سؤال للنقاش...لماذا تفكر الفتاة في جمال الشاب قبل اي شيء؟....

[سارة]

المشاركة الأصلية كتبت بواسطة الاجئ الفلسطيني السبب هو
الغباااااااااااااااااااااء
وضحالة التفكير
هلا شو استفادت منه اذا كان حلو ؟؟؟

طيب وانت شو ابتستفيد اذا كانت البنت حلوة

[اسيرة النجوم]

بصراحه يا اخي هذا السؤال لازم يكون موجه للشباب
عشان الشباب همه اللي بيدوروا على البنت المبهره
الرشول صلى الله عليه وسلم قال تجوز الي ان نظرت اليها اسرتك وليس التي ان نظرت اليها بهرتك
وهادا هو حال الشباب
يعني همه بدهم بنات جميلات يفتخروا بيهم امام الناس
وناسين انو لازم يسترها بنقاب او اي شي ادا كانت فاتنه
اما بالنسبه للفتاة فهو عندك حق
فيه كمان بنات بيحبو الشكل اكتر من المضمون
بس بينخدعوا بالاخر وبيندمو وبيتراجعوا بعد ما تتوجع
اخي الرجل لا يعيبه الا اخلاقه
فان هي صلحت صلح شكله
وان هي فسدت فسد شكله
فلهدا ممكن فيه بنات بيشوفوا راحه كبيرة في الشاب من خلال شكلو
لانوفيه كتير نورهم الله بنور الايمان عشان هيك بيطمنو
على العموم انا كبنت ما بيهمني الشكل ابدا
بيهمني الاخلاق والطباع والعلم
وبتمنى ربنا يهدي بنات المسلمين يا رب
مشكووووور اخي عبدو فور ايفر على السؤال الرائع

[قسامي غزة]

المشاركة الأصلية كتبت بواسطة ابنة الشتات اخي الكريم قسامي غزة .........

هاد المثل أكيد متن أمثالنا الشعبيه وأنا بفتخر فيه
مع يقيني التام انه خاطئ

ما يعيبه إلا جيبه

يعني أن يكون الشاب غني

فماذا لو كان غني وبخيل
ما الفائدة من غناه إذا!!

أخي الأخلاق أولاً

اختي الكريمة
صادقة انتي بكلامك
بس الله اعلم معني المثل انوا الشب ما يتعيب مثلا علي الشكل
يعني اذا معاه فلوس خلاص منيح يكون
بس لو كان بخيل هاي مشكلة تانية
تحياتي

[اسيرة النجوم]

المشاركة الأصلية كتبت بواسطة قسامي غزة في مثل شعبي قديم كنت بسمعه
الراجل ما يعيبه غير جيبته
شو رايكم بهاد المثل
هل هوا صحيح

هاي متل شعبي متداول
وكانو الراجل كا عندو غير الجيب اللي بيتعيب
لا لازم نفكر رفي الاخلاق عامله ازاي
لازم نفكر في الشخصيه عامله ازاي
يعني الرسول صلى الله عليه وسلم كان بيقول
ادا جاءكم من ترضون دينه وخلقه...
ولكن الان اصبحفي مفهوم الناس ان جاءكم من ترضون ديناره ودولاره
الدين اهم شي والعلم كمان ما ننساه
انا لا انكر انو مش لازم يكون في تكافؤ اقتصادي مشان ما يحصل مشاكل بعدين سببها عدم الصبر
لكن بردو الدين والاخلاق اهم شي
الفلوس راح تملهم بسرعه
بس بيضل الدين ا
مشكور اخ يالقسامي على السؤال وبتمنى اكون ديتلك عليه

[حلوة وعارفة حالي]

مرحبا اخ عبدو

قبل كل شي الجمال نعمة من الله

وكلنا كبشر بنحب الجمال

والله جميل يحب الجمال

اكيد في اشياء كتير اهم

بس احنا كبشر بناخد انطباعنا الاول على الشكل الخارجي

وعلى فكرة كلامك بانو البنت صارت تفكر بجمال الشب للزواج

ما في منه

البنت بتدور على شخص تقدر تثق فيه

انه يتحمل مسؤلية ويكون متدين وابن ناس مشان يراعي الله فيها

مش معناته انو البنات ما بيلفتهم الشب الحلو

البنت متلها متل الشب الها تطلعاتها

بس وقت الجد كل شي بيختلف

تحياتي لك

[ابنة الشتات]

المشاركة الأصلية كتبت بواسطة قسامي غزة اختي الكريمة
صادقة انتي بكلامك
بس الله اعلم معني المثل انوا الشب ما يتعيب مثلا علي الشكل
يعني اذا معاه فلوس خلاص منيح يكون
بس لو كان بخيل هاي مشكلة تانية
تحياتي

أخي

هلأ هم بيحكو المثل غالباً لما البنت ما يعجبهاش الشكل....

بس احنا ما النا شو الناس بتفهم المثل النا المثل شو بيحكي

((الشب ما يعيبه إلا جيبه))

إلا أداة إستثناء...

يعني كل شي ما بعيبه إلا كونه فقير!!
هاد غلط

برجع بحيك الأخلاق اولا....

[سيد الظلام]

اخي لانه الشاب كمان ما بختار الا الحلوة خلينا صريحين .. ومن حق البنت تختار اللي بدها اياه

وبدك الصراحة البنت ما بتختار الوسيم الا علشان تتفاخر بجماله قدام صديقاتها

[نور اليقين]

مضنش ان البنت لو لقت مقياس تاني تقيم بيه الرجل في زمنا ده كانت سبتو و بنت حكمها على اساس وسامتو يمكن زمان كان السؤال ده يلاقي جواب تاني بس في زمنا ده زمن , الرجولة بقت فيه عملة نادرة لما الحق بينشال و البني ادم بينضلم و العرض بيستباح لما القيم بتنهزم و المروءة بتنعدم و بيموت الحياء فين الرجولة عشان تخير البنت بينها و بين غيرها في اختيارها لشريك حياتها ^^ كلامي مش بالعام عشان و الحمد لله الدنيا لسة فيها خير بس ده جوابي على سؤالك البنت بقت بتلعب على حاجة هي شايفاها و لمساها وسامتو جمالو الضاهري و بتأمل انها تلاقي فيه روح جميلة او انها تقدر تخرج الروح دي بعدين بتفضل تعيش على امل على انها تختار شخص بحكم رجولتو و تغامر في زمن انعدمت فيه الرجولة عشان بعدين تصدم انها عاشت على وهم ساعتها خسارتها هتبقى فضيعة ^^ بس عامة ان ضد الفكرة دي دي مجرد محاولة مني اني اوصلكم وجهة نضر البنات دول ^^ ^^

[VIP.]

يعطيكم العافيه جميعا

بدي اقلكم انو خلينا شوي صريحين و منصفين

هو الكلام في منه نسبه كبيره من الصحه ولاكن لماذا لا نلتفت

لشباب !!

مافي شب من الشباب ما بيحب انو تكون زوجته جميله

و بالمساواه البنت برضو بتحب انو يكون زوجها جميل

ف ليش السوال و النقاش دايما بيكون ضد البنات ؟؟

و الجمال نعمه من الله

بس هذا الشي ما بعني انو الانسان ما ينطر للجانب الديني و الخلقي

و كما قال احد الاعضاء حنا بشر ف اكيد المظهر بدو يجذبنا ل صاحبه

و الي بينكر هاد الشي مع كل احترامي له بيكون بكزب

و الي خلق الجمال ما وضعه ب شخص واحد ( الحلوين كتير )

و الخلاصه انا بعتبر انو هذا الشي مافي انصاف ف يريت السؤال بدل ما هو

لماذا تفكر الفتاة في جمال الشاب قبل اي شيء؟....

يكون

لماذا يفكر الشاب و الفتاه في الجمال قبل كل شي ؟...

تحياتي

و حلوه منكم

[abde4ever]

والله مشكورين على كل هذه الاجوبة المنطقية...