الإتجاه المعاكس ( مناظرة ثقافيه بين الاعضاء )

[أســ{ــمــرآنــ}ــي]

المشاركة الأصلية كتبت بواسطة HaDoOoL انا مره تانيه ماتقول اسمي خييو بالنقاشات هااي.
..لاني مو كتيير بحب التناقش..ومابفهم فيها منييح فااشله....
يسلموووا...

مالك يا هديل !!

روووئي ،، مو مستاهله والله ..

ممممم
ومين حكالك إنك فاشله بالنقاش,, إنت بتناقشي كتير منيح ,,

[فلسطينيه والراس مرفوع]

الله يبارك فيكم يا اعضاء

ثانكس عموو ناصر واسمراني

وفي نقاط كتيرة حسيت انكو ما فهمتوها وكنت بدي وضحها بس طلعت

لما ارجع كمان مرة بقنععكم اكتير

[روان فلسطين]

ياااااااااااااااااااي فزنا فلسطينيه يلا نحنا اول بدك تكوني مع او ضد

[روان فلسطين]

اوكي ناصر معليش لوما فيها غلبه تغير الموضوع لأنك حطيتني بين نارين

الاول انو هاد الشي مومناسب لا لعاداتنا ولا تقاليدنا والصح اني اكون ضدو لان البنت شو ما كان بيضلو عواطفها يلي بيتحكمو فيها وخداعها اسهل من الشب والغربه اصعب عليها

التاني انو العلم اهم شي بالدنيا ولازم الواحد يلحقو وين ما كان وانا السنه الجاي ان شاء الله بدي اسافر عن اهلي وراح اروح اما ع الاردن او بريطانيا للدراسه واكيد هاد الشي راح يكون صعب علي بس لازم ادرس طب ان شاء الله

سو انا ما بقدر اعارض شي انا على وشك اني اعملو وبنفس الوقت ما راح اقدر اني اكون مع هاد الشي لانو غلط
بليز لو فيك غيرو

[السيف عدي]

ولا يهمك روان اختاري الموضوع اللي بناسبك .. والله يوفقك في دراستك باذن الله دكتورة روان..

بس ياريت تنادي بالاهداءات على الحجا زركا و كريزي دول .. واختارو الموضوع اللي بناسبكم ..

ممكن الشيشة او الدخان للبنات .. ؟ شو رايك.

[روان فلسطين]

خلصو اهدائاتي شو رايك تنادي عليهم انت
اوكي انا ودودو راح نكون ضد اكيد
وياتنج فور ذيم

[السيف عدي]

اوكيه روان .. حولي يجو هون ،، وتبدأو النقاش ..

[روان فلسطين]

اوكي حبلش انا ةوبس يجو بيردو
انا ودودو اخدنا المعارضه لانو معارضتنا راح تكون من جهتين الاولى دينيه والتانيه اجتماعيه
الاولى الدينيه
وهي اعتراض ع التدخين بشكل عام
(ولا تلقو بأيديكم الى التهلكه )
(وحرم عليكم الخبائث )
(لا ضرر ولا ضرار ) وغيرها كتير من ادله الكتاب والسنه وكذلك اتفاق العلماء على تحريمه

تانيا : هو مسبب لكثير من الامراض وطبعا كل الاطباء بيحذرو منه
على وجه الخصوص بالنسبه للبنت البنت الله سبحانه وتعالى حباها بالجمال والنعومه والرقه فهي بتضحي بكل هاي الاشياء باللحظه يلي بتحط السيجاره بتمها
كذلك مو منظر حضاري ابدا ابدا
وعندنا ببلداننا العربيه شي مرفوض تماما وممكن يسبب ضياع سمعه البنت

[السيف عدي]

المشاركة الأصلية كتبت بواسطة روان فلسطين اوكي حبلش انا ةوبس يجو بيردو
انا ودودو اخدنا المعارضه لانو معارضتنا راح تكون من جهتين الاولى دينيه والتانيه اجتماعيه
الاولى الدينيه
وهي اعتراض ع التدخين بشكل عام
(ولا تلقو بأيديكم الى التهلكه )
(وحرم عليكم الخبائث )
(لا ضرر ولا ضرار ) وغيرها كتير من ادله الكتاب والسنه وكذلك اتفاق العلماء على تحريمه

تانيا : هو مسبب لكثير من الامراض وطبعا كل الاطباء بيحذرو منه
على وجه الخصوص بالنسبه للبنت البنت الله سبحانه وتعالى حباها بالجمال والنعومه والرقه فهي بتضحي بكل هاي الاشياء باللحظه يلي بتحط السيجاره بتمها
كذلك مو منظر حضاري ابدا ابدا
وعندنا ببلداننا العربيه شي مرفوض تماما وممكن يسبب ضياع سمعه البنت

تسلمي روان على الراي ،، والمشاركة ،، نورتينا ..

هلا انتي عم تقولي انك ضد الدخان بسبب انو 1) حرام 2) مضر بالصحة 3) المجتمع 4) بفقد انوثة البنت

حلو كتير ،، بس ازا اتجوزتي شب وكان بحب شيش .. وهادا معظم الشباب هيك ،،

ما راح تشيشي معو ؟ او تدخني ؟. لانو معظم الزوجات بشيشو مع ازواجهم وبدخنوا ..

حتى لو ما كانو هيك..

شو رايك ؟ هادي نقطة ..

النقطة التانية : ازا الواحد مهموم ومكبوت متل قالت الحجا زركا ،، ما بطلعلوا ينفس شوي ..

بطريقة معقولة .. واكيد الدخان بضل احسن من الشرب او المخدرات..

[blue-girl]

امممممم

احم احم

اول شي يسلمووو خي عدي ع الاستضافه مره تانيه

^^

و هلاء رح احكي رائي المبدئي

^^