عند الخطبة هل يهمك ماضي الشخص ..؟؟

[samar]

والله بصراحة انا رأيي ازا الشب تاب و خلص و هلأ نيتو صافيا مو ناوي يرجع و هيك بقبلو ليش لاء؟؟
ويسلمو عالموضوع

[النمر الفلسطيني]

انا يا اخوان بحكي انو ما في حد ما الو ماضي وما في حد عدا عن عمر العشرين سنه الا ما كان الو ماضي منيح او مش منيح بس يلا بعين الله الكل بحب يعرفو انو انتي حبيتي قبل والا ما حبيتي قبلي وانتا حبيت قبلي والا ما حبيت قبلي كلهم بدهم يعرفو هادي المواضيع بس السؤال عن الماضي الو طريقه خاصه مش خبط لزق نسال لانو الطريقه الها معنى بعدينن الذكي الي بيعرف الماضي بطريقه غير مباشره يعني بدون اي تجري وبدو شوية ذكا لانو والله صعبه المهم في شي مهم بحب احكيه ابدا ابدا بنصحك لا تسال عن الماضي خلي العروس تسالك تحكيلك طيب انتا ما سألتني عن الماضي تاعي ساعيتها انتا احكيلها انا واثق فيكي ... والكلام بيجر كلام .

[نسرينا الفلسطينيه]

وأهم شي أنو تاب وما برجع يعمل غلطو،،

فليه انضل انحمل الشخص غلط عملو في الماضي ونضل انزكرو فيه؟؟،،

الله بغفر أحنا بشر ما رح نغفر يعني !!

((كل ابن آدم خطاء و خير الخطائين التوابون))

[مؤيد]

كتيييييييييييير بهمني .

لإنو من شب على شيء ، شاب عليه .

شكرا عالموضوع

[ريما الفلسطينيه]

انا عن نفسي بهمني اعرف ماضيه بس مش رح اعاتبه ولا على شي عملو ازا رجع عن غلطو و انعدل ..

وبالعكس يمكن اتمسك فيه اكتر ازا اعرفت انو يوم من الايام غلط ورجع عن غلطو وصار منيح ..

و بالنهايه بيهمني شو هوى هلأ وبس ...:) ,,,انا هاد رايي الشخصي..

الله الكبير بيغفر ...ليش انا مااسامحمو..!!!!!

كل البشر بيغلطو واتحدى ازا حد من يلي شاركو في الموضوع بيقدر يحكيلي انا ما اغلطت بحياتي ...

[ادهم اللداوي]

كتير مهم خاصة للبنات
لو كان عندها سوابق معناها يلا يا روحي وريني كام بالضبط عرض كتافك

[احلي ابتسامة فلسطينية]

انا بالنسبة الي بهمني

حسب شو هو الماضي بالضبط

في حاجات ما بقدر انساها وما بقبلها

وحاجات تانية ممكن الواحد ينساهها او يتناساها

وشغلة تانية حسب الشخص نفسو ومعزتو عندي

وكمان حســـــــــــــب عيونووو

من عيونوووووووو بقدر اعرف الي قدامي

هو تاب خلاص ولا جلدو بنمنمو

وعقلو مش مريحوووو

هههههههههههههههههههههههههههههه ههه

بايووووووووووووووووووووووو

[ayman]

لكل شخص في الحياة تجاربه واخطائه ولا احد في هذه الدنيا معصوم عن الخطأ ..
لنجاح اي زواج عدم تذكر الماضي ..وعملية ارتباط اي شخصين ببعضهما تبدا من نقطة الصفر ( الخطبة ) ..
اذا كان الله تعالى يغفر ويتوب ويصفح ويقبل التوبة فلماذا لا نصفح عن اخطاء او عن تجارب الاخرين ..

[وليف الدمعة]

احبائي الاعزاء .... في الواقع اشكركم كثير علي حسن مشاركتكم
وطيبة مروركم العطر الصحيح ردودكم كلها رائعة ومميزة
كل الاحترام لارائكم الطيبة

دومتم بود

مع خالص تحياتي لكم

[جيفارا*نابلس]

مع احترامي لعاشق البندقيه في رايو ولكن الاهل بسألو صح ولكن هل الفتاه تترك الماضي مكشوف للاعين لمن اراد ان يعرف شيئا يجده امامه

اظن معظم نتائج الزواج عنا فاشله لانو بنطلع على هيك موضوع

انا بعرف ازا انا حبيت وحده وحبتني يجب ان ننسى كل الماضي ونفكر بالمستقبل كيف بدنا نصنعو ولا نلتفت لماضي لا يزيد شيئا بل يفسد الود بيننا

وشكر لهذا الموضوع