أغلى دمعه في حياتك متى ؟؟..................ولماذا....؟

[هلــون]

يسلمو على مروركم .. والله لا يجيب الدموع والحزن

[الورده الحمراء]

اغلى دمعه ذرفت عندما رأيت دم الشهداء يسيل امام بيتنا عندما قصف مقر حماس بنابلس واستشهد على اثرها 8 شهداء...كانت الدماء تسيل كالمياه...وبعدها انتشال اشلاء جثث الشهداء..فعلا منظر لا استطيع نسيانه..واتالم كلما اذكره لغايه الان..
يسلمو هيلين عالموضوع...اثرتى ذكريات مؤلمه..

[ashrafo]

والله الدمعااات في هاي الايام والي بصير فينا احنا المسلمين وخاصة في فلسطين والعراق كتير شي ببكي وللاسف يعني الكل علينا غالي من الشهداء المسلمين .. بطل في شي اسمو دمعه غاليه ذرفت دموعنا عكل شي للاسف الدمعة فقدت بريقها وهيبتها ..
لكن اغلى الدمعات فعلا هي الوقوف بين اللــه عز وجل ..
اغلى دمعة بالنسبة الي صاحبي وامه توفت وكتير كان يبكي وحزين وكيف صارت

حياتو من غير امو كان موقف كتييير كتيير بحزن لا يوصف وما قدرت امسك حالي وبكيت واتخيلت حالي مكان صاحبي ..

وفعلا كانت من اغلى الدمعات .. الله يطول ويبارك في اعمار امهاتنا آآآمين
s..w..a..t..99

[Banbon]

أغلى دمعه ....
دمعة لقائي مع الناس اللي بحبهم .....لانها دمعه حلوه و سعيده ....و ما بتتعوض
..عنجد أحلى دموع دموع الفرحه بلقاء الأحبه ....
اذا كل الدموع مثلها بدي أضل أبكي على طول ... ^_*




و شكراً عالموضوع الحلو .......



دمعت عيوني ...^_^

[ابو جروح]

طيب خذي هاي محرمه مسحي دموعك هههههههههههه
طبعا دمعة الفرحه

[هلــون]

يسلمو لالكم كلكم ..

[احلى رورو]

اغلى دمعة والله ما بنعدووووووو

بس يعني اخر دمعة كانت دمعة اشتياااااق ل.......

كانت قبل شوووي

[.:.!دموع الرحيل!.:.]

والله هي مش بس مرة
في كتير اوقات ببكي الواحد على اشياء بتعز عليه
حزن أو فرح
لكن ما اكثر الأحزان وأقل ساعات الفرح هاي الأيام ((والحمدلله على كل حال))


وبما إني
"دموع الرحيل" لازمـ أجاوب مش هيك هلون هههههه
اوكي000

متى ذرفت اغلى دمعــــــــه في حياتــــــــــــك؟!
بالوقت القريب
من يومين

ولماذا ؟؟

عندمــا دار بيني وبين مجموعة من صديقاتي هون في لبنان ،، وسمعت كلامـ جارح جدا
بيمسني أنا كفلسطينة لاجئة ،، وبيمس الفلسطنية كلهم ،، وبيمس فلسطين الوطن والقضية

ولإجــــــــــل من؟؟

ما فكرت بنفسي ابدا لأن حقي بستردو عادي ،، وما بسكت ما بخللي حدا يغلط معي ،،
وانا لا اساوي شي قدامـ كرامة وطني وابناء شعبي
الي ما سكتت ودافعت عنهم بس للأسف
الصورة الي مطبوعة بالذهون طلعت أكبر بكتير من أنو الواحد يقدر يصححها بساعة او ساعتين
بكيت على فلسطين الي ما حدا عارف قيمتها
وعلى شعبي الي بيضحي وما حدا سائل فيه
وعلى كرامتنا الي قايمة تنداس كل يوم
أينما حللنا وارتحلنا

ميرسي هلون حبيبتي
يعطيكِ العافيه

[فراشة]

متى ذرفت اغلى دمعــــــــه في حياتــــــــــــك؟!
من سنواات

ولإجــــــــــل من؟؟ اختي الغاليه

ولماذاا؟؟

في حادثه حصلت معنا وكل ما اتذكرهاا اصيير ابكي بحرقه ...
كنا مره طالعين مع امي وابي ...ووقفنا عند سوبر ماركت .وضلينا نحنا بالسياره عشان كان بابا بدوويجيب غرض مستعجل ... فلما نزل ... اختي الصغيره صارت تبكي بدها مصاصه وشوكولاته ..حكتلها ماما انزلي هي بابا هناك احكيلوو .... فاللحظه اللي نزلت فيها كانووو سيارتين بيتسابقوو من بعيد ... وفقدوو السيطره على سيارتينهم ... وحده دخلت بعموود كان حدنا ..والتانيه دخلت بسيارتناا ... وفلحظتهاا كانت اختي لافه من ورا السياره عشان ترووح ...... نزلت ماما زي المجنوونه تدور على اختي والدنيا كانت غبرا كتيير من شدة الحادث ..اجى بابا ولتموو الناس واجت الشرطه .. ونحنا لسه موولئيينها ..اعدوو يدوروو عليها تحت عجلات السياره ... والشرطه اخدتنا نحنا وماما عشان ما نشووفها وهي ......... بعديها صار نص الليل ونحنا ما شفنا بابا ولا حد حكالنا شي عنهاا ....بعدها اجى واحد بيحكي لبابا هاي بنتك .. وكانت اموونه اختي ... والاصه انوو لما صارالحادث كان في عامل هندي نتشهاا بسرعه وتخبوو تحت كراتين الفواكه ... وشووفوو عاد ايش عملنا لما عرفناا انها عايشه .... الحمد لله .... بعدها بيوم دبحناا عشانها خروفين ..... طولت عليكم صح ؟؟؟؟ والله وانا اعده بكتب وببكي ....
شكرا على موضووعك اللي بكاني عالى الصبح ....

[مريوم]

مابعرف