♪..مــــــآيــــك المــنــتــدى مـــع ~ شـهيـــد غ ـزة ~..♪

[εïз ملآكـ εïз]

.

.


اليوم يــآ جمــآعهـ الخير طلعت اخييرآ بعد زن تقريبا اسبوع و شد شعر و صريخ و نوآح ع السوقـ ..

ملوكهـ بس يودوها اهلها ع السوقـ هيا بالنسبة الها كانها طفلـ و رآيح محل حلويــآتــ لكن بالنسبهـ لاهلها كــأإأبوس مرعب !!

طبعا انا صرلي زمــآنـ كتير ما رحتـ ع السوق اجيب ملآبس طلعهـ كل ما اطلع بجيب اشيا بتلبس ادام صحباتي بس

فما سدقتـ !! اول ما فتت المحل قعدت القط .. جربتـ يمكن فوق العشر بلآيز بالاضافة لتنورة و بيجاما ..

و كل شوي اطلع و افوتـ و اجرب

واقعد اطلع ستين ساعة بالمرآيهـ و اتخيل البلوزة هيك و هيك و كيف رح تطلع

ههههههههههههه و امي العبدهـ المسكينة بتقلي ولك اطلعي اشوف كيف عليكي اطلعي

بعدين اروح اجرب بلوزة تانية اقعد نص ساعة قاعدة بتفرج ع حالي و بزبط كحلي و بطلع ازا نحفت ولا شوي زآيدهـ و كلـ هـآد و لسة مـآ جربتـ شي

و امي يا حرام تصرخ لبستي ؟ اقلها لسسسسهـ استني .. حسيت اني بخترع شي شغلهـ جوا

و بعد كل هــآد التعب و اللفلفة و ابصر شو طلعت بتلات بلآيز و تنورة بالاضافة لشوز فلآتـ بجنن

امي اكره شي عليهــآ انها تطلع معي السوق لانو بجد ما بعجبني العجبـ

و دايما بختآر اشيــآ و بس ارجع ع البيت بقول لامي مو حلوين و برميهم بالخزآنهـ يا اما بقلها وآسعين

يا اما بقلها خلصتـ مليت منهم هع

حبايبي ماما و بابا كتير متحمليني مع انو جبتلهم امرآض ما بتتسمى

بس خلص هــآد ضريبهـ يكون عند الوآحد اولآد

[εïз ملآكـ εïз]

.

.


احلى مــآفي هالحيــآهـ الاصدقــآء ..

انو يكون عندكـ رفقهـ تعتمد عليها و تثق فيهــآ و توقف جنبكـ بكلـ خطوهـ فانت بجد بنعمهـ بحسدك عليها كتـآر

انا عندي تلآتــ صحباتـ من اعز النــآس ع قلبي .. هدولـ انا متربيهـ معهم و شهدوا معي كل موآقف حيــآتي

بعرفهم من قبل ما ادخل المدرسهـ حتى و كانوا معي بكل خطوهـ زغيرة كــآنت او كبيرهـ ..

هما ليلى و نمــآرق و نون .. يمكن تستغربوا اساميهم شوي بس جــآيهـ من القرآنـ هيا

ليلى و نمــآرق هالسنهـ خلصوا توجيهي و بدهم يفوتوا الجامعة و هما اقرب لبعض منا .. و انا و نونـ اد بعض و قريبين من بعض اكتر من البقيهـ ..

بس عــآمهـ كلنـآ من اعز الرفقهـ .. و كل وحدهـ فيهم بتتميز بشغلهـ غير عن التـآنيهـ ..

ليلى حبيبتي هالبنت بتلعبـ دور الماما بشلتنــآ طبيخهـ دآيما بتعزمنـآ و بتجربـ علينـآ وصفــآتها

بنسميها الحنونهـ لانو البها اطيب و اصفى ما يكونـ و ما بتتردد تلبيلنـآ اي طلبـ و هيـآ معروفهـ بزوءهـآ و دليما بس اصير زنخهـ او اعمل شغلهـ ما تعجبها بتعاقبني ..


امــآ بالنسبهـ لنمــآرقـ فهــآي مشهورهـ بالكسلـ و ضحكتهـآ الغريبهـ هههههههههه .. متعقدهـ كتير لانهـآ قصيرهـ فدآيما ما بتلبس الا كلو كعوبـ ..

امـآ نون فهالبنت ابعد ما يكون عنـ التعبير و الفضفضهـ .. بــآردهـ كتير و دايما بتسمع محاضرآتــ منـآ ع برودهـآ و عطولـ هيـآ و اختهــآ نمــآرق بتخانقوا و انا و ليلى بنقعد نتفرج عليهم ههههههه بعملوا اكشنات ..

بس بنت بلزتهـآ و نعومتهـآ و حلآوتها ما بتلآقي


عطولـ بتلآقونا سوا ع المسن او الفونـ او ببيوتـ بعض .. دآيما بنجتمع و بنقعد نحكي عن اي شي بهالدنيــآ ..

يعني عادي اوقات بتلآقونـآ بنعلق ع اشيا تافهة و بنضحك بس مو مهم عن شو بنحكي المهم انو احنا سوآ فكل شي بنعملوا بكونـ مسلي ..

مرتـ علينــآ فترآتــ نتخانق و نقعد نتخــآصم .. بس بالاخير احنــآ رح نضل سوآ لو شو ما صار ..

اكبر هم كان صايبني اول ما خلصوا ليلى و نمارق مدرسة و صاروا بدهم يروحوا جامعات صرتـ افكر رح نفترق هلا و رح نبعد عن بعض و هالشي كان كتير شاغلني ..

بس نشكر الله امهاتهم متمسكين فيهم بدهم ياهم يضلوا حدهم ما يغيبوا عن عيونهم

و حتى هلا بنفكر انا و نون نلحقهم بجامعتهم يلي رح يدخلوها كرمــآل نكون عطولـ سوآ .. لانو بجد صدآقتنـآ ما بتتعوض و انو نعيش بعـأإأد عن بعض هالشي صعبـ ..


..

مرهـ انا و نون قعدنا نتكلم و صرنــآ نرسم و نتخيل .. خططنا بس نكبر و نشتغل نحوش فلوس و نجمع كلنـآ فلوسنا و نبنيلنا بيتـ لنسكن فيهـ كلنـآ سوآ

و صرنــآ نقرر كم طـآبق و شو بدنـآ نحط فيهـ و فعلآ ضلينا تقريبا ع الفون ساعة و احنا بنفكر بالديزآين و لون الحيطــآنـ و شكل الاثـآثـ و كتير اشيــآ

و بس رحنا نقول لليلى و نمارق الدببهـ ضحكوا علينا و قالولنا ضلوا احلموا ضلوا

طبعــآ انا و نون حبيبتي فديتها طنشناهم و قلنالهم خلص انتو حرين انا و نون بنسكن سوآ و انتو خليكم لحالكم

هلا نمارق و نون مسافرين و رح يرجعوا تقريبـآ كمــآن اسبوع .. فعلآ ما بتحس بغلآوهـ الشي الا لمن يروح منكـ ..

الهم وحشهـ و الله ما فكرتـ رح اشتالهم هالاد ..

قبل ما يسافروا كنا موجودين انا و ليلى معهم و صرنا نساعدهم بتنزيل الشنط و كلـ شي و ضلينا معهم لراحوا المطار ..

بتزكر سالوني نمارق و نون متى هتبكي علينا و ع فراقنا قلتلهم مش رح ابكي ..

بس دموعي خانتني قبل يومين حسيت بغيابهم فعلآ و قعدت انوح

الله يردهم بالسلآمهـ ..

عزيزآتـ كلهم ع قلبي ببيع الدنيــآ و بركض ورآهم الله يخليلي يــآهم

[.!. وردة الأقصى .!.]

سوستي لو بتسيري حازفة ردي

غير اسكر الموضوع ههههههههه :p

شو هاد يعني بطلت مشرفة

ما إلي حق بالموضوع

لا إلي ومن قبل ما اسير مشرفة كنت انا اللي احزف الردود

خلص فاض الكيل مره إنتي ومره الحان :@

احزفو الرد بس تقرأوه ماشي ؟

[ღ حورية فلسطين ღ]

المشاركة الأصلية كتبت بواسطة .!. وردة الأقصى .!.

سوستي لو بتسيري حازفة ردي

غير اسكر الموضوع ههههههههه :p

شو هاد يعني بطلت مشرفة

ما إلي حق بالموضوع

لا إلي ومن قبل ما اسير مشرفة كنت انا اللي احزف الردود

خلص فاض الكيل مره إنتي ومره الحان :@

احزفو الرد بس تقرأوه ماشي ؟

نونتي هالمرة لا انا ولا الحان اللي حزفنا

القلب الطيب بكبره اجى حذف الردود


وهي عم بعطيكم خبر يا جماعة

الإدارة اللي صارت تحذف

يعني اسكتو بلاش ينحذف الموضوع كله

[εïз ملآكـ εïз]

.
.

نيجي هلا لبدآيتي مع المنتدى ..

تعرفتـ ع المنتدى من عمو جوجلـ .. كنت بفتش ع نك نيمــآتــ لمــآسنجري المنكوبـ و لقيت رآبط المنتدى و فتت اسرقـ ..

هوآ بصرآحهـ ما عجبني شي بس طلعت من الصفحة و رحت اتفرج ع المنتدى ..

صرت اشوف كم عدد الاعضاء و المشرفين و مين اكتر المشاركين و من هالكلآمـ ..

ارتحتلو بصرآحهـ بس ما فكرتـ سجل الا بعد كم يوم لانو فعلآ كنت بفتش ع منتدى فلسطيني اتعرف منو ع فلسطين و يكونوا الناس حوآلي من طينهـ بلآدي

اولـ ما سجلتـ عملت ترحيب لالي و الكلـ رحبـ فيني .. حتى حرحورهـ بشحمها و لحمها رحبت فيني مرتين مين ادي انا


و بدات اتعرف ع الاعضــآء .. بس حسيت جو المنتدى غريبـ شوي ,, نوعيهـ التوآقيع .. و كيف انو النكت و الالعاب مسكرين .. و كيف انو الرسايل الخاصة ممنوعهـ ..

كنت مفكرهـ بطلـ فوتو لانو مو متعودهـ ع هيكـ انا .. بس ما قدرتـ .. و ضليتـ شــآركـ و اتعرف اكتر ع الكلـ ..

ووقعتـ بغرآمكم و صعب علي فرآقكم

كنت حس حالي غريبهـ الكل مكون لالو شلل و بعرفوا بعض و بنكتوا سوا و انا داشة عرض

لحتى اهدتني دموع الرحيل اول توقيع .. و شفت شو كتبوا عني الاعضــآء حتى بتزكر انو اول رد كان لاسرآء و تاني رد لبينكو

و شفت كيف قــآلوا انو حبابة و لزيزة و امورهـ و طيوبهـ ..

ما كنت مفكرهـ حدآ ملآحظني لحتى قرات ردودهم انبسطت من قلبي جوآ ما بتتصوروا اديش ..

و بهدآكـ الوقتـ بس حسيت انو مرحبـ فيني فصرتـ سـآوي موآضيع و شـآركـ اكتر و حآول ادخل كل قسم ..

لحتى اجاني الخبر السـآر رسالة من دموع بدها ياني صير مشرفهـ ..

كتير كتير انبسطت وقتهــآ انو رح يصير الي دور و بهيك رح يعرفوني الاعضاء اكتر و اتعرف عليهم ..

بالحقيقة انا هونـ معكم ببين جزء تاني من شخصيتي ... الجزء الجدي شوي .. الهــآدي .. يلي ما بفكر يمزح و يستهبلـ طولـ الوقتـ ..

اكتشفت انو جزء مني هيكـ معكم ففيكم تقولوا تعرفت ع حالي اكتر منكم ..

اول شخص تعرفتـ عليه بالمنتدى كان ندوش .. بس قالتلي اطلبي ايميلي من الادارة انا انبسطت كتير

لانو فعلا كنت حابة اتعرف ع اي حدآ منكم .. و هيك صــآر .. و صــآر اللقاء و الحكي و الرغي بيننا

ما حسيت في حوآجز بيننا صرت احكي و اخدت راحتي معها عطول .. عفوية ندوش و طيبتها و خفهـ دمهـآ بتخليكـ تــآخد رآحتكـ معها و ما تفكر تتصنع ..

كنا نسهر و نحكي و نرغي حكي كتير لدرجة بس اسكر المحادثة بنسى شو حكينـآ قبل دقايق :icon11

منها تعرفت ع بقية البنات .. بتزكر مرهـ قعدنـآ نستهبلـ .. صارت تسالني عن عيلتي و كم اخ و اخت و هيكـ

فانا زكرت بحكيي اخوي الكبير يلي بشتغل حاليا .. ما بعرف كيف وصلنا لهالحكي بس قررتـ اخطبهم سوآ

و خلص صـآر اي حدآ يحكي معنا تعرفهم ندوش ع اني اخت خطيبها و فعلآ منهم سدق ..

و اولهم الحـآن المسكينة هههههههههه .. بالبداية شككت و ما عرفنا كيف نخليها نسدق ..

فمن ورآ لورآ قالتلها ندوش اصلا ملوكهـ بتكون بنت خــآلي لهيكـ بعرف اخوها .. برضو ضللت مشككهـ ..

رحنــآ نقولـ للكلـ برضو حرحورهـ رح تنخطب لصــآحب اخوي عشان ندوش و حرحورهـ يعيشوا هون و يضلوا سوآ

هوون عــآد نوعا ما منهم بدا يسدقـ و لحتى نكحلها بزيــآدهـ خلينــآ ختامها مسكـ

رحنـآ قلنا يعني كيف صارت ملوكهـ مشرفهـ اكيد كانت بتعرف حدآ بالمنتدى او بتقربلو ووصى عليها ولهيط حطوهـآ

وقتها الحـآنـ سدقتـ و بعض العـآلم سدقت هع ..

و سوينـآ موضوع تهنئة بمناسبة الخطوبة و فاتوا العالم يباركوا بس الي قريبين من حرحورهـ كلهم ما سدقوا لانو بعرفوا مستحيلـ تنخطب ندوش و ما تقول لحرحورهـ ..

فالقصة كلها خربتـ .. لكن لهلا بناديها مرت اخوي و مسدقين حالنــآ كتير احنا

و مع اني ضفت بنات من المنتدى ع المسن .. الا انو ما بعرف احكي معهم ولآ بعرف اخد راحتي معهم متل ما بعمل مع ندوشتي .. شكلي رح آكل قتلهـ من سنـآء

[εïз ملآكـ εïз]

بدي ابدآ حكي عن اعضـآء المنتدى ..

بحكم اني بعرف ندوش اكتر شي رح ابدا فيهـآ :

هالبنت بتجنن .. بتدخل القلب عطول و بتعلق .. عفويهـ .. بريئة .. خفيفهـ دم و قلبها طيب .. احلى شي الحكي معهــآ ..

بتحس حـآلكـ بتحكي مع حدآ من عمركـ .. بس بنفس الوقت بتحس بكبر عقلهــآ و نضوجهـآ

الطفولهـ و المشاكسهـ شي بتتميز فيهـ .. و احب ما علي اشوفها بدات تخبص و تستهبل
بآخر فترهـ بدات الاحظ انهـآ نوعا ما عصبية و فعلآ صرت خاف منهــآ و انها تبهدلني ..

فصرت دير بـآلي منها و بس عرفت اني بخاف عملت فيني مقلب و بهدلتني فبدات ادمع انا خفت
حرآم اول ما شافتني هيك صارت تقلي بمززح خلص و حنت علي و صارت تراضي فيني ..

باختصــآر .. اولـ صديقهـ من النتـ احبهـآ و تعز علي من جوآ بتمنالها الاحسن لانها بجد بتستاهل و ادعولها الله يبعتلها ابن الحلآلـ بس يكون اخوي




..


نيجي لتوامها حرحورهـ :

احلى شي فيهــآ برآئتهــآ .. مقالبهـآ و حكيهــآ و خفهـ دمهـآ غير شكلـ .. حبــآبهـ و الله ..

بالبدآيهـ كنت فكرهـآ مو طايقاني و كارهيتني .. بس هالشي تغير ..

بحب اشوف مغامرآتهـآ و اكشناتها لانهم من الخـآطر بجننوا متلهــآ

الله يخليها لالها و يحفظهـآ لندوش و لاحبابها ..

و انشا الله هيك يا حرحورهـ ما بتفترقي عن ندوش و عرسكم برضو بكون بنفس اليوم و لنفس العريس برضو و لآ تزعلي بتنزلوا ضرآير ع بعض

[.!. وردة الأقصى .!.]

و خلص صـآر اي حدآ يحكي معنا تعرفهم ندوش ع اني اخت خطيبها و فعلآ منهم سدق ..

ههههههههههههههههههههههه فديتك استمري بالفضايح

[εïз ملآكـ εïз]

دموع الرحيلـ :

بتعز علي من جوآ البي ما بعرفـ ليش ..

بحترمهــآ كتير و هيا بتستحق مني كل تقدير على اخلآقهـآ و تعاملها الي ازا دل ع شي بدل ع طيبـ اصلهـآ ..

ما بنسى اول توقيع اهدتني يــآه .. خلتني حس انو مرحب فيني ..

و اروع مافيها وطنيتها .. حسيت بتقصيري مع بلدي لهيك خلتني اجتهد لاعمل شي كرمــأإألو ..

الله يوفقهــآ و يخليهــآ منورهـ علينــآ هالمنتدى كلــو بطلتهـآ


..


اسرآء الفلسطينيهـ :

بحسهـآ توأم نانا .. رآقيهـ .. نعومهـ .. هــآديهـ و حبابهـ ..

عندها وطنيهـ متل ننوش ..

حبيتها من طريقهـ ردودها و تفاعلهـآ مع الكلـ ..

بغيابها عن المنتدى فعلآ الواحد بحس في شي نــآقص ..

ان شا الله ما يكونـ في شي صــآر معها .. بننطر رجعتها ع احر من الجمر


..


بينكـ روز :

بموت عليهــآ .. خلص هالبنت الها معزهـ خاصة

كل شي فيها بعجبني .. حكيها تنسيقها موآضيعهـآ نعومتهـآ ..

مثــآل روعهـ عن الانوثهـ و الرقي ..

مسالمهـ جدآ .. ما بتدخل بموآضيع الخناقات ولا بتحب تيجي باي عضو ..

كتومهـ بحسها نفسي اعرف اكتر عنهـآ ..

بلكي اعطيتوها المايك بعدي نتعرف عليها يا ريت يعني

بس اتخيلها ما بقدر اتخيل الا انها بنوتة بتجنن و حلوهـ

الله يخليكي لاهلكـ يا قمر


..


عجينهـ :

بعجبني فيهــآ جديتهــآ و مزحها بنفس الوقتـ ..

بحسها كتير بتكرهني ما بعرف ليش ههههههههههه

طيوبهـ .. امورهـ .. و اد انها تتحمل المسؤولية يعني يعتمد عليها ..

اختـ رجــآلـ

بحب اشوف تصاميمها و ابداعاتها .. عندها طـآقـهـ لتعطي ..

الله يوفقها بحياتها بتستاهل كل خير

[εïз ملآكـ εïз]

لمورهـ :

بحس في منهــآ من عجينهـ و سناء سوآ ..

بحب اقرا ردودها و حكيها ..

قويهـ و اد حــآلهــآ ..

مبينـ عليهــآ فهمانهـ و البها طيب ..

بس بحس انو العـآلم بتفهمها غلط ما بعرف ليش

حبيبتي موفقهـ بحياتك ان شا الله


..


جست مي مرآم :

بعزها .. بحسهــآ بريئة من الخــآطر

حبيتها من اول ما شفت نكها لانو بتضمن اسمي ههههههههههههه

بحسها هــآديهـ و بتخجل كتير ..

هلا هيا غايبهـ عنــآ .. الله يرجعلنا ياها بالسلامة


..


ليــآلـ :

من اولـ ما دخلتـ المنتدى سرقتـ الاضوآء ..

عليهآ ردود و شخصيهـ بتجننـ ..

عــآقلهـ و رزينهـ شكلهــآ ..

بنوتهـ حبابهـ و بتدخل القلب عطولـ ..

الله يحفظهــآ


..


عاشقهـ الشجاعيهـ :

بحسهــآ كتير بتشبهني ..

يمكن مو مبين علينا و هيا مو ملآحظهـ بس انا شايفهـ في بيننا شبهـ ..

قويهـ و جريئة ..

الي بالبها ع لسانها ..

بحب ردودها و حكياتها و احلى شي فيها صرآحتهـآ و طيبتهـآ

موفقهـ حبيبتي


..


روآن فلسطين و فلسطينيهـ و الرآس مرفوع :

اوقـآتـ بشك انهم توام ..

ما بقدر ميز بينهم كتير طباعهم بتتشابهـ ..

خفيفات دم .. و ردودهم بتجنن متلهم ..

فعلآ الهم بصمهـ بهالمنتدى ..

الله يخليكم لبعض يا كتاكيت

[εïз ملآكـ εïз]

ايــآد :

بحسو كتير بشبهـ اخوي ..

بلآقي فيه من طبــآعو ..

انســآنـ بابسط الكلمــآتـ رآئع ..

عزيز علي و الو مكانهـ خاصة ..

بحترمو احترآم كبير ..

و احب ما علي اشوفلو رد ..

الله يفرج همو و يوفقو بحياتو و يحققلو يلي ببـآلو


..


اسمرآني :

برضو الو معزة و مكانهـ بالقلبـ ..

عــآقل .. رآقي بتعاملو ..

بحياتي ما شفتو معصب ..

خفيف دم و و ردودو كتير لزيزهـ ..

بتمنى يبطل غيباتو .. طلتو حلوهـ ..

موفق


..


القلبـ الطيبـ :

اسم ع مسمى .. محترم جدآ بتعاملو مع الكلـ ..

بحسو اد المسؤوليهـ و الواحد بقدر يعتمد عليه بايا شي ..

بنبسط بس اشوفلو موآضيع بقسمي .. و هوآ ما بتصور اديش هالشي بقدرو منو لانو بشــآركـ عطولـ

بستحق كل شي منيح لانو فعلآ معدنو نضيف ..

الله يوفقكـ خيو


..


عزيز النفس :

ما بعرفـ ليش بس بخــآف منو هههههههههه

صرآحتو بتعجبني ..

احلى شي فيه انو يلي قلبو ع لسانو عطول ما بتفرق معو .. بس اوقات بحس انو لازم يوزن حكيو

محترم و الو مكانتو بالمنتدى و بصمتو هونـ ..

بس شفت انو بطل يعتزل النتـ و رجعلنا فعلآ انبسطتـ

الله يحفظكـ


..


يــآسينـ :


رآئع هالانســآنـ .. هــآدي كتير و رآقي بتعاملو ..

بس اوقــآتـ بخاف بس اشوفو معصب و بحكي بجديهـ

برضو احب ما علي اشوفلو مواضيع بقسمي .. و هوآ عطولـ بشــآركـ و موجود ..

بحترم هالشي منو و بقدرلو يــآهـ

موفقـ


..


محمود :

مدير منتدآنا و من اشهر الشخصيــآتـ الي هونـ

الو هيبهـ مو طبيعية ..

محترم و رآئع بتعاملو مع الكلـ ..

بقدرو كتير و هوآ من النــآس يلي حسسوني انو الي اعتبــآر بهالمنتدى و انو مرحبـ فيني

ما بعرف ليش بس بهمني اعرف اخبــآرو و جديدو و كلـ شي بصير معو

انســآنـ بستحق كل محبهـ و تقدير

الله يسرلو امورو يـآ رب


..



ابو نور :

معزتو من معزهـ ايــآد و اسمرآني ..

بحب اتعـآملـ معو ..

الي بشوف ردودو بفكرو اكبر من عمرو ..

اصيلـ و اليو بصمهـ بكلـ ارجـآء هالمنتدى ..

بس غيــآبو بقهر الوآحد

الله يوفقوا بدرآستو