ماذا تستشف من شخصية الاعضاء...؟؟!!

[~ | Mazaj]

مممممم ..

حبيت انبه انو تم فتح الموضوع ,,

اي رد بيكون بعيد ع النقاش رح يتم حدفو ..

اي رد بيكون في ريحة غزل او شي من هالكلام رح يتم حدفو ..

ادا ما اتقيدتو بهالحكي انا رح اغلقو ..

لولو خليكي منتبه لالو .. وخبريني ادا صار جديد ^^

[لولو اليبناوية]

يسلموووووووو فجر
يلاااا ارجعو ثبتوه ^^

[لولو اليبناوية]

انجيلاااااااااا......يسعدها اجدي ضفتها عندي...بس قبل بعرف انها شعنونة اكتيييير...وقوية....بس لما حكينا معها عالتلفون..طلعت راكزة وهادية...طبعا ذوق اكتيير

فجر الحياة.....كنت افكرها راكزة ومالهاش حس........بس عالماسنجر لما ضفتها......اووووووف شعشبونة ...عفريتة ...بتجنن...

جيفارا نابلس.........متفاعل اكتييييييير مع المواضيع....وبسرعة اثبت وجودو بالمنتدى....
هلونة.........اكيوووووت وفرفوووشة اكتييييييير هية وقمورة كمان.....

[Banbon]

مش معقــــــــول !!



:36_1_6[1]
عنجد !!

:36_1_4[1]

ما حدا استشف شخصيتي ....


بدكم أتله :36_6_8[1]


بس مو مشكله

أنا هلأ رح أستشف ...



أول شي

محمود ...
منصب المدير لايق عليه ... لانه بيعرف يتحمل المسؤوليه ..
طيب ... جدي وقت الجد و حازم و وقت المزح بيمزح ... و محترم كتير ..

فجر الحياة ...
طيوبه كتير .... و خدومه و كل شي فيها حلو ...

صدى الصمت ...
دمها خفيف و كلامها حلو بتضحكني دايماً ....و طيبه و ما بتزعل حدا ..
بس مرات بحس انها حزينه ... ما بعرف ليه ؟ بس انشالله تضل مبسوطه دايماً

ayman
انسان يقترب من المثاليه ... مثقف و واعي ...
و اعتقد انه شو ما سألته رح يجاوبك .... ناجح ... و الله يوفقه

ahmadix
محير شوي ... و اجتماعي ...و ما بحب الاخناقات
و عنده أسلوب خاص بالكلام ...

جيفارا نابلس
اجتماعي ... بحب الناس ..و بحب يعبر عن رأييه ...
و الله يوفقه

أنــــــــوس
خدوم كتيير .... و شاطر بأمور النت و الكمبيوتر ..
و طيب .. و أعتقد انه بحب المغامرات ... بس مو متأكده

ريما الفلسطينيه
دايماً مندفعه ...و عنيده ... ما حدا بغير رأييها
دمها خفيف ... و ما بتحب العوج

king_of_love
طيب كتييييير و مرات زياده عن اللزوم ... و خدوم
صديق مثالي ... وقت جد جد ...و وقت المزح بفقع من الضحك

هيلين
ما بعرف ليه بتحب القطط هالأد ؟؟
بس طيبه و دمها خفيف ...و اجتماعيه ..و خدومه كمان

عاشق الحور
دمه خفيف كتير ... و بحب صحابه .. و بطلت أشوفه كتير بالمنتدى ؟؟ !

لولو اليبناويه
اموره ..دمها خفيف ...و مواضيعها حلوه ... دايماً بتخيلها بتضحك ..

بوو هبه
كمان دمه خفيف ... و اعتقد انه عنده صحاب كتير ... و كمان بتخيله بحب الدفاشه هههه
لا تزعل بوهبه ... بمزح معك ..... صح ..بو هبه بحب المزح ..

[قمر الخليل]

ممممممممممممم انا ما كنت موجودة بس بشكر كل الي حكو عني

ورح احكي عن الي بحبهم اول شي

::: هلوووووووووون :: يا ويلي عليها شو روووووووعةو اموووووووووورة وبس شفتها عنجد طلعت بسة هههههههه كيفنا انا واياها والاحلى من هيك انووو كتير مزوووءة وامووورة يالله شو بحبهاااااااا لهالبنت

فينيسيا :: متل اختها امووووووورة ومسلسلها شي روووووووعة شطب كمان ههههههههه

دالة الخليل :: اختي الحبوبةةةةةةةة بالمنتدى قال يعني هادية البنت بالبيت مجنناني بشقاوتها انا بقعد اسكت فيها ههههههههه طبعا مافي اخت بتكره اختها بس لما تقعد عتختي عالمنتدى بضطر اضربها ههههههههه

مؤيد :: مشطووووب شطب مزبوووووط ههههههههه بمزح .. كتير روعة هالمؤيد,, الله يخليه لاهلو وبصراحة اول ما سجل معانا اعرفت انو كتير مزوء ,,, مشكلتووو بتسرع شويي خصوصا لما يكون متدايق يا ويلي شو بتسرع ..

نغوووووم :: حبيبة قلبي هادي .. رووعة رووعة رووعة متل العسل يالله شو امورة ولما حكيت مع امها بدي اقول البنت طالعة لمين خثصوصا انو امها خليلية طيوووووووبة وحبيتها كتير وحسيتها متل امي

نشوووو :: دبدووووووووب غيووووور ههههههههه طيوووب وقت الجد جد ووقت المزح مزح :: عيبو بزعل بسرعة وبصعوبة برضا قال يعني قال ..

لولو اليبناوية :: حبوبة وامووورة وفرفووشة كمان ,,, طيووبة كتير كتير الله يخليها

توين وفرووووووووشة :: حبيبااااااااتي يالله شو مشتاقة الهم .. والا امهم ياويلي شو ضحكتني بس حكينا سوا .. عنجد عنجد الله يخليهم ويحميهم شو مأدبات ..

انوووووس :: يالله هاللانووووووووس شو روووعة بجد ما شالله عليه بحسوو زكي ما شالله الله يحميه ويوفقو ياربي ( واهم شي ينولو الي ببالو)

تورنيدو :: هههههههههه دب بمعنى الكلمة ,... والله انو دمو خفيف كتير ... وكتير معاملتو روعة واختو متل العسل وعنجد نفسي من كل قلبي اعمل زيارة لبيتهم واكل كنافة عندهم هههههههه

عمو الجليلي :: ما شالله عليه شو مزوووء .. وروعة شخصيتو كتير بتعجبني وعنجد شعرو رووووعة .. عيبه انو روحو مش طويلة خصوصا على منتدى الشعر هههههههه دايما بشكي هههههههههه وكمان كتير كتير جنتل الله يخليه ...

سااااااالي بنت فلسطين :: حراااااااام طيوووووبة كتير كتير وامووووورة عنجد بحسها على نياتها ورأيها متل رأيي دايما ...عيبها :: متلي طيووبة كتير كتير

فجر الحياة الدبدوووووبة :: دبة وبس هههههههههه كتير حبابة والله صح انو مرة ظلمتها بس يومها كنت متدايئة بس هينا رجعنا متل العسل .. طيووبة هالبنت وامورة ..

بصراحة الي ما حكيت عيوبهم ما شفت منهم اي عييييييييب

والي نسيتو برجع اكتب عنووو بعديييييييييين

يلا سلامو ::

[دالية الخليل]

انا بصراحة اكتر ناس بعرفهم الي بمنتدى الشعر نبلش
الاستاذ لطفي :
مثقف اديب وشاعر بمعنى الكلمة روحو طويلة وطيب وفعلا قاموس

اختي الدبدوبة قموورة
عفريته وشطانة مجنناني بالبيت بصحىم ن النوم بلاقيها على المنتدى بنام وبلاقيها على المنتدى حبيبتي هي وشطوورة بتسمع ا لكلام (بس بالعاصاي)*

جيفارا
شاب خلوق واعي منفتح ومتحرر بعض الشي فعلا اخ عزيز علي و مخيلتو واسعة وابداعاتو روعة

ابن منطقة الجليل
شاب بحسو راكز ههههههههه وشاعر وقد المسؤؤلية واخ عزيز و بحس بئرو غميق ههههههههه

فيروز
بنت اموررة وطيوبة وناعمة ودماه خفيف بتعلب كتير بحسها ما بتدرس هههههههههه قاعدة على المنتدى

العيون السود
بنت طيوبة بحسها جوعانه ومشتهيه اكلنا كتيييييييير وقلبها كبير وشاطرة حسها ههههههههههه

ابن فلسطين
اخ عزيز ودمو خفيف ومدمن عل ىالشاي ليل نهار بطلب بالشاي مشاغب حساه وعفريت

مؤيد
شاب دب بحب اللحمة ههههههههههه بس دمو خفيف وخدوم وطيوب وقلبو كبير

هيلين
بنت حبابة وناعمة ودمها خفيف

والباقي كلهم خير وبركة

[rame]

اوكي انا زعلان منكم كلكم كلكم 116 مشاركو ولا واحد تذكرني
طيب الظاهر انا مش موجود او لابس طاقية الاخفى
المهم


مممممممممم نبدأ تشفير في الاعضاء

------------------------------
سارة
ما بدي احكي عنها حاجة

عاشقة الفيروز
هبلللللة
هههههههههههه بمزح بنت امورة وشطورة وبتنحب على طول وخفيفة دم كتير كتير
ودلوعة كتير كمان
بس يا رب جيفارا نابلس ما يطخني بعد هالكلام هههههههههههه
العين ما تطرؤها

جيفارا نابلس
شب خطير شاعر وحبوب وراكز بس نفسي افهم شو سر حبو للشيوعين
جيفارا وماركس وغيرهم

عاشقة بلاحبيب
بنت رياضية وشاطرة كتير بتحب تكوين صداقات من جميع انحاء العالم وفية
بس بحسة معقدة وعندها اراء خاطئة بتأمل انها تتصلح مع كبر السن ودخول الجامعة

العيون السود
وما ادراك ما العيون السود شاعرة المنتدى الرومنسية ذو المشاعر ال..... مش عارف مش ملاقي كلمة اوصفها
بس بقدر اقول انا من اشد المعجبين بشعرها وبشخصيتها كمان

الاب لطفي
ربنا يطول بعمرو يا رب
شاعر وحكيم وووووووو بردو مش ملاقي كلام كتير اعبر في عن يللي بقلبي

احمد اكس
احمد اني احبك في الله شب رائع وطيب ومثقف ومتدين بحسو وهادة يللي بيحببني فيه
بس بحس انو ساعات بيتمسك برأيو ما بغير ابدا ابدا

مؤيد
سياسي من الدرجة الاولى شب مؤدب متدين ممممممممممم ومش عارف كان في عندي كلام كتير عنو بس طار

[king_of_love]

أنا بس بدي تعزروني لأني من جديد صرت أدخل دايماً على المنتدى الصراحة ويعني مستشف شوية شغلات من الأعضاء ....



محمود ... مديرنا وتاج راسنا

موقعك بمحلو وقد حالك مشاء الله عليك ,,,

والله يوفقك يا ابن العم .....



أحلى رورو ...
طيوبة... صريحة ... ومواضيعها حلوة والله يوفقها ...


لولو اليبناوية ...

طيوبة صريحة وسخصيتك أتوقع قوية يعني قد حالك ...

وليف الدمعة ...

محبوب ردودوا صريحة وأتوقع إنو طيب وأكيد طيب وشخصيتوا مرحة ...



ahmadix
محير شوي ... و اجتماعي ...و ما بحب الاخناقات وصريح بردواوا ...



BANBON
طيوبة كتييييييير وشخصيتها حلوة كتير ومرحة وأمورة الله يرضى عليها ...
واجتماعية ... وصديقة مثالية بحطها فوق راسي ... ومحبوبة .... وشخصيتها كمان قوية وقد حالها الله يوفقها ...


هلين ...

طيوبة بتحب البسس شكلها متلي ...
مشاركاتها طيبة وحلوة والله يوفقها ...


وهاد إلي حاولت أتذكروا وبدكوا تعذروني لأني من جديد بديت أشارك دايماً ....


وشكراً على الموضوع الحلو والرائع ....

تحــــــــيــــاتـــــــــــأحمد مطرــــــــــــي

[جيفارا*نابلس]

صرلي معكم هون يمكن ثلاث شهور

او شي كنت حاسس بالغربه جد وبصراحه

اول انسان تعرفت عليه

لطفي الياسيني

كان ودود معي وبمثابه اب واعز

يعجبني سرعته في ايجاد المصطلحات الادبيه


العيون السود

كانت ماشالله عنها نعم الاخت

وغيابها اثر فينا اكيد


بو هبه

حبيبي الي طول غيابه والي هو شب من ارقى الشباب

عاشقه بلا حبيب

انسانه مثقفه طموحه اديبه

وليف الدمعه

اكثر من اخ واعز ووجدت فيه الانسان المتحضر الفهمان الذي افخر في

دالية الخليل

طبعا اختي واعز وصرت اعدهاا احد افراد عائلتي

قمر الخليل

يمكن اول مره فكرتها متكبره بس اكتشفت انها انسانه لا يمكن للدنيا ان تسير دونها

ادهم اللداوي

اخ وعزيز واكثر شي بيعجبني فيه انو جريء

رأفت

اكيد اخ عزيز وله كل الاحترام

نور اليقين

اخت واعز انشالله واتمنالها كل خير

لولو اليبناويه

اختي واعز انشالله كنت مش محتك فيها بس وجدت انو معدنها فريد طموحه حبوبه وماشاء الله عنها


بنت الرمله

الله يحميها يعني ما بقدر اوصف خلقها الرفيع

عاشق البندقيه

صديقي صاحبي وابن بلدي

احمد اكس

الله يحمي بيريد الخير للكل وبيحب ينشر الدين بأسلوب متحضر بعيد عن مفهوم التعقيد

ابن الجليل

اديبنا وشاعرنا وانسان انا بفتخر فيه

ملكه الرومانسيه

ماشاء الله عنها رغم احتكاكي البسيط فيها

عاشقه الفيروز

اكيد اختي العزيزه

رامي

الله يحمي حباب واكيد اعز من اخوتي

نور

عنيده بعض الشي ولكنها اخت عزيزه

المسلممه

اعتبرها اختي الصغيره وبحب اجننها احيانا

ساره

الله يحميها خفة دم وبنت بلد

دموع الرحيل

مش رح اوفيها حقها ماشاء الله عنها ربي يحميها

ابو خضر

عزيز وغالي ونشيط

ابو سليم (ابو سالم)

اخوي وحبيبي واعز

مؤيد

الله يحمي ويبارك فيه

نشأت

كمان عزيز وغالي

محمود

ماشاء الله عنه

وهم اسمه الحب

مثقفه واعيه نشيطه

نرميين

ماشالله عنها مجتهده

مروان

الي ما بعرف هو جد توفى ولا بمزح وكان عزيز علينا جميعا

ابنة الشتات

شريكتي في مشروع نابلس جبل النار

وطنيه وبتحب بلدها بصح

شخص ثاني

انسان غامض ولكنه صاحب كلمه طيبه

امين

اخ وصديق ورفيق وانشالله اعز

اعذروني الي نسيتهم

[حنووو اليبناوية]

يا ناس يا عالم انا من شهر 7 وانا مشاركه ولا حد جايب سيرتي يلا بسيطه يمكن علشان التوجيهي اخدني منكم شوي بس هاد مش معناتو انو انا كمان ما اقدر استشف من شخصية عضو من الاعضاء يلا حبلش
محمود: بحسو انسان صاااااارم جدا جدي حتى وهو بعيد عن المنتدى انا هيك بحس بس بنفس الوقت بيكون لمصلحة المنتدى شعنون وفرفووووش في بعض الاحيان والله يحميه ويخليه لاهلو
عاشق البندقية: بحسو برا المنتدى نكتجي لابعد الحدووود
توين:انسانة رااااااااااااائعه رائعه وحبيتها اكتر بعد ما شفتها هي واختها صرت امووووووت عليهم وكتير حبيتهم وازعلت على افراقهم والله يوفقهم بدراستهم
مؤيد: فرفووووووش بحب الفرفشة كتير على المنتدى
بو هبة : شعنووووون كتير وهو هلحين بمتحن ومابصير احكي عليه من وراه خخخخخخخخخخ بس بحكي الله يوفقو انشالله ويجيب احلى الدرجات انشالله يا حبيب الشعب
بيسان : ما بتسمح بالغلط نهائيا بما انها مشرفه حبيتها كتير على المنتدى وهي انسانه رائعه جدا جدا
انجيلا وفجر: يقبشوني من بعد ما اعرفتهم وعرفتني عليهم بنت الرملة كتييييييير حبيتهم مع العلم انا كنت ما احب تصرفات انجيلا لما كانت تفقس الاعضاء وتقلهم الموضوع مكرر الموضوع مكرر هاد الشي كنت ما احبو فيكي فجر بحب فيكي جديتك بالمنتدى يا مديرتنا تسلميلي يارب والله يوفقك
بس هيك انشالله بس اتزكر عضو بقلكم ولولو تقبشيني يختي من وين بتجيلك هالافكار هاي اه