هل يعتبر هذا من حق الشهيد علي زوجته | موضوع للنقاش |

[نور الهدى]

المشاركة الأصلية كتبت بواسطة قسامي غزة
اهلا وسهلا اختي نور
انا بصراحة ما بعرف اذا متفق مع زوجتوا بهاد الشي او لاء
وممكن اذا متفق معاها مش كاينة تعرف شو سلبيات هالشي
او مش متخيلة انوا هيستشهد وممكن يكون وافقت مزح او هيك شي
انا برايي ما بحق الوا يعمل هيك
واظني بهالشي بيخالف الشرع
وانتي احكي اذا زوجتوا توفت اكيد راح يتزوج بعدها
يعني ما لازم الواحد يتخذ هالامور بأنانية
وهاد الوصية حجر عثرة بطريقها علي ما اظن
ههههههه كيف حيرتك
انا بقول دائما انوا رايك هو خلاصة الموضوع
ودائما بأثق بردك علي هيك مواضيع
يعطيكي العافية

ثقتك بتشرفني ^^

لكن الموضوع محير من ناحية انه الوضع ممكن يختلف كل مرة

شخصيا لو انا مكانها ما اتصور اتزوج بعد استشهاده اي والله صعبة

بعدين حتى لو الرجل تزوج بعد وفاة زوجته بيضل مختلف عن المرأة

لانه ما الهم نفس الاحتياجات .. ما بعرف كيف بدي وصل الفكرة !

بس انا مش قادرة الومه للزوج لانه يمكن من النوع الغيور .. يمكن فعلا ما بده تضيع منه في الآخرة

يمكن رومنسي بزيادة ههههه

و كمان ما اظن انه منعها من غير ما يتأكد انه ما رح تكون لحالها بهالدنيا

اكيد هو عارفها كويس و عارف انه مش رح يكون تطبيق هالامر صعب

لكن برجع و بقول انه مش ممكن نعمم هالشغلة لانه مستحيل تطبيقها في كل الاوضاع !!

لانه هون حالة خاصة :)

و بصراحة عجبتني هاي الحركة هههههه

//

يعطيك العافية اخي قسامي

[أم الوليد]

ممممممممم شوف نهاد هاي تجربة انا مريت فيها

وبحكيلك اصلا بدون ماهو يوصي هي مافيها تكمل حياتها مع حد غيرو..اذا انا بس عقراءة فاتحة بدون كتب كتاب مش قاااااااااااااادرة اخد قرار بالزواج بعد يحيى الله يرحمو وصار للموضوع هلا اربع سنين وشوي كمان...بعرف حياتي هيك غلط وصعبة ..لسه هي عندها ولاد وبدهم تربية..بس فينا نعيش هيك..سداني بتتاقلم ومن حقو اه..مش انانية تحط حالها محلو وطلبت منو هيك!!

بس تصاوب يحيى الله يرحمو..وحكت مرت عمي (امو) معي من المستشفى وكانت عندو..حكى لها..احكي لملك..لاتنزفي لغيري..وهي لهلا..مش رااااااااااااااااااضية اشوف حد بالدنيا بعدو..ولا ارتبط بشخص تاني

ومش زعلانة من هيك ولابحس انو اناني بالعكس حلو كتير شعورو انو بدو يحتفظ في الو..وسعيده بهيك

فاهم علي!

[بنت فلسطين المجروحة]

يمكن هالاشي مش من حقو

بس مش مشكلة اذا هيك هو بدو

لكن القرار بالنهاية لمرته

اذا بدها تتوج او لأ


يعطيك العافية ابو محمد

[أنين]

موضوع مهم أخي قسامي .,

برأي هي أنانية .. مافي أنسان ممكن يجبر أنسان ع فعل شيء

وهو مات .. الله يرحمة .. وما ئله الحق بمنع زوجته من الزواج من بعده

مش هي أنسانه .. وبدها تشوف حياتها .!

مش توقف حياتها عليه وبس .!

لهيك برأي .. هاي الأنانية بعينها

ولو كان بحبها .. وخايف ع أبنه .. مش سبب يكتب هيك وصية لأنها بشر مش عبده

تحياتي

[قسامي غزة]

المشاركة الأصلية كتبت بواسطة شهيد غزة .
.

طبعاً متل ما قالت نور ، الامر بيكون مبني و يكمن العمل فيها الوصية اذا الزوجة

موافقه عليها و كانت حكت معاه في هالموضوع ^.^

اما يحرمها تعيش حياتها ، هادا ظلم بحد ذاته .. هو الله يسهل عليه ^^

بس هي لازم تتكأ على شخص يساعدها في امور حياتها خصوصاً اذا كانت في ريعان شبابها

و لسا الحياة امامها طويلة ..

ان شاء الله ربنا يجمعهم بالآخرة !

مزبوط كلامك شهيد
حتي لو اتفقت معاه ما يصير هيك
لانوا هوا حرمها من الحياة هيك
هوا خلاص حياته انتهت وهية لازم تشوف حياتها
لانوا الحياة مش هتقف عندو
يعطيك العافية اخي

[قسامي غزة]

المشاركة الأصلية كتبت بواسطة .:.!دموع الرحيل!.:. معارضة وبشدة !

هو استشهد وخلص .. اساسا هاي مشاعر الغيرة

ما رح تضل لاحقته بعد الموت ..

وهي الي رح تاكل الضرب !

انا ضد هالشي نهائيا ..

حتى لو كان ماخد رايها بحياته

بس هي ما بتعرف الايام شو رح تعمل فيها !

الله يعين العالم ..

يعطيك العافيه يا ابو محمد

كلام سليم
وانا متفق معاكي برأيك
بس اظن انوا صعب عليها انها تخالف كلاموا
وممكن اهل زوجها يعارضوها بهالشي
ويمكن كمان يحرموها من اولادها اذا خالفت وصية ابنهم
بس لو كانوا متفاهيم ما بيعملوا هالشي
وانا استبعد هالشي

[اجمل احساس]

برأيي انو كل اشي بيرجع للزوجة نفسها يعني حتى لو كانو متفقين على هاي الوصية وما قدرت تنفذها بيوم من الايام ما حدا بيقدر يلومها لانو ديننا دين يسر مش عسر ،،

هو بيكون وصاها بهيك لانو واثق انو ما رح تتزوج بعدو وكمان خايف على ابنو من زوج الام ،،

وفي اغلب الاحيان الزوجة بترفض الزواج بعد استشهاد زوجها لانها بتنفي حياتها لابنها وتربايتو وبتفضل انها تعيش على ذكرى زوجها ،،

لكن ممكن انها بعد مدة بتكون بدها تتزوج لتعيش حياتها وهادا من حقها وما حدا بيلومها ،،

كلو تابع للظروف بوقتها وما في حدا بيزعل من الحلال والحق

موضوع كتير حلو قسامي ربنا يقويك ويعطيك الف عافية يارب

[.:.هــــلا.:.]

انا برأي انو هل الموضوع برجع للزوجة ازا هيا بدها تتجوز بعده بس انا بصراحة بشجعها انها تتزوج لانو ما فيها اتكمل الحياة لحالها حتى لو كانت كل العالم معها ووائفة جنبها وما خلتها تحتاج اي شي بس لو هيا قررت تتزوج اهم شي اهل زوجها الله يرحمو ما يعارضو وما يعمللولها مشاكل او يحرموها من شوفة اولادها
ويعطيك العافية اخي ابو محمد

[قسامي غزة]

المشاركة الأصلية كتبت بواسطة أبومجاهد

شـــف يعني مش مكفي 72 وحــدة بدو كمــان يكوش ع زوجتو

اظـــن هذا الأمـــر اولا ً وأخيـــرا ً برجـــع للـزوجـــة

يعني في زوجات شهداء ما رضيو يتزوجو من بعد استشهاد ازواجهن مع انو ما حكو معهن في هيك مواضيع

يعطيك العافيـــة يا بلــــد

هلا نورت ابو مجاهد
اكيد انا بعرف في زوجات ما بتزوجوا بعد استشهاد زوجهم
ولكن هنا الموضوع انوا هوا كاتب بالوصية انها ماتتزوج
يعني لو ما كان متغف معها
هيكون هاد الشي غصب عنها
واكيد الراي الاخير الها
يعافيك ربنا

[قسامي غزة]

المشاركة الأصلية كتبت بواسطة عاشقة الشهاده

مش عارفه حاسه رائيي حيكون حيادي بهاي المسأله

احنا بدنا نسمع رايك طيب الحيادي

المشاركة الأصلية كتبت بواسطة عاشقة الشهاده شغله تانيه ابن عمتو لمن استشهد كان هيك كاتب بوصيتوو سالو الشيخ حكا انو الوصيه بتبطل في هيك حاله

اكيد يا اخت عاشقة
الوصية بتلتغي بهيك ظرف
لانها مش منصفة نهائيا

نورتي بمرورك عاشقة الشهادة
ما ننحرم من طلتكـ