{ .. يــومــيـــآت عــلـــي الــطــريــــق مـع حـورية فلسطين ••

[ღ حورية فلسطين ღ]

المشاركة الأصلية كتبت بواسطة Maгaм .. ~ ههههههههههههههههههههههههههههههههههه هههه

يماا عليكي هههههههههههههه

شو خطر ع باالك تعملي سباق بنص الشارع هههههههههههههههه

أغراني منظر الشارع وهو فاضي

قلت يلا خلينا نرفه عن حالنا شوي ما دامنا مكتوم على نفسنا بهالبلد فاستغليت الفرصة على طول وطلعت مش فرصة طلعت نكبة

[أبومجاهد]

ههههههههههههههههههههههههههههههه

لا لا لا هذه قوييييية كتييير

ال يتسابقو ال والله بتخزو وبتعرووو



تعيشي وتاكلي غيرها

[ღ حورية فلسطين ღ]

المشاركة الأصلية كتبت بواسطة أبومجاهد

ههههههههههههههههههههههههههههههه

لا لا لا هذه قوييييية كتييير

ال يتسابقو ال والله بتخزو وبتعرووو



تعيشي وتاكلي غيرها

وما بنتاخد على مطرح ليش ما كملتها

عادي بتصير بأحسن العائلات اهم شي الأخلاق

[اسد 22]

اه شو صار وين وصلتي؟

[ღ حورية فلسطين ღ]

المشاركة الأصلية كتبت بواسطة اسد 22 اه شو صار وين وصلتي؟

شو رأيك تكمل عني خيو اسد طار كل شي من راسي مو متذكة ولا موقف

[PaLeStiNe FlOwEr]

يا ويلي عليك يا ماي هازبند :p

ههههـ يا للفضيحة :d

وكيف عايشة لهلأ لازم تروحي تنتحري ههههـ

موش متخيلة منظرك وانتي بتركضي بهالطول الي عليكي :|

رح ضل ذكرك بالموقف خخخخخ

زكريني لما أجي المدينة ونتقابل نركض بالحرم *.^

تعيشي وتاكلي ملوخية =)


يلا كملي ^^

[ღ حورية فلسطين ღ]

المشاركة الأصلية كتبت بواسطة PaLeStiNe FlOwEr يا ويلي عليك يا ماي هازبند :p

ههههـ يا للفضيحة :d

وكيف عايشة لهلأ لازم تروحي تنتحري ههههـ

موش متخيلة منظرك وانتي بتركضي بهالطول الي عليكي :|

رح ضل ذكرك بالموقف خخخخخ

زكريني لما أجي المدينة ونتقابل نركض بالحرم *.^

تعيشي وتاكلي ملوخية =)


يلا كملي ^^

ما اطحشك اصلا حلاوتها بالطول يا طحشة

ييييي الحرم عن جد رح يكون فضيحة بجلاجل كل خلق ربنا هناك اصلا اسألي امون زحمة مافي مكان تحطي حالك فيه

بالنسبة للملوخية صرت احسها احلى شي بالدنيا

روحي اطبخيلي ياها يا مرة

[PaLeStiNe FlOwEr]

المشاركة الأصلية كتبت بواسطة ღ حورية فلسطين ღ

ما اطحشك اصلا حلاوتها بالطول يا طحشة

ييييي الحرم عن جد رح يكون فضيحة بجلاجل كل خلق ربنا هناك اصلا اسألي امون زحمة مافي مكان تحطي حالك فيه

بالنسبة للملوخية صرت احسها احلى شي بالدنيا

روحي اطبخيلي ياها يا مرة

ههههههههـ عملتها بالحرم انا وخواتي وبنات صاحب بابا بس كان بنص الليل وما في كتير ناس

كان بإجازة الصيف الي وراها توجيهي

بالنسبة للملوخية اليوم طبخناها


بالانتظار =)

[اسد 22]

على رأي الجمهور



منستنى شو ورانا

اتذكري يمة

[ღ حورية فلسطين ღ]

طيب نحكيلكم هالموقف عالطريق هلأ اتزركتو

في يوم من الأيام كانت خطبة اخوي الكبير وكنا عاملينها بمكان بعيد كتيييييييييييييييير عن بيتنا مشوار سفر


المهم من العجئة وانا طالعة من البيت اخدت كندرتي الله يكرمكم بكيس عشان البسها هناك ونزلنا عالسيارة وكنت حاملة ميت كيس وكيس

حطيتهم عالأرض عشان اشيل واحد واحد ارتبهم بالسيارة

شلت كل الكياس حطيتهم بالسيارة ونسيت كيس كندرتي بالشارع

وطلعت بالسيارة وانطلقنا عالمكان البعيد اللي ببعد سفر سنة عن البيت

ولما وصلت هناك ادور رتبت الشغلات واخر شي جيت البس الكندرة الله يكرمكم عشان تكمل الشياكة واستقبل الناس بكامل برستيجي

وإذ

الاقي برستيجي ضاع بين الرجلين

ادور على كيس الكندرة مش لاقيتو اسأل هون وهون مش لاقية شي يا جماعة بلشت الحفلة والناس كلهم اجو وسناء ما بينت لسا بتدور عالكندرة

العيلة كلها تركو الحفلة وانشغلة بكندرتي انو عن جد كيف بدي افوت من غيرها افوت حافية مثلا عيب


والناس قاعدين بسألن جوا وين سناء


رحت اتصلت على اخوي سألتو عن الكيس بما انو هوا اللي نزل الكياس من السيارة راح يدور بالسيارة ما لقى شي


قلتلو الله بعينك بدك ترجع عالبيت تجبلي ياه
طبعا ما بيحتاج اقلكم الكلام اللي سمعتو من اخوي بعد هالخبرية اللي خبرتو ياها

خلا اللي ضايل من برستيجي يروح الله وكيلكم


وكيف بدو يروح هاد اخوي مين بدو يوقف مع بابا يستقبل المعازيم

قلتلو مشان الله خلصنا لا تقعد تعملي فيها كبير وشخصية هي في اخوي التاني بكفي وبوفي ساعة زمن روح ما حدا عتبان عليك


المهم بعد ميت مضاربة ومضاربة وبابا اجى من عند الرجال وماما طلعت من عند النسوان وتركو المعازيم يتضايفو لحالهم لحتى اقتنع اخوي يرجع عالبيت يشفلي الكيس


لا وهوا رايح جلطني بقلي شو بضمني الاقي الكيس بمكانو مهو انتي هبلة ناسيتيلي ياه بنص الشارع شي طبيعي ارجع ما الاقيه

قلتلو بصراحة مش متأكدة احتما اكون ناسيتو بالبيت الله يعينك اطلع عالبيت دور عليه اذا مالقيتو بالشارع

هداك لخوي صار يلطم ويقول شيلوها من قدامي هالبنت رح تجلطني اليوم


راح اخوي الا شوي اجت جارتنا خالتو ام بشار بتقلي شو مالك يا سناء قاعدة هون قلتلها القصة

قالت يييييييي يا صباح الشوم هلأ بحكي مع بشار يروح يجبلك ياها وما تركتلي مجال افهمها انو اخوي راح

يعني ما تغلب ابنها فكنت هي ماسكة التلفون ومتصلة ومخلصة قلتلها اذهبي الى الجحيم شو اعملك


شوي طلعت لبرا خالتو ام قاسم كمان جارتنا لقتني قاعدة وشو مالك يا سناء

قلتلها القصة وقالتلي ييييييييي هلأ بتصل على قاسم بخلي يروح يجبلك ياها

اجيت افهمها القصة كمان ما سمعت مني راحت تتصل على قاسم حضرتها قلتلها اذهبي الى الجحيم انتي التانية شهامتكم بتطلع بالأوقات الفاضية


كمان شوي طلعت خالتو ام محمد كمان جارتنا وليش يا سناء وقالتلها القصة سناء

بس قررت سناء انو ما تتعب حالها وتقلها لا تتصلي راحت هديك تتصل على ابنها محمد يجيب كندرة سندريلا


تخيلو 4 سيارات رجعو بالطريق البعيد هاد بس عشان كندرتي اللي نسيتها بالشارع



طبعا بهاد الوقت كان اخوي واصل عالبيت ومش لاقي الكندرة ولا بمكان لا بشارع ولا ببيت ولا عند الجيران


اتصل علي روحلي برستيجي اللي بقي


فجأة طلعلو حارس العمارة وعطاه الكيس كان شايلو عندو الله يسعدو طلع بفهم هالحارس


وجاي الكندرة واجى بس مش هون المشكلة


المشكلة في محمد وبشار وقاسم ولاد الجيران


بشار وصل عند بيتنا دور دور ما لقى شي اتصل على امو قلها ما لقيت شي اجت قالتلي قلتلها خلص راح اخوي امين وهيو جايبها وجاي بالطريق


كان ضايل عندي شوية برستيج مخبيتهم روحتلي ياهم خالتو ام بشار وطبعا ما اتجرأت وعملت هيك الا لأنو ابنها روحلها برستيجها وقلها مرجعيني من اخر الدنيا عشان هالكندرة


ونفس الشي صار مع قاسم ومحمد ومن يومها كرهوني كلهم الشباب وامهاتهم وانا كرهت حالي لأني ما لحقت البس الكندرة وافوت احضر الا كانت الخطبة مخلصة


واصلا كنت مستحية افوت من غير برستيج اتشرشحت شرشحة بهداك اليوم كرهت حالي حتى انا بهدلت حالي ما قصرت