الوحدة الوطنـية .. !!

[أمل]

و عليكم السلام و رحمة الله

موضوع قيم و يمكن يحرك من شوية الركود الي عشناها في معالجة هيك قضايا

و هذا أو شي نحن كأفراد عندنا اهمال..يمكن صار عندنا تشبع من حكوماتنا

ما بدنا نلقي اللوم كلو ع الحكومات

لأن أولا حكوماتنا صار منهجها واضح بدون ما تضطر تخفي زي قبل

مشكلتنا هي مشكلة شعوب نسيت هي ليش خلقت أصلا

كل ما يهم هو الحياة الخاصة و تدبير أمورها لا غير

اما ما يحدث على الساحة فمفيش غير المتابعة عبر شاشات الأخبار و اللهم لو كان فيه حدا لسه بيتحسر ع الي بيحصل للأمة

و حتى لو كان بمجرد ما تنتهي القصة خلاص بيتسكر ع كل شي

هاد يا سيدي لأنا نحنا كشعوب طبقنا العلمانية بدون ما نحس او مررت الينا بدون جهد جهيد

فصلنا دينا عن حياتنا

يعني لا علاقة للدين بما يحدث على الساحة سواء السياسية أو غيرها

فيوم ما ضاع الوازع الديني ضاع كل شي

و صرنا بنتعلق بقشة اسمها مجلس و مش عارفة شو!!

و بركز ع هالنقطة

لو فعلا الأمة استنهضت دينها و قيمها ما كان الحال على ما هو عليه

أما قصة الجيوش العربية و ما شابه

فلما يكون الجيش اصلا جيش

جيوشنا العربية صابها الصدأ من كثرة ما هي نايمة

و حتى لو بدها تتحرك مين بدو يحركها أو يسمح لها أصلا

الوازع الي بيحرك الجيوش صار عندنا في غياهب النسيان

و بدي أشير لنقطة:

أنـا ما كنت أقصد الدول العربية

كنت أقصـد الدول الغير العربية اللي نتأمل فيهـا ..

و هاي مشكلتنا زي ما ذكرت باول دايما بنستى القشة الي نعلق عليها أحلامنا الخايبة

من ناحية تانية حابة أحكي إنو لا يجب علينا أن نفصل بين الدول العربية و الغير عربية

لأن قضية فلسطين هي قضية امة كاملة

جامعة العرب و العجم

يعني أي مسلم مكلف بهالشي فليس للجنس أو الحدود علاقة بالأمر

..

و اعتذر عن الأطالة (:

[نور الهدى]

لما كانت فلسطين محتلة من الصليبيين في عهد نور الدين زنكي و يوسف بن ايوب - صلاح الدين - ..

ما اجا النصر لحد ما توحدت الاراضي الاسلامية

و مش حيجي النصر الا بعد ما نتوحد تاني .. كل المسلمين اقصد

بشوف في اخوة بقولوا مش حييجي الا منا - الفلسطينيين - لكن هذا الشيء مش صحيح :)

احنا ما بنحكي عن دولة عادية .. احنا بنحكي عن ارض وقف اسلامي .. مصيرها تتحرر بايدين المسلمين ..

برجع و بقول في عهد صلاح الدين و قبله كان في فساد زي الفساد اللي بنشوفه هلأ ..

و كان في فرقة زي الفرقة اللي بنعيشها

المسألة مسألة وقت يا اخوة .. دعوا الوقت ينجز عمله !

//

انتوا هون قاعدين بتحكوا عن الحكومات .. و الواحد فينا مش قادر يضحي بشوية نوم لصلاة الفجر ..

او لقيام الليل

و انا اولهم

فكيف بنحكي عن حكامنا ؟؟

لا يا جماعة اللوم على المسلمين كلهم .. مش بس على حفنة حكام ضعفاء

لانه لو قوي ايماننا كان قوينا عليهم و شلناهم ..

زي ما اهل حلب في عهد نور الدين انقلبوا ضد حاكمهم الفاسد و فتحوا ابواب مدينتهم للوحدة مع نور الدين زنكي

ما حدا فينا مستعد يقدم تضحيات

هذا لانه ما ارضعنا حليب المسئولية و الاحساس بالانتماء لهاي الامة

ولا حدا مستشعر انه اللي قاعدين بموتوا اخوانه و حياته كلها بدها تكون مشروع نصرة

مش قادرين نضحي في سبيل قضية حق ..

مع انه اليهود ضحوا بالغالي و النفيس قبل قرون في سبيل قضية باطل

فـ بالله عليكم

كيف بدكوا حكامنا يهتموا ؟؟

لا يغير الله ما بقوم حتى يغيروا ما بانفسهم ..

هاي قاعدة مش لازم ننساها

سلامي :)

[أمل]

المشاركة الأصلية كتبت بواسطة أنين
لا من عربيه ولاغير عربيه

يعني نحكي بواقعيه

مين بدو يجبلنا النصر

مين عنده استعداد ينهي وجود دولته .؟!

ماحدا ., عشان هيك

مافي غيرنا ( احـنـا )

نصنع النصر

وما بنعول على أي دوله عربيه كانت او غير عربيه

!!

على أي أساس ؟؟

هل بالضرورة من أراد التضحية ان يضحي ببلده

كيف يعني ما فهمتها هاي ؟؟

بتعرفي مش قاصم ظهر الامة غير التعصب للحدود الوهمية

بلدي و بلدك و مليش دعوة بالثاني

الي بدي ياك تعرفيه فيه ناس غير فلسطينية بضحي من أجل فلسطين _ و ما بنحكي عن الماديات طبعا _ أكثر من كثير فلسطينية عايشين فيها أو حاملين للجنسية بالإسم

من امتى كانت فلسطين حكر ع الفلسطينية بس

فعلا كلام غريب!!

[حسام المصرى]

الله عليكى يا آنسة أمل ويا آنسة نور الهدى ..

كلام من الآخر بامانه ..

بارك الله فيكم

[حسام المصرى]

الله عليكى يا آنسة أمل ويا آنسة نور الهدى ..

كلام من الآخر بامانه ..

بارك الله فيكم

[أنين]

المشاركة الأصلية كتبت بواسطة أمل

!!

على أي أساس ؟؟

هل بالضرورة من أراد التضحية ان يضحي ببلده

كيف يعني ما فهمتها هاي ؟؟

بتعرفي مش قاصم ظهر الامة غير التعصب للحدود الوهمية

بلدي و بلدك و مليش دعوة بالثاني

الي بدي ياك تعرفيه فيه ناس غير فلسطينية بضحي من أجل فلسطين _ و ما بنحكي عن الماديات طبعا :shababsmile224:_ أكثر من كثير فلسطينية عايشين فيها أو حاملين للجنسية بالإسم

من امتى كانت فلسطين حكر ع الفلسطينية بس

فعلا كلام غريب!!

الموضوع مش موضوع

تعصب ولا بلدي وبلدك انتي فهمتي غلط

انا مش ئاعده بحكي عن شعوب والموضوع مش عن شعوب

الموضوع عن حكومات وقاده

الموضوع عن مساعدات ودعم

والمساعدات والدعم الي بنحكي في سياسيه

مش مظاهرات ولا تبرع


:

انا بحكي بواقع

مين هاي البلد الي راح توقف معنا ضد امريكا واسرائيل

كل الدول العربيه ئلها قروض من الصندوق الدولي الي بأيد امريكا

مين الي راح يكون عنده استعداد يخسر هـ الدعم

وهاد أبسط مثال

أغلب البلاد العربيه فيها قواعد امريكيه

مين راح يتغاظى عنها

ويجي يدافع عنا

انا بحكي بسياسات وانتوا بتحكوا عن الشعوب

وحسام

كنت بتمنى اضلك على ردك ( قبل التعديل )

وبرجع وبسألك

هي الشغله عناد ؟ على قولتك

يعني الفشل العربي صار اسمه عناااد ؟

[haya-jor]

يا حبايبي مشان الله شبعنا كلااااااااااااااااام ..
يعني احنا بعصر الاااااااااااان مو بعصر نور الدين ... يلا نهجم ونسقط الحكم وما بعرف شوووو دخيل الله انا !!
هلأ الدبابه الاسرائليه لازم يكون فيها محامي مافي فرقه بريه او بحريه او جويه اسرائليه إلا ما يكون جنب الملازم محامي احنا بعصر الحكمه والقوه والقوانين ... مش رح نقوم ونقعد ونحرق علم ونصرخ ونرجع البيت نطفح ونام ....
وتقوولو مازال الخير بامتنا .. بحياة الله .. انو خير ؟؟؟ نصلي ونصوم وندعي ونام ماشالله علينا !!

ما حداااااااااا باع فلسطين غير العرب ... وجيوش العرب (( المخضرمه ))

والقصه مش قصة تعنصر الفلسطنين ... يعني بعد كل الي بنشووفو وبيجي واحد يتباهى انو جيشوا اكبر جيش عربي واقوى جيش عربي ... ههههههههه صحرح نتأمل خير
وانا قلت ما بدي افتح موال بلد بلد لأنو كل من ايدو الو ... وما اسهل الحكي والكتابه على النت و المنتديات .. واصعبها في الواقع مش علينا عليهم

[حسام المصرى]

أنين تجنب الوقوع فى المشاكل ليس خطئا بل هو أفضل الصواب ..

وهل تريدين الحقيقة .. نعم هو عناد الحكام وصغغر عقولهم أحد الجوانب .. وليس الوحيد ..

وبعد إذنك انا كلامى فقط هو اللى موجود فى مشاركتى .. فياريت بلاش تفرعات ..

[أنين]

المشاركة الأصلية كتبت بواسطة حسام المصرى أنين تجنب الوقوع فى المشاكل ليس خطئا بل هو أفضل الصواب ..

وهل تريدين الحقيقة .. نعم هو عناد الحكام وصغغر عقولهم أحد الجوانب .. وليس الوحيد ..

وبعد إذنك انا كلامى فقط هو اللى موجود فى مشاركتى .. فياريت بلاش تفرعات ..

الحمدالله انو مو بس انا شفت المشاركه ( قبل التعديل )

ومنيح وضحتيلي سبب نذالة العرب

ياشيخ لازم يحطوك محلل سياسي

احنا صارلنا 60 سنه بنسأل وين العرب

وطلعت مخبي السبب ؟.!

الله يسامحك

وينك عن العرب انتا

ولا عزاااااء

[نور الهدى]

المشاركة الأصلية كتبت بواسطة haya-jor يا حبايبي مشان الله شبعنا كلااااااااااااااااام ..
يعني احنا بعصر الاااااااااااان مو بعصر نور الدين ... يلا نهجم ونسقط الحكم وما بعرف شوووو دخيل الله انا !!
هلأ الدبابه الاسرائليه لازم يكون فيها محامي مافي فرقه بريه او بحريه او جويه اسرائليه إلا ما يكون جنب الملازم محامي احنا بعصر الحكمه والقوه والقوانين ... مش رح نقوم ونقعد ونحرق علم ونصرخ ونرجع البيت نطفح ونام ....
وتقوولو مازال الخير بامتنا .. بحياة الله .. انو خير ؟؟؟ نصلي ونصوم وندعي ونام ماشالله علينا !!

ما حداااااااااا باع فلسطين غير العرب ... وجيوش العرب (( المخضرمه ))

والقصه مش قصة تعنصر الفلسطنين ... يعني بعد كل الي بنشووفو وبيجي واحد يتباهى انو جيشوا اكبر جيش عربي واقوى جيش عربي ... ههههههههه صحرح نتأمل خير
وانا قلت ما بدي افتح موال بلد بلد لأنو كل من ايدو الو ... وما اسهل الحكي والكتابه على النت و المنتديات .. واصعبها في الواقع مش علينا عليهم

والله يا هيا لا خير فيمن لا بتعظ من الماضي

التاريخ بيكرر نفسه .. الزمن اتغير لكن الاحداث هي هي .. و الظروف هي نفسها

اللي تغير هو المنظر و بس .. بدل المنجليق بقى في دبابات و طائرات

و بدل السيوف بقت فيه بنادق حديثة - مش عارفة ايش اسمها -

و بدل الرماية صار في قنص

//

التشاؤم هادا مش رح يغير شيء يا هيا

و ازا في عندك حلول اخرى اشركينا ^^

مش نقعد ننتقد و بس :)