شباب فلسطين

عاشق الحور · 06-10-2006, 02:23 PM

والله كلام حكم

بس يا ترى هل في ناس تسمع

على الحقيقة لا جدال فيها اختي

عاشقة فلسطين · 06-10-2006, 03:38 PM

كلامك صح 100%
بس لا حياة لمن تنادي

قمر الخليل · 06-10-2006, 03:50 PM

يا جماعة انا ما طلبت منكم ردود عشان تكتبولي لا حياة لمن تنادي

انا طلبت عشان تساعدوني انو نفهم الكل

وازا الموضوع مكرر مش مشكلة متل ما بقولو التكرار بعلم الشطار

رجاءا ما بدي تحكولي هاتي الي يسمع

بدي منكم كل واحد عندو صاحب او عضو بعرفو كتير يفهمو ويحطو ايديهم ببعض

رجاءا خلونا نبدأ الوحدة الوطنية من منتدانا عشان بالمستقبل تسير على مستوى فلسطين

لو كل منتدى عمل هيك صدقوني رح نقدر نتغلب على هاي المشكلة

نسرينا الفلسطينيه · 06-10-2006, 04:08 PM

انا رح اوجه كلامي إلك قمر

مبادرتك راااائعه كتير..وانبسطت فيها

بس انا رح احكي بكل صراحه وبتمنى ما حدا يزعل مني لاني رح احكي لمصلحه هاد المنتدى ومصلحه شعبنا..

آخر فتره المنتدى مشاكلو كترة من موضوع التنظيمات وهاد شي بحزن كتير..

ومن غير مشكال بتلاقي بعض الاعضاء..بطلعو ع الاهداءات وفي المواضيع وتوقيعاتهم كمان

عن التنظيمات إلي بحبوها..يمكن اولهم انتي يا قمر الخليل وغيرك..

بتمنى ما تزعلي مني بس هاد إلي ظاهر..توقيعاتك وكلامك كلو عن تنظيمك

انا ما بقصدك انتي بس انا ع الجميع..

وبتمنى تبدأي انتي بالتغير عشان الكل يغير ويسمع كلامك في هاد الموضوع..

يعني بتمنى من الجميع يعملو بهاد الكلام وما يتحزبو مع بعض ضد بعض..

وأرجو من الجميع ومن محمود يحط بند جديد في قوانين المنتدى

انو ينمع وضع اي شعار او توقيعات لأي تنظيم سياسي ..

لانو هيك شغلات بتعمل حساسيات بين الاعضاء ..

ولازم نحط براسنا انو احنا بمنتدى شباب فلسطين يعني منتدانا لفلسطين كلها مش لحماس ولا لفتح..

أختكم::نسرينـــــا الفلسطينيه

syef · 06-10-2006, 04:16 PM

انا مع الاخت نسرينا الفلسطينية
من أراد أن يكون الشارع نظيفا فل يبدأ كل واحد بتنظيف باب بيتة

قمر الخليل · 06-10-2006, 04:19 PM

عن التنظيمات إلي بحبوها..يمكن اولهم انتي يا قمر الخليل وغيرك..

بتمنى ما تزعلي مني بس هاد إلي ظاهر..توقيعاتك وكلامك كلو عن تنظيمك

انا ما بقصدك انتي بس انا ع الجميع..

وبتمنى تبدأي انتي بالتغير عشان الكل يغير ويسمع كلامك في هاد الموضوع..

بشكرك كتيرنسرينا

بس حبيبتي انا لما اشارك بموضوع التنظيمات بكون من قهري عاللي بسمعو عن اساءة كبيرة للشعب الفلسطيني ولانو ما في اي وشيلة تانية للتعبير عن الرأي بالمرة

وكمان لاني بشوف كتير ظلم وكلام حرام بنحكى في حق التنظيمات والشعب الفلسطيني

وبعدين كلنا شعب واحد مزبوط بس اكيد كل واحد معجب بأفكار تنظيم معين يعني انا معجبة بأفكار حماس لكن مش معناتو انو بالحق والباطل اوقف معاها لأ

واعتقد انو مش غلط انا لو حطيت توقيع بتضامن من هالحركة وخصوصا في ظل الظروف الي بتمر هيي فيها بس هادا ما بعني انو انا بشجع على الاحزاب وعلى الفتنة والتنظيمات واثارة المشاكل هون

بالعكس انا بدي منتدانا يبدأ في الوحدة الوطنية واكيد الي متمكسين بتنظيمهم مارح يغيرو رأيهم لكن شو فيها لو توحدنالنا يوم واحد على الاقل؟؟ صدقوني رح يطلع منا اشياء كتير لو وحدنا كلمتنا وممكن التحرير يكون اليوم قبل بكرا

شكرا نسريناا وبحيكي على شجاعتك

قمر الخليل · 06-10-2006, 04:21 PM

واخ سيف لو سمحت ممكن تحكي بكل ادب

انا ما طلبت منكم تدخلو هون عشان تقعد تحكيلي هالكلام هادا

بالعكس انت المفروض تحيني على شجاعتي واني بدأت بهادا الموضوع

والمفروض قبل ما تحكي عليي تبدأ تشوف حالك انت اول وتشوف اغلاطك بالاول بعدين احكي عني

~ | Mazaj · 06-10-2006, 04:22 PM

كلامك صح اختي نسرينا ،،
هوا محمود حاطط من زمان عدم وجود تواقيع للأحزاب السياسيــة ^^

بس انا اولهم ما بطبق هادا القانون :)

يلا ،، لما تهدي الحرب بشيلو ،،

syef · 06-10-2006, 04:29 PM

اختي قمر الخليل لكي كل احترام وتقدير على الموضوع
وادذا لاحظتي انا غيرت توقيعي دعما لموضوعك
اقبلي الاحترام

قمر الخليل · 06-10-2006, 04:32 PM

يسلمو على مرورك

ياريت الكل يقدر هالحكي وانا بطلت احط كتائب القسام عشان ما يفكروني متحيزة

بس احنا ما بدنا على مستوى التواقيع بدنا كمان بالمواضيع خلونا نحط ايدينا بأيدين بعض

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء