[الوطن\ وجواز السفر] حوار

[القلب النابض]

حلو انتمائك اخي :)

بس هاي خلطة وقايمة وما بحترمو حد وشفت شو صار معك

المشكلة مش فينا فيهم

الله يعدل الحوال وبنرجع دولة مستقة يارب :)

[إيمـان]

سؤالنا ؟

ما رأيكم بتغيير الجنسية؟

آنـآ لو يموتوني مآبغير جنسيتي

بس للضروره آحكآم

هل هي ضرورية أم من باب الترف؟

والله بحسب الشخص يعني في نآس بحتآجوهـآ في نآس لـآ

هل تنم عن إنكارك للوطن أم هي حرية شخصية ؟

لـآ طبعـآ آنآ آفتخـر بأني فلسطنيـه ومآبنكـر بس والله مشان نحسن ضروفنا في بلاد مش بلادنا

هل ستغير جنسيتك لو أُتيحت الفرصة لذلك؟

لـع والف لـع



تسسلمي اريج

[القلب النابض]

يسعدووو امون :)

[§عاشقة غزة§]

ما رأيكم بتغيير الجنسية؟
ممكن الواحد يغير جنسيته
لانه الانتماء للوطن ليس بالجنسية


هل هي ضرورية أم من باب الترف؟
غالبا بتكون ضرورة
هل تنم عن إنكارك للوطن أم هي حرية شخصية ؟
مثل ما ذكرت فوق الانتماء للوطن شي
وتغيير الجنسيية تكون لظروف او اوضاع
يكون مضطر الواحد يغيرها

هل ستغير جنسيتك لو أُتيحت الفرصة لذلك؟
ممكن اصلا في بلدنا عندنا الاحتفاظ ب 3 جنسيات في نفس الوت
مش ضروري تتخلى عن جنسيتك


شكرا لطرح الموضوع

[إسراء الفلسطينية]

ما رأيكم بتغيير الجنسية؟

يعني الواحد لو كان معو جواز سفر ..

وبينسمحلو انو يسافر وين ما بدو

وعندو الحرية يسافر لوين ما بدو وايمتى ما بدو بدون عذاب ،

فما كان في داعي لانو الواحد ياخد جنسية تانية اصلا !

هل هي ضرورية أم من باب الترف؟

بما اني لاجئة فلسطينية .. ما بصحلي اسافر الا ع اكم بلد بنعدو ع الاصابع

( ومن بعد مية اجراء ) فأكيد بشوفها ضرورية :)

هل تنم عن إنكارك للوطن أم هي حرية شخصية ؟

أكيد لا !

انا معي جنسية دنماركية .. معناها اني تخليت عن وطني ؟

حب الوطن ما الو ببسبور حاملينو كرمال نوصل للبلد يلي بدنا ياها :)

هل ستغير جنسيتك لو أُتيحت الفرصة لذلك؟

طول عمري عايشة بالدنمارك ..

والجنسية الدنماركية صحتلي .. فأكيد ما برفضها

بما انها بتسهّل عليّ ، وبتفتحلي ابواب كتير كانت مسكرة بوجهي قبل

فليش لحتى أرفضها ؟ :)

.

.

مشكورة ع الموضوع حبيبتي :)

[.. ريتّـــا ..]

أنا بشوف إنو الوطن مش بالحدود
الوطن مش فلسطين والأردن والعراق
الوطن بيتي وإمي وأبويا وإخواتي وأصدقائي
الوطن جوة بقلبي .. بعاداتي وتقاليدي .. بتعاملي مع الآخرين
وطنيّتي ما بتحكمها أي سياسة

الوطن اللي بتحكو عنّو تشرّدنا منّو ويا دوب اللي بنعرفه عنه بضع صور من الذاكرة
وقرايبنا اللي بنحكي معهم بالتليفون كل فترة
وأصدقاءنا النتّيين .. الوطنيين زيّنا

كوننا فلسطينيين ما عنا أساساً جنسية
بأوروبا بتقول فلسطيني بقولك وين هاي
بتكتب بأوراقك الشخصية أنا فلسطينية بيمسحوها وبكتبو بلا جنسية
فبتضطر تكتب جنسيتك اللي حاملها من البلد اللي عايش فيها
عشان ما تجذب الأنظار إلك ولا يشوفوك عنصري

ومع كل هاد
أنا بفتخر لما بقولولي إنتي من وين بقولهم فلسطين
وبنفس الوقت
لما كنت صغيرة وأجت معلّمتي تقولي فرجينا بلدك ع الخريطة
وقعدت أدور ع فلسطين بخريطة العالم لقيتهم كاتبين اسرائيل
قلت للمعلمة الخريطة هاي مش صح .. وين فلسطين؟
قالت قصدك اسرائيل .. قلتلها لأ فلسطين
قالتلي أقعدي مكانك :)


لهيك وطني بقلبي مش شي بلمسه
وطني ما فيّا أمتلكه ، لكن الأكيد إنه بيملك إحساسي وإنتمائي
أنا فلسطينية بدمّي .. مش بجوازي




شكراً كتير أريج
موضوعك بيفتح جروح لم تُلملم بعد

[عاشقة أرض جنين]

لقد كثر في هذه الأيام التحدث عن القومية العربية التي تعتبر دعوة عنصرية، ولكن دين الإسلام يحرم هذا التمييز العنصري،

فالنبي صلى الله عليه وسلم غضب غضباً شديداً على أبي ذر عندما قال لبلال: يا بن السوداء.

وقال له النبي صلى الله عليه وسلم (إنك امرؤٌ فيك جاهلية) وهذا يدل على عظمة هذا الدين وإلى عدله وسماحته.

مو حابة أتدخل بالكلام عن فتح وحماس بس حابة أقول خافوا الله وطول م العنصرية موجودة عمرها فلسطين ما رح تتحرر

اذا احنا ما كنا ايد وحدة رح نبقى طول عمرنا اسمنا لآآآآآآآآآآآآآآآآآآآآآآآجئين ونااااااااااااااااااااااااازحين

بتمنى تقتنعوا بالكلام وتغيروا نفسياتكم ويكون تطلعكم كله نحو تحرير فلسطين مو الكلام الفاضي هاد

[ابن الخليل]

أنا لا أعترف بالوطن و لا الوطنية إنتمائي للإسلام فقط و كل بلاد المسلمين بلادي

[.. ريتّـــا ..]

المشاركة الأصلية كتبت بواسطة عاشقة أرض جنين لقد كثر في هذه الأيام التحدث عن القومية العربية التي تعتبر دعوة عنصرية، ولكن دين الإسلام يحرم هذا التمييز العنصري،

فالنبي صلى الله عليه وسلم غضب غضباً شديداً على أبي ذر عندما قال لبلال: يا بن السوداء.

وقال له النبي صلى الله عليه وسلم (إنك امرؤٌ فيك جاهلية) وهذا يدل على عظمة هذا الدين وإلى عدله وسماحته.

مو حابة أتدخل بالكلام عن فتح وحماس بس حابة أقول خافوا الله وطول م العنصرية موجودة عمرها فلسطين ما رح تتحرر

اذا احنا ما كنا ايد وحدة رح نبقى طول عمرنا اسمنا لآآآآآآآآآآآآآآآآآآآآآآآجئين ونااااااااااااااااااااااااازحين

بتمنى تقتنعوا بالكلام وتغيروا نفسياتكم ويكون تطلعكم كله نحو تحرير فلسطين مو الكلام الفاضي هاد

مش حلوة نقلبها فتح وحماس

[عاشقة أرض جنين]

بالنسبة للموضوع هلأ رح أجاوب

ما رأيكم بتغيير الجنسية؟

أنا ما بشجعها بس للضرورة احكام واحنا الفلسطينية انجبرنا على كتير شغلات ومنها تغيير الجنسية مشان

نعيش حياة أفضل من كل النواحي

هل هي ضرورية أم من باب الترف؟

أكيد للضرورة

هل تنم عن إنكارك للوطن أم هي حرية شخصية ؟

لأ طبعا مش انكار للوطن حتى لما يسألونا من وين انتو بنحكي اصلنا الحقيقي فلسطينية

هل ستغير جنسيتك لو أُتيحت الفرصة لذلك؟

لا طبعا بالعكس بدي أرجع للجنسية الفلسطينية

يعطيكي العافية ع الموضوع حبيبتي