شباب فلسطين

حسام المصرى · 03-21-2012, 05:55 PM

اخى العزيز .. أنتى تحكى الكثير من الكلام المغلوط ولا أملك الوقت لعمل اقتباس والرد ..

أنا عمرى ما دافعت عن مبارك كشخص .. ده أكيد .. وياريت تبطل تعمل مسلسل العنصرية هدا .. اللى بتحاول تبينه للناس ..

الحمد لله مش عنصرى ومش بكره حد .. وأى حد بيرفع راس العرب بفرحله كتير جدا .. وعندنا ناس ساكنين فى المنطقة من غزة .. وكمان فى اسكندرية فيه ليبيين .. انا لو عنصرى كانت الجنسيات تهمنى لكن مش بتهمنى

المحترم بنحترمه .. واللى مش محترم أكيد مش هنحترمه ..

عموما .. الجيش المصرى معملش مناورات مع الجيش الإسرائيلى .. زى متقال فى الموضوع ..

وبعدين عشان أثبتلك بس أننا شعوب بتناقض نفسها ..

تركيا أكتر دولة اتعاونت مع إسرائيل ... تعاون ما بعده تعاون .. ومناورات حربية واستيراد وتصدير أسلحة ..

ولو نزلت غزة وحكيت مع الناس ايه رأيكم فى تركيا .. الكل هيحكيلك عظيمة وبتساندنا وبتقف جمبنا وأردوغان رجل عظيم .. وخسارة مفيش من العرب زيهم .. والكلام ده كله ..

شوف هما هينسوا خالص أساسا أن الطيارات اللى كانت بتقصف غزة كانت عاملة مناورات فى سماء تركيا ..

لكن لو حكيت وقلت .. مصر ..

هيقولك الحكام العملاء .. وهيسنوا خالص .. مثلا أن عبد الناصر حكى لكى تسترد فلسطين يجب ان يسمع دوى الرصاص كل يوم فى إسرائيل ..

كمان هيسنوا حرب 48 وهينسوا كل الدماء الزكية اللى سالت على أرض فلسطين .. جدى والله شارك بحرب 48 ..

أنا مش بحب طريقة النقاش دى خالص بحب المنطق ..

كل الكلام اللى فى المشاركة الأولى هجوم فى هجوم ..

ما بعد كامب ديفيد .. توقع المصريون دولة مزدهرة واتفاقية السلام .. ربما كانت فرصة أن مصر تستعيد قوتها وشانها وسط العالم .. لكن للأسف الفساد والفاسدون مخلوش الدولة تقوم .. واحنا السبب برده لأننا كنا راضيين بأقل حاجة ..

ولما بحكى .. أن القوى العسكرية ضعيفة .. ده مش معناه أنى بقول أننا مش هنقدر نهزمهم .. لا ..

احنا هزمناهم وكنا أقل منهم فى كل شئ لكن كان عندنا سلاحين مهمين .. اليقين بالنصر .. والاتحاد ..

وحاليا الحاجتين دول منطقيا مش موجودين .. أوك عندنا يقين .. بالنصر

بس فى نفس الوقت قاعدين مش بنعمل حاجة .. عمرنا مهننتصر إلا إذا تحركنا .. وده اللى إن شاء الله هيحصل فى مصر قريب ..

أيا كان بقى صحابك المصريون وايه اللى بيعملوه .. ربنا يوفقهم ..

على فكرة بدى احكى شغلة .. لما أى خطيب بيحكى مثلا عن معركة او نصر للمسلمين سواء كان من الإخوان او سلفى دايما بيقول .. يا شعب مصر .. انتم التاريخ ا.. لقد اختاركم الله كثيرا لتنصروا أمته .. التتار والمغول والصليبيين واليهود وغيرهم ..

ما تحكى ان الخطيب كمان عنصرى .. انا بحكى بحب مش تعصب ..

وغزة او أى مدينة مسلمة لما بيحصلها حاجة أن بضايق كانها حصلت لحد من اهلنا .. وبتابع أخبار المجاهدين فى كل مكان الحمد لله ..

فى الشيشان وأفغانستنان وبشوف أنهم أبطال ...

ولما حكيت أن الجيش المصرى هو حاليا المنظم واللى مفيهوش انقسامات ولديه خبرة عسكرية كبيرة فهدا شئ ظاهر للعالم كله ..

ولم أقل انه وحده هو من سيحرر القدس ...

ياريت بلاش تغير مغزى الكلام بالله ..

حرب الخليج غلطة مبارك وصدام .... وكانت فرقة للشعوب ..

عموما بالنسبة للإهانة اللى بيتعرض ليها المصريين بره وىخرهم عمرة رمضان اللى كانت بعد الثورة واللى عملوه سلطات السعودية وبهدلوا المصريين فى المطار وخلوهم يباتوا وضيعوا شنطهم كلها ..

كل ده بقى ليه .. لأن دول الخليج كلها كانت بتحب مبارك ولحد دلوقتى ....

السعودية وقطر اللى مش راضيين يقرضوا مصر فلوس .. خصوصا بعد الازمة الاقتصادية بعد الثورة .. ومصر حاليا هتاخد من النقد الدولى

3 مليار دولار ..

حتى بعد الثورات شعوب ما زالت متفرقة وحكام ما زالوا يزرعوا الكره ..

أنا مش عارف الحل ايه صراحة ...

أنا كمواطن بعمل اللى عليا ..

بجتهد عشان بلدى تعلى وبرفض الظلم .. وبختار فى البرلمان نواب مسلمين ... وكذلك الرئيس القادم رح اختار شخص بإذن الله ييعرف يدير البلد والناس تحبه .... ده اللى أقدر اعمله .. غير الدعاء ..

أخيرا الأزمة ولا أزمة مصر ولا غزة ولا أى شئ ..

الأزمة ازمة ثقة ..

محدش بيثق فى حد ..

ولما نشوف لما ييجى رئيس إسلامى بإذن الله زى عبد المنعم أبو الفتوح أو أبو إسماعيل هيحصل ايه ..

الناس دى برده شعب غزة هينتقدها ولا لأ ..

اللى فى البرلمان دلوقتى أغلبية هما الإخوان اللى كانوا بيحكوا زمان انهم ضد تصدير الغاز لإسرائيل وضد حصار غزة وضد وضد ..

صراحة أنا اتصدمت لما وصلوا .. القضايا دى ماخدتش حقها خالص .. بس مضطر أثق فيهم لأنهم بيحملوا الدين .. والمفروض ليهم خبرة وعقل سياسى

حتى مشرحين للرئاسة ذكروا أن المعاهدات هتفضل موجودة .. على الأقل الفترة دى ..

ما بعرف العيب من مين ..

عملنا ثورة وجبنا الإخوان والسلفيين .. وبنحارب الظلم فى كل مؤسسات الدولة ..

والوضع الله يحسنه ..

حسام المصرى · 03-21-2012, 06:05 PM

الفيديو ده مضايقنى .. والله

http://www.youtube.com/watch?feature..._xIAnjf4#at=14

ما بعرف فين الدول ..

المفروض أى دولة عندها فائض تتحرك .. بسرعة بدل ميحصل مأساه ..

لسة انهارده واصل مصر أطنان من البوتجاز جاية من السعودية .. لأن الناس فى القرى مش عارفة تطبخ أكلها بسبب أن مفيش بوتجاز ..

حسام المصرى · 03-22-2012, 01:33 AM

لسة متفرج على سبب أزمة الوقود فى مصر وبالتالى غزة الموضوع ده كان بيتناقش أكتر شئ فى برامج التوك شو ..

المهم اتصل عضو اللجنة السياسية بجماعة الإخوان المسلمين وحكى .. أن .. الحكومة المصرية هى السبب .. هى اللى مش عارفة توفر بدائل لينا عشان نجيب فلوس نستورد سولار .. لأنه طبعا عندنا عجز فى ميزانية الدولة والدين العام مرتفع جدا ..

هو حكى أن الحكومة المصرية مش صريحة مع الاحزاب ..

المهم السبب الأصلى
حزب الحرية والعدالة او الإخوان المسلمين رافض ان مصر تقترض من صندوق النقد الدولى .. لأن ده بيزود الدين العام وهنفضل لفترة طويلة ناخد نسبة من الميزانية عشان نقلل الدين ده ..

والحكومة معندهاش فلوس ومش عارفة تشترى .. واحنا اللى ضايعين فى النص

حسبى الله ونعم الوكيل

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء