بدون لف أو دوران ...... ماذا يعني الاستفتاء ؟؟ ولماذا الرفض ؟؟؟

[البتار الصارم]

انا حاب ارد على ثورة
اولا الاختلاف في الرأي لا يفسد للود قضية
ثانيا اخي ثورة على سبيل المثال في لصوص في القرية او المدينة عندكم ويسرقوا في بيوت الناس فاذا اقررنا انهم موجودين سواء قلنا نعم او لا فهل هذا يعطيهم الحق اي اللصوص بالسرقة والاهم بالوجود
ثالثا الانسان حباه الله بالعقل وميزه عن الحيوان فيه وسخر كل شيء في الدنيا لخدمة الانسان طيب ما يميز الانسان عن الانسان في التصرف هو نتاج عقله وفكره فاذا كان هذا العقل في احكامه مش مبني على قواعد واسس فهو سيتخبط ويركن الى اهون الحلول واسهلها لانه بطبيعة الانسان يحب الشهوات ومصلحته حتى ولول كان على حساب اقرب الناس له وكذلك ما راح يفرق ما بين غلط وصح فما الذي يدفع الانسان الى القتل والخيانة والسرقة ............ الخ بسيطة هو نتاج عقله وحمكه على الامور وما الذي يدفع الاستشهادي لتفجير نفسه ايضاً نتاج عقله وحمكه لذلك لا بد للانسا من قواعد تحكم طريقة تفكيره ونتائج ذلك التفكير
رابعا ليس من الخطأ اخي ثورة ان يبحث الانسان عن تلك القواعد ويختار منها ما يلائمه ونحن كشعب مسلم لا بد لنا من الاحتكام الى الشرع سواء كنا فتح او حماس او بدون حزب
خامسا اخي ثورة سؤال انت تدافع عن فلسطين لانك فلسطيني بالولادة فهل فكرت كيف لو انك انولدت لا سمح الله يهودي كان اليوم انت مع صف الكيان صح اذن حب لبلدك بالولادة ولكن ان كان مبني على الاسلام فحبك بيكون نابع من تعاليم الدين حتى ولو كنت من اوروبا صح
سادسا صحيح هناك من يتستر بالدين ولكن هذا المتستر لا بد وينكشف في يوم من الايام بناء على قاعدة تستطيع الكذب على بعض الناس كل الوقت ولكن لا تستطيع الكذب على كل الناس كل الوقت
وهاي لابد اخذتها في علم الرياضيات في المدرسة النسبية والمطلق
واخيرا كل الاحترام لكل الصامدين متشبثين بالمقاومة من ابناء شعبنا البطل
"يمكرون ويمكر الله والله خير الماكرين "

[عاشق الحور]

اخي البتار الصارم

تعليقك واضح 100%

يسلمو كتير منك

بس يا ريت لو يقتنع الاخرين

[قسامي غزة]

انا اريد ان ارد علي الاخ ثورة يا اخي حركة حماس صعدت للحكم ليس هي من وضعت نفسها وانما وضعها الشعب بناء علي الانتخابات وهي صعدت علي اساس مبادئ ان لاتعترف باسرائيل وهي تمثل الشعب الفلسطيني والشارع يعني ليس الشارع مهمش فهي تمثل الشارع الذي انتخبها واعطاها الحق في تمثيله والدفاع عن الشعب يعني خلاصة القول حركة حماس او الحكومة هي الممثل الوحيد للشعب وليس الااستفتاء لاننا نحن من استفتينا حماس ووضعناها في الحكم في تمثلنا فانا اري من انتخبناه وجعلناه ممثل شرعي لنا هو الذي بيده القرار

[عاشق الحور]

يسلموا قسامي غزة

الله يحفظك

[بياع القلوب]

انا مع رأي اخي ثوره ...مع الاستفتاء لانه من حقنا
اول شي بدون لف ودوران لما رفض الاستفتاء
هذا شي مشروع وحق من حقوقنا وبما ان حماس
واثقه من موقفها ومن حكمها السليم ليش خايفه من الاستفتاء؟؟!!!
انا حقولكم ليش خايفه.....
حماس خلال الثلاث شهور الي مضت ما جرت على الشعب الغلبان
الا البهدله وقلة القيمه يعني جوع وفقر وعدم رواتب والامر من ذلك
الحروب الاهليه التي يكاد الشعب الفلسطيني يباد على اثرها
انقسم الشعب وبطل الواحد اسمه فلسطيني صار اسمه
حماس ولا فتح !!!!!!!!!!!1
ماشاء الله علينا وعلى هيك شعب وامه عن جد
عدنا اتحررنا !!!!!!!!!!!
يا جماعه سيبوكم من الشعارات الباليه
حماس على عيني وراسي كانت مجاهده وبنحني الها
لكن من يوم ما استلمت الحكم واحنا بالنازل
وهادا شي عادي ومش عيب انا نعترف بهالشي
يعني مثلا لو كان عندك مرض القلب لاسمح الله بينفع تتعالج عند طبيب عيون
اكيد لا ...
فأعطي الخباز خبزه حتى لو أكل نصه
وعموما العناد ماراح يجيب الا المشاكل والويلات علينا
وبالاخر الشعب هو من سيدفع الثمن غالي والله العظيم
ولو كانت حماس واثقه انها حتفوز بالاستفتاء كان ما رفضته
وهم مصرين على مصالحهم الشخصيه والشعب اخر همهم
يجوع ولا يموت مش مهم المهم يحافظو على كراسيهم
داقو طعم العز والراحه ممكن تقولولي كم صاروخ من يوم استلامها الحكم
رمت على اسرائيل كم طلقه على اليهود رمت ولاشي
اما لوعديت كم طلقه اجت بصدر اخوانهم المسلمين الفتحاويه بتلاقيه ما بينعد
هادا هو الاسلام؟؟؟هادا اسلام مزعوم ومابدي حدا يبرر اي شي
لانه الخطأ لا يبرر ازا فتح فاسده حماس قلدتها وصارت افسد منها للاسف
بس لانهم عارفين انه من جرار عمايلهم هي خسرت اصوات كتير
وخذلت الناس بكتير اشياء كانو بيتأملو منهم انهم يحافظو عليها
وهي الاستقرار والامان مش الحرب والدمار والتجويع
عموما ربنا يجيب الي فيه الخير لمصلحة شعبنا
وسامحونا وهاي بس وجهة نظر
والاختلاف بالرأي لايفسد للود قضيه
كلنا اخوان فلسطينيين

[قمر الخليل]

هادا هو الاسلام؟؟؟هادا اسلام مزعوم ومابدي حدا يبرر اي شي
لانه الخطأ لا يبرر ازا فتح فاسده حماس قلدتها وصارت افسد منها للاسف

يا اخ حماس ما عملت شي عشان تخسر الناس

والي بسمعك بقول حماس كفرت بالله والعياذ بالله

اسمع

الكل عارف حماس مين بتكون وازا كانو بدهم يرجعو الحكومة السابقة

هه اقرا على الدنيا السلام

الشعب مش ناقصو نصب واحتيال وسرقة

الشعب بدو مين يحرر ارضو وما يعترف باسرائيل وازا عالرواتب هنية مستعد يجوع ويطعمي الشعب كلو

وانت عارف بنفسك انو فتح قاعدة بتعمل المستحيل عشان تسقط الحكومة


والا ليش لما سامي ابو زهري جاب المصاري عشان يخفف من الحصار عملوها مصيبة وانها دخلت بطريقة غير مشروعة؟؟

ووقفو ضدو ؟؟ يعني هو لمين جايبها لجيبتو؟؟ والا عشان يخفف من الحصار؟؟

والله العظيم هبل بهبل

واخر ناس بحقلها تحكي عن التحرير الي مش متدية

الدين اول بعدين فكرو بالتحرير لانو مستحيل تحرر على ايادي ناس بتصليش ومقضية حياتها بس انا من التنظيم الفلاني وافتخر

وبكفي تضحكو على حالكم لانو الكل عارف انو الاسلام هو الحل

وازا برأيك انو شعارات حماس كزابة اعطيني شعار واحد صادق لفتح؟؟

واتحداك ازا كان عملو فيه هالشعار هادا

واهم شي انو حماس لن تعترف باسرائيل مهما حصل وهادا برفع راس الفلسطينين فوووووووووووق

والله ينصرها ويثبت اقدامها يارب

[عاشق الحور]

اخي للاسف نحن هنا ندرس الاستفتاء من الناحية الشرعية دون الناحية السياسية

اما من ناحية السياسة فانت تنتقد حماس

ماشي الحال انت حر

بس يا ترى لو راحت حماس مين بدو يجي مكانها

الحقير دحلان ولا الجاسوس قريع الذي يبيع الاسمنت للجدار العازل

اخي والله لو في عند هؤلاء ذرة حياة ليدفنوا حالهم في مدافن الخراب

لانهم تنازلوا وعاونوا الامريكان واليهود على المسلمين

ولا نسيتوا ضربة 96 لحماس ومساهمتهم في ابعاد المجاهدين لمرج الزهور

نقول هذا زمن ولى وراح

ولا يمكن ابدا للابعاض المنتفعين امثال هؤلاء وكل من يدافع عنهم "بالتعليقات ايضا"

ان يعودوا للتخريب والفساد

والانتخابات القادمة بعد اربع سنوات ويجب ان تكون على ثقة

[البتار الصارم]

انا حاب ارد على بياع القلوب
1- حماس مش خايفة من الاستفتاء لانه قبل 3 شهور الناس اعطتها صوتها يعني تخيل حالك رئيس نادي وانه تم انتخابك من اغلبية الهيئة العامة واجت الادارة الي قبلك وطلبت استفتاء على قرارانت حملته في دعايتك الانتخابية شو راح يكون ردك
2- بالنسبة للجوع والبهدلة طول عمرك يا هالشعب مبهدل وجوعان والسبب يا واضح كل الوضوح اعترف باسرائيل تاكل ملبن
3- وبعدين بالنسبة للحرب الاهلية فهذه كلمات وللاسف صارت زي رد السلام الظاهر انو من كثر ما اسرائيل واذنابها بتهلل وبتتمنى انها تصير صدقنا وصرنا بتكلم فيها الي بصير يا اخي انوا مجموعة ذات مصالح شخصية لا هم سائلين عني ولا عنك الي بخلقوا فيها والشعب والقضية عندهم مجرد ارقام بتنزل في حسابلتهم البنكية وارجع لتصريحات الاخ ابو طارق هاني الحسن واسمعها
4- بعدين با اخي مثالك ما هو في محله ومعناته انوا كل الفصائل ما بفهموا بالسياسة الا احنا فتح وهذا كلام مرفوض فكل الاحترام لجميع القادة والكوادر من جميع الفصائل وبا ريت يكون عندنا الالتزام واحترام القاعدة في فتح مثل الاخوة في الشعبية او حماس
5- بعدين اذا كان التمسك بالثوابت شعارات بالية فروحت وخسارة على كل الشهداء والجرحى والاسرى ......................... الخ
6- وبعدين ما عمرني اسمعت انو شعب حرر ارضه باعترافه وتبوس عدوه بعرف انه كل ثورات العالم ضحت شعوبها بالغالي والنفيس لاجل الحرية مش الاستسلام والتنازل
7- بعدين كيف حماس اصبحت فاسدة ارجو منك يا اخي انوا تعطيني مثال يعني بتعرف اي وزير منهم هبشله كم مليون ؟!
8- واخيرا الجماعة ما صارلهم غير 3 شهور واظن ما في وزارة بالعالم ببين خيرها من شرها خلال هالمدة الصغيرة
9- وللتوضيح حماس فالت عن برنامجها قبل الانتخابات ليش الناس انتخبوها شو يعني ما توقعوا ايصير هيك واسخم
10- وللامانة احنا تخنها في فتح وسحبنا كل الصلاحيات منها وخليناهم صرافين رواتب بس
يا اخي كل القصة ومربط الفرس هو الاعتراف باسرائيل وزي ما قلت اذا حماس بتعترف فراح الفلسطينين ياكلوا ملبن ومن وسلوى بس للاسف مغموس الذل والمهان ودم الشهداء والاستفتاء هو الاعتراف فما تقلي انوا السادة هؤلاء خايفببن على القضية لا اصحى وفكر بعقلك مش بمعدتك
11- انسيت اقلك انه انظلر في الاحداث الي وقعت في غزة راح تلاقيها بس مع الامن الوقائي ومجموعة من فتح المرتبطة بالامن الوقائي والي خلف الامن الوقائي والي من وراء الامن الوقائي
والتاريخ راح يثبت الحق من الباطل
12- وبالنسبة للعمليات فحماس ما اسقطت خيار المقاومة واذا وقفت اليوم فهي اولا في هدنة والجميع بعرف ثانيا لكل فصيل تكتيك ولا بس مسموح النا في فتح وحرام على غيرنا ولعلمك انه فتح اسقطت البندقية ما تقول لا راجع كتاب القائد ابو عمار رحمة الله عليه وأقراه وراجع تصريحات ابو مازن واخيرا تصريح الطيب عبد الرحيم الاخير الي بدعوا فيه لسحب سلاح المقاومة ولعلمك انو كتائب شهداء الاقصى خيرة فتح ولو بطلع في ايد جماعة اوسلو انهم يحلوها كان حلوها وبتتذكر دحلان لما كان يدفع لكل واحد من الكتائب 5000 عن كل بندقية بسلموها واعلم انوا انهم بتامروا على الكتائب وبحاولوا يجروها للفتنة قبل ما يتأمروا على حماس
وعجبي

[قمر الخليل]

راااااااائع يا بتار الصارم

الله يديمك يا رب

[ثوره]

للسيد محمود عباس نقول اترك الاستفتاء واذهب لمكتبك سيدي ودع حماس تحدد ما تريد ان تفعله وهي والشعب في الشارع وانت قمت بما عليك وزيادة وسنرى بالاشهر القادمه كيف سيكون الحال.