.+. وانت زغير ، أعترف.+.

[فلسطينية مغتربة]

توبيخ

[Abu Shadi]

انا مشكلتي وانا زغير انو الوالد لمن كان يضربني كنت اضحك مش عارف ليه
حتى كان احياانا الوالد يرحمني من العقاب عشان بيصير يضحك معي
وهي الحاجة الوحيده الي كانت تمنع عني العقاب
وكان الوالد يفقع ويقلي ولك انا بزغزغ فيك ولا بضربك بكفي عاد وينسا العقاب ونصير نضحك ولا شي كان هههههههههههههههه في الغالب كان العقاب عشان بعمل مشاكل في الشارع وما عمري اطلعت على البيت من الشارع الا لمن اعمل طوشه هههههههههههههههههه

[هلــون]

والله بابا عمو ما ضربني ..

مش لاني ما بغلط .. بس بابا عندو عقاب ابشع من الضرب

بتجاهلني ..

يعني بحكي مع الكل وانا بكون موجودة .. بس ما بشوفني ..

ولا كـأني موجودة ..

عندي يموتني ضرب ولا يتجاهلني ,, جد ابشع من هيك عقاب ما في !!

يسلمو توين ..

[قسامي غزة]

بالنسبة للضرب واحنا صغار طبعا كان يختلف مع اب الي اخر
فبعض الاباء كانوا يضربون من اجل تعليم اولادهم والبعض الاخر كان ضربهم عذاب لاولادهم
في جارنا كان لما ابوه يضربه كل الحارة تعرف انوا ابوه بيضربه كان يصعب عليه ابوه كان جبار جدا وما بيعرف ربنا حتي وكان يضربوا يمكن بعد ما خلص ثانوية عامة بعد هيك ابوه توفي وتريح من الضرب
الضرب في التربية شئ مهم بس يكون اله حدود
بدي احكي موقف صار معي مرة امي رحمة الله عليها اشترت الي جاكيت لانوا الدنيا كانت مطر وطبعا رحت انا زي الشاطر بدي اجربها هل بتدخل ميه او لا رحت وقفت في نص الشارع والمطر ينزل طبعا صارت كلها ميه
روحت علي البيت امي بتقلي شو هاد قلتلها بجربها طبعا اكلت كتلة بس مش ذاكر شو نوعها
بس انا ما كنت انضرب كتير لاني اصغر واحد في اخواني وما كانوا يحبوا يضربوني
مشكورة يا اختي زكرتينا يالذي مضي

[AnGeLa]

هههههههههههه

انا ابي ما كان يقرب علــي .. لانو اغلب الاوقات مش موجود بالبيت

بس إمـــــي يا ويلي كان كل غلطة بقرصــة

وما ادراك ما هي القــرصة !!!!!!!!!

بتمــوت ..

ههههههههههههه بس حلوة قصة ارن الفلفل ههههههههههههههههههه

عنجد بضحكي يا تويــــــــــن

[سارة]

هلا على القتلات اكتيرررر خاصه من عمر 3ل7سنين

بس مو هيك من دون سبب انا كنت من النوع النكد طول الوقت ابكي واتخانق مع اي حدا

بس خالي كان ما يخليها لامي تضربني

لهيك خالي لهلا بيحملني اجميلي لانه كان ما يخلي امي تضربني

[صرخة أنثى]

مش متذكرة اني كنت اتبهدل وانا صغيرة ههههههههههه
كنت هبلة كتير((ولا حرج على مجانين)) ياحلوة


يسلمو عالموضوع

[أنين]

هههههههههههههههههههههههه والله زكريات حلوه صحيح انو فيها ضرب بس حلوه بالنسبه الي كنت انا والعمر ماشي واخوي اعمارنا ئريبا من بعض يعني كلنا بنغلط مع بعض بس انا واخوي ما كنا ننضرب لانو بس ماما تيجي بدها تضربنا كنا نهرب وكانت العمر ماشي تاكلها مسكينه والله بس ازكر بحزن عليها بس الي بزكروا ... ئرن الفلفل يسلموو حبيبتي توين ع الموضوع الررروعه

[فراشة]

ههههههه ئصصكووو عجيبة والله ... بدي افتن عنها لتوين ... لسه لهلا بتتعاقب ... بس بابا بدو يعاقبها اصعب شي لتوين انو تسكتلها شوي فبس يعصب منها بيحلف عليها تضل ساكتة ساعة ... سعتها بنئضي اهدى ساعة بعمرنا ...

وانا عقابي كان زي توين ئرن الفلفل .. والتبحيرة البتموت خوف ...

يسلمو يا عسل موضوعك كتير حلوو

[العيون السود]

يييييييييي
انا كانوا يعاقبوني بالتوبيخ
بس لو ضرب اهون