♪..مــــــآيــــك المــنــتــدى مـــع ~ شـهيـــد غ ـزة ~..♪

[εïз ملآكـ εïз]

ما بصير ابدآ انو ادارهـ المدرسهـ تعرفـ مين انا و بنات المدرسة ما بعرفوني ..

فرح خبركم عن الحادثة يلي خلت المدرسة من كبيرها لزغيرها يعرفوا مين حضرتي



..


كــآنت بدآيهـ اخر حصهـ .. و لآ معلمهـ كانت بحصتها لسهـ فالبنــآتـ متل الغنم كلهم برآ الصفوف ..

في عمدآن كبيرة كتير بتوصل من السقف للارضيهـ و كانت هالعمدآنـ قريبهـ من الحيط مافي بينها الا مسافة بسيطهـ جدا


انا كنت بستهبل و قاعدة بودع بصحبيتي حبيبتي و بتمنالها حصة ممتعهـ ..

قمت دخلتـ رآسي بين العمود و الحيط و بعملها بيباي ..

رآحتـ صحبيتي جربت تدخل بين الحيط و العمود و تعدي فما قدرت .. قالتلي ييه صرتـ دبهـ قبل كنت اقدر امر

قلتلها انا بدي اجرب انا .. بفكر حالي اسم الله علي رشيقة

حاولت ادخل ما قدرت قلت خلص اتقبل الواقع رحت رجعت دخلت راسي وودعت صحبيتي ..

لكن للاسف تماديت كتير و مديت راسي اكتر ..

فتزحلقت حضرت جنابي ووقعت بين العمود و الحيط بشكل افقي ..

و علقت !!

و ما قدرت اقوم !!

منبطحة كنت ديروا بالكم هههههههههههههه

و اصرخ انا و احكي لصحباتي ساعدوني بفكروني بمزح قعدوا يضحكوا

لحتي بدات ادمع ووجهي صار اصفر ههههههههه قاموا سدقوني

نادوا كل المعلمات و كل البنات تجمعوا حوالي

الكل كان خايف على عضام خصري لانهم الي معلقين و مضغوط عليهم

و يصرخوا المعمات ع البنات فوتوا ع صفوفكم بس البنات مش قادرين يقاموا بدهم يشوفوا مو كلـ يوم هالشي بصير

و الكل يبتكر افكار ليطلعني

و انا ابكي هههههههههههه

طبعا كل شوي يزيد عدد البنات اجوا بنات من سادس و سابع و كلو ليتفرجوا علي انتشر الخبر

بعد تفكير عميق قرروا المعلمات يرفعوني بشكل افقي من راسي و بنفس الوقت من رجلي

بعدين يقلبوني لاطلع و نفعت الطريقهـ

بعد ما طلعت اجت معلمتي التاريخ حضنتي بعدين ضربتني كف ع عملتي ههههههههههه

صحباتي ماتوا بكي علي خافوا اموت

انا دخلت الحصة السابعة ضليت ساااااكتة و منزلهـ رآسي

استدعوني الادارة بنص الحصة و بهدلوني

قالولي توقعنا كللل شي منكـ الا هالحركة هههههههههههه

اخ بس روحت ع البيت و انا بببببببكي و صحباتي يهدوا فيني

ما خبرت ولا حدا من اهلي وما حدا بعرف الا كل المدرسهـ

اليوم التاني كل شوي ييجوا بنات غربا ما بعرف مين هما يسلموا علي و يقولولي الحمد لله ع السلامة

اقلهم مين انتو يقولوا سمعنا عنك و عن علقتك بالعامود ..

و صار لقبي للي ما بعرف شو اسمي عــآمود

[εïз ملآكـ εïз]

الذين يشاهدون محتوى الموضوع الآن : 5 ( الأعضاء 4 والزوار 1)
‏εïз ملآكـ εïз, ‏.!. وردة الأقصى .!.+, ‏Arabian girl+, ‏زيتـــونة فلسطــين




خجلتـ انا خلص مو قــآدرهـ كل هــآد حضور

[εïз ملآكـ εïз]

نيجي لطفولتي السعيدهـ جدآ


.
.

ما اظن حدآ بنسى اولـ حدآ اعجب فيهـ او حبو ..

و انا مو ناسيهـ لهلا

اول شخص حبيتو كان ابن الجيرآنـ بغزة طبعا وقتها كان اول مرهـ انزل ع خانيونس و هيا المرة الوحيدة

و كــآن عمري وقتهــآ 5 سنين و هوآ 6

عشنـآ اروع قصهـ حب لآ قيس ولا ليلى ولآ روميو ولا جولييت عاشوها

كان كل يوم يدق بابا بيتنـآ و ينادي علي .. بيتنا كان جنب بيتهم خبط لزقـ ..

ببيتهم بالكرآج في مرجيحهـ .. كــآنـ يجيب مخدتو يلي بنام عليها و يحطلي ياها و يقلي تفضلي

و اقعد انا و هوا يمرجح فيني

بكراجهم كان في عنب زآرعينو فكان متسلق فوووق ..

فكان يمرجحني عالي و اقطف عنب يروح يغسلي ياه و ياكلني هههههههههههههههههه

بتزكر مرهـ من المرآتـ ابوه جابلة بسكليت قلو ما بدي ياه جيب لمرام وآحد و الا ما بلعب فيهـ

فعلآ ابوهـ رآح جابلي وحدة و صرنا انا وياه نلعب فيه بكرآجهم

و امو و ابوهـ مبسوطين علينا بتفرجوا فينا هههههههههههه

مرهـ مر ع بيتنــآ و دق و اختي ردت عليهـ ..

كــآن حـآمل معاه علبة شوكولا ع شكل قلبـ و صار يسال عني .. انا كنت وقتها ببيت عمي

فاختي اخدتها و اكلتها ..

بعد ما رجعنــأإأ ع الامارات قالتلي عن هالشي انا كتير عصبتـ منهــآ و بهدلتها

طبعا شوكولا منو بتعز علي كتير ما برضى حد يــآكل منها ..

لهلا ما بعرف شي عنو و لا كيف اخبارو بس اهلي شافوه قبل شي خمس سنين او اربعة

قالولي كتير منيح و بسال عنك لهلا متزكرك هههههههههههه

اشتات لهديكـ الايــآم و الله

[εïз ملآكـ εïз]

هههههههههههههههه لو تشوفكم حرحورهـ لتاكلكم اكل

روقوا روقوا

حرحورهـ فيكي تمسحي ردودهم خلص شفتها و سدقت حالي تشيس

[εïз ملآكـ εïз]

من و انــآ زغيرة للصف الســآبع و انـآ عـآيشهـ بحارتنا ..

بنام و بشرب و بــآكل بالشــآرع ..

و من العصر هيكـ للساعة عشرة و انا برآ بلعبـ مع صحباتي و اولآد حــآرتنــآ

حــآرتنـآ بزمانتها كانت كتير حلوهـ .. كتير امــآن .. و كلنــآ بنعرف بعض ..

و طبعا مو مشكلهـ لو لعبنــآ مع الاولآد لانو كنا بريئين لابعد الحدود و مافي شي بيننا

بتزكر كنا انا و صحباتي نلعب بيت بيوت بالحارهـ ..

كل مرهـ وحدة تجيب مي .. و التــآنيهـ تجيب صحونـ و اشيا فينـآ نسوي فيها اشكال ..

و الباقيين يلموا اشياء فينا نزين فيهــآ اطباقنا ..

كنا نروح نكب المي كلها بالتراب و نعجنو للطين و نحطو بالصحون و نعمل اشكــآل و طبخــآتـ ..

و بالاخير نزينهم بورود او ورق شجر و نزور بعض و نعمل حفلآتـ و هيكـ ..

كل بنتين كان الهم بيت ساكنين فيه ..

بيوتنا كانت فوق بلآليع الشارع هههههههههههههه ..

فشي مرة ولد من الاولاد حب يحتل بيت من بيوتنا قمنا نصرخ عليه ما رد علينـآ

طبعا انا كان لساني طويل قلتلو اسمع لو ما بتقوم ما رح تشوف خير ..

ما رد علي قلتلو طيب يلا نعمل تحدي و نتسابق و الي بفوز بياخد المكان

و فعلآ عملنا هيكـ ..

طبعا انا كنت طيــآرهـ و انا زغيرة .. معروفهـ بحارتنا مافي حدآ بقدر يسبقني ..

فسابقتو و فزنا .. و اخدنا المكان لكن لآء الشباب كرآمتهم ما بتسمح

راحوا جابوا صاحبهم قلي يلا نتسابق قلتلو يلآ

و رجعنا فزنا ..

و ضلينا ع هالحال كم يوم كل يوم يجيبولي واحد و اسبقو

قلنــآ يمكن ما بدهم المكان يمكن بدهم يلعبوا معنـآ

قلنالهم شو رايكم تيجوا تلعبوا معنا وافقوا عطول

يا حيف ع هيك رجــآل

طبعا كل وحدة اخدت وآحد منهم ع اساس يلعب دور زوجها الا انا وبنت تانية اخدناهم ع اساس اولادنا

و كنا نحممهم و ناكلهم و نصرخ عليهم و نعاقبهم يعني لعبنــآ الدور ع المزبوط

هلا اولاد حــآرتنــآ صاروا اد العامود كل واحد منهم ماشا الله عليهم

حنينت و الله لهديك الايام

[εïз ملآكـ εïз]

بس كبرنــآ شوي بطلنــآ نطلع الحــآرهـ فاضطرينــآ نلآقيلنـآ طريقهـ تــآنيهـ نلعبـ ..

فاخترعنــآ لعبهـ بيت بيوت من نوع تــآني ..

كل مرهـ كنــآ نروح بيتـ وحدة منـآ .. و بس نيجي نكون جــآيبين معنـآ عدتنــآ ..

كنا نسرق شيل ملونهـ حلوهـ و بلآيز حفر و كعوب امهاتنا و اي اكسسوآرآتــ عندنا و نلعبـ

كنا نسوي شيلنــآ تنانير ق قصيرهـ او فســآتين سهرهـ ..

و نلبس هالكعوب و هالاكسسوار و نخترع تسريحات و نعجب بالميكـ اب ..

بعدين نشغل الاغاني و نرقص كانو بحفلهـ ..

ههههههههههه و بس كنا ننام برضو كنا نصنع ملآبس نوم ..

كنا كتير ننبسط و عطووول نلعبـ هاللعبهـ ..


..

ووقت كنا ما بنقدر نسرق شي و ما يصحلنا كنا نلعب بالباربي تبعونــآ

كل وحدة الها الباربي تبعهــآ .. لانو كنا مساكين و اهلنا مو متفيقين يجيبو لبس لعروساتنا

كنا احنا نفصللهم ..

نجيب قماش و نلونو بعدين نخيطو ع شكل بلآيز او فساتين او تنانير

و نلبسهم و نعمل شعرآتهم و نلعبـ ..

بتزكر كان عندي سيارة ريموت كنترول كنت اكيف عليها ..

جبتها مرة عشان نلعب فيها

استخدمناها كوسيلة نقل للباربيات بس يطلعوا نركبهم عليها و اسوق انا

آخ بس امانة مو عجيبين احنا ؟

[εïз ملآكـ εïз]

الذين يشاهدون محتوى الموضوع الآن : 6 ( الأعضاء 5 والزوار 1)
‏εïз ملآكـ εïз, ‏.!. وردة الأقصى .!.+, ‏أســ{ــمــرآنــ}ــي+, ‏ابنة الشتات+, ‏حورية فلسطين+


يــآ اهلين و سهلين و مرحبتين ..

شكلي اليوم رح اخلص المــآيك خليكم متابعين تشيس

[εïз ملآكـ εïз]

ندخلـ لحكي شوي جدي ..

من وانــآ عمري سنتين و انا بلبس نضــآرآتـ ..

نضاراتي ما كانوا اي نضــآرآتـ كانوا تقريبا ياخدوا كل وجهي

فاول ما دخلتـ المدرسهـ عــآنيت كتير لانو الكلـ كان لئيم معي ..

كآنـ الكلـ يتمسخر علي و يقلي ام اربع عيونـ .. و يــآ عورهـ و يــآ عميــآ و يــآ ما بعرف شو

كنت كتييير اتعقد من هالشي .. و كنت ابدا سب عليهم و مسخرهـ لاقدر ادآفع عن حــآلي ..

و بس ارجع ع البيت ارجع ابكي و ما اخلي ابدآ حد يشوفني .. و اهلي ما كانوا بعرفوا عن هالحكي ..

من يومهــآ تعلمتـ ابدآ ما اكون سطحيهـ .. و ما اتمسخر ع منظر حدآ ..

لانو جربتـ شو يعني تكون الطرف التــآني و بعرف اديش المسخرهـ بدآيق و بتزعج الوآحد ..

يمكن عـــآنيتـ شوي بس مبسوطهـ لاني مريتـ بهالشي ..

هلا بطلتـ احكم ع الكتـآب من غلآفو

و يهمني كتير اعرف شخصيهـ الوآحد قبلـ ما احكم عليهـ ..

[εïз ملآكـ εïз]

ندخل لموضوع شوي حســآس بالنسبهـ الي ..

ما حدآ بعرف عنو الا الله و انــآ و صحبــآتي القريبــآتــ مني ..

.
.

و انــآ صف تــآلتـ تعرضتـ لاول مرهـ بحياتي للتحرش الجنسي ..

و كــآنـ هالشي من اقرب النــآس علي ..

و هالشي استمر من و انا صف تالت للصف السابع تقريبــآ ..

و مو من شخص وآحد للاسف .. تعرضت للتحرش من 2 من اولاد عمي .. و عمي .. و ابن خــآلتي .. وواحد صاحب عيلهـ بنعرفهـآ ..

بالبدآيهـ ما كنت اعرف شو هالشي ..

بس كنت ادايق وقت ما يقربوا مني و يلمسوني ..

و حس هالشي غلط بس ما كنت اعرف شو هوآ ..

فمرهـ من المرآتـ تفرجتـ ع اوبرآ و صاروا يتكلموا عن هالموضوع ..

و صرت اقرا عنو بالانترنت .. بعدين فهمت انا لشو تعرضتـ ..

كنت ابكي بعد ما حدا منهم يقرب علي و حس بالزنب كتييير و لوم حــآلي

مع انو كنت طفلة ما بعرف الطمسهـ من الخمسهـ ..

و هالشي عقدني كتير ..

بعاني منو لهلا لسة .. كتير صرت شكاكهـ .. و لآ بثق باي حدآ مين ما كان

لآزم اعرف هالشخص كم سنهـ لاقدر اوثق فيهـ ..

و حتى بعد ما اثق فيهم بضل اشكك بيني و بين حالي ..

و هالشي خلآني اخجل من حالي .. صرتـ بس حدا يطلع علي افكرو بتامل فيني بدو يلمسني

فخاف و ابعد و غطي حــآلي ..

ما قدرتـ اقولـ لاهلي .. خفتـ كتير تصير منازعات و خناقات بالعيلة ..

و حتى لمن كنت افكر اقول لاي حدآ ينربط لساني فجاة سبحان الله و انخرس و اسكت ..

كنت كتير خاف و لهلا لسة بخاف لو قلت لاهلي اللوم كلو ييجي علي ..

لهيك بس اشوف اي موضوع عن التحرش الجنسي بآجي بحكي فيه عن تجربهـ شخصية

كلكم اكيد بتقولوا لو تعرضنا لهالشي رح نتكلم و ناخد حقنا .. و انا و الله كنت هيك فكر

لحتى تعرضت لهالتجربهـ .. انك تحكي رح تعمل و تسوي لو صرلك هالشي غير كتيير عانو لمن تنحط تحت الامر الوآقع

يمكن لو حدآ وعاني قبل و حكى معي عن الموضوع كان فهمت و ما خليت حدآ يقربـ او حتى كنت تكلمتـ

لهيكـ لآ حدآ يخجلـ يحكي مع اخوانو او قرآيبو عن هالموضوع

لآزم توعوهم لحتى ما يوقعوا فريسهـ لبعض النــآس الي مريضهـ نفسيــآ

[εïз ملآكـ εïз]

معلش ما بعرف وين عيوني هلا شفت انكـ حزفتي كم رد

يختي عليكي و ع طيبتكـ

خلص لآ بجد يـآ جمــأإأعهـ ما حدآ يرد لاخلص و لآ تخافوا مو مطولهـ مــآ بدنــآ نزعل حراحيرو ^^