أمة تغير صورة البروفايل ~

[~ | Mazaj]

‎((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))

تغيير صورة البروفايل ما عمل اشي ..

clara ,ندا الروح ,حسام المصرى معجبون بهذا

[حسام المصرى]

المشاركة الأصلية كتبت بواسطة فجر الحياة

‎((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))

تغيير صورة البروفايل ما عمل اشي ..

مظبوط ..

الحاجة الوحيدة الى عملها

أن الناس ابتدت تعرف أساسا ان فيه قضية اسمها أسرى مطربين عن الطعام

فيه ملايين مكنتش العارفة معركة البطون الخاوية ..

[اسد 22]

رحم الله عمر بن خطاب عندما تمكن العدو من ابو عبيدة فارسل له رسالة ورد عليه ابو عبيدة

قوله تعالى(اعلموا انما الحياة الدنيا حتى قوله وما الحياة الدنيا إلا متاع الغرور)وقف عمر بن الخطاب بكتابه ليخطب

بالناس فقال إن ابو عبيدة يدعوكم او يدعوني بالجهاد من يستطيع ان اقف امام الناس من العلماء فيقولها هذه الايام بوركت

ندا الروح ,RaNa <3 ,حسام المصرى معجبون بهذا

[دموع الغربة واشواق العودة]

ههههههههههههـ ..ضحَّحكتنيْ خيو !! ..
عفوآً ..بسْ إحنـآ شُوْ بإيدينَـآ نعمِلْ ..إزآ كَـآنْ فيْ عملْ عَ أرضْ الوَآقِعْ لآزمْ يكونْ منْ أصحَـآبْ القرآَرْ مشْ منْ الشُّعوبْ المكبوتْ عَ نفسْهَـآ ..خُصُوصـآً إحنـآ الفلسطينينْ المُغتربينْ !! ..
عَ الأقَلْ رمْـزْ وعَـلآمةِ بتدلْ إنُّـوْ إحنَـآ معْ الأسْـرىَ وبنسَـآندهمْ وبندعمْ قضيِّتهمْ ولوْ بالدُعَـآءْ ..
يعنيْ خُدلكْ مِثَـآلْ بسيطْ جداً ..أنـآ صبيةِ عمريْ 17 سنةِ ..شوْ بإيديْ أعملْ ..أنزلْ بنصْ الشـآرعْ وأنتعْ علمْ فلسطينْ معيْ وأصرخْ أقولْ أنـآ معْ الأسرىَ ..بتتوقَّعْ شوْ رحْ يسيرْ فييْ ؟! ..مُتخيِّـلْ لو حدآ عملْ هالحَـركةَ شو ممكنْ يسيرْ فيهْ ؟! ..
رحْ نترحَّـلْ ع بـلآدنَـآ ..ويـآفرحتنـآ إحنَـآ الفلسطنيهِ ..مـآلنـآ بلدْ تضبنـآ ..ولافيْ بلدْ بتقبلْ فينـآ ..نهـآيتنـآ إمـآ رحْ نعفِّنْ في السجونْ ..يـآ إمَّـآ رحْ نترمَّى ع الحدودْ بينْ الدولْ ..فشْ حدآ قـآبلْ يتطلَّعْ بوجوهنـآ ..!! ..
لو أنَـآ كنتْ بللَديْ وكنتْ عـآيشةِ بفلسطينْ كنتْ قدرتْ أسمِّعْ صوتيْ للعَـآلمْ وأحكيْ وأصرخْ ع الحكومـآتْ ع كيفيْ ..بسْ للأسفْ أنـآ مُغتربةَ !! ..

المَسئَـلةَ مشْ بسيطةَ خُصوصـآً فيْ الدولْ العربيةَ وفيْ الفترةَ اليْ أحنـآ بنعيشهَـآ ..
واليْ فيهـآ إنفـلآتْ أمنيْ وتشتتْ وصرآعَـآتْ دآخليةَ ومـآ إلى ذلكْ !! ..
إلىَ أنْ تتحرَّرْ الشُعوبْ من الأنْظمَـةَ المُستبدةَ وتتخلَّصْ بعدَ ذلكْ منْ الإنفلآتْ الأمنيْ والصرآعـآتْ ..
سَـآعتهـآ بقدرْ أقلكْ إنيْ بقدرْ أنزلْ ع الشَـآرعْ ..وأَنَـآديْ بأعلىَ صوتيْ إنيْ معْ الأسرىَ ويـآ عـآلمْ إرحموهمْ ..

أنـآ مُشْ ضدْ الإعتصَـآمْ والمُظـآهرآتْ المؤيدةَ للأسرىَ أبداً ..بسْ إحنـآ مكتومْ ع نفسنـآ لو طلعنـآ مُظـآهرةَ ..رحْ نرتميْ في السجونْ ..ومارحْ نستفيدْ اشيْ ..

أنَـآ مـآبحكيْ هالحكيْ هبـآءْ ..
بالعكسْ أنـآ معْ الأسرىَ ..ومعْ إنهمْ يَـآخدوْ حقوقهمْ وهالأسرىَ حـآضرينْ بكلْ دعـآءْ بتوجَّـهْ فيهْ لربْ السَّمـآ ..
أللهَ يفكْ أسرهمْ يَـآربْ يـآكريمْ ..بينْ ايديكْ ..


تقبَّلْ رأييْ بـ ودْ ^^..
شُكْـراً أخْ حُسَـآمْ ع الموضوعْ السَّـآخِنْ ..
أللهَ يكرمكْ ^^ ..

Maгaм .. ~ ,RaNa <3 معجبون بهذا

[إسراء الفلسطينية]

المشاركة الأصلية كتبت بواسطة حسام المصرى

مظبوط ..

الحاجة الوحيدة الى عملها

أن الناس ابتدت تعرف أساسا ان فيه قضية اسمها أسرى مطربين عن الطعام

فيه ملايين مكنتش العارفة معركة البطون الخاوية ..

هاد لحالو إنجـآز !

في ناس كتير لما شافوا صور البروفايلات يلي تغيرت ع الفيسبوك ( للعلم هني مش عرب )

.. سألوني .. إسراء شو قصة الاسرى الفلسطينيين ؟ ليش عاملين إضراب ؟!

هل شي اتاح لي الفرضة اني احدثهم عن هل قضية .. واعرفهم عن اللي عم بصير !

قضية الاسرى .. قضية منسية .. للاسف الشديد !

ليش لحتى ما نحييهـآ بقلوب النـآس .. حتى بأقل شي ممكن

ولو كانت بسورة بروفــآيل !

ع القليلة الناس يلي حطت هل صورة .. عارفة ليش حطتها ! والعدد كـآن كبـــــير !

//

بالعكس انا شايفة انو التضامن حتى لو صار عن طريقة " صورة بروفايل " .. بضل اسمو تضامن

والو إيجــآبيـــآتو !

وما ننسى قول الله تعــآلى : (( لَا يُكَلِّفُ اللَّهُ نَفْسًا إِلَّا وُسْعَهَا ))

[ Islam ] ,Maгaм .. ~ معجبون بهذا

[إسراء الفلسطينية]

يلي عنجد بيقهر انو فعلا نحنا العرب ما شاطرين الا بالمسخرة !

قرأت هل جملة من حوالي يومين انو " نحن امة اذا غضبت غيرت سورة البروفايل ؟! "

للاسف ع قد ما هيي "مضحكة" .. ع قد ما هيي مؤلمة .. :/

ليش كل شي منقلبوا مسخرة ؟!

ما زالنا بهل عقلية .. تأكدوا انو بعمرنــآ ما رح ننجز اي شي ورح نضل متل ما نحنا !

[ Islam ] ,Maгaм .. ~ ,ندا الروح معجبون بهذا

[mr.alattar]

المشاركة الأصلية كتبت بواسطة إسراء الفلسطينية

يلي عنجد بيقهر انو فعلا نحنا العرب ما شاطرين الا بالمسخرة !

قرأت هل جملة من حوالي يومين انو " نحن امة اذا غضبت غيرت سورة البروفايل ؟! "

للاسف ع قد ما هيي "مضحكة" .. ع قد ما هيي مؤلمة .. :/

ليش كل شي منقلبوا مسخرة ؟!

ما زالنا بهل عقلية .. تأكدوا انو بعمرنــآ ما رح ننجز اي شي ورح نضل متل ما نحنا !

كلامك صحيح 100%

لماذا لا نجعل موقفنا جديًا ؟؟؟

ندا الروح معجب بهذا

[ندا الروح]

ياعمي كلامك 10/10 صح
بس هات اعطيني شو في شي بنئد نعملو غير هيك؟؟
العين بصيرة والايد ئصيرة للاسف
يطيكالعافية خيو حسام

[حسام المصرى]

هرد عليكم .. بليل إن شاء الله

المشكلة اننا بنحكى بعاطفة بس ..

بنقول لا يكلف الله نفسا الا وسعها

احنا نقدر نعمل اكتر من كده بس احنا مش بنعمل

ندا الروح معجب بهذا

[Maram .. ~]

يا حسام عنجد احنا شو فينا نعمل ؟

انت لانك مش شايف كيف الوضع عنا هان .. نحن الفلسطينية المغتربين .. خصوصا بالدول الخليجية

كل يوم و التاني بنسمع عن عائلة فلسطينية سفروها من الدولة .. و السبب ؟ لانها عائلة متدينة

و الاب ملتحي و بتهمو قضيته .. مع انو اصلن ما بكون نشط بأي شكل من الاشكال .. بس لانه فكرو صحيح

عاد كيف لو كان نشط ؟

في عشرات من الشباب راحو ورا الشمس .. ناس بنعرفهم كنا و صحاب النا

و احنا هينا ع الطريق ..

هاد و احنا ما بنعمل شيء .. بس شوية تضامن مع فلسطين ع الفيس و المنتدى ..

عاد كيف لو نزلنا بالشارع و عملنا مظاهرات ..!!

بكنسلو علينا على طول .. وولا دولة بتئبل فينا .. حتى فلسطين نفسها ما بتدخلنا :/

فـ انو نتضامن من خلال توحيد الصورة .، احسن من بلاش !!

[ Islam ] معجب بهذا