ضفاوي.؟؟ ولا غزاوي؟؟...

[king_of_love]

إحم إحم ....
الحمد لله لولو أنا مو منهم لأني ما بهتم هاي الشغلات لأنو إحنا كلنا فلسطينين في بعضنا وإلي بيعتر هاد شي مهم وبيفرق بيكون إنسان عنصري ... وبس هاد إلي عندي وإحنا كلنا ولاد آدم متل ما إلتي يا لولو ...

الموضوع جد حلو ورائع ولازم في النقاش ....

[عاشق البندقية]

والله موضوع جنان..

شوفي خيتي لولو..

عنا بنابلس اكتر شي شغلة فتحاوي وحمساوي,,ونابلسي ومخيمجي,,

صحيح انها شغله بتقرف,, بس الاوضاع اكيد الها دور بهيك شغلة,,

واكتر شي شغلة نابلسي ومخيمجي
الشغلة سببها ولاد المخيمات شغل زعرنة وزعاطة وهاد خلا هاي الشغلة تتفاقم كتيير.

ويسلمو بالاخر.

^^

[سنا القمر]

السلام عليكمـ ..

يسلموا لولو على الموضوع ..

المشاركة الأصلية كتبت بواسطة قمر الخليل
يعني مثلا بالاردن بتلاقي الي بقول لاجيء او ابن مخيم ( مافي غزازوة هناك الا ما ندر)

صح يا قمورة .. احنا عايشين بالأردن .. وأكثر الفلسطينية عنا لاجئين أو نازحين ..

ومنهم ابناء مخيمات ومنهم اللي اخدو الجنسية الاردنية
..

بس في منهم غزازوة وأنا منهم وهمي كتار بس مش كتير ...

بس والله في عنا متل هيك شغلات ..

صحيح انا الاصل مش غزاوية بس بتضل جنسيتي غزاوية ..

وهي الاشياء بتحدد صفات معينة بالشخص .. يعني شخص من غزة بيختلف عن شخص من الضفة مثلا ..


مشكورة لولو على الموضوع

[Banbon]

أنـــــا بكره عالعـــاده ....كـــــــــره العمــــى

الله يقطعها ...

...الفلسطيني فلسطيني .... لشو غزاوي و ضفاوي ... عنجد عاده متخلفه !!!!

انا ما بحبها ... و مستحيل أعملها او حتى أعلق ...
حتى بس اتعرف عحدا ما مهتم اذا كان غزاوي او ضفاوي فلسطيني و خلص
بلد واحد و هم واحد و حال واحد ....
بنت عمتي اتزوجت واحد غزاوي .... و كتييير مبسوطه امورها ماشيه تمام ..
بس الشي الغلط الوحيد انه ... كلهم بقولو ليه ما اخدت واحد من بلدها ؟؟؟؟
((( اللي بسمعهم بقول هاد جاي من أقصى آسيا )))
عنجد مســــخره

الله يهدينا بس ...
و كل هاد من الاحتلال ... بس عم بيفرق بيناتنا باي طريقه
اول شي المناطق ...و هلأ حماس و فتح ....و البقيه عالطريق ...
اصحــــــــــــوا
..ما لازم نتفرق ولو باقل شي ..
.احنا كلنا لازم نكون عقل واحد و ايد وحده




شكراً عالموضوع الحلو .... انشالله يفيد ^_^

[مؤيد]

الاستعمار والانتداب البريطاني هو أول من أوجد هذه المسميات ، تحت شعار فرق تسد .. وكي يخلق الفتنة بين الفلسطينين ويلهيهم عن واجبهم وهدفهم الأساسي ...
وبدك الصراحة ، أنا حاسس إنو كتير خفت هاي المسميات ، خاصة في هذه الأيام ، وصارت الناس تقول حمساوي أو فتحاوي ،، بطلنا نسمع هذا فلاحي ولا مدني ولا لاجئ ... إلخ .... يعني صدقو قصة الانتماءات السياسية عنا خففت كتير قصة فلاح ومدني عنا في الخليل ، صاروا يحكو هذا حمساوي وهذا فتحاوي ، بغض النظر عن إنو فلاح أو مدني ..

وعنا في محافظة الخليل ، كتير منتشرة قصة فلاح ومدني ،،،، واكيد قمر ودالية الخليل بعرفو هالشي ، بس الحمد لله ما عمري حكيت لا لقمر ولا لحدن يا فلاح ،،، طبعا ً هذا الشي مش موجود عندي ،،،

هذا شغل الاحتلال ، ينشر التفرقة والفتنة ...
وأنا ما عندي تفرقة أبداً ، أنا بفرق الناس على أساس التزامهم بدينهم ، بحب الي عندهم دين أو على الأقل بميلو للدين وبحبو دينهم ، وبكره قليلين الدين والي ما عندهم دين ..

أنا هيك بصنف الناس ، وأنا عنصري من قليلين الدين ،ههههههه .
.
ويسلمو على الموضوع لولو

وبختم بكلام ربنا سبحانه وتعالى " إن أكرمكم عند الله أتقاكم " صدق الله العظيم ... سورة " الحجرات : 13".

[نبض الأقصى]

موضوع رائع لكن للأسف نشاهد هذه التفرقة أحياناً.......أنه هذا من غزة ..............هذا من الضفة
لكن نحن كلنا أهل ويجمعنا الدين ...............والأرض .........وأنا لا أرى أختلاف ..........والأختلاف يأتي فقط في التقوى .......حيث قال رب العالمين "أن أكرمكم عند الله أتقاكم"
صق الله العظيم

[نبض الأقصى]

آسف صدق الله العظيم

[جيفارا*نابلس]

والله بنظري الانسان يقاس بأخلاقه وبشخصيتو مو بجنسيتو

يعني لو فلا مثلا ومدني

لولا الفلاح لمات المدني من الجوع

انا ابن مدينه اكيد وبلاحظ هيك شي

اما المخيمات فهمي اكيد ابناء شعبنا واعزاء علينا ففيهم اخوالنا وقرايبنا

يعني بالعربي احنا ولاد بلد واحد

الله يحمي فلسطين وكل الي فيها

[ابنة الشتات]

قال رسول الله صلى الله عليه وسلم: (ليس لعربي فضل على أعجمي إلا بالتقوى)
الموضوع مو موضوع عنصرية بس موضوع شخصيات ومجتمعات
يعني احنا شعب عربي واحد كلنا النا نفس العادات بس العادات الي بتربط مثلا اهل الخليج ببعض غير العادات الي بتربط اهل الشام ببعض وهيك هي القصة بفلسطين على نطاق مجتمعي أضيق .. يعني انا لما أحكي مثلا انت ضفاوي او غزاوري مو يعني هدول احسن من هدول بس طباع هدول غير طبعاع هدول وانا بحب اعامل الناس بأحسن صورة وكل ناس بعاملهم بالطريقة الي بتيحني وبتريحهم .....
ونفس الشي بالنسبة للفلاوح والمدني كل واحد الو عقلية بس برجع وبحكي كلنا فلسطينية وما حدا احسن من حدا.....

بكل حال انا ضفاوية نابلسية فلاحة بس بالشتات ولا عمري شفت بلدي

شكرا لولو الله يعطيك العافية

[لولو اليبناوية]

واااااااو عاشق البندقة انا صايرة هاليومين مشهورة...
هههههههه هيك تثبيت مرة وحدة..؟؟!!
يسلمو ايديك..


و يسلمو يا جماعة...
بجد كلامكم رائع...كلكم بدون استثناء...
وفعلا انا ما قصدت الفئات الي كتبتها بس...اكيد في اكتر ...
ومن كل منطقة لمنطقة ابتختلف التفرقة بين شو و شو...
وفعلا متل ما حكى مؤيد...
الاستعمار هوي الي طلع هاد الشي...
وانو هالايام قلت هالظاهرة مقابل انو طلعت شغلة فتح وحماس...
نورتوو