♪..مــــــآيــــك المــنــتــدى مـــع ~ شـهيـــد غ ـزة ~..♪

[.. ليآل ~]

امبارح كانت زكرى الحرب الهمجيه على غزة

الله لايعيدها من ايام يارب

كانت أسوأ شيء حصل بالـ 2009

الله يجعل السنه الجديده خير على اهلنا بفلسطين وخاصةً اهلنا بقطاع غزة

تحية إجلال وإكبار لكل شهيد قضى نحبه في الحرب

وتحيه لكل جريح

وتحيه لكل ام واب

وتحيه لكل شاب ومقاوم

وتحيه لكل طفل

وتحيه لكل بيت ومسجد ومدرسة وحارة

وتحيه اكبر من طاقتي وقدرتي للحبيبه غزة

ولكل عضو ساكن بالقطاع الصامد من اعضاء منتدانا شباب فلسطين

الله يهونها عليكم

ويجبر خاطركم

سامحونا والله مابنملك الا الدعاء

الله معاكم

[.. ليآل ~]

ياساتر يارب

هلأ سمعت بالأخبار انو الخميس الجاي راح يصير خسوف للقمر

الله غضبان علينا والله

أمراض وغلا وخسوف

الله يتولانا برحمته ويجيرنا من شي اعظم

[.. ليآل ~]

بـــآئي بس 47

[.. ليآل ~]

حلوة كتير

هلأ كنت بقرأ فيها

وئلت لازم تقرأوها معي

لـ أحلام مستغامني

::


صبرت عليك وأدري

كان رهانك كسري

من قهري

قاطعت حنين الوقت إليك

ارتشافي صباحا لصوتك

ارتطام أشواقي بموجك

من فرط سهادي بك

***
ما خنتك

لكنّي رحت أخون الزمان بعدك

أعصى عادة العيش بإذنك

أنسى انتظاري لك

فرحتي حين يحلّ رقمك

ازدحام هاتفي بك

***
كم أخلصت لغيابك

لكنّها ذاكرتي خانتني

تصوّر

ما عدت أذكر عمر صمتك

ولا متى لآخر مرة قابلتك

وكم من الوقت مرّ من دونك

فكيف قل لي أنتظرك

وأنا ما عدت أعرف وقع خطوك

***
مذ افترقنا

ما عاد الأمر يعنيني

سيّان عندي إن غدرت أو وفيت

يكفيني يا سيّد الحرائق

أنّك خنت اللهفة

وأطفأت جمر الدقائق

***
ما خنتك .. لكن خانك حبري

مذ قررت ألا أكتبك

لن تدري

كم اغتلت قصائد في غيبتك

حتى لا تزهو بحزني

حين تشي بي الكلمات

ما خنتك ..

فقط نسيت أن أعيش بتوقيتك

ما عدت أذكر

كم من المطارات حط قلبي بها

دون علمك

***
والله ما خنتك

ولا ظننت قلبي

سيقوى على الحياة بعدك

لكنّه الخذلان

علّمني أن أستغني عنك

أصبحت فقط

أنسى أن أسهرك

أأبى أن أذرفك

أكثر انشغالاً من أذكرك

وأكبر الخيانات .. النسيان !

(:

حلوة مو ؟؟

[.. ليآل ~]

[ بنت الشام & دانيه الشام ]



بنت الشام
تاني وحده عرفتها من المنتدى

بنت بتعئد

اسلوبها كتير حلوة

عفويه وتلقائيه لأبعد حد

بحسها هيك مطنشه الدنيا

غايبه عن المنتدى من فتره طويله مشان الدراسه

الله يوفئها ويسعدها






دانيه الشام
حدا ئريب مني كتير

لهلأ بنتواصل سوا

كتير حبابه وسهل الواحد يتعود عليها

عسوله آخر شي

الله يحميها يارب ويسعدها

[.. ليآل ~]

[ نابلسيه كحح & ميـــرآ & أميــــرة فلسطين ]


نابلسيه كحح
بنت بتجنن

حبابه وطيبه كتير

وعطول بتخليني اشتهي الكنافه

نفسي بكنافه مرتبه يالله !!

كتير طيوبه ،، بحسها بعيده عن الكل

الله يوفئها ويحميها يارب





ميــرآ

مالحئت احتك فيها منيح لحتى احكم عليها

بس اوضح شي فيها انها حساسه وبتزعل بسرعه

والي من هالنوع بكون ئلبهم رئيئ كتير وطيوبين

الله يحميها ويوفئها





أميرة فلسطين

اموره وهاديه كتير

برضو مابعرفها منيح

بس بتزكر مره كان في موضوع اسمو صديق الاسبوع

اجت وصوتت الي

كتير كتير اتأثرت

صوتها كان شرف الي

ان شاء الله بيجي الوئت وبنتعرف عبعض منيح

موفئه حبيبتي

[.. ليآل ~]

حبيبي بدو الئمر

والئمر بعيد

والسما عاليه

مابتطالا الإيد


طلعت على السطح

دلو علي الناس

ئالو مادري شو بها وبلغوا الحراس


ئلتلون بدي الئمر

ئالو الئمر غالي

حئو عشر ليالي

عشر ليالي سهر


والي عشر ليالي

عالسطح سهراني

وحاسي بحالي تعبانه ونعسانه

وخايفه لنام وينساني الئمر

وتسرئو جارتنا

يلي مزاعلتنا

وتعطيه لحبيبي

ويحبا حبيبي

وانا صير غريبه




::

بمرة كنت بغنيها للبنات بالكلاس ئبل المحاضرة

وما اسمعلكم الا صوت الاستاز من وراي

وشو بيئول ياحزركم










" تضربي منك لحبيبك ،، ماعرف يطلب اسهل من هالطلب "


تمنيت انو الأأرض تنشق وتبلعني

[الحان الحرية]

شو يا جماعة

اظن بنعرف القوانين =) !!

[.. ليآل ~]

إشتئتولي صح

لاتنكروا!!

نكمـــــلـ؛؛

عفكرة انا متورطه مش عارفه كيف اخلصوا للمايك

ادعولي


::

[غزاوية& شهيدة الأقصى]


لزوزات كتير

وئلبهم طيب

بيغيبوا كتير

بس تميزهم واضح

ماصحلي اعرفهم منيح

موفئين حبيباتي

[.. ليآل ~]

[ نسمة بلادي & بينو & فتآة طموحة & نور الهدى & وردة خريف & آيه &ريحــآنه القلب ]



نسمة بلادي
بنوته كتير طيوبه

بس مابعرف ليش ما بتتواجد كتير

مش عم نئدر نعرفها منيح

الله يوفئها بدارستها وحياتها



فتآة طموحة
إسم على مسمى

بنت كتير مميزة ومبدعه

اطروحاتها مهمه وغنيه بالمعرفه

سعيدة جداً بوجودها بينا

ماننحرم ياعسل





ريحـــآنه القلب
بداية اسمها كتير بيعجبني

وجزء من شخصيتها بيعطيها جاذبيه حلوة

فيها غموض على عفويه

وردودها مميزة دايماً

انا متأكده انو عندها كميه ابداع اكبر من عم نشوفها

موفئه حبيبتي




وردة الخريف

حبابه ولزيزة

تواجدت فتره وبعدين اختفت

الله يسهل عليها ويسعدها




آية بنت فلسطين

مزاجية وعصبيه وهي اعترفت بهالشي بموضوع من المواضيع

شخصيتها مميزة وملفته للنظر

ماصحلي اعرفها اكتر

ان شاء الله ترجع بالسلامه ونئرب من بعض

الله يوفئها ويسعدها يارب




بينــــو

هضامه وركازة وخفه دم

بينئصها شويه حضور وتواجد وبتكون من اكتر الأعضاء تميز

شخصيه حلوة كتير

وعندها كم هائل من المعلومات والثقافه

بحترمها كتير

الله مايحرمنا منك ياعسل



نور الهدى

التتمه الأفضل لفتاة طموحه وبينو

ماشاء الله عليها

ركازة وخفه دم وسعه افق

انا لما افوت موضوع للنقاش واشوف نور ردت ئبلي بكتفي بالمشاهده

لانها بتعبر عن رأيي بشكل واضح وسلس وسريع

الله يحميها ويحفظها يارب