها دخل هاي الشغلة بالكرامة هي ما تبسبو مثلا

ويسلمو الك

[حنووو اليبناوية]

انتو التااانيييين حلو ولا ما حلو شو يعني لو مرتك ولا اختك ساااااقت فيك ورجاااااءا لا تدخلو مواااااضيع الكرااامة بنص لانو في ناااس ممكن تنجرح مشااااااعرها كونو واااااعيييييييين قبل ما تحكو الكلمة بعدين صحيح لو اطلعتو بطيااااره وكانت الكااابتن ست شو بتعملو ترمو حااالكم من الطياااااره اييييش هااااد
اسفييييين
شكرا على الموضوع

[yafawi]

عادي فش مشكلة دامي معيش رخصة هع هع


أما وأنا عندي رخصة ما في أمل



يسمنووو

[لولو اليبناوية]

لو اطلعتو بطيااااره وكانت الكااابتن ست شو بتعملو ترمو حااالكم من الطياااااره اييييش هااااد

ههههه رووعة حنوو

طبعا عادي...

انا عني بسوق...مع اني ما بحب السواقة...ولو يصحلي واحد يجيبني ويوديني وما اسوق احسن

بس بصير انو مثلا..

كنا طالعين عجالمعة انا واخوي

وهوا موصلني...

وكان مريض....فراح قاللي اسوق محلو...

وفعلا...يعني مش شرط انو هوا راح يكون طرطور ولا غيره ..لأ طبعا


يعني صدقوني يا جماعة...

ما تقيسو الكرامة ولا الرجولة بهيك اشياء

الكرامة والرجولة.... معناها اكبر من هيك بكتيييير

يعني ما بتزيد ولا بنقص بمظاهر خارجية كسواقة السيارة وغيره لأ..

لازم توسعو نظرتكو اكتر....

يسلمو عالموضوع حبيبتي .