شباب فلسطين

.. ليآل ~ · 11-26-2009, 04:00 AM

يلا مين بعد ابو محمد ^^

الحان الحرية · 11-26-2009, 09:30 AM

بالأدب و فن صياغة الحرف تغنّت ..

و من أنوار شمس الصباح حاكت كلماتها ..

و كالماء العذب تميزت بالصفاء ..

ضيفتنا اليوم ..

ذات احساس عذب

و

ذات ٍ فريدة ..

و

روح ٍ تحلق مع أقمار السماء ..

لـــــــــــيــــــــــــــال

.. ليآل ~ · 12-01-2009, 07:12 PM

المايك بيدي وماحدا ئدي وانا اخر من يعلم

طيب نادوني

يالله منكم

طمبيئات

يلا ،، اليوم بلكي ببلش

PaLeSt!Ne SouL · 12-01-2009, 07:18 PM

يلا ،، اليوم بلكي ببلش

نعم ؟؟

بالله شو !!

يلا احكي

بانتظارك يا ملكة الإحساس ^^

عبد الصمد الراوي · 12-02-2009, 08:44 PM

من رخصتكم بدي ارد على قسامي ..

ربي يحفظك خيو ما قصرت .. القلوب عد بعضيها خيو ..

ربي يسعدك بمحمد اخي .. ويجعله اسد من اسود الرحمن ..

تحياتي

.. ليآل ~ · 12-03-2009, 03:31 AM

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏حورية فلسطين+

هلا والله حي الله ^^

.. ليآل ~ · 12-04-2009, 09:04 AM

صبـــآح الخير

كيف صباحكم !!

يلا ئولوا ورايا

{أصبحنا وأصبح الملك لله ،، اللهم اني أسألك خير هذا اليوم وخير مافيه وأعوذ بك من شر هذا اليوم وشر ومافيه }

{اللهم ما اصبح بي من نعمه أو بأحد من خلقك فمنك وحدك لاشريك لك }

::

أنا لسه لهلأ صاحيه ،، بنت خالي اتصلت عليا الفجر وراسها وألف سيف إلا اطلع انام عندها

وأناهلأ بحكي معكم من عندها

عملتلي ئهوة إتفضلوا معي

و مشغله الي حبيبه ئلبي الست فيروز

::

ئديش كان في ناس عالمفرئ تنطر ناس

وتشتي الدني ،، ويحملو شمسيه

وانا بأيام الصحو وماحدا نطرني

صارلي شي ميه سنه مشلوح بهالدكان

ضجرت مني الحيطان ،، ومستحيه تئول

وأنا عيني عالحلا والحلا عالطرئات

غنيلو غنيات وهوي بحالو مشغول

والي اتزكر كل الناس بالآخر زكرني

صارلي شي ميه سنه عم ألف عناوين

مش معروفه لمين ،، ووديلن أخبار

بكرا لابد السما ماتشتي لي عالبال

شمسيات واحباب ،، ياخدوني بشي نهار

نطرت مواعيد الأرض ،، وماحدا نطرني

::

حلوة هالأغنيه ،، كلماتها حسينه جداً

انا بحب فيروز كتير

وبسببها صارلي موقف زي الزفت ايام الجامعه

ببئى بحكيه بعدين

هلأ بس حبيت اسلم عليكم

واحكلكم جمعه مباركه يارب

عفكره ،، جده مهدده بأمطار وعواصف كتير ،، لسه هلأ فتحت موقع الأرصاد وشفت

عن جد الله يستر ،، البلد مش مجهزة بالشكل الآزم لمواجهه الأمطار

لهيك بتمنى منكم ازا صار شي وغرئت بالمطر انكم تسامحوني

وانا عن نفسي مش مسامحتكم

لا أوعكم تسدئوا ،، أصلا مافي شي سامحكم عليه

انتو عن جد عيلتي الكبيره الي بحبها كتير

راح اعبر عن مشاعيري اتجاهكم في وقت آخر

بس وصيتي الكم ،، القسمين تبعوني

والمايك الي طبعاً راح يغرق معي

فبرضايا عليكم بتسكروا الموضوع

وماتشتروا مايك جديد وتمسكوا لغيري

نداااله على اصولها

كأني ئلبتها دراما ،، *_*

يلا بالإزن اكمل ئهوتي

وازا مانمت برجع ارغي معكم

.. ليآل ~ · 12-03-2009, 05:30 PM

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏عين فلسطين

هلا بئلبــــي

بنت فلسطين المجروحة · 12-03-2009, 05:39 PM

يا ويلكم من حورية والحان بس يجيو

ولكو بس تردوا :@

عذرا عالمقاطعة ليــال

.. ليآل ~ · 12-03-2009, 05:48 PM

يلا أكمــــــل ؛؛

اليوم صحيت الســآعه 11 ونص الصبح ،، الجو كان حلو والسما صافيه

يعني مافي مطــــر ،، وبالفعل ما مطرت

المطر الي صار الإسبوع الماضي شي بجد مش طبيعي

الخراب الي صاير مابئدر الواحد يستوعبوا

صحيح نحنا بالبيت كنا حاسين انو المطر ئوي ،، بس لما شفنا المناظر بالاخبار انصدمنا

الله يجيرنا من شي اعظم

مدينه جده مابتعرف انصاف الحلول

،، يا اما بتئعد بالسنين ماتمطر

او بتمطر وبتخرب

ماالكم بالطويل

خليني احكيلكم عن حالي

يمكن صعب الواحد يحكي عن حالو ،، او يشوف حالو متل مالناس شايفينو

بس انا راح اعتمد على احساسي بحالي ،، وعلى الي بسمعوا عن حالي من الناس

اول شي انا بيتوتيه كتير كتير ،، مابرتاح الا بالبيت ،، ومو كتير بحب اطلع من البيت

بحب الهدووووووووووء ،، بكره الضجه والدوشه والفوضى ،، حتى لما احيانا بتجتمع عيلتي كلها

بتلائوني سرحانه ومش معاهم ،، هيك طبعي بكره الفوضى

وهالشي بيخلي كتار يستغربوا ،، انو كيف بنت عايشه بين اربع شباب ،،

ولساتها هيك هاديه وناعمه ومش شيطانه

الي مابتعرفوه انو انا اثرت على اخواني ،، وصاروا هادين متلي ومايحبوا الفوضى

انا عندي احساس نادراً مايخيب ،، اي شي بحس فيه بالغالب بيصير

وحتى نظرتي بالناس ،، دايماً بمحلها

واكتر شي حتى انا بلاحظو بحالي ،، اني متسامحه من الدرجه الأولى ،،

يستحيل اشيل على حدا بئلبي ،، او اكره حدا

وعلى ئد ما انجرح ،، بضل متل ما انا مابتغير ،، والي بيعرفوني عن ئريب بيعرفوا هالشي تمام

ماما دايماً بتحكيلي انتي البنت الصح بالزمن الغلط

مابعرف شو احكي كمان ،، هلأ بتئولوا ليال مدحت بحالها

بس انا عندي جمله عيوب ،، وراح احكيها مشان ابيض صفحتي

احيانا بتحول لحيط ،، بيصير عنيده بشكل غريب والي بدي ياه لازم يصير

وعلى انو انا هاديه وئليل بس اعصب ،، بس ازا عصبت ماحدا بحكي معي

واكتر شي بيستفزني اكون معصبه وحدا يحكيلي روئي ولا اهدي ولا طولي بالك

بعصب اكتر

وانا من النوع الي بيستسلم بسرعه ،، وبييأس بسرعه

إرادتي للأسف مش قويه ،، وبستسلم وبرفع الرايه البيضا بسرعه

وبكاااااااااااااااااااااابر كتير كتير كتير

يلا اتسلوا بالشويتين دول عبال ما ارجعلكم مع بعض مغامرات الطفوله

ضلكم بخير

طيب !!

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء