نقــاش :: طلــعــت النا في السحبــة ( الآل والئلنا ) والتصنــع !!

[HaSHeM,]

هههه

حريئة ههه

صرنا نلاحظها كتير هاليومين هدول

حتى بتيجي وحدة بتبقى عالتوتة

وبتقلنا

بدي برتئان وبئدونس هههه

يعني انها مدنية وراقية

بس كلها كلام فاضي

^_^

[إيمـان]

ههههههههه صح رعد وبتكون تحكي برتقآن هههههه زينآ هع

[shereey]

الموضع مهم بجد لكن الي زادو أهميه كميه الردود والجدل الي صار

بصراحه يا جماعه كلنا لغتنا وحـــــــــــــدة ومافي حد بيقدر يحكي غير هيك
لكن بنتختلف باللهجات هاد شي أكيد في ناس تربو على الأل والئلنا ..لكن خلوها بينكم وفي بيوتكم
لانو الحكي شئ والكتابه شئ تاني..وليه نخجل من لغتنا ونخبيها فيها شئ عيب لسمحالله؟؟
والي بيحكي الال اسهل عندو. طيب سؤال ..هل بتقدر تجاوب بالامتحان برضو بالأل ؟!!
والمنتدى ياريت يكون الو احترامو وضعو الخاص هاد بدل ما نكتب بالفصحى .
يتمنى رأيي ما يزعج أحد وما تنسو..
إختلاف الآراء لا يفسد للود قضيه
دمتم بود

[بيكاسو]

والله انك زلمتي اخ بس
لو تشوف يابن الحلال انا من جنين صح؟ بالجامعة كل الشباب اللي معي نابلسية مع احترامي للجميع وهدول شباب كمان والشاطر اللي بيحكي الالم استااااااااااااااااااااااااز (يعني القلم) والورئة (يعني الورقة) وموش بس هيك ياخي انتا حر احكي متل ما بدك لا وشو كمان وما بيعجبهم حكينا قال احنا فلاحين شو رايك اشي بيقهر اخ بس مع احترامي للجميع

[عزيز النفس]

تقهرونيش ..!

[بنت فلسطين المجروحة]

المشاركة الأصلية كتبت بواسطة عزيز النفس

تقهرونيش ..!

عاد عنا بالجامعة كل الفلسطينية اللي عرفتهم وحتى قرايبنا هان

فلاحين ولا بدو ولا وين ماكانو

بقولوا ماتئهروني

وكتير منهم بستنكروا علي لهجتي

شو هالدفاشة قال

سبحان من عوج لسانهم

[أســـآمـة]

لا تعليق :)

[shereey]

ولا يهمك أخ بيكاسو نحن الفلاحيه والله عاااااااال

[اسد 22]

الحق على الاهل لما الاهل يحكوا هيك قدام الاولاد والبنات النتيجة شو؟

ما تزرع تحصد

وبعدين ضعف تعليم للغة العربية والدين الاسلامي في المدارس لوجود مسلسلات باعتبارهم بديل

و لا عز للمسلمين بلا اسلام قدرهم بأسلامهم وبفهوم اشمل قدر الانسانية بالاسلام

احترامي سيدي محمود واختلاف اللهجات ليس مشكلة ولكن المصيبة اننا إلا من رحم ربي لا نقدر ان نتكلم

خمس كلمات باللغة الفصحة

فاصبحت اللغة العامية المرتبة الاولى والانجليزية الثانية ولغة الاحتلال الثالثة ولغة القرآن الرابعة اي الاخيرة من ناحية الاهمية

[أم ريان]

هياتنا بلابالبيت كلامنا ال والنا لكن انا بستعملوووش
من دوون البيت الوحيده الي بحب احكي مش بالقاف بالكاااف
وشوكرن ع الموضوع الحلوووو