][®][^][®][مــــــآيــــك المــنــتــدى مع مديرنا مــحــمــود][®][^][®][

[بنت الرملة]

يلا خليني اكمــل ..

المهــمـ حكيــنا عن الحصــان ..

نرجع لجــــامعه طبعا كنت ادخل عالجامعه ساكته واطلع منها ساكته ..

كانت الجامعه تتمنى تسمع صوتي زي مــؤمن ؟؟ بتعرفو مــؤمن ..

اضلي بس اطلع في البنات وساكته ما اتعرف ع حد ادخلها منكدددددده واطلع منها مش مسدقه اني طلعت ..

وكنت دايما قاعده بالأخــير البنات ما بخلوو للواحد مجال يدخل لكلاس بجرو عليه كانو مستجدات

وحالتهن صعبه بتعرفو المستجدات وحركاتهن ..

وانا اضلي بره عبين ما يفضا الممر ادخل ..

ودايما قاعده الاخيره وجودي وعدمو واحد ..

وقال مره جيت مبسسسسوطه لقيت الكرسي إلي قدام فاضي وفش ولا بنت قاعده قدام ..

الكل قاعد بالكراسي إلي وراه انا فردت حالي وفردت غراضي وقعدت بكل ثقه ..

ولا بعدين اجا الدكتور يشرح اميمه مش شايفه إشي عاللوح ..

ولا طلع إنو الكهربا مطفيه ولما الكهربا تطفي الشمس بتضرب عاللوح ولما تضرب عاللوح ببطل يبين اشي عليه

وسمالله عليهن البنات عارفين إنو هيك بصير وانا زي الغبيه فارده دفتري وشنتتي وقاعده ..

وعزت نفسي طبعا ما سمحتلي ارجع اقعد وراه عملت حالي بكتب وانا مش شايفه اشي ..


والان بدي اكتب مواقفي السعيده مع السواقين

مره جايه عالسياره وطالعه فش معاي غير عشرين شيكل ماسكات ..

وطلعت باسياره اجيت اعطي لزلمه لحساب ولا اطلع عليه وكان إلو خاطر يمسكني ويفرمني تحت السياره ..

قلي معاكي خرده ؟؟ يعني فكه شيكل واحد .. قلتلو لا معيش ..

ولا قلي انزلي وبفتح عيوني فيه طبعا كان في ركاب والكل بطل عليه كإني ابصر شو عامله ..

سواق تاني ..

جيت اطلع معاه ولا انا بعرفش انو في ((مينا )) وفي (( مينا تانيه )) جيت عشان اوفر ع حالي قلتلو ع المينا ..

وصل عالمينا قلي انزلي وطبعا ماخد ناس معاي عالمعسكر وطريق المينا والمعسكر وحده بس المينا التانيه مش بطريقو ..

وطبعا قلتلو لالالالالا مش هون عالمينا التانيه يعني ..

قلي وطبعا صار يسرخ (( ليييييييييييييش ما حكيتي من اوووووووووووووول )) ويززززعق

عارض يوخدوووووووو والناس يطلعو عليه .. وراح قلي انزززززززززلي انززززززززلي بسرعه ..

ياااااااااااااااه ما الزني كنت وأنا بنزل وطبعا ضعت صرت امشي زي المجنونه بالشارع ههههههههههههههههههههههههههههه مش عارفه وين انااااااااااااا ..

وفي كمان سواق .. مره انا وبنت عمي كنا نازلين ع رفح وكان معبر أبو هولي مسكر هاد المعبر بين غزه ورفح ..

ولا شو بقلنا تعالو اطلعو معاي بنزلكو عند ابو هولي وبتكملوها قزدره عرفح ؟؟؟؟؟؟ وهوا شايف انو احنا مش من البلد قال يلا بقلهم قزدره بفكرو انو من المعبر لرفح بدها خمس دقايق مشي ..

طلعت يمكن بدها قريب الساعه ؟؟؟ وهوا بقلنا قزدره ..

والحمدلله الله سخرلنا واحد اجا قلو ايش جاي تنصب عليهن بدو الزفت يرمينا عند المعبر ويروح ..

واخدنا طلعنا معااااه ..

يومها اليهود سكرو ابو هولي علينا من الجمبين صرنا لاقادرين نوصل رفح ولا نرجع عغزه والدنيا بررررررررررررد

وكان رمضان وهمي اليهود عمدا سايبينا بين القلبتين (( زي ما بحكو اهل غزه )) وصارو يطخو علينا ويرمو قنابل صوت ..

ومالقينا غير يهودي برقص فوق الدبابه زي الأهبل .. هههههههههه

ولا بعد ما أدن المغرب فتحو علينا المعبر همي هيك بدهم ..

وأول ما طلعنا من معبر أبو هولي صارو رجال ياحرام يرمو علينا تمر يالله شو اعجبت بموقفهم ..

وراح يا عيني السواق جاب لكل واحد بالسياره سندويش منو هيك بدو يفطرهم وكنا 11 نفر ..

جد جد انهم بجننوا ..

وشو كماااااااان

اتزكري يا ميمي تزكري ..

برجع بس اتزكر تزهقووووووووش ..

[بنت الرملة]

امممممممم ..

كنــت ناويــة اسيــب المــايكـ ..

بس نظرا لطلب الجمهور اني اكمل مغامراتي بغــزة رح اكمللكم رحلتي في غــزة ..

حكينا عن الحصان والإسلاميه والسواقين ..

نيــجي الحــين لمــنتزه الأزهــر ..



هاد منتزه الأزهر رهــــــييييب خــالص ..

هوا عباره عن منتزه جمب جامعه الأزهر ..

في يوم من الأيام قررنا انا وبنت عمي واختي وبنت خالي إلي بفلسطين نروح على هالمنـتزه ..

جينا لقينا طاولات وكراسي وقعــدنا .. أجــا واحــد قلــنا اتفضلوو قلنالو بدنا كبتشينو ..

قال فش عنا كبتشينو قلنالو خــلص زين ما بدنا اشي ولا اطلع الولد علينا طبعا هوا شب مش ولد

بيجي عمرو 20 سنه وقلنــا طيب قومو عن الطــاوله هــيك لمعلم بقول إلي ما بشتري يقوم عن الطاولات ..

طبعا كل إلي عالطاوله تشنجــو ومش عارفين وين نودي وجوهنا وهوا واقف بستنانا نخلي المكان ..

ولا اختي انقزت الموقف وقلتلو طيب في قهوة .. ولا راح اطلع علينا قال اااااااه فيه قلنالو خلص جيب قهوة نبسط وسابلنا الطاوله ..

الحــين نيــجي لشقتنا إلي كــنا ساكنين فيهــا ..
طبعا بنايتنا كانت قبال البحر وياااااعيني انام عصوت البحر ..
وكنت كـــل يييييوم اطلع عالطابق السابع واضلي بالساعاات يالله ما احلى هداك المكاااااااان ..
البحر قبالي وفنادق الأعراس كنت كل يوم احضر عرس ببلاش ..
بس ينقصني الأكــل ..

اكمللكم عن شقتنا هاي الشقه في قبالها بيت في واحد يا عيني مجنون عمرو تقريبا 30 سنه وما بعرف شو معو ..

كان كل ما يشوف واحد غريب يصير يسررررررخ ويخبط حالو بالحيط ..

ومره انا طالعه عالبالكون بدي اقعد ادرس ولا طلع هاد المجنون وشافني ..

هوا شافني من هون وطقعلكم هداااااااك الصوت ..

يصرررررررررررررررررررررخ ويصررررررررررررررخ .. وانا صرت زي الحراميه اغطي راسي تحت البالكون وشويه شويه ارفعها عشان اشوف شو صار فيه وهوا عينو عبالكونتنا وكل ما يشوف عيوني بينت يرجع يسرخ ارجع انزل راسي يسكت ,, ارجع ارفع راسي بسرخ .. وبنت عمي صحيت عصوتو تقلي شوووووووووفيه
وانا ماااااااكنت بعرف انو بخاااااف من الناس لجدااااد ويمااااا صار يخبط ويكحــت ايدي بالحــيط جد مسكــين ..
بعديين حكــوووولي ..



شو كــمان صار معي بغــزة ..

اه مره كـنت في رفح عن دار عمــي وكــانو كل اسبوع بيوم معين يطفو الكهربا عأنحاء معينه برفح ..
والكهربا كانت مقطوعه في بيت عمي ..

حكولنا تعالو نروح عالبلد هوناك في كهربا قلتلهم يلا والبست العبايه والدنيا عتمـــة وطلعنا وطبعا الشوراع كهربتها مقطوعه ..

ورحنا عالبلد ودخلنا بيت ناس قريبنا بس مش كتير كتير قريبنا يعني انا معهم كتيييييير رسمي ..

ولما جيت اسلم عالناس كتشفت انو العبايه مقلوبه ..

طبعا انا لبستها بالعتمه ومااااااااكنت بعرف ولما دخلت عليهم والضواو عليه ولا نجمــه هليوود الكل بطلع عليه ..

وانااااااااااا مش عااااااارفه شو اعمل طبعا قعدت ابرم ابرم ابرم عشان ابرر لحالي عملتي السوده ياللله
ههههههههههههههه ..

خلص هيكـ !! بدي اخلص حكي عن غزه بالأخيرن روحت من غزه عالإمارات ونبسطت مش لإنو غزه مش كويسه لاسمح الله بس لأنو ما قدرت اعيش بعيد عن اهلي اصعب إشي البنت تطلع لحالها عبلد واهلها يكونو في بلد بس هاد كان المقصد إني ما قدرت اعيش بغزه وأتـأقلم ولا غزه بتسوى كل بلدان الدنيا ..

والحلقه الجاي بكتبلكم اشياء مش عن غزه :p
انتظرونــأ

على مااااااايكـ المنتدى ..

ومن برنااااااامج =-= مين أدكـ المـايكـ بيــدك =-=

حصرياااا على قنــاه ندوش وسنوي ..

[محمود]

:: نور اليقين ::


كمان محمود

من الناس اللي اول ما دخلت المنتدى

الكل كان بيحبو و اي حد اكلمو يقلي محمود ده سكرة

ده عسل

ده محصلش

و أنا وقتها كنت الوحيدة اللي بتكرهو

اه

بكرهو

كره مش طبيعي

لدرجة كنت ديما بتفاداه

و لما عرض علية الاشراف من نانا مرة و اتنين و تلاتة

و من فجر الحياة كمان

كنت ديما برفضو

عشان محمود

عشان كرهي ليه

بس مرة كلمني

و وقتها بس حسيت اني ضلمة انسان بيستحق كل الاحترام

و من وقتها

ليه معزة خاصة عندي جدا

و بعتبرو من معزة ابو معاذ و عاشق الحور

و عايزة أعتذر من محمود



---------


ههههههههههههههه

الله يقطع شرك يا نور اليقين ،،

يوه يوه لييه هالكره ^_^

عادي والله يا نور ما بتعرفي الشخص من أول مرة ..

لازم الحكي والطبيعه تاخد مجراها .. لحتى تتعرفي عليه أكثر و أكثر ..

انا اتشرفت فيك وحتى لو كنتي زمان بتكرهيني انا ما كنت هيك تجاهك ^^

صح كنت قاسي معك ،، ههههههههه

بس لانك كنتي تغلبي والله ،،

بس هلقيت بجد مثل ما قالت نانا ..

تواجدك في المنتدى عظيم ما بنقدر نستغني عنه ،،

الك بصمة مميزة بكل موضوع بتدخليه ما تحرمنيا منها ..



----------



جريحة فلسطين :)

صراحتك بتعجني مميزة انتي ..

------------






----------



:: مؤيد ::

أعجبتني يا بطل ،،

ولا تعلقيب ع كلامك ..



------------



عبود ..

يا دب ..




ثامن بلاش خروف ليزعل
مـــحـــمـــود
يمكن الكل بشوفو بأسلوب حاد اشوية لكن مو اسلوبو خارج المنتدى انسان منطقي وعقلاني اغلب وقتو شغل شي مميز بس بنفس الوقت سيئ لانو كثرو راح يترك سلبيات على الاخرين وياخدو فكرة تانية بحب الضحك والمزح والهزار بس مو بكل وقت ممكن في قعد بين الاصحاب يمزح مرة مرتين مو اكثر لكن بقلبها غم ويفوت مواضيع انتا بتكون هربان منها ههههههههه بس لزيز لمن يجي يحكي بتحس حالك قاعد مع ابوك :P مشكلتو داخل المنتدى الي هي الحدية يعني نادر لمن بنلاحظو بين الموجدين ولازم نعذرو لوقتو بس برضو انتا كعضو مش كمدير كعضو لازم يكون الك دور بينا ونشوفك بتهزر وبتشاركنا رايك دايما ...عليك خصم خمس علامات عن عدم الحضور ...بحب اكل الفول والفلافل شو دخلها هاي بس انسان لو عشتو معو راح تحبوه وترتاحو الو ولمنطقو الظاهر بعمل تنويم مغناطيسي لكل واحد بعرفو هههههههههههه ربنا يحفظك ويوفقك في حياتك ..


ههههههههههه يابو تنويم مغناطييسي ..

الله يخليك يا عبد ويسعدك في حياتك ،، ويهديك ويوفقك أحسن من كل شي ..

انتا انسان طيب ، صح اني كثير بعصب عليك وعندي انتقادات لأجزاء طفيفة بشخصيك

خصوصا ً بموضوع معين ،، لكن هذا ما بيعني اني مقلل من احترامي الك ، كثير بكون شديد

معك وحازم بأكثر من موضوع .. بس صدقني لأني بحبك وحابب تكون أحسن انسان ..

موضوع اني شديد وحازم بالمنتدى ، لأني ما كان عندي وقت اقعد ع المنتدى ،، وانتا من أكثر الناس

الي بعرفوا وين مشاغلي هلقيت ويدوب اقدر أراقب ،، بس انتا بتعرفني قبل كيف كنت في المنتدى ^^

لهيك بتلاقي الاعضاء ما بتشوفني الا في اتخاد القرارت ،، معظم القرارات الي باخدها بتكون صعبة شوية

وممكن كثير ينتقدني فيها ،، لكني بكون مصر عليها مشان مصلحة الجميع هنا ،،

صحيح ،، في كمان فترة صغيرة طلعــة شوي ،، مهد لأبوك ^_^

..


:: بنت الرملة ::


واحلى اشي إني مكنتش بعرف انو محمود مدير المنتدى ..

حتى لما رحب فيه قلتلو مشكور اخي ولا ابصر شو ..

ولا بعد شهر ولا اكتر عرفت انو المدير ..


هههههههههههه ،، الله يقطع شرك ،،

اساسا أنا بوقتها كنت أشارك كعضو أكثر من اني ادارة ..

بعدين كانت غلوة مشاركاتي في هديك الأيام و أحلى ايام ..

ويابنت الرملـة ،، مهما صار بتضلك اخت كبيرة ..

وقصصك حلوة كثيرة ،، بس الي لاحظتــه أنو ما عندك تحدي وصمود ..

المفروض كنتي صبرتي .. بعدين انتي كنتي ساكنة بمنطقة كثير رومانسية وهادية ،،

بس نصيبك انو تكملي دراستك هناك ،، الله يوفقك ..

احترامي الك ..

[بنت الرملة]

المشاركة الأصلية كتبت بواسطة محمود

:: بنت الرملة ::


واحلى اشي إني مكنتش بعرف انو محمود مدير المنتدى ..

حتى لما رحب فيه قلتلو مشكور اخي ولا ابصر شو ..

ولا بعد شهر ولا اكتر عرفت انو المدير ..


هههههههههههه ،، الله يقطع شرك ،،

اساسا أنا بوقتها كنت أشارك كعضو أكثر من اني ادارة ..

بعدين كانت غلوة مشاركاتي في هديك الأيام و أحلى ايام ..

ويابنت الرملـة ،، مهما صار بتضلك اخت كبيرة ..

وقصصك حلوة كثيرة ،، بس الي لاحظتــه أنو ما عندك تحدي وصمود ..

المفروض كنتي صبرتي .. بعدين انتي كنتي ساكنة بمنطقة كثير رومانسية وهادية ،،

بس نصيبك انو تكملي دراستك هناك ،، الله يوفقك ..

احترامي الك ..

فعــلا هديك الفتره كنــت فايع كـــتييييييير ..

وكتير كتير تشارك ,, هاد إلي خلاني ما الاحظ إنكـ مدير مع انو كان مكتوب تحت اسمك ..

وفعلا هديك الأيام كانت حلووووة صح ماكنت كتير بندمج معكم ما إلي غير منتدى الألعاب ههههههههههههههههههههه ..

بقعد وببلط فيه ..

بس فعلا كانت ايام كتيييييير حــلوه ..

وانتا يا محمود ,, مهما صار بضلكـ اخوي لزغير :p

والله يسعدك منيح عجبوك القصص الخزعباليه ههههههههههههههههه ..

انا فعلا ما كان عندي صبر حتى انا ما كنت بدي أأقلم حالي والله اصعب اشي الواحد يبعد عن اهلو ..

القصه مش قصه انو انا مش متأقلمه مع غزه لأنها غزه لا والله وهيٌك إنتا قلتها المنطقه كتير رومانسيه وهاديه إلي كنت ساكنه فيها ..

بس كان عندي مخيمنا إلي برفح اهون بكتييييييييير من اني اضل بالمينا عالأقل رفح إزا ما فيها اهلي فيها خوالي وعمامي ..

انا هيكـ صعبببب كتير أتأقلم مش شرط من حلو لسيئ حتى من حلو لأحلى بحب اضل بالوضع إلي انا فيه ..

ابدا ابدا ما كنت قادره اصمــد :( ..

وبس

اسعدني مرورك يا عريس :p ..

[محمود]

وردة الأقصـــى ،،

بالأول انا مبارح لسا بفوت الموضوع ،،

عجبتني قصص ميمي ،،

فحبيت اشوف كل قصص الاعضاء وتوه قريته كله ..

بجد موضوعك تحفـــة الله يسعدك ،،

وبتمنى تمسكي المايك انتي مشان نتعرف عليك اكثر ،،

شخصيك اكيد مميزة || وياريت نتعرف عليها ،، وما بعرف ازا بكون خالفت بردودي هدول ،،

بس سامحوني ما انتبهت للموضوع الا من جديد كان يمر عليي وما كنت معطيه اهتمام ..

بس كنت خسران والله ،،

يعطيك العافية بكل تميز مبدعة كثير ..

[.!. وردة الأقصى .!.]

المشاركة الأصلية كتبت بواسطة محمود وردة الأقصـــى ،،

بالأول انا مبارح لسا بفوت الموضوع ،،

عجبتني قصص ميمي ،،

فحبيت اشوف كل قصص الاعضاء وتوه قريته كله ..

بجد موضوعك تحفـــة الله يسعدك ،،

وبتمنى تمسكي المايك انتي مشان نتعرف عليك اكثر ،،

شخصيك اكيد مميزة || وياريت نتعرف عليها ،، وما بعرف ازا بكون خالفت بردودي هدول ،،

بس سامحوني ما انتبهت للموضوع الا من جديد كان يمر عليي وما كنت معطيه اهتمام ..

بس كنت خسران والله ،،

يعطيك العافية بكل تميز مبدعة كثير ..

الله يسعدك يارب ويخليك إلنا وللمنتدى

ومنور والله وقت ماحبيت بيتك ومطرحك ولووو

ان شاء الله عن قريب راح أمسك المايك بس خليني أعطي فرصة للأعضاء يحكوو

والله أسعدتني كتير بمرورك وردك

يسلمووو كتير إلك نورت

[محمود]

الله يسعدك يارب ،،

آخريتك راجعــة فلسطين وراجعــة غزة ورح تضطري تصمدي ..

بعدين لسا مش عريس *_^ ،، ما تنقي عليي خليني عزابي أريح ..

[بنت الرملة]

طبــعا نهايتنا عــغزه يالله قد ما أنا مشتقالهااااااااااا ..

بس مع اهــلي مش لــحاااالي انزل عليهــــــــا ..

وبعدين فش اضلك عزابي وصلت سن ال 20 :p

بطلت زغير ههههههههههههه ..





بس تزكرت شغله بدي اضيفها عموضوع غزه قبل ما انهــي تزكرت ..

إني من فتره كنت ببحبش بالنت ولا لقيت صوره هيه نفسسس المنظر إلي قلتلكم

بطل عليه لما اقعد في السطح تبع عمارتنا إلي بالمينا ..

واعتقد حد مصورها هالصوره من العمــاره ؟؟؟

وهي الصــورة



وووو كمان نسيتو تسألوني عن علاماتي ..

طبعا علاماتي كانت تتراوح بين مقبول وكعبول ..

ماده جبت فيها سي هاي يمكن الفقه ..

وماده دي هاي الإنجليزي ورحت اترجى لمس تنجحني ههههههههههههههههههههههههه ..

وماده دي بلس وهاي مكنتش اصلا ادرس فيها بس اعتمد عزكائي :p وكانت كلكولس ..

وماده كماااااان دي بلس او سي مدري ..

يعني علامات بترفع الراس ههههههههههههههههههههههههههه ..

يلا منيح مني نجحت ما كان يهمني بالجامعه غير اني اشتري عنبر من على بابها ..

وكابوكي وكاجو وسندوشات جبنه واروح عالسوبرماركت إلي قبال الإسلاميه اجيب شوكلاته ..

واقعد بمحلات النت إلي قبال الإسلاميه وادفع عالساعه 4 شيكل ..

يلا بما إني نعست قاعده بخبصلكم كلام عبعض ..

بدكم تتحملو المايك معي وانا حره اخبص زي ما بدي ..

يلا تصبحوا ع خير وبكره حتكونوا مع الحلقه الأخيره ..


من برنامـــــــج

=-= المــايكـ مع مــيمي غيــر =-= ..

[بنت الرملة]

طبعا جيت قبل شويه اريح نمت وحلمت اني بغزه ..

من كتر ماحكيت فيها ..

وبالحلقه الأخيره حنغـير الخراف عن غـزة ..

وبدي احكي مغامرتي لما كنت زغتوره ..

هاد يا ساده ,, إلي كتير نوادر وأنا زغـيره ..

أولهـا إني كنت زي الصبيان وما بعترف بإشي اسمو بنت هههههههههههه ..

وفي قصه بسكوته بتنزن عليه احكيهـا عشان هيـك بدي اقلكم ياها ومحدش يضحك ..

هاد مره انا كنت مش بصف الأول ,, كنت اجي مع ماما بالمدرسه مستمعه لأنو ماما معلمه ,, واحضر بصف الأول كـأني منو يعني كان عمري 6 سنين ..

وكانت معاي بنت كمان مستمعه وانا وياها بعا بما إنو مش مسجلين بالمدرسه إنضلنا نطق حنك بالحصه ..

وجيت مره قلتلها اعطيني رقمك يا لميس ..

وطبعا لميس اعطتني رقمها وياريتها ما عطتني رقمها ..

صرت اتصل عضارهم كل دقيقه كل ثانيه كل جزء من الثانيه ..

وفش زوق ابدا ومن وراه امــي طبعا كنت اعمل هيك,, اروح اسرق التلفون واقعد اتصل

وفي يوم من الأيام وعشان الله يفضحني ,,

اجا اخوي من المدرسه بقلي بتعرفي لميس ؟؟

قلتلو اه ,,, قلي انا ابوها بدرسني رياضه وعرف انك اختي وقلي قول لأمك

انو اختك بضل تتصل علينا وبتزعجنا ..

طبعا اجا اخوي قلي حقول لماما ,, وانا اترجا فيه ما تقلها الله يخلييييك ما رضي كان شرير ,.

وراح طبعا حكا لماما ,, وأمي ظربتني .. انا هيك امي بطبعها بضل تظربني ..


قصه تانيه برضو بنفس الوقت صارت ..

كنت برضو مستمعه وبتعرفو فاضيه اشغال .. وكنت واقفه بالطابور زهقااااانه ,, ولا اجا عبالي انشد النشيد الوطني ..

والطابور حيبلش ..

وانا ضربت هالصوت وبصوت عاااااااالي صرت احكي عيشي بلااااادي عاش اتحادو امااارتنااااا ,, ومالقيت غير

هالكف وصرعني صرع ..

طلعت معلمه حابه تعمل خــير وتقضي على التسيب والفلتان والفوضى واجت اعطتني هالكف عشان ارجع

لوعيي لأنو فكرت انو اجتني حاله ..

اممممممم شو كمان اخرفكم بما انها اخر حلقه ..



احكيلكم اشياء غريبه صارت معاي ؟؟

حتخااااافو جد ..

قوليلي وإلي صار معاكي بغزه مش غريب يعني ..

بدي اقلكم عن موقف صار معنا واحنا بالمدرسه ..

هالموقف لو شو ما صار ما حد حينسى بأي بنت كانت بالمدرسه ..

لا جد جد جد موقف الكل حيبهت لما يقرأو ..

مستعدين !!! ..

Go

مره وانا بتاني اعدادي كنا بنمشي بساحه المدرسه الخارجيه والبنات بستنو الباصات تروحهم وانا بستنى بابا يجي يخدني ..

وساحه المدرسه الخارجيه مسكر بابها ..

وبنتمشى ولا ما لقينا غير سياره كسرت بوابه المدرسه وصارت تمشي بأقصى سرعتها علينــا ..

الكل صار يسرررررررخ ويجري والسياره مسسسسسرعه داخله علينا وسرعتها يمكن 100 ..

وصارت تمشي فوق البنات منييييييح إني رحت من طريق تانيه ..

ولا لما الزلمه سيطر على السياره ووقفها لقيت وحده من صاحباتنا او صحبيت اختي ..

مرميه وايدها مقطوعه ومرميه قدامها .. انااااااااا بطل فيه عقل ..

ولقيت بنت مليانه دم وواقفه ولا فجأه وقعت عالأرض ..

وتحت السياره مليااااااااان بنات .. وكانت الدنيا متحاناااااااااااات يالللله ..

والبنت زي القمر إلي نقطعت ايدها ومن الأوائل وسبحان الله اجت ممرضه واخدت ايد البنت ..

وحطتها بميه بارده عشان ما يموتو الخلايه إلي فيها وفعلا رجعت إيد البنت إلها ..

بس كان موقف فش افظظظظظظظظظظظع من هــيكـ ..

وهيكـ هاد إلي زكراه عن المدرسه وقصصها ..


وشو كمان ..

كنت شاطره بالرياضيات بحبو كتير كتير ..

لحد ما نضربت ع خلقتي ودرستو بالجامعه وطلع ما خصو بمنهج المدارس ..

بس بشكل عام كنت ما بحب ادرس وعلاماتي زي وجهي بالثانويه العامه جبت

83.6 وفضحت الدنيا كلها وتصلنا عغزه نبشرهم قال ..



احم احم

صار الحين احكي عن اهم اشي بحياتي واحلى اشي بحياتي .. :$

وعمدا خليتها للأخــير ..

الحين بدي احكي عن صديقه روحي وتوأم روحي وإلي بعتبرها مش أختي وبس حبيبه قلبي من جوا والله ..

بدي احكي عن


شيــــــــــمووووو ...

شو ما احكي عنك قليل والله ..

طبعا بعرفها من 7 سنين وشويه ..

احلللللللللللللى سبع سنين بحياااااااااااتي كلــــهااا ..

دايما واقفه معاي وقلبها عليه .. ما عمرو صار معي إشي إلا تكون جمبي ..

ودايما دايما مع بعض لدرجه البنات يقولولي شيمو ويقوللها ميمي يتلخبطو ..

ما بحب اطلع غير معها ولما ادايق ما بحب غير اشوفها ..

احلى اوقاتي لما اكون معها ..

صحيح لما خطبت عملت مناااااحه وكيييف شيمو تخطب بديش ..

بس خلص الحين تأقلمت عالوضع ..

ربي لايحرمني منها يااااااارب وضلك جمبي ويجعل يومي قبل يومك يا غاليه ..



ورده مشكوره كتيييييييييير ما ضل إشي إلا حكيتو فشيت قللللللللبي والله :P

والمايك معكم ^_^ ..

[بسكوتة]

ايييييييه

يعني انتهيتي خلص

والله قصصك يا ميمي ولا بالأحلام

رغيك حلو المشكله ههههههههههههههه

بس ما حكيتي كمان عن المدرسه والبنت اللي كانت معك

وتمد إيدها على كيس الشبس اللي معك

بس شو يا ناس !!

عشان ميمي حرام كريمه جد

وصاحبيت ميمي طماعة ... بتروح ميمي عشان اطعمي البنت من الشبس

ما بتفتح الكيس كلو ههههههههههههههههههه

يعني يا دوب بمقدار لخروج حبة شبس وحده

بردو بطنها غالي هههههههههههههههههههه

ممممم

خلينا نتخرف شوي عنك

أنا لما عرفت ميمي كان يوم أسود

عشان كانت لابسه أسود بأسود :p

ولما سلمت عليها كان وجهها بوجه اللاب ولا اطلعت علي

بس بعدين شوي شوي دخلت بالشله

وصرنا خوش بوش بس برضو كنت أخاف منها وأحسها دايما معصبه

حبيتها كتير لما شفت قدي بتحب صحباتها

حبيتها لما كانت تحكيلي عن شيمووووو

وحبيتها لما كانت تحكيلي عن ناناااا وأنجيـلاااااا

جد قلبها كبير هاليبنـاويه

وما بتعرف تكره حد

أنا لهلأ بخاف منها شوي يمكن ما بتعرف هههههههههههههههههههههههههههههه ه

بس جد حياتك مع ميمي غير

ومن دون مبالغة

بديش ميمي ولولو يسافروا

خايفه يسكر المعبر عليهم وما يرجعوا

لإنو تعلقت فيهم كتيييييييير يمكن لحد الجنون هههههههههههههههههه

خلص برمت كتير

كإنو المايك معي سمالله علي هههههههههههههه

يعطيكي ألف عافيه حوبي .. والله يسعدك دنيـا وآخــرة

وتموتي شهيده يا وجه الشهاده :P

وبس

بحوبك موت