قبل ما تفوتو ملتقى الاحبه يا ريت تتفضلو ...

[ريما الفلسطينيه]

مرحبـــــــــــــــــــــــــا ..

رح ادخل على طول بالموضوع و رح احط للقسم قوانين ويا ريت الكل يتقيد فيها ...

لاني اتعبت وانا بعيد و بزيد وما حد فاهم ...

و ياريت يلي بدو يفوت هالموضوع يقرا الموضوع كلو مش نصو او يتفضل" برا "..

رح ابلش نقطه نقطه عشان الفكره توصل للكل وما حد يتشوش ...


اول شي رح ابلش قسم" ملتقى الأ حبــــــــــه"...


اتوقع انو احنا عملنا هالقسم مش للمسخـــــره يلي بشوفها كترانه كتير فيه ..

:sh110:

اول شي :: ممنوع منعا باتا وضع مواضيع مباركه للاعضاء سواء صارو اعضاء نشيطين ..ماسييين..مثالي ..ذهبي ..برونزي ....و..و.... وان شالله صار مدير عام ..هاي مش مشكلتي ..

:sh110:

تاني شي:: الايميــــــــــــــــــــــلا ت .... .... ما بدي اشوف ايميل حد هون ..مافي داعي احط حدا بموقف محرج ..(اتقوا شر الحليم اذا غضب)..

:sh110:

تالت شي :: في شي كتران هالايام .. "مواضيع الوفاه " ... يلي كلها كزب بكزب ..بس بتنحط للفت الانتباه ..المشكله والمصيبه انو الميت هو يلي بحط الموضوع ...سبحان الله في نت بالقبر .. واليوم التاني بترجعلو روحو و بصير "حيا يرزق " وبيرجع للمنتدى ...والله ما بعرف اضحك ولا ..

:sh110:

رابع شي:: مواضيع ترك المنتدى ...اي واحد بيحرد من التاني بيرميلي موضوع بهالقسم انو زعلان و بيعمللنا فلم هندي .. وبتصير قصه و مناحه ..و.و...... ما في داعي لهالشي ..

:sh110:

خامس شي:: الدردشــــــــــــــه .. غالبيه مشاركاتكم دردشه بدردشه .. يا ريت تقللو من هالشي .. لانو دردشتكم فوق ما هيي حكي فاضي وما الو داعي كمان بتصير مشاكل و مدايقات منها يا ريت تتوقف الدردشه...ويلي نفسيتو بتتعب ولازم يدردش ييجي لعندي وانا بعطيه مواقع للدردشه يروح يدردش فيها ...
يا ريت الكل يفهم انو هاد القسم مش للدردشه ما رح اسمح باي دردشه هون الا في حاله وحده ازا صار اسم القسم ""ملتقى الدردشــه"" وقتها بكون انا اقدمت استقالتي ..

:sh110:

سادس شي :: مواضيع السفر والهجره ...بعدني ما قررت شو اعمل بهاي المواضيع بس رح اخليها لاني ما عم بشوف اي غلط فيها بس ازا حسيت ناس استغلو هاي المواضيع للفت الانتباه او اي شي تاني رح يكون الي تصرف تاني معاهم ..

:sh110:

في حال اي مخالفه ....على طول المواضيع هاي في "" سله المهملات "" او ""المحروقات ازا بدكم "" ..يعني تعبكم بروح عالفاضـــــــــي...



هاي القوانين بتمشي عالكل اولهم انا ..وعلى محمود كمان ...وعالمشرفين وعالكل ..... وانا ما بحب اكون مشرفه عليكم ياريت كل واحد يكون مشرف على حالو ^^


ويلي عاجبو اهلا وسهلااا ..و يلي مش عاجبو الباب بفوت 100 جمل مش جمل واحد ^^

واسفه عالازعاج ..

ريما ..