♪..مــــــآيــــك المــنــتــدى مـــع ~ شـهيـــد غ ـزة ~..♪

[أنين]

اليوم كنا معزومين طبعا مابحب العزايم بالمره

بحسها هيك يعني ., حكي فاضي هههههههههه

واحنا هناك غفيت إلا شوي .,

المهم أحكيلكم كيف عرفت هاد الصرح العظيم

بيوم من الايام سنه 2006 كنت مع اختي ئاعدين ع النت ., بندور ع شغله ., في من باب لباب دخلنا ع المنتدى هون

وبتزكر كان موضوع لـ عضو اسمه القناص ,. وبزالك لفت انتباهي المنتدى

وسكرت النت ., ويادرا مادخلك شر

وبعد فتره لما خلصنا المدراس .,قررت أسجل بمنتدى ., قد ماكان الملل المطقع مسيطر

سرت افوت هون وهون وهناك ., بس ماعجبني شي

رحت استعين بأختي الكبيره ., راحت حكتلي انو هي مسجله هون

اجيت وسجلت ., وبالنسبه لـ أسم أنين ., فاهاد قصته قصه

وبتزكر لما سجلت كان عمري 13 سنه كنت لساتني ع نياتي ز مابيحكوا

وأنا سجلت من هون ., واختي بطلت تشارك من هون

وبعدين سرت اشارك وما إلى زالك ., بعد فتره بعتولي رساله انهم بدهم اياني مشرفه ع القسم العام .,كراكيب هلأ

وقبلت بـ الموضوع ., وكات وقتها نور اليقين مشرفه معي ., وكانت وقتها بعضويه دموع الحياري

وهي أول وحده تعرفت عليها بهـ المنتدى ., ومشيت الأمور وكله تماام والوضع كان لووز

بس بعد تقريبا سنه ., نور بطلت تبين ., وقدمت استقالتها ., ولحقتها أنا بعد فتره ., لانو الدراسه قرفتي حياتي

وهاد الحكي من تقريبا سنه ., وخلص بزالك تركت الاشراف والنت بطلت ادخله من زمان ., وبس

وحاليا بودع فيه ., لأنو بعد اسبوعين ما راح اشم ريحته

هاي سيره حياتي هووون

[أنين]

لو تعرفوا النحس الي صابني من ما مسكت المايك ., كمبيوتري خلص روحه طلعت والنت بطلع يشتغل عليه

وياادوب بلاقي الوقت اني ادخل من لاب توب اختي

فا افذروني لو باخد وقت شوي

[أنين]

احكيلكم شوي عن طفولتي والمواقف الي كانت تسير

هاد لما اجيت ع الدنيا ., كانت الحياه ماشيه وكل شي تمام وبعديها بفتره اجت وراي اخت اسمها ابرار .,

من ما اجت وهي مريضه .. كانت عندها مشكله بالرئه ., فا اهلي كان يقضوا كل وقتهم بالمستشفى معها

واحنا كنا بمنطقه بعيده عن المستشفى .. المهم .. كان ياخدوني عند جارنا ابو عاصم ., هاد الزلمه قصته قصه

تقريبا يعني ضلو 6 شهور على هـ الحال بعدين اختي ماتت ., بالـ 6 شهور هاي كنت اضل عند جيرانا وكنت ما احب اقعد وما

اسكت إلا مع ابو عاصم ابصر يعني وقتها شو كان محببني فيي ., وماكنت ارضى حدا ياخدني من عندهم

وبعدين خلص انتهت قصتي معه وكل واحد رح بطريق ههههههههه

كبرت شوي .. وكانو ينادوني دوده ., ال شو لانو بخرب الاشياء ومابخلي شي بمحله

الي بشوفني هلأ مابسدق اني كنت هيك

المهم بعدين لما صار عمري 4 سنين ., خلص يا ام النون بدك تدخلي الروضه ., وقد ما انا محظوظه امي كانت مديره بهـ الروضه وشريكه فيها .,

فا كنت اقضي تلت ارباع الوقت معها وبهديك الفتره كان في ولد اسمه لحدان وقتها كمان كانت منتشره موضه المسرحيات تبعت الاطفال

فا كان هو يجيبلي كاسيتات للمسرحيات نوع من اللطف

وبعدين خلص راح بطريقه زي ابو عاصم

وقتها لو احكيلكم يمكن تنصدموا ., كانت امي لما تعمل سندويشات الصبح ماكنت ارضى تعملي اي شي غيير الزيت

سندويش زيت بس بدون شي الكل كان متعقد مني كيف يعني بس زيت ؟؟

سرت عشان اجطلهم اشربوا شرب

بعدين دخلت المدرسه وكنت ملزقه باختي الي اكبر مني بسنتين وين ماتروح انا معها ., بكره الاستقلاليه من يوم يومي

ومرت مرحلة الابتدائي بسلام ., ودخلت الاعدادي بهاي الفتره مخي كان ضارب إلا شحطه كتبت 3 تعهدات

ومره من المرات اتصلوا ع البيت مرتين باليوم << بحكيلم المواقف الي كانت تسير بعدين

ودخلنا الثانوي وهيها ماشيه لحد الآآن

راجعه اكمل

[أنين]

احكيلكم عن زكريات الطفوله .,

هاد كنا بمنطقه قريبه من البحر يعني يادوب دقيقتين وبنوصله

فا كنا نروح كل يومين ., انا واخوي واختي الكبار

فا ابوي ماكان يحب يوخدنا إلا المغرب بعد الساعه 5

واحنا كنا نزهق هو يدخل ينام بعد الشغل واحنا طالعه روحنا

فا شو كنا نعمل

كنا نقدم كل ساعات البيت يعني نخليها ع الاربعه ونص او الخمسه

حتى ساعة غرفتها كن ندخل بالسر ونغيرها

وال شو بعد كم دقيقه نرولحه يلا يا بابا صارت الساعه 5

وهو زي المسين ياخدنا ., ويستغرب كيف الشمس ماغابت

[أنين]

هلأ راح احكيلكم شوي عن جانب من شخصيتي مو كتير بيعرفوه

وهو حبي للرياضيه من وانا صغيره

اول رياضه اهتميت فيها وصار نصيب ينا هي المصارعه

المصارعه الحره مو الي ابصر ايش هلأ

المهم كنت اسهر انا وابوي لـ قت متأخر واحنا بنحضر حتى كان في مصارع اسمع هوغ هوغين

كبير بالسن عجوز يعني وكل ماييدخل ع الحلبه لازم يمزع اواعي وبتزكر كانت تيحي ع قناه البحرين بالليل ههههههههههههههههه

وبعد ماتخلص ابوي يورح يعزمني ع كباب عند مطعم اسمه خفايف كل الي في كانوا صحابي

ع طول يعرفوا شو بدي بس اجي

بعدين خلص كبرت عن المصارعه وسرت اهتم بكوره القدم

سرت موسوعه هههههههه اي حدا عنده سؤال يجيني وع فكره لحد الان ممكن اتابع مباره ماعندي شكله


ولدرجه حبي للكوره ., سرت ازن ع ابوي يوديني ع شي مباره هههههههه

وهو طبعا رافض ., فا مره نزلنا ع الاردن وكانت في مباره للأردن مع ايران

وبشلت زن قبل باسبوعين وهما لا شو بنت تروح .!! بعمرها ماصارت وابصر شو

وانا راكبه راسي إلا بدي اروح ., قررت بعدين اروح عند جوز خالتي واقنعته

وخلص كله تمام

قبل المباره بساعه اتصل بيحكيلي انو جايني يركبوا عنده دفايات ومابيقدر يروح

وفتحت مناحه انا

بعد شي ساعه إلا ربع ., رن الجرس ويل يا ام انون نطلع ع المبااره

وانطلقناا دخلنا الملعب ماكان في مكااان فا طلعنا فوق اخر ي وضلينا واقفين

كانت المباره باستا1 عمان الدولي ., المهم بلشت المباره والكل بصرخ والجمهور طول المباره ماسكتوا

بس للأسف خسرت الأردن 2 صفر وياريت ماخسرت الله لا يوريكم كيف صارت الدنيا الي بسب والي بيلعن والي بكسر

واحنا
لعنا خلص بدنا نروح ووقتها ماكان جاين بسياره فا بدنا نروح بتكسي ., والتكاسي مارضيوا يوقفوا للي طالعين من المباره ., وكمان انا كنت حامله العلم يعني ماراح يوقفوا لو وين مارحنا ندور ., شنو الاردن خسرت

وبتطلع ع روسهم

وضلينا شي حوالي نص ساعه نستنى .و فا اقترحت عليه نروح مشي والله قبل جوز خالتي

ومشيناااااااا تقريبا اخدت الطريق ساعه مشي يومها تسكرت رجل بس مش مشكله كله فدا المباره

وازيدكم من الشعر بيت رحت بعد سنتين حضرت مباره بقطر بين الاردن وبين قطر وخسرت 2 صفر كمان من يوم يومي نحس

يلا راجعه اكمللكم عن مواهبي

[أنين]

أحم أحم

هلأ راح احكيلكم عن رياضه تانيه صار نصيب بينا كمان

وهي التايكوندو

لما كان عمري شي 10 سنين وقعت بحبها للمحروسه

وسجلت بنادي كان اسمه نادي الصقر للتايكوندوا وسرت ادرب ., ومن اول اسبوع

اخدت الحزام الاصفر وبعديها اخدت الاخضر والازرق والبني ., وهون ووقفت

لانو سافرنا ع الاردن سفره طويله

المهم خلال ما انا بدرب كتير كان الوضع حلوو ., شاركنا بافتتاح بطولات صارت بقطر ., بحفل الافتتاح يعني كنا نقدم عروض

وكانت في بطوله بالكويت وكانوا مختاريني اروح معهم بس ماصار نصيب وسافرنا زي ماحكيت ع الاردن قبل البطوله بفتره

وكانت اتدربي مدربه اسها اليسار ., بطلة الاردن بالتايكوندو وفازت ببطوله اسيا كمان

وكان ضايلي الحزام الاحمر باخد الاسود

بس الدنيا نصيب وماكلمت

[أنين]

اه احيلكم عن تجربه تانيه بحياتي

هاد زي ماحكيتلكم انا عايشه بقطر .,

بس لما كان عمري 11 سنه قررنا نرجع ع الأردن ., والوضع كان ممتاز

عند اهلنا هناك

المهم كله كان منيح لحد مابلشت المدراس

اول مره بحياتي ادخل مدراسها للأردن كنت شايفه الوضع غللط

كيف يعني هيك بيعملوا !! وباي اساس

احنا مدلعين بالخليج

المهم كنت بصف سابع وقتها ., وماكنت اعرف ولا بنت بالصف وصراحتا مافكرت اتعرف على وحده منهم ههههههههه

يعني مابتفرق معي كانت وقتها شنو بنت خالتي كانت معي بالمدرسه بس اصغر مني بسنه فا كنت اقضي الوقت معها
بالصف طبعا مش متعوده انا ع هيك جوا ., بتزكر اول يوم اجوا يفتشوا ع القمل بشعور البنات انا ماكنت مصدقه ., انو شو يعني يجوا يشوفوا شعر كل بنت ههههههههههه

والي خلاني استغرب

اكتر انو المنطقه الي كنا فيها تعتبر راقيه يعني مش زي باقي المناطق حتى يجوا يبفتشوا عن القمل

وكمان كانوا المدرسات حااطات حطتي ., ابصر ليش ماكان الوضع عاجبهم

وكل شوي وحده بتحكي .. هناك بتاخدوا هييك ولا ابصر شو

بس احلى شي كان بالموضوع انو المدرسه كانت بعيده شوي عن بيتنا وهناك مافي باصات زي هون ومافي حدا فاضي يلتزم بالروحه والرجعه معي

فا اشتركنا انا واختي لانو هي كمان مدرستتها كانت جنب مدرستي مع وحده تاخدنا وترجعا بباص صغير

هي كانت هيك شغلها تودي وتجيب الطالبات وكانت خطيره والله

تشبح تشبيح بالباص وصوت الاغاني خازق طبلتي

بس بنت حلال كانت الله يزكرها بالخير

مره من المرات .. ما اجتنا انا واختي !! وبنت خالتي كانت مروحه صارت الساعه 3 ونص

وانا واختي مابندل الطريق لانو جداد مابنعرف الله وين حاطنا .. المهم قررنا نروح ع بيت خالتي شنو اقرب شي للمدرسه وباعتقادنا انو بندل الطريق هههههههههههه

ومشينا والله بهـ الشوارع .. الي بالخليج بشوفها صعبه لانو بعمرنا ما عملنها

المهم ضلينا مااشين وبالطريق وخدلكم ع مواقف زي الزفت .. وكلو كوم ولما وقف بيكم في عبادين ( السمر يعني بالاردن هيك بحكولهم ) لـ ئلنا كوم تاني ههههههههههه

انا بطلع اختي الكبيره هيك وهي تبحكيلي يلا يلا نركض هههههههههههههه

بعد عنااء طويل واحنا بالطريق لقينها لـ المره الي بتجيبنا وبتودينا بوجهنا وخدتنا ع البيت


المهم بعد شهرين ما استحلينا القعده

ورجعنا لقطر سالمين غانين

بس تجربه الدراسه مستحيل انساها وسرت احمد ربي ع المدارس الي هون

[أنين]

حااسه حالي حكيت كتير

لانو زي ماحكيتلكم مابحب اللت والعجن كتير

يلا تصبحوا ع خير او صباح الخير

بشوفكم بكرا وبكمللكم حكايات ألف لليله ولليله

[أنين]

اليوم ابصر ليش مش جاي بمخي شي اكتبه

شكلو عصرت مخي كتير مبارح

[أنين]

من منبري هاد بدي احكي لـ هياا

يسعد الله شو مخك تنح

بـحـوبك ع قولت هـ الوحده

وتوتي مش عارفه بعد خمس سنين راح يضل مكان لـ مخك قد ماهو كبير

بحبوك كمان