۩ ‏جوله في معالمنا الاسلامية ۩ ‏مع حـسـآم الـمـصـري ۩

[§عاشقة غزة§]

ولو تكرم عينك

[نسمة جزائرية]

رائع

يعطيكم العافية

مين بعدو ؟

[.. ريتّـــا ..]

يلا نبدا
رح أعتبركم كلكم مسجلين عندي

يلا نحكي دعاء السفر سوا
ردّدوا ورايْ ~

" سبْحانَ الذي سخَّرَ لَنَا هذا وما كنَّا له مُقرنينَ، وَإِنَّا إِلى ربِّنَا لمُنقَلِبُونَ . اللَّهُمَّ إِنَّا نَسْأَلُكَ في سَفَرِنَا هذا البرَّ والتَّقوى ، ومِنَ العَمَلِ ما تَرْضى. اللَّهُمَّ هَوِّنْ علَيْنا سفَرَنَا هذا وَاطْوِ عنَّا بُعْدَهُ ، اللَّهُمَّ أَنتَ الصَّاحِبُ في السَّفَرِ ، وَالخَلِيفَةُ في الأهْلِ. اللَّهُمَّ إِنِّي أَعُوذُ بِكَ مِنْ وعْثَاءِ السَّفَرِ ، وكآبةِ المنظَرِ ، وَسُوءِ المنْقلَبِ في المالِ والأهلِ وَالوَلدِ "


ننطلق باسم الله
بدنا نستغل الطريق في الحديث عن القلعة
عشان لما نوصل نكون عارفين عنها بعض المعلومات


هاد يا أحبابي قلعة صلاح الدين بسوريا هيّي بالأصل حصن
ومعروف إنو الحصن كانوا يبنوه زمان عشان يحمي المدينة أو المكان من هجوم الأعداء
وعادةً ما كانوا بيخبّوا فيه كل شيء من عتاد وأسلحة وأكل لازم للمقاومين
الحصن هاد تحوّل مع الزمن لقلعة ، وسموها قلعة صلاح الدين نسبة لقائدنا المغوار

هالقلعة بعيدة عن مدينة اللادقية 33 كلم
ومبنية فوق قمة صخرية ، هالشي بيعطيها شكل المثلث
يعني تخيّلوا معي صخرة كبيرة مبني فوقها قلعة
أنا مش حابة أفرجيكو صور هلاء ، خليها لما نوصل بتشوفو بنفسكو

على فكرة اللي بنوا القلعة اللي همّي الصليبيين
وهاد السبب إنو كان اسمها قلعة صهيون
في باديء الأمر نحتوا خندق داخل الصخرة ،
هاد المكان الأثري .. قلعة وصخرة وخندق في بعض عجب العلماء
وقالو عنه إنه أجمل نموذج لفن العمارة العسكرية




هاه
وهاي وصلنا
يلا كل واحد يفقّد غراضو ويحضّر حالو لننزل نشوف هالقلعة الأثرية
وما تنسو الكاميرات

[زِينةْ .!]

ههههههه ما اقواكي يا ريتـا

نايس نايس :|

[شهيد]

وما تنسو الكاميرات

اهم شيء

بالانتزار ..

[§عاشقة غزة§]

بلا كله جاهزولا يهمك
اكيد الجولة راح تكون ممتعة
بيكفي انه ريتا هي المرشد السياحي

[.. ريتّـــا ..]

هاي قلعتنا شوفو كيف شامخة

قلعتنا يا أصحابي مرّت بتغيرات وترميمات على مر العصور

العصر الحمدلني ما إلة أثر بالقلعة اليوم ،
بس مهم نعرف إنو سيف الدولة الحمداني استولى ع القلعة وعمل منها حصن من حصونه.


بعدين اجتاح سوريا البيزنطيين ، واحتلوا القلعة وضلّو فيها 120 سنة

بعد هيك احتلّ الفرنجيون سوريا واستولوا ع القلعة ،
واللي كان يميز موقعها بهالفترة إنها تقع على جبل شديد الوعورة ،
وأكيد هالشي كان مفيد عشان لما تصير هجومات من قبل الأعداء يكون
من الصعب عليهم يستولوا عليها
ولإنها كانت بعيدة عن موقع المواصلات كان موقعها مهم جداً أيام الحروب

ضلّو الفرنجيين في قلعة صهيون تقريباً 80 سنة حتى حررها صلاح الدين الأيوبي
كان صلاح الدين أيامها برحلة تحرير دول كتيرة من أيدي الصليبيين ،
فحرر أول شي مصر وفلسطين
بعدين اتجه لسوريا .. ودامت معكرة استيلائه ع القلعة شي يومين


بعد عهد صلاح الدين سُلّمت القلعة للماليك
اللي استلمها الظاهر بيبرس .. وبهالفترة هجم المغول
بعد تآمرات عدة بين الملك سنقر الأشقر
وبين باقي الدول ، ومن بينها صهيون
ولكنه تراجع بعدها وحمى القلعة من أيدي المغول
وكان " سيباي " آخر من حكم القلعة

بعدها احتل العثمانيين سوريا ،
وضلت قلعة صلاح الدين الأيوبي خالية ومهجورة بعد سقوط المماليك
حتى إنو نبتت فوقها وحوليها الأشجار والأشواك والاعشاب البرية ،
وضلت هيك حتى لفتت نظر
كتير من الرحالة الأجانب ،
فنبّهوا العالم إلها .. حتى شمخت وصارت من أهم الآثار السورية
وصارت تستقبل زوارها وترحب فيهم بكل جلالة وروعة الماضي ^_^

[.. ريتّـــا ..]

يلا ناخد صور للقلعة؟

















وبعد ما خلّصنا قولولي كيف كانت الرحلة؟
شو استفدنا من هالوقت الحلو مع بعض؟



يلا بنحكي وإحنا بالباص عشان نلحق نوصل البيت قبل معاد الإفطار ^^
قولو بسم الله واركبوا الباص





بس قبل ما نمشي بدنا نقول دعاء العودة من السفر
" آيِبونَ تَائِبونَ عَابِدُون لِرَبِّنَا حَامِدُونَ "


.


.


.


وهيّ وصلنا بيتنا شباب فلسطين من تاني
إن شاالله انبسطتوا واستفدتوا يا أصحابي؟

^_^

[.. ريتّـــا ..]

زينة وشهيد وعاشقة غزة
شكراً للمتابعة
بعتذر إنو يمكن المعلومات شوي مختصرة

بس ما حبيت أطولها لإنو في كتير أحداث وتواريخ معقدة
لو كتبتها سهل نسيانها ، فما حيكون منها فايدة

:)

[شهيد]

بعدها احتل العثمانيين سوريا ،

اممم !

متابع :)