تجاربكم الشخصية مع التدخين..تفضلوا..

[عاشق البندقية]

ههههههههههههههههه

ريما لازم تفضحنا..

بسيطه ,, يا ستي انا دخنت بيجي....

3 سنين.,, وبالاخر قرفتو بعد ما علقت فيو منيح..

بس ما يإست دعيت ربنا انو يكرني الدخان ,, وليله بعد ليلة.

الحمد لله ..

ضربتني الفلونزا ههههههههههه وقعدت يجي اسبوع مش قادر ادخن.

والحمد لله طلعت من المرض جديد ,, ^^

وعم بحنللو بصراحة,,

عكل حال يسلمو للموضوع ,,

^_^

[Banbon]

انا ولا مره دخنت الحمد لله .... بس اغلب شباب العيله بدخنوا ....
محرقة دخان مو بني آدمين ......
أكتر شي ابن خالتي ...بضل يقهرني و ينفخ الدخان بوجي ....لانه بيعرف اني بكرهه
و بابا ... كمان كان يدخن ... و عنده كان الدخان أهم من الاكل ... و ضل هيك 22 سنه
بس فجأه بطل .. كانت ارادته قويه كتير
....و هلأ مستحيل يقرب عليه او يقعد مع حدا عم بيدخن لانه بيتدايق
....و بيكره الدخان متلي ^_^

شبــــــاب .... بطلوا هالسم .... و الله مو منيح بالمره و ما اله فايده
و حتى اذا قلتوا انوا بينسي الهم و بروق الاعصاب ...هاد كله حكي فاضي و سمعته كتيييير
بس انتوا فكروا بالموضوع و قووا قلبكم و ارادتكم ...و رح تبطلوا

و الله يوفقكم ...

شكراً ريما عالموضوع الحلو و يسلمو ايديكي ..

[barbie]

مشكوووووووووووووووووووورة أختي الغالية ريما على الموضوع المميز ،،، أما بالنسبة للتدخين ،،، انا ما بدخن بس أعرف أمراضو و خطورته على الإنسان ،،، و انا عن رأيي إذا كانت لديكم عزيمة إرادة قوية راح تتمكنو من الإبتعاد عن التدخين ،،، و ثاني شيء انا ليا بعض النصائح إن شاء الله تفيدكم 1)- أولا و قبل كل شيء الرياضة يجب أن تشغل نفسك بالرياضة ،، و التي كلها منافع طبعا 2)- حاول أن تنقص من السجاير مثلا إنت أخي جيفارا 3 باكيات في اليوم كثييييييييير حاول تنقص شوي يعني مثلا الشهر دا حاول تنقص باكية 1 و الشهر الثاني باكية تانية و الشهر الثالث هوب خلاص راح تكون قد إبتعدت عن التدخين . 3)- حاول أن تشغل نفسك بالقراءة أو عمل أو شيء ما المهم أن تملئ اليوم بالعمل فهذا يساعد على افبتعاد عن التدخين ... 4)- حاول إنك تقراء عن التد خين و خطورتو على صحة الأنسان و دا كمان بيساعد كثير على الإبتعاد عن التدخين .. و انا إن شاء الله راح أطرح موضوع متعلق بالتذخين و أتمنى أنو يكون حافز على أنكم تبتعدو عن التدخين ... هههههههههههههههههههههههههههههه ه انا بتكلم كأني كنت بدخن لا لا لا لا هههههههههههههههههه بس في بابا بالبيت بيدخن ههههههههههههه مشكووووووووووووووووووووورة أختي ريما مرة تانية على الموضوع مواضعك كلها منطقية و حلوة و فيها إستفادة كبيرة و أخيرا تقبلو تحياتي أختكم في الله بــــــــــــــــــــــاربي

[ريما الفلسطينيه]

المشاركة الأصلية كتبت بواسطة رأفت و الله انا سنة 1999 بطلت التدخين سنتين و نص ... و بعدين ارجعتلو ...

و سنة 2004 تركتو سنة كاملة و ارجعتلو ... و بقدر اتركو بكرة لو بدي بس انا ما بدي اتركو

هيك هبل ...هههههههههههه

مشكورة على الموضوع ...

بصراحه غريب ..

اسمع نصيحتي واترك التدخين ..

وبكره رح تدعيلي:

[ريما الفلسطينيه]

المشاركة الأصلية كتبت بواسطة ahmadix يريت بفيدكو

بس عمري ما حطيت سجارة بتمي

وجديد وبعد عناء طوبيل افنعت والدي يبطل دخان .. وهاي اليو شهر وزاد كيلو هههه

الي بدو يترك الدخان شهل يتركو بدها ارادة الشغلة لكن اهم اشي انو يلعب رياضة عشان ما ينصح ..

شغلة ثانية ولا تزعلو مني يا مدخنين لانها صعبة .. روح على دكتور وخلي يصورلك صدرك .. حتلاقي سواااااااااااد .. وحتخاف من الصورة وحتخاف على حالك ..

انا اسف ما عندي اكثير معلومات لاني ما جربت

لكن انا يكره الدخان بشكر كبير

سلام

يسلمووو احمد عالمشاركه..

والله يهدي الجميع

[ريما الفلسطينيه]

المشاركة الأصلية كتبت بواسطة قمر الخليل ههههههههههههههه

جيفارا الله يقويك وتتركو

احمدكس بقطع ايدي ان ما حطيت سيجارة بتمك ازا انت تبع مواس وطوشات ههههههههه بدكاش تكون حاتط سيجارة بتمك هههههههه

ما جرررربت الدخااااان :) الحمد لله ولا بدي اياه

يسلمو عالموضوع

يسلمووو قمر عالمشاركه ..

[9ada al 2lam]

الحمد لله ما جربت ولا بدي اجرب

[مؤيد]

الحمد لله أنا ما بدخن إلا ما ندر ...

يعني ، تدخين سجائر ما بدخن مطلقا ً ... زمان أول المراهقة جربت هيك سيجارة تنتين وبطلت ..

بالنسبة لتدخين الأرجيلة ، آه بدخن أرجيلة كل شهر مرة ... بس

هذا بصراحة ....

بس يعني صحيح ما بدخن أنا .. بس بأرجل تسالي كل شهر مرة ..

بس نفسي ما أدخن أبدا ً ، لإنو أكيد هو مضر ، بس أنا ماخذه تسلاية مش أكتر

[ابنة الشتات]

الله يقطع الدخان على الساعة الي اخترع فيها الدخان

والله انو الدخان والاجيلة كلهم اضرب من بعض

المشكله شو بالشباب انو بفكروها مرجله الا من رحم ربي
وحتى امثالنا اكيد سمعتي بمثل بحكي ( زينة الشب سيجارته )

بس الله يهدي هلامه مصرفة وتضيع صحة ومال على الفاضي ...

بس انا بدي احيك شي لكل الي بدخنو خصوصا اني بعاني مع اخوووي

انتو يا الي بتدخنو بتفكرو انو التدخين فشة خلق بس لانو انتو مقتعين بهيك ازا بتغيروا قانعتكم بتبطلو تدخنو بس الشغلة بدها شية فكر واراده

الله يحميكم يارب

[نهال]

انا مش عارفة ليه الانسان بيحب يركض عند الشي اللي بيأذيه
يعني زي كأن بيقول هيها الحفرة وانا بدي اوقع فيها
المهم يا اخواني انتبهوا على نفسكم من التدخين
واتذكروا انه الله يقول " ولا تلقوا بأنفسكم الى التهلكة " صدق الله العظيم
شيء اخر تذكروا بانكم كلما دخنتم ابتعدت عنكم الملائكة
لانها تبتعد عن الروائح الكريهة
فهل ترضون لانفسكم ان تبعدوا عنكم ملائكة الله لاجل شييء تافه ليس له قيمة سوى انه يؤذيكم
وفي النهاية احب ان اقول معلومة صغيرة انه مادة النيوكوتين تستدخمها النباتات للدفاع عن نفسها ضد الحشرات
واعتذر عن الاطالة ولكن تذكروا بانكم ترتكبون الذنوب وتاذون انفسكم وتغضبون ربكم مقابل شيء تافه
وتذكروا ايضا ان اعداءنا يفرحون جدا عندما يجدوننا نؤذي انفسنا بانفسنا او بالاصح عندما ينشرون المؤذيات بيننا لنهلك
ولا تنسوا ايضا اننا بهذه الطريقة نرجع الى الخلف وليس الى الامام
تحياتي