هل تتزوج فتاه عرفتها عبر النت او هل تتزوجي شاب عرفته عبر النت

[ريما الفلسطينيه]

كل شي بهالدنيي ممكن.......

[ماري]

ابن فلسطين عيب مش لازم هيك تعمل بالبنات شو بكون ردك لما شب يلعب على اختك بعدين كل الناس اخوه بالاسلام لازم تخاف الله وتعتبر البنات زي خواتك
وعلى الرد على الموضوع انا ما بفضل لان انا بمجتمعي الشب بيقول اتعرفت عليها على النت ويمكن تعرف شباب قبلي على النت يعني راح يكون شكاك

[Banbon]

انا بقول ...اذا كانت القصه على ارض الواقع و ممكن يصير مستقبل.. ...بزبط... ليه لأ
يعني الوضع عادي جداً...و بالاخر كل شي بيرجع لطبيعة الاشخاص و تفكيرهم و كمان هالنوع لازمه اشخاص فاهمين و واثقين من بعض منيح و وفيين.....وهيك
وبس

شكرا عالموضوع

[شـهيد]

موضوع حساس شوي
بس ازا ممكن نحكي انه فعلا هالشب والبنت تعرفوعن طريق النت يعني النت كان البداية وبعدين تعرفو على ارض والواقع و اتعرفو على بعض كشخصيات فليش لأ ممكن يكون إلهم مستقبل مع بعض ويتزوجو...
بس في شي ما بنختلف عليه وهو الحذر في البداية للطرفين يعني الشب والبنت لازم يكونو دايرين بالهم منيح..وبالآخر كل شي قسمة ونصيب....

احترامي للجميع

[محبة الأقصى]

انا اصلا ما بسمح لحالي اتعرف على شب عن طريق الانترنت..لحتى احبو
كلو حكي فاضي ...ودايما بكون في شك من الطرفين في الاخر
وازا تم الزواج بين شخصين بهاي الطريقة ...ما بستمر كتير وبنتهي بالفشل
وانا مرة قرأت انو نسبة الزواج عن طريق النت لا تتجاوز 1 او2%
ومشكورة

[نرمين]

لم لا انا اعرف فتاة معااااااااااااي بالكلية خطبت شب عن طريق النت

وكل شي قسمة ونصيب والمكتوب مامنه هرووووووووووووووووووووب

يعني اللي الله بيكتبه لازم يصير

[جودي]

موضوع خطير .والناس قصدي الشباب أغلبهم صاروا مدمنين على النت والماسنجر .وانا برأي لأ طبعا مستحيل يصير هيك زواج لأنو اولا تخيلوا موقف البنت لما يسألها أهلها من وين عرفتي هالشاب ؟وتقول عن طريق الشات ..تخيلوا صدمة أهلها فيها بس .ولنفرض انو تجوزوا وجابوا ولاد وسألوهم كف تعرفتوا على بعض ويقولوا برضوو عن طريق الشات .بظن اشي محرج .

على العموم الناس وجهات نظر بهيك مواضيع .

يسلمو على الموضوع

[لولو اليبناوية]

هو بصراحة الموضوع صعب جدا
انا عني ما بفضلو لانو صعب الثقة بواحد بمجرد انو بكتبلك كلام
وكيف تكتبي معلومات زايدة عنك وتضمني انو الولد قصدو شريف
او العكس..............لا

[Bent Palestine]

انا رأيي من رأي ريما الفلسطينية
كل شي بهاي الدنيا ممكن

[دلوع الشام]

انا بحكي اي وبحكي كمان لالاء اي امكن الاسم والعمر والمواصفات الشخصية لكل واحد تطلع كزب بكزب وبحكي اي امكن الحب او المواصفات الشخصية والحب يائتر عليهم وبخليهم يتزوجو عن طريق النت