♪..مــــــآيــــك المــنــتــدى مـــع ~ شـهيـــد غ ـزة ~..♪

[εïз ملآكـ εïз]

و عرفتي تختــآري يا حرحوهـ

يلآ عشوقهـ ..

المــآيكـ بيدكـ نــآطرينكـ ..

[Anonymous Gril]

حورية و الله لأطخك .. بحبك في الله..

الموضوع سنة تيفتح معييييي ..سوو ا واحد تاني

انسيت السلام عليكم ..


ثواني و ارجعلكم ..

[Anonymous Gril]

~oOo~.. السلام عليكم ،،،

احم احم .. أول شي

حورية فلسطين .. سوستنا ثانكش ع المقدمة ...

تاني شي نبدأ .. باسم الله..>>>داخلة امتحان أنـآ ..

آهـ..

أنا عشوووقة .. نور/ ينـآر ..

فلسطينية الأصل .. أردنية الجنسية ..امارتية المولد..(خليط من الجنسيات)..

العمر 15 سنة المفروض 16 .. بس شهر 11 شهر نحس .. هئ هئ هئ ..

طبعاً الكل بفكرني .. مش الكل .. معظمكم .. بفكر اني غزاوية ..

لكن أنا ضفاوية من قلقيلية .. ومن فلاحيها ..






في حاجة ما حكيتلكم اياها قبل هالمرة ..

انه انا كنت فتحاوية و بعدها صرت فتحمساوية وهسة حمساوية ..لاسباب امنية ..

(حلوة لاسباب امنية هاي هههههه )





ممممم
ممممممممم ...ممممم ..


آهـ .. طبعاً من هواياتي الرسم .. والإنشاد.. والتصميم الالكتروني .. وكتابة الخواطر ..

و ع فكرة انا ما بحب انشد الا لما اكون مريضة (مرشحة ) ..




ثواني وارجع ..



come back soon

~oOo~

[Anonymous Gril]

~OoO~...
معلش سوري ع الـتاخير ,,,

نيجي نكمل حديثنـآ ..

احم احم .. بدي كاسة مي لو سمحتو (حورية بليز )..

نكمل ..

آهـ .. بتعرفو أنا بحب العطور الرجالية كتير ,, وبحب ارش منهــا ..>>> عشوؤؤقة مجنونة ..

***

اليوم رحنا .. ع النادي الصيفي وسجلنا فيه .. والمشكلة اللي كان بعلمنا فوتوشوب غلسسسسسسسسس ..

وقمنا بالتخبيص رسما و شغلاً يدوياً و حلينا ألغاز ,, وهبلنا .. ولعبنا رياضة مع اني بكرهها ..

و بتعرفوا اشي كمان .. لفيت الحارة اللي انا ساكنة فيها كلها .. ومدوخة منها .. ><..


***
المهم .. نيجي نحكي عن القنوات التليفزيونية ...

انا بتايع الأقصى و طيور الجنة و كراميش و دبي و سما دبي و ام بي سي بفروعها >>>ههههه..

وشو اسمه سبيتون عربي و سبيس باور .. والجزيرة .. و بعرفش شو كمان ..

بتعرفوا أنا حاسة إنهـ حكيي مكركب .,, ما تاخدو علي اوك ,,هههه .. مهبولة أنا.. هههه


بكمل بالمشاركة التالية ..^_*

[Anonymous Gril]

بداية هم تجي وتضم وتجرحني وتتعبني

غريب أوطان أعيش أحزان ما حد يدري ويسمعني

غريب صاح بعد ما راح ماحد يدري ويسمعني

أنا يا ليل أعيش الويل
ندا الخلان يتبعني

فراق الأم يجيب الغم وذكراها تجالسني

هناي ابوي وشوف اخوي لهم مشتاق ومتعني

فقدت أذان ذكر قرآن بلاد الغرب تشغلني

تركت أصحاب وطن وأتراب

طلبت الله يثبتني

وطن منساك تجي ذكراك ودمعاتي تونسني

وأرد الآهـ تلو الآهـ وصدى الآهات يذبحني
غريب صاح بعد ما راح ماحد يدري ويسمعني

أنا يا ليل أعيش الويل

ندا الخلان يتبعني

[Anonymous Gril]

كل ما أغمض عيني بتذكر ..

القدس و الأقصى وقبة الصخرة ..
بتذكر ..

قلقيلية و طولكرم و رام الله و جنين و بيت ساحور..
بتذكر ..

وقت ما كنا نشتري البراد (ليمون متلج ) و عموو نبيل .. و وقت ما كنا نروح نشتري السحالي والببسي (حلويات)

و الهوّايات ..

وبتذكر ..

وقت ما كنا ننزل على البيارات تاعتنا و نسقي الصبار والزيتون والدوالي و البندورة (طماطم) و البرتقال ..

ووقت ماكنا نعمل عصير بندورة يمممممممممييييييييي ..


و بكرة بكمل لاني مهلوكة

[Anonymous Gril]

~oOo~

بقولو الحب حلوو .. والفراق مر ..

فعلـآ .. كل منهما أمرّ من الآخر ..


***

لنكمل ما بدأت بالأمس ..

بعد ما أفتح عيوني بلاقي حالي بسجن كبير ..

لأنه ممنوعة من الخروج منه إلى وطني ..

بلاقي الناس بتتغامز و ببتهامس و بتحكي عني ارهابي ..

بلاقي الكل صادني و كارهني مش طايقني ..


لكن بيبقى أمل على إني أرجع وأشوف الأهل .. و بتمنى الغيبة ما تطوّل ..


***

ما نزلت فلسطين صرلي شي 10 سنين تقريباً ..

ولا شفت عمامي ولا عماتي .. وأنا مشتاقالهم موووت ..

ومشتاقة للمشتل و للطوش و للجمعات و الأعراس اللقطة اللي عنـآ..


بتعرفوا أنا مرة حضرت عرس عمّي و حنيته بحرفه وحرف عروستهـ ..

و نثرنا الورد عليهم و دبكنا معهم ( أنا لا طبعاً بدبكش لاني بعرفش هههه ) ..

و غنينا و رقصنا و أكلنا وشربنا و بعد هاليوم بالزبط نلاقي عيونا منفخة تنفيخ مش من السهر وبس

لا طلع قارصنا ناموووس >< .. واااء .. بوجع قرصه كتير ..

***

طبعاً الكل بعرف قصة يوم نزلت القدس و ركبت الباص الاسرائيلي بعد ما رجعنا من حد المسجد الأقصى ..

وانا لسة بركب فيهـ يجي ابوي يلقطني و ينزلني و يضرب فيني ضرب و شتم (شتم شتم هـآآ خوفاً علي طبعاً)..

المهم انا زلت عيااااااط و نزل من راسي دم .. >>> لهسة بوجعني راسي من الضربة هههه ..

المهم .. طبعاً أنا دلوووعة أبوووي .. فبده يرضيني باي طريقة شرالي بوظة بس ما رضيت لعبني برضو ما رضيت

بالأخير ميل فينا ع نابلس و أكلنا نكافة (يميي ) و وقتها رضيت و بعدها ميلنا ع جامعة النجاح .. وصورني انا وبس

حدها .. (خواتي غارو طبعاً )..

وأوقات كنت بنزل انا وبابا لحالنا ع الضفة و نفيع فيها ..

وكنت كتيير احبها و احب اهلها ..

وبالأخص ستي ام ابوي (الله يرحمها) ..وزعلت كتير لفراقها ..

****

نوخد استراحة قصيرة نشف ريقي يا قوووم ..


^_*

[Anonymous Gril]

~oOo~

لله دركـ يا قدسـ !!..

***

مش عارفة نسيت شو كنت بدي احكي ..

آآآهـ صح ..

نسيت و الله ..

آآآهـ تذكرت..

اليوم رحت دورة فوتوشوب ..

ويا ريتني ما رحت ..

لانه اللي بعطينا اياها .. غلس غلس غلس ..

اووووووف شو رخم ..

قال شو بنادي باسماء الحاضرات .. طيب

وانا ناداني فقلت نعم .. طيب ..

يجي يقولي هواا انتي ,, والله كان نفسي اضربه هالكف ...مممم ..

***

آآ ..صح ما قلتلكمش انه حاضرت فينا شرطية .. ماشي و بتقلنا كيف ننمي مهارة العرض

والتقديم و بتقلنا دردشو معي ما تحسسوني انكم مو موجودين و الله كمان شوي وكنت رح انام

من المحاضرة ..

***

بعد شوي حبدأ بالمنتدى

[Anonymous Gril]

~**~

نبدأ بالأعضاء الكرامـ

ليديز فيرست ..>>>


حـــوريـــة فلســـطيـــــن

بنت جنين ..

آنسة حورية .. سوستنا ..

طيبة حلوة .. مرحة ..

ذكية .. مشغووولة دوووم..

حساسة .. متسامحة ..

بحسها بتفهم الكل بس الكل مابفهما >>> زيي يعني ..


طفلة ×عاقلة .. هادية وراكزة ..

بتقدم مجهود كبير لرقي المنتدى .. طبعاً هي الها نكهة خاصة بالمنتدى ..

وبدونها الجو سكاسكاتلكا ..

بحبها اويي اويي ..


روان فلسطين × عين فلسطين


آنسة روان فلسطين ..وآنسة عين فلسطين..

كلاهما بنات لزيزات .. عسولات روحهم مرحة .

طبعاً انا زعلانة منهم اوي و مش عايزا اكلمهم

التنين بجننوا و بيلبقوا لبعض كتير ..

بحسهم أحلى ثنائي خنفشاري بالمنتدى ..




وردة المحبة

خيتي ..

بحسها كتير قريبة من شخصيتي ..

هي رعب المنتدى ..لانها دوم كانت تعمل فينا مقالب ..

شخصيتها حلوة و مرحة ..

بتحب الفرفشة و الضحك ..

غابت عنا سنة و كنت بتمنى انها ترجعلنا بسرعة ..

وهيها رجعت و ان شاء الله ما بتغيب تاني ..

[ღ حورية فلسطين ღ]