عيد مجيد _ لأ محذوف _

[إسراء الفلسطينية]

تم إغلاق الموضوع

لعدم إحترام أدآب الحــــــــوار !

و سيتم حذف جميع المشاركات الخارجة عن إطار الموضوع ..

يرجى الإلتزام بقوانين القسم .. و بأدآب الحوار !

[محمود]

السلام عليكم ورحمه الله وبركاته ،،

" بعرف انو الموضوع مغلق ،، أختي هيا حرقتي من كلامك رح تجبرني إني أرد عليك "

هالموضوع يا أخت هيا ،،

... بتمنى منك تقري الموضوع بشكل كامل وبتمعن ،، وما يضرك التنسيق ..

ما بيجي بالتصويت وكل واحد حسب رايهـ ..

الي عنده رآي معين يستند عليه من القرآن الكريم والسنة أو الإجماع أهلا وسهلا ..

أهم شي الواحد يحمد ربهـ أنه خلقهـ مسلم .. وتمم دينه بالإسلام ..

ثاني شي ما تقارني إمك بأي شخص مسلم ، محسوب على المسلمين ..

----------------------------------

بالنسبة لمعايدة الرسول " ص " في عاشوراء ،، هالحكي فيش منه نهائيا ً ..

وبتحدى لو بتلاقي شي عن الرسول بخصوص هالموضوع ..

الرسول لما سمع انو اليهود عم بصومو يوم " عاشوراء " اقتداءا ً بسيدنا موسى " عليه السلام "

لما صام مشان الله عز وجل يحرر قومه من طغيان " فرعون " ،،

والرسول على المبدأ الصحيح .. قال الإسلام أولى بسيدنا موسى من اليهودية ..

ومشان اليهودية محرفهـ وعلى الخطأ ،، يا خيتي قام الرسول " ص " صام اليوم التاسع والعاشر والحادي عشر ..

حتى ما يكون قلد اليهود بصيام يوم عاشوراء بس ،، ..

هذه نقطة يوم عاشوراء ،، ..

----------------------------------
أما عن انو الرسول اتزوج مسيحية ،،

يا خيتي الرسول ما اتزوج مسيحية ،، !!

قصدك انتي عن " أم المسلمين " ماريا القبطية ..

أهداها الملك المقوقس الروماني للرسول عليه الصلاة والسلام ،، فضلت ملك يمينه ,,

ولما وصلت المدينة المنورة ،، اعتنقت الإسلام ،، لما شافت حسن أخلاق المسلمين وصارت على يقين

انو الدين الإسلامي على الحق .. مش انها كانت زوجته وما بتدخل العقل انو يعيدها بعيدها !!

لأنها مسلمه :)


----------------------------------

والأولى منك " انك تشرحي لإمك هالشي " ،، الله يهديها وينور طريقها للإسلام ..

انا مش رح ادخل معك بمناظرة بتخص الدين الإسلامي والمسيحية ..

لكن بدك تفهمي شي ..

مثل ما اليهودية ما بتعترف في المسيحية كدين وما بعترفو بسيدنا عيسى ،

مع انو المسيحية بتعترف بسيدنا موسى " كرسول " لكن عندها الديانة اليهودية محرفهـ ..

مثل ما المسيحية ما بتعترف بسيدنا محمد كرسول ،، وما بتعترف بالدين الإسلامي كدين ..

مثل الدين الإسلامي مثل المسيحية مع اليهودية بالأعتراف والنسخ ،، أجت الديانة واعترفت بسلفها من الديانات ..

لكن بما انها حرفت ،، أجا الدين الإسلامي ،، بالقرآن الكريم الذي لم يحرف ولن يحرف :)

احكيلي .. هلأ !!

ليش اجت المسيحية مش مشان التوراة اتحرف ؟! واجت الديانة الإسلامية مشان " الانجيل التوراة " اتحرفوا ..

والقرآن في حفظ إلى يوم الدين ،، يعني ما بتحرف والحمد لله ،، هذا أكبر دليل إنها الديانة الصحيحة ..

،،

نقطة أخرى ،، الجنة والنار يا أختي بإيد ربنا ، وبما انو القرآن هوي كتاب الدين الصحيح ....

والقرآن بقول ..

{إِنَّ الدِّينَ عِنْدَ اللَّهِ الْإِسْلَامُ وَمَا اخْتَلَفَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ وَمَنْ يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ} - الآية19 من سورة آل عمران .

يعني يا أختي انو الدين فقط عند الله هوي الإسلام :) ،، وبما إنك مسلمة لازم تعرفي انو كلام ربنا ملزم ...

وهل انو المسيحية بآمنوا بالقرآن ؟! أو بالرسول " محمد " عليه الصلاة والسلام !!

اذا ما بصدقوا انو ما فيه قرآن ، وما فيه سيدنا " محمد " عليه السلام ..

احكيلي وين مبدأ العقيدة في أنفسهم !!! والمفروض انو كلام الله ، وسيدنا محمد ، والتصديق رسالته

تكون أغلى على الإنسان من نفسه ،، ومن أهله وماله .. من الآخر ..

مش لازم نتهاون في دينا الإسلامي مشان اي شخص مسيحي او يهودي او غير مسلم أو مسلم غير ملتزم بالإسلام ،، على حساب عقيدة المسلم ..

سبحانه وتعالى يقول : {وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ} الآية 85 من سورة آل عمران.

كلام ربنا واضح يا هيا ،، ربنا بقول الغير مسلم " من الخاسرين " بتهون عليك امك !!

يعني يا أختي ازا بتحبي امك ،، نوريها على الطريق الصحيح ،، وبنصحك ،، ادرسي دينك واقتنعي فيه

لتقدري تقنعي امك فيه ،، اما انك تروحي تقنعيها وانتي مش على قناعه تامه في أمور فيها خلل بالعقيدة هون مشكلة كبيرة ..

وبما انك بتقولي انو امك ما فيه مثلها بالدنيا كلها " طيب يعني معناة كلامك " امك مكسب للدين الإسلامي ، فليش نخسرها ..

في النهاية مش معناة كلامي انك تروحي تتطاوشي مع امك وتزعليها لأ !!

الرسول نهانا عن هالشي مع الجيران الغير مسلمين ،، ايذاء الجار الغير مسلم الرسول نهانا عليه فما بالك بالوالدين ..

ووصانا بالوالدين وما حدد الديانة ،، يعني ان كنتي مسلمه وامك مسيحية احترميها وقدريها ..

لكن مش على حساب دينك ،، وطالما انو امك بتحثك عالدين الإسلامي لازم تحطيها فوق راسك ..

وتعامليها طبيعي وبالي وصاك عليه الإسلام

قال تعالى: (( وقضى ربك ألا تعبدو إلا إياه وبالوالدين إحسانا إما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما* واخفض لهما جناح الذل من الرحمة وقل ربي إرحمهما كما ربياني صغيرا ))

وكثير أيات بتخص احترام الوالدين ..

لكن يا خيتي إياك و إياك تخلي في العقيدة مشان أبسط الأمور لانو وضعك حساس ..

ممكن الدنيا تمشي بأحسن من انك تعيديها " بالعيد المجيد " لأنو مثل ما قالت بنت فلسطين المجروحة

نقلا ً عن الشيخ إبن عثيمين ،، انو ما بجوز ، يعني ما بجوز ،، لانه تصديق لأفكارهم

وبهيك بتكون تصديق مثل الشخص الي بهدي مسيحي صليب !!!!

شو رايك بالله !!! كأنو سيدنا عيسى انصلب !! فما بالك لو كان هالشخص مسلم !!

يبقى ضرب العقيدة الإسلامية الي بتنافي هيك شي ،، مشان خاطر صحبته !!!!!

بترضيها !؟ وكذالك الأمور في العيد والعيدية مع امك ..

للديانه وانا مقتنع بكلام الشيخ أعزه الله في مقامه ومقاله ،،

لكن يا خيتي يوم عادي ،، فيك تروحي تجيبي كم من وردة ، تهديها لإمك المسيحية ،، ما فيها مشكلة

لأنك اهديتيها شي لانها أمك بس مش لأنها مسيحية ،، بالعربي مش لازم نكافئ المسيحية على

المسيحية ،لكن انك تعيديها في عيد للمسيحية هون مشكلة ،، فيه امور كثير بتظهر احترام الوالدين ..

أهم شي ، بس احرصي انها ما تخل بالعقيدة وصرت مكررها مليون مرة ..

احنا ما بنقولك اكرهي امك ،، بالعكس حبيها وانصفيها وحطيها فوق راسك هاي امك ،،

وبنفس الوقت بتمنى انك تقدري تقنعيها ،، انك تلتزم بالدين الإسلامي ،، خصوصا ً اني حكتلك فوق

انو ربنا مشدد العقاب على الغير مسلمين ،، وما تنسي انو امك عارفه شو يعني الإسلام ،، يعني !!

المفروض بجد تحسم موضوع قناعاتها ،، لأنه الدنيا وحدة مش عشرة .. وازا بتحبي امك

لازم تحرصي ع آخرتها ،، ولازم تحرصي على مصلحتها..

بتمنى انك تكوني فهمتي كلامي ،،

وما تعاندي نفسك ولا تعاندي ربك مشان مشاعرك ..


في أمان الله