♪..مــــــآيــــك المــنــتــدى مـــع ~ شـهيـــد غ ـزة ~..♪

[.. ليآل ~]

كح كح

مليان غبره هون

شكلي من زمان مش حاكيه شي

يلا نكمل

بس مش عارفه شو أحكي







مممممممم

طيب


أنا بحب الأطفال كتير

وبالي طويل عليهم اكتر مايكون

الضجه الوحيده الي ممكن اتحملها نوعاً ما هي ضجتهم

وحتى الزغار بحبوني أأبش حالي

عطول بيجو ولاد خالي الزغار يلعبوا عندي

وياخدو مني حلويات وعلكه ومصاصات وكل شي

غرفتي متل الدكانه

مجهزة لألهم بما لذ وطاب

عندي ابن خال زغير عمرو 4 سنين

بموت عليه اسمو قصي

واحد تاني اكبر منو بسنتين اسمو صهيب

هدول عاملين متل توم وجيري

عطول بيتخانئوا وبيجوا يشكولي من بعضهم

وبئعد انا احل مشاكلهم

ماما بتحكيلي اخرتك راح تنتحري من مشاكلهم

لأنو دايماً قاضي الزغار بيشنق حالو

هههههههههه

وعطول قصي بيجبلي هدايا

بس ملا هدايا

بيجيبلي ورق من اوراق التقويم السنوي

وبيخربش عليها

وبحكيلي هيني كتبتلك رساله يلا اعطيني حلاوة

وانا بعطيه ريتو يؤبر ئلبي

وعطول انا وياه بنتخانئ ،، لأنو حاطط عينو على دبدوبي

وبيضل يتحايل علي حتى اعطيه ياه

وانا مش راضيه ،، هادا الدبدوب فتحت عيني على الدنيا وهو معي

مابئدر افرط فيه

حتى لو كان لقصي الزغطور









يلا راجعــ ـه

[.. ليآل ~]

مرئت ليالي ولليوم ما طليت

زعلان وصارك مدي

ئولك بدا هالئدي

ياخوفي ئسوة تكبر كل مالوئت يطول

بتعرف ياغالي من ليله الـ فليت

بشوفك ليلي حدي جاي وجايبلي وردة

بتكي براسي عكتفك وبغمض عيني وئول :

حبيبي ،، يا حبيبي ،، انا اشتئتلك ،، انا بحنلك ،، متل شمعه على غيابك انا عم دوب

سهر عيني بهون علي ازا بعرف انت راجع بعد الغروب


::

سدئ حبيبي بتنئوز عالحكي متل الطفله الشئيه الي بدا تسرئ خبريه واسمع عنك شي كلمه تطمني

ردلي الروح

حتى المطارح عم تسأل شو بكي وينو الي ئلك ياحبي ماحنعرف معنى الغربه ورحت وهيك تركتلي ئلبي عم يلم جروح


حبيبي ،، يا حبيبي ،، انا اشتئتلك ،، انا بحنلك ،، متل شمعه على غيابك انا عم دوب

سهر عيني بهون علي ازا بعرف انت راجع بعد الغروب

[.. ليآل ~]

ئبل فتره نزلت انين الاموره موضوع عن كتاب لكاتبه جزائريه إسمها أحلام متسغانمي

انا صراحه من عشاق كتاباتها

بس تقرألها بتحس انك انت المقصود

وكأنها بتعرف عنك كل شي

الكتاب مدهش بصراحه

بعنوان [ نسيان دوت كوم ]

انا بنصح كل صبيه تقرأوا

والشباب ممنوع حدا يقرأوا

حتى الكاتبه نفسها حاطه على الكتاب شعار [ يمنع البيع للرجال ]

[.. ليآل ~]

هلأ بدي اروح انام

وبشوفكم بكرا

وان شاء الله بالكتير هالاسبوع بخلص المايك

انتو بس صفوا نيتكم على ئوله حرحر

على سيره النوم

انا مابحب اسمع نفس وانا نايمه

لو نمله مشيت جنبي بصحى << هادي طبعاً صيغه مبالغه الي درسناها بالمدرسه

بس عن جد نومي كتير خفيف

لو انفتح الباب بصحى

لو ورئه من كتاب بتتطاير يمين وشمال بصحى

لهيك الله يسعدكم ولا صوت

بتتغطوا منيح ئبل النوم

وبتقرأو أيه الكرسي


ضلكم بخير

[.. ليآل ~]

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏إسراء الفلسطينية



منوره حبيبتي سروءه

[.. ليآل ~]

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏εïз ملآكـ

منوره يائمـــر ^^

[.. ليآل ~]

اتزكرت شي

انا بموت خوف من كل شي اسمو حيوانات حشرات طيور


وخص نص الئطط

يا ويلي ،، بموت رعب منهم

بعيد ميلادي الـ 20 قرروا صاحباتي يعملولي حفله بالجامعه

المهم جابو التورته والشمع وغنولي وكل شي تمام

وجابوا كرتون كبير كتير ،، وحكولي هون الهديه ونحنا التلاته مشتركين فيها [ بيداء ، كنانه ، منار ]

المهم انا فرحت طبعا وئعدت افتح بالكرتون الكبير

وطلعلي جواتو كرتون ازغر شوي

وهمي يحكولي يلا احزري شو ممكن يكون في جوا

وياخدو ويعطوا معي بالحكي

المهم فتحت اكتر من اربع كراتين جوات بعض

والصراحه بلشت اشك

حكيت لبيداء هي تفتح آخر علبه بس مارضيت حكتلي لأ هادي هديتك ولآزم انتي تفتحيها

وضلوا التلاته يشجعوني لحتى فتحتها ،، وياريتني ما فتحتها

طلع في جواتها ئطه زغيره ،، بمجرد ما انفتح الكرتون نطت بوشي

صرخت يومها صرآآخ مش طبيعي والئطه ئعدت تركض هون وهون

وانا وئفت فوئ الكرسي وميته خوف

الله يسامحهم

هادا وهم بيعرفوا اني بخاف من الئطط

والله ئلبي ئرب يوئف يومها

وطبعاً ما ئبلت الهديه

وتاني يوم صحيت مسخنه وحرارتي مرتفعه من كتر الخوف


::

وسبحان الله ،، الي بخاف من شغله بتضل تطلعلوا

يعني كتير حصلتلي مواقف مع الئطط الطمبيئات

بالشارع وبالجامعه وآخر مره بواحد من المولات

وجــــــع

::

ومع هيك ماما بتحكيلي غريبه كيف اتغيرتي

وانتي زغيره ما كنت هيك

حتى انها حكتلي اني كنت اجمع نوع من الحشرات

هههههههههههههههههههه:ShababSmile222 :

مابعرف شو بتسموه ،، بس نحنا كنا نحكيلها ام سعود

هيك زغيره ولونها احمر وأسود

هي صورتها



ماما بتحكيلي كنتي تموتي عليها

حتى اخوانك كانوا يجمعولك منها



ياللعار

اعملوا حالكم ماشفتوا هالجزء طيب !!

[.. ليآل ~]

اليوم عملت حالي ست بيت

وعملت كيك بالشوكولا

طلعت مابتنبلع


هو مش انو مابتنبلع بالمره

بس في صعوبه بالبلع

اجيبلكم تدوئوا منها

مع اني ما بنصحكم

انا شخصيا ما جربتها

ولا راح جربها

[.. ليآل ~]

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏*أمل*+

منوره حبيبتي ^^

[.. ليآل ~]

مممممم

طيب راح احكيلكم هلأ كيف تعرفت على المنتدى وسجلت فيه

وازا اتزكرت اي شي حابه احكيلكم ياه ،، بعمل فاصل وبحكيه

اتفئنــآ !!

يلا

بيوم من الأيام كنت بدور على شي بيخص العادات الفلسطينيه

فتحت عمو جوجل وضليت دور لحد مالئيت ضالتي هون

لفت نزري المنتدى

حسيتو هيك معجوئ ونشيط كتير

حطيتوا بالمفضله عندي

وصرت كل فتره فوت واتفرج

كل يوم عن يوم كان يعجبني اكتر

ضليت فتره طويله انا افوت كزائر

وبيوم من الأيام قررت انو اسجل

وبالفعل هيك صار وسجلت

الفتره الي سجلت انا فيها بتصور كانت فتره رائعه

ويمكن كانت من احسن الأوئات الي مرأ فيها المنتدى

من ناحيه النشاط وطبيعه الأعضاء

حتى المشاكل الي كانت تصير بين الأعضاء الفتحاويه والحمساويه انتهت بس انا اجيت

ئال يعني وشي حلو عليكم

::

مابعرف ازا في حدا بيحس متلي

انا بحس بالوحده لما يغيبوا الأعضاء الي كانوا موجودين اول ماسجلت

الأعضاء الي رحبوا فيني ،، وشجعوني ببداياتي ،، وتابعوا مواضيعي ،، وخلوني حب هالمطرح اكتر حتى ضل هون

لهيك اسمحولي هون ازكر اسماءهم ،، واطلب منهم مايغيبوا كتير

وهم

{ حوريه فلسطين ، ورده الأقصى ، ليمار ، عيون الوجد ، محمد ، اياد ، حسام ، مؤيد ، اسمراني ،روان فلسطين ، بنت الشام ، دانيه الشام ، ورده الخريف ، ميرا ، القلب الطيب ، اسراء ، ملاك ، بينك ، الزعيم ، نابلسيه ، ارابيان ،وجاره ودموع الحنين وصدى الحب وكتار غيرهم }

طبعا ازا بتلاحزوا اغلبهم مختفين

الله يرجعهم بالسلامه يارب