يعنى ايه برم ؟؟

[~ | Mazaj]

ههههههههههههههههههه انتا قاعد عالسمع

[حسام المصرى]

المشاركة الأصلية كتبت بواسطة فجر الحياة ههههههههههههههههههه انتا قاعد عالسمع

هههههههههه
لهجتكم حلوة

الواحد بس كان عامل الموضوع هدا

مشان يفهم اشوى

[حسام المصرى]

امتى أستخدم


مو ..

وامتى أستخدم ما


يا جدعان

^^

[Arabian girl]

هههههههههههههههههه الموضوع رهيب !! قرأت العشر صفحات !

امتى أستخدم


مو ..

مو بمعنى "مش " يعني مكان ما بتستخدم مش بتستخدم مو
مثال : مش حلو >> مو حلو

وامتى أستخدم ما

ما بمعنى "لا" اللي بالفصحة غالبا
يعني ما بينفع >> لا ينفع

هيك تقريبا الجواب :p

بس الموضوع عن جد مش طبيعي أو "مو" طبيعي :p !

[حسام المصرى]

المشاركة الأصلية كتبت بواسطة Arabian girl هههههههههههههههههه الموضوع رهيب !! قرأت العشر صفحات !




مو بمعنى "مش " يعني مكان ما بتستخدم مش بتستخدم مو
مثال : مش حلو >> مو حلو

ما بمعنى "لا" اللي بالفصحة غالبا
يعني ما بينفع >> لا ينفع

هيك تقريبا الجواب :p

بس الموضوع عن جد مش طبيعي أو "مو" طبيعي :p !

فهمت عليكى ..

احنا بنقول فهمت منك ..


أنتا بتقولوا ..

عايزين نفرح فيك .. دى بقى عندنا يعنى كأنك بتتمنى لحد حاجة وحشة .. ^^

احنا بنقول نفرح بيك ..



الموضوع أنا بدأته ببرم ..

وما شاء الله

الناس ما يتوصوش .. ههههههههههه

بس ناس مشخصين ىخر حاجة

Ṝậ₥ắ ,Arabian girl معجبون بهذا

[برآءة عبد]

طحشة معناها كتييييير احنا بنستخدمها بطولكرم كتير .. يعني بنحكي مثلا انه انا جبت أشياء طحشااااات حلوة هههه

أما أول مرة بعرف أنها معناها تخينة ... وهاد غلط ^

طحشة بالفلاحي عنا معناها "كتير"

[برآءة عبد]

مصطلحات فلسطينية فلاحية ^^

انخم: اخرس

طلطميس= الرجل الذي لا يرسل ولا يستقبل يعني مـــيـــــــــــــــــــــــــح

خريط= واحد قاعد بكذب

هشيت= نفس المعني بس خرطه أقل

هلقيت= الاّن الاّن

بديش= لا أريد

اقبض ياخوي= خدلك هالعاهة

اخمع= اخبط= امزع= اسلخ= يعني بالعربي اعطي بس بدفاشة

مكحمش= فاطس= فاقع= فارط= مسخسخ= يعني شخ على حاله من كثر الضحك

هدي اللعب= انطز= اختصر= اهدى ولا بدعس في بطنك

شوال= دب= مش عارف الخمسة من الطمسة= شاهد ما شفش حاجة

خطي مطي= سري مري= رايح جاي

بربيش= خرطوم ميه

من قاع الدست= يعني قوية

زينقو= اسبست= حاجة بتنحط فوق سقف لدار للي معوش يصبها بطون, مثال الأغنية الشعبية "بس فوق الزينقو"

سداح= شخصية من وحي الخيال الفلسطيني وتشبه شخصية شمشوم الجبار

حشو= قصو= بمعن ى الغيبة والنميمة, طبعا على استعداد انه نعطي دروس بهيك أمور, احنا شعب دكاترة في هاي الشغلة

حبطرش= كثير

بنقلو طور بقول احلبوه= مش فاهم الطخة من اللخة

طرمبه= محطة بنزين

شوقع بوقع يارب يوقع= كلمات شيطانية تستخدم لجلب شوء الحظ

سكموني= شخص يحاول أن يصبح مودرن بس مش زابطة معه

حبيبي يا حاج= يعني دليل على المحبة

ولك غور= يعني انصرف= انقلع

طقع "بتمييز القاف"= يعني انسى غرامك فات

حركشة= حركات استفزازية للخصم في بداية كل طوشة

طشط= وعاء بلاستيكي للغسيل

[برآءة عبد]

بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

مخدة = وسادة

زرفيل = قفل الباب

امروك الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنكس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه
ونجك حالك = يعني زبط حالك

روق يا ضاوي = يعني وحد الله يا مجنون ههههههههههه

على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

المقصف = كافتيريا المدرسة

صف = فصل المدرسة

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية مثلجة = مياة مثلجة

ورا الدار = خلف البيت

قاع الدار = الجزء الامامي للدار

كزاز = زجاج

سيرج = زيت الذرة او زيت عباد الشمس

الكوجه = حصالة

قداحة = ولاعة

بربيج = خرطوم المياة

زمور = منبه السيارة

كوربة = التفاف الشارع .. تقاطع يعني

محششه معي = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

زحلق من وجهي = يعني ما بدي اشوف خلقتك

طنش = يعني بدون مسؤولية

افتح مخك وطقطق دنيك = ركز معي الله لايسيئك

ملزكلنه = واحد رامي حالو علينا

دتشانه = سوبر ماركت

نتخرف = ندردش مع بعض

ابو عمتي = ابن عمتي

ابو خالتي = ابن خالتي

ابو عمي = ابن عمي

ابو خالي = ابن خالي

قح = عالاخر

فرم الزلمه = طحنه = خلاه زي الطحينه

فغص في بطن الشاب = خبط في بطنه هلكه

متنح او مغلك = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

برتكان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط

الخوصة = السكين

شرشف = ملاية

جربان = شراب ( في الرجل بلبسوه )

احير او بحير =انظر او اطلع

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

بوزه = يعني ايس كريم هههههههه ( الدلع )

ريحة : يعني عطر

قصاصه = يعني مقص أظافر

هلكيت = هلأ = الان = هسا = الحين بالفلاحي

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخوي= اسلوب نداء للمذكر

بعكش = فتش = ابحث = دور

بسكليت = يعني دراجة

بتخوث= بمزح

ميس = معلمه =أبلة

عرسة= فأر كبير

[حسام المصرى]

يعنى ايش دفاشة دى ..ههههههههه

مصطلحات فظيعة يا جدعان ..

معقول كل هدا ..

نص الكلمات مستغربها ..

أدعس هادى شو بتعنى ؟؟

[حسام المصرى]

دى شوية برم امبارح ..

كنا بنحكى على الفيس على جروب مصرى

وقررنا نقلب شامى ..