يلا كل طباخات المنتدى هووون

[عاشقة فلسطين..]

ان شاء الله برجعلكم بطبخة زاكية..^^

[دمع المطر]

المشاركة الأصلية كتبت بواسطة dr.yaso

العجة بالطريئة المصرية:

المئادير:

لكل كباية طحين

3 بيضات

و ملح + بهارات حسب الرغبة

الطريئة:

اخلطي كلو ع كلو.. لحد ما تصير متل العجينة.. ما تكون كتير رخوة و لا كتير ماسكة

بعدين ادهني المئلاي بالزبدة عشان ما تلزء.. و ديريها لحتى تصير أرص.. انطري عليها شي 3 دئايئ

او لحد ما انتي تلائيها استوت و اقلبيها عشان يستوي الوجي كمان .. و بسشايفة ما اسهلا..

+*+*+*+*+

تعيتنا احنا الفلسطينية بس تفيئ ماماانشالله بجلك طريئتها هههههههههه عاد احنا ناس

مغلبنجية، تعيتنا فيها بئدونس و بصل و فرن و ابصر شو.. انا بقترح خليكي ع هاي

يلا صحتين يا عسل ^^

تسلميلي حبيبتي شو زووووء ،بس أنا بدي الفلسطينية اللي فيها بئدونس وبصل ،،بس على كل حال بجد يسلمو

[Dr.Yaso]

هاي طريئة العجة تعيتنا الي بتغلب

المئادير:

بصلتين مفرومين

ضمة بئدونش مفرومة

فنجان قهوة طحين

فنجان قهوة مي

10 بيضات

ملح + بهارات اد ما بدك

الطريئة:

البصلتين + البئدونش بعد ما ينفرمو -بينمرطو- يعني بندعكو يعني بنخلطو بقوة و وحشية مع بملح ..

و المي الي بتنزل منهن فيكي تخليها..

بعدين اخلطي البائي كلو مع بعضو.. و ادهني الصينية سمنة و حطي الخلطة فيها و حطيها

بالفرن لحد ما تستوي او فيكي تئليها متل ما دليتك بالطريقة الآنف ذكرها

ملاحزة: فيكي تضيفي لب الكوسا المسلوء بعد ما تعصريه للخلطة او أرنبيط بعد ما تسلئيه

و تأطعيه أطع زغيرة اد حبة الجوز و هيك بتصر عجة كوسا او عجة أرنبيط.. او بلاهن و خليها

عجة سادة

و صحتين.. و قولي عني عاطلة كمان

[دمع المطر]

المشاركة الأصلية كتبت بواسطة عاشقة فلسطين.. ان شاء الله برجعلكم بطبخة زاكية..^^

عم نستناكي عشوقة

[دمع المطر]

المشاركة الأصلية كتبت بواسطة dr.yaso

هاي طريئة العجة تعيتنا الي بتغلب :shababsmile240:

المئادير:

بصلتين مفرومين

ضمة بئدونش مفرومة

فنجان قهوة طحين

فنجان قهوة مي

10 بيضات

ملح + بهارات اد ما بدك

الطريئة:

البصلتين + البئدونش بعد ما ينفرمو -بينمرطو- يعني بندعكو يعني بنخلطو بقوة و وحشية مع بملح ..

و المي الي بتنزل منهن فيكي تخليها..

بعدين اخلطي البائي كلو مع بعضو.. و ادهني الصينية سمنة و حطي الخلطة فيها و حطيها

بالفرن لحد ما تستوي او فيكي تئليها متل ما دليتك بالطريقة الآنف ذكرها :shababsmile221:

ملاحزة: فيكي تضيفي لب الكوسا المسلوء بعد ما تعصريه للخلطة او أرنبيط بعد ما تسلئيه

و تأطعيه أطع زغيرة اد حبة الجوز و هيك بتصر عجة كوسا او عجة أرنبيط.. او بلاهن و خليها

عجة سادة :shababsmile116:

و صحتين.. و قولي عني عاطلة كمان :shababsmile223:

يسلمو ايديك حبيبتي غلبتك معي ،،خلص لما أعملها بببعتلك نتفة بالبريد
يسلمو يا مش عسل

[Dr.Yaso]

لا حبيبتي لا غلبة و لا شي..

تعي كل يوم.. بس ما تستحليها ههههههههههه

بمزح معك ولو حبيبتي..

بس توضيح.. مستر شهيد هوي الي مش عسل.. لأنو بتحسس من الكلمة

ههههههههههه

(شهيد ما بدخل المطبخ صح؟؟ )

[دمع المطر]

ههههه
ما بعرف والله
بجد مرسي ،،بس يا ويلك مني ازا ما زبطت
هههههههه
عم بمزح بجد يسلمو ايديك

[Dr.Yaso]

اهلين حبيبتي :)

[نور الهدى]

حد يحطلنا صورة العجة هاي

اول مرة اسمع فيها

و بعدين بتتاكل مع شو ؟؟

و باي وقت ؟؟

[دمع المطر]

صورة ما في ،بس لمل أعملها ببحط الصورة
المقادير موجودة بردود سابقة ،،باختصار هي عجينة من بيض وطحين وبقدونس ونعنع ،نوبتنئلى ،مو طبخة بس بتتاكل مع البطاطا وهيك أشياء
نورتي نور