مع عودة كرسي الاعتراف .......نستضيف المدير العام محمود

[محمود]

السلام عليكم ورحمه الله وبركاته

هلووووووووووووووووووووووووون عادت ..

يا أهلا وسهلا اختي ،، نورتي الموضوع

شو ممكن انك تنصح اللي بغلط دايما وما بصلح غلطة ؟؟

بحب أحكي اله ،، العناد والاصرار في الخطأ انتقاص بشخصة الفرد ،،

وبقل احترام الناس الي بعرفوه اله ..

بتمنى انو كلمات التسامح تكون على لسانك ،،

لانو الاعتراف بالخطأ فضيلة ..

اديش بتقيم نفسك من عشرة مدة الصبر عندك ؟؟

8.5

شو بتعمل بوقت فراغك ؟؟

بحاول اتعلم شي جديد في الكمبيوتر ، أو اكتب شعر

او ازور قرايبي وخصوصا عماتي ،، و اتمشى مع صحابي ..

او اطلع ع البحر .

شو الشي الي ممكن يزعلك لو صار بهاي الايام ؟؟؟

انو لبنان تخسر الحرب ضد اسرائيل لا سمح الله ..

وانو الأسرى اليهود الي بأيدين كل من المقاومة الفلسطينية وحزب الله

يتسلمو بدون نتائج مرضية .

شو ممكن تحكي عني لو طلعت من المنتدى؟؟

ما رح افكر بهيك موضوع ،، لكني اعرفي ا نو ما رح اخطأ بحق حدا ,,

رح تتذكرني لو تركتكم ولا لأ ؟؟

وهل ينسى الأخ أخاه ؟

يلا جاوب في اسئله كمان ؟؟؟

ان شاء الله اكون رديت بما هو مناسب .

..

والسلام عليكم

[هلــون]

مرسيه محمووووووووووووووووود ..^^....

[محمود]

ابن الجليل حفظك الله ،،

كلامك برفع الراس ..

تسلم ^_*،،

[محمود]

بانبون ،، قمر الخليل ،،

شكرا لكم نورتو الموضوع ،،

ودمتم بخير

[alaa_sabbah]

اخي محمود ما جاوبت على اسئلتي

[محمود]

السلام عليكم ورحمه الله وبركاته

بصراحة انا الموضوع ما عجبني اكتير و ما تزعل يا جولد
اشوي الموضوع شخصي و في امور شخصية و اسئلة حساسة و محرجة
بالاضافة كون النت وسيلة اتصال مش مضمونة
و مش ممكن او مستحيل الواحد يبني شيء من خلال النت بالنسبة للتعارف اوو المعارف او الصداقة
لانو الواحد بيتعامل مع جهاز مش مع انسان بعظم و لحم
عشان هيك انا اكتير بتحفظ عن امور و ما بحب احكيها
بتعرفو الوضع حساس و الامنيات بتعرف
على العموم كل انسان و يلي بريحو
بالنسبة الي النت مش مضمون

اخي علاء ،، راح أحكي الك هالشي ..

دائما الانسان لازم يكون واثق من نفسه ،،

يعني المحترم بفرض احترامه على الجميع ..

بعدين مستحيل انسان مش منيح يقدر يلبس قناع الطيبة والخلاق ..

لأنو ما تربى عليها ،، وان حاول فيها مارح يقدر يكمل فيها ..

هاد زمن ،،

وشغله تانية الشاشة اخترعها الانسان ،، وبسيرها الانسان ...

يعني مش ممكن انا اسيب الماسنجر فاتح واخليه يكتب لحالو معك

وانا بشرب شاي ،،

او يمكن هلا جهاز الكمبيوتر الي عمالو برد عليك ،، ما بعرف يعني

ازا بمقدرة جهاز الكمبيوتر يستوعب الظلم الي انظلمه من الاستخدام البشري الخاطئ ..

فهيك الانسان عمره ماكان يتعامل مع الجهاز ،، لأانو بتعامل مع انسان ، ،،

يعني شوف صورة قطة ،، وابعد عن الجهاز وقلو اعملي في هاي الصورة توقيع

شوفو ازا الجهاز بتقدر تتعامل معاه ويصمملك توقيع :) ،،

لكن اعطي الصورة لرينوكس عن طريق الجهاز ،، بصمملك توقيع عن طريق الجهاز ..

متل ما انتا بتعرف الوقت عن طريق الساعه ،،

فالانسان هوي المتكلف بالشئ مش الكمبيوتر ،، ومستحيل انو الجهاز يقود نفسه مشان يقود انسان ..

اما اذا قصدك محاولة اخفاء الشخصيات على النت وعمل الها سمكرة و بولش ..

هاد اشي موجود في الناس معدومين الثقة ,, أو في الناس الي ما بتعرف ربنا

وبتدور على غاية سيئة ..وهتك اعراض الناس ..الخ ،، في النهاية هاي مرحلة لبس القناع سرعان ما تزول

لانو ربنا ما برضى في الظلم ،، وتاني شي ترباية هاد الانسان وانعدامو بثقتوا بنفسو بتهئ الو

انو ما بقدر يكمل في قناع الاخلاق ،، والشيطان الي مخليه يلبس القناع هاد كمان ما بستصيغ الامر

لانو هدفوا انو يخرب ديار الاتنين ،، وبخاف انو هاد الانسان يلبس قناع الاخلاق ويستصيغه ويتوب

ويتصف بالأخلاق بعد هاي المرحلة ،، فبتكون محاولة الاذى سريعه وقريبة : ) ،،

وكمان راح احكي الك شي يا علاء :)

طلما هوي قدامك على الكمبيوتر محترم خلاص خليه محترم ما بضرك شي هاد الشي ،،

لانك ما رح تتعرف عليه غير من وراء الجهاز ،، فما بطلع الك انك تشكك فيه لانك مش راح تشوفه

على ارض الواقع ،، وراح يضلو قدامك لابس قناع الاحترام (هاد ازا قدر ) : ) ،،

و اذا حابب تتأكد من هاد الشخص فيه تقابله وتتقرب منه اكتر واكتر وتقابله

وجها لوجه وتعرف شخصيته وراح تشوف تطابق الشخصيات :) و يمكن يكون الواقع افضل بكثير ،،

وانا برحب فيك ازا بتنزل غزة ،،

انا من سكان مخيم جباليا ،، ووقت ما تنزل غزة ،،

اعطيني خبر مشان نقابلك ونقدم الك واجب الضيافة منها بنتعرف على بعض اكتر واكتر :) ،،

و تعرف شخصية محمود على ارض الواقع ..

وانا اسف انا بكفي و والكيبورد عطلان ،، كتير تغلب في ا لرد ،،

فسامحوني لحين ما ارجع للبيت وتكون الكهرب اجت واكمل ردود ..

ولي رجعه لأكمل باقي الاجوبة ..

و السلام عليكم ,,

[شـهيد]

السلام عليكم

يعطيك الف عافية محمود...انا مارح اوجه اي سؤال بكفي جننوك الجماعة:)
بس بجد ما شا الله عليك بتعجبني صراحتك وراحبت صدرك وفعلا إللي بقرأ رد بيعطيك عمر اكتر
الله يحميك ويخليك لاهلك...

شكرا جولدعلى الموضوع يعطيك ربنا العافية

[نهال]

السلام عليكم
بجد يا محمود ردودك بترفع الراس






اديش بتقيم نفسك من عشرة مدة الصبر عندك ؟؟

8.5


يا ريت لو عندي ربع صبرك هاد


الله يحفظك ويناولك اللي في بالك
تحياتي

[محمود]

السلام عليكم ورحمه الله

اعود من جديد ..

و اول سؤال موجه لمحمود هو

اهلا وسهلا ،، نكمل :)

هل حصل و ان تقابلت مع احد اعضاء المنتدى شخصيا على ارض الواقع؟

الحمد لله معظم اعضائنا من قطاع غزة على معرفة شخصية وبعضهم على علاقة وثقية جدا :) ،،

ان حصل
فهنيئا لمن قابلك و عرفك و اطمأن و ازداد ثقة بك
و بالنسبة لي النت مش مضمون

شكرا لك علاء :)

يعني مش ممكن اثق باي انسان اعرفتو على الانترنت
وضعنا حساس
هلا يا محمود يمكن انا مش علاء
او يمكن انا بنت
ما بتعرف صح
او يمكن انا يهودي او اسرائيلي و دخلت هون اتعرف على نواياكم و خططكم و غيره من امور امنية
بضل النت مش مضمون

عادي يا علاء ممكن تكون يهودي ،،

لما تظهر على حقيقتك ،، وقتها بكون في تصرف تاني معك ومعاملة تانية ..

وبهيك حالة بجد بحس اليهودي كيف نوايا الفلسطينين تجاهه ..

لكن طالما انتا بتدعي انك فلسطيني مثلك كمثل من قال لا اله الا الله محمد رسول الله

ولا يوجد بقلبه من الايمان ذرة ،، خوفا من حرب الرسول عليه الصلاة والسلام ,, على سبيل المثال ..

يا علاء كن واثق من نفسك ،، حتى الجميع تثق فيك ،،

لانو الي مش متحمل مسؤولية نفسه ما بقدر يتحمل مسئولية اي شخص تاني فمابالك بالجماعه ..

ومتل ما قولت الك افرض حالك وين ما كنت باحترامك للجميع ..

وكفاك من كلمات التشكيك ،، لانه مش من اداب المجلس الاسلامية هيك حكي ^_* ،،

وكل انسان اله وجهة نظر ،، وكل انسان ما بقدر يفرض وجهة نظره على الجميع يا علاء ..

مثــلا كم موضوع انحذف الك يا علاء ،، بعتقد عدة مواضيع ،، فوجهة نظرك انها منيحة ..

لكن بوجهة نظري ونظر الادارة انها فيها مشاكل واخلال بخط سير المنتدى وفلسيطينيته الاسلامية .

ولك مني كل الاحترام ،، واعرف اني على ثقة من الجميع ،،

سؤال تاني الك
انت من غزة صح
ما بظن منهاجكم الدراسي غير عن الضفة
كيف صممت موقع و انت ابن 14؟

انا درست منهج مصري والضفة بتدرس منهج اردني ..

اما انتا قصدك انو ما في تعليم تصميم مواقع في المدارس ..

وانا بقولك صحيح وهلا بجاوبك في السؤال التاني ..

الك اخوة اكبر منك تخصص تصميم مواقع
ولا انت لحالك اتعلمت من مراكز و دورات
ولا اشتركت بالاول بمنتدى و اتعلمت من خلاله ( من الانترنت)

الحمد لله عندي اخوة لكن ولا حدا فيهم بدرس او بشتغل تصميم مواقع

انا اول واحد في العيلة طلعت مهتم في الكمبيوتر على الرغم من انو فيه اكبر مني 3 أخوة ..

اهتماهم في الحياة غير الكمبيوتر ..

اما بالنسبة لتصميم المواقع وانا بسن 14 سنة ،،

طبعا في هاد السن اول موقعه عرضته قدام العالم وانا في سن 14 سنة :) ،،

لكن كنت اصمم مواقع من سنة 10 سنوات طبعا مواقع بدائية لسا وبفكرات بسيطة ..

والحمد لله لحد الان ما وصلت ولا دورة ولا معهد للتصميم كله اجتهاد شخصي ..

كنت احب برامج التصميم كتير كنت ابحر في عالمها واجرب كل شي ...

كان عندنا جهاز كمبيوتر وانا بعمر 8 سنوات ,, اول ما نزل ع فلسطين الكمبيوتر

والدي جاب واحد في البيت وطبعا كنت اخبص عليه كتير ..

وبتذكر اني في صف خامس ابتدائي كان الجهاز بطئ ،،

رحت دخلت على ملفات النظام وكل ملف اضغط عليه وما يفتح

كنت احذفه المهم يوميها خربت الويندوز ،،

من بعدها وبعد خراب الجهاز اهتميت بصيانة الاجهزة ..

والحمد لله خلال سنتين لما صرت في صف أول اعدادي

كنت اجيد صيانة الكمبيوتر بشكل كبير من تنزيل الويندوز وتقسيم الهارديسك وتعريف الاجهزة .. الخ ..

بحيث انو جهازي ما كان يطلع على مركز كمبيوتر للتصليح الا اذا كان بحتاج لتبديل قطعه اوشراء اخرى ..

ونرجع بالنسبة لتصميم المواقع كنت اصمم على برامج تعطي تمبليتات جاهزة في بداية المطاف ..

انتقلت للسكربتات الجاهزة ،، وبعدين بديت اهتم في برامج التصميم المتقدمة متل الفرونت بيج ..

والحمد لله طلعت اول موقع في سن 14 سنة ،، دون دورات او اي شي اخر ..

لكن كنت اذا مريت على درس معين اشوفه واطبقه ،، بالنسبة لصيانة الكمبيوتر

كنت احب اجلس في مراكز تصليح الكمبيوتر واشوف شو بعملو واجرب ع جهازي

حتى صرت اعرف بهيك مجال ..

انت بتلبس نظارة؟

اكيد السنة هاي اول مرة بحط النظارة :) ،،

كم جبت بالتوجيهي؟

حكيت انا جبت 81.1% ،، طبعا الكل استغرب منها
لانها كتير كتير قليلة بالنسبة لمعدلاتي السابقة وكتير كتير عالية بالنسبة لمعدل دراستي في توجيهي ..

بدك الصراحة النت بدو حد يكون فاضيله
انا لما كان عمري 14 كنت مش ملحق دراسة و شغل بالباطون و حتى اذا ما في شغل ابن 14 ما عندو طولة بال للكمبيوتر
برجع و بعيد النت مش مضمون

بتعرف شغلة انا لازم انشرها هون
انا اول ما اشتركت بالمنتدى ايميلاتي سكرو و الكمبيوتر صار مش الي لوحدي و كانو في شركاء
طبعا هاد الشغلة ما حدا بيحس فيها الا اذا كان الحاسوب شخصي لفرد واحد
شو تعليقك على انه مستخدمي الانترنت عالم آخر بيختلف عن عالم الواقع و الشارع

الشي الوحيد الي بختلف آلية توصيل الفكرة ،،

هناك بتم عن طريق المباشرة ،،

اما هنا بتم عن طريق الجهاز ..

محمود انت متاكد انك رح تستمر بالمنتدى و تضل مدير و متابع المنتدى و تفتح الانترنت ما دمت حي؟

انا رح استمر في شباب فلسطين عضو او مدير ما دمت حيا ..

وان لم تكن هناك اسباب صارمة جدا جدا تحول بيني وبين أعز احبائي ..

اذا مش متاكد كم سنة بتتوقع اتضل بالمنتدى او تهتم بالانترنت و الكمبيوتر
يعني مثلا اتخيل عمرك 25 او 28 او 30 او 33 وين بتكون بهاد الفترة و مع مين ان دمت حيا ان شاء الله
بكفي أسئلة لهون

ان شاء الله المنتدى راح يضل موجود ،،

وان ويكون المنتدى لأولادنا بعدنا ،، ونفرح واحنا موجودين بالمنتدى بنصر التحرير الكبير ..

ان شاء الله ،،

ودمت بخير اخي علاء .. اسف ازا كنت قصرت بالرد ..

بس ابني ثقتك بالناس ليبنو لك جسور العز والكرامة ..

والسلام عليك ورحمه الله وبركاته

[محمود]

*- امتا بتكون راضي عن نفسك .. ؟؟!

لما اشوف الكل مبسوط مني ،، بعرف اني عملت صح ..

فبكون راضي من نفسي ..

-* امتا ما بتكون راضي عن نفسك .. ؟؟!

لما ضميري يأنبني على شي ،،

--

هلا انوس ،، نورت ^^